Library·Divyāvadāna·124
श्रुत्वा च पुनः श्रावस्तीं पिण्डाय चरित्वा कृतभक्तकृत्याः पश्चाद्भक्तपिण्डपातप्रतिक्रान्ताः पात्रचीवरं प्रतिसामय्य पादौ प्रक्षाल्य येन भगवांस्तेनोपसंक्रान्ताः।
śrutvā ca punaḥ śrāvastīṃ piṇḍāya caritvā kṛtabhaktakṛtyāḥ paścādbhaktapiṇḍapātapratikrāntāḥ pātracīvaraṃ pratisāmayya pādau prakṣālya yena bhagavāṃstenopasaṃkrāntāḥ/
Sanskrit only: no published translation is held for this verse.
उपसंक्रम्य भगवतः पादौ शिरसा वन्दित्वा एकान्ते निषण्णाः।
upasaṃkramya bhagavataḥ pādau śirasā vanditvā ekānte niṣaṇṇāḥ/
Sanskrit only: no published translation is held for this verse.
एकान्तनिषण्णाः संबहुला भिक्षवो भगवन्तमिदमवोचन्--इह वयं भदन्त संबहुला भिक्षवः पूर्ववद् यावदनाथपिण्डदस्य गृहपतेर् निवेशने द्वौ शुकशावकौ--नमो बुद्धाय, नमो धर्माय, नमः संघायेति कुर्वाणौ बिडालेन प्राणिना जीविताद्व्यपरोपितौ इति।
ekāntaniṣaṇṇāḥ saṃbahulā bhikṣavo bhagavantamidamavocan--iha vayaṃ bhadanta saṃbahulā bhikṣavaḥ pūrvavad yāvadanāthapiṇḍadasya gṛhapater niveśane dvau śukaśāvakau--namo buddhāya, namo dharmāya, namaḥ saṃghāyeti kurvāṇau biḍālena prāṇinā jīvitādvyaparopitau iti/
Sanskrit only: no published translation is held for this verse.
तयोर्भदन्त का गतिः, कोपपत्तिः, को ऽभिसम्परायह्? भगवानाह--तौ भिक्षवः शुकशावकौ तस्य शरणगमनस्य विपाकेन षट्त्रिंशत्कृत्वश्चातुर्महाराजकायिकेषु देवेषूपपत्स्येते, षट्त्रिंशत्कृत्वस्त्रायस्त्रिंशेषु, यामेषु, तुषितेषु, निर्माणरतिषु, परनिर्मितवशवर्तिषु देवेषूपपस्त्येते।
tayorbhadanta kā gatiḥ, kopapattiḥ, ko 'bhisamparāyah? bhagavānāha--tau bhikṣavaḥ śukaśāvakau tasya śaraṇagamanasya vipākena ṣaṭtriṃśatkṛtvaścāturmahārājakāyikeṣu deveṣūpapatsyete, ṣaṭtriṃśatkṛtvastrāyastriṃśeṣu, yāmeṣu, tuṣiteṣu, nirmāṇaratiṣu, paranirmitavaśavartiṣu deveṣūpapastyete/
Sanskrit only: no published translation is held for this verse.
एवं हि भिक्षवो महाफलं धर्मश्रवणं महानुशंसकम्, कः पुनर्वादो धर्मदेशना धर्माभिसमयो वा।
evaṃ hi bhikṣavo mahāphalaṃ dharmaśravaṇaṃ mahānuśaṃsakam, kaḥ punarvādo dharmadeśanā dharmābhisamayo vā/
Sanskrit only: no published translation is held for this verse.
तस्मात्तर्हि भिक्षव एवं शिक्षितव्यम् यन्नो धर्मश्रवणाभिरता भविष्यामः।
tasmāttarhi bhikṣava evaṃ śikṣitavyam yanno dharmaśravaṇābhiratā bhaviṣyāmaḥ/
Sanskrit only: no published translation is held for this verse.
इत्येवं वो भिक्षवः शिक्षितव्यम्॥
ityevaṃ vo bhikṣavaḥ śikṣitavyam//
Sanskrit only: no published translation is held for this verse.
इदमवोचद्भगवान्। आतमनसस्ते भिक्षवो भगवतो भाषितमभ्यनन्दन्॥
idamavocadbhagavān/ ātamanasaste bhikṣavo bhagavato bhāṣitamabhyanandan//
Sanskrit only: no published translation is held for this verse.
इति श्रीदिव्यावदाने शुकपोतकावदानं षोडशम्॥
iti śrīdivyāvadāne śukapotakāvadānaṃ ṣoḍaśam//
Sanskrit only: no published translation is held for this verse.