<१२९>उपसंक्रम्य पुरस्ताद्भिक्षुसंघस्य प्रज्ञप्त एवासने न्यषीदत्। निषद्य भगवान् भिक्षूनामन्त्रयते स्म--अनित्या भिक्षवः सर्वसंस्कारा अध्रुवा अनाश्वासिका विपरिणामधर्माणो यावदलमेव भिक्षवः सर्वसंस्कारान् संस्करितुमलम्।
<129>upasaṃkramya purastādbhikṣusaṃghasya prajñapta evāsane nyaṣīdat/ niṣadya bhagavān bhikṣūnāmantrayate sma--anityā bhikṣavaḥ sarvasaṃskārā adhruvā anāśvāsikā vipariṇāmadharmāṇo yāvadalameva bhikṣavaḥ sarvasaṃskārān saṃskaritumalam/
Sanskrit only: no published translation is held for this verse.
विरमन्तु तस्मात् तर्हि भिक्षवः। एतर्हि वा मे ऽत्ययाद्ये ते धर्मा दृष्टधर्महिताय संवर्तन्ते दृष्टधर्मसुखाय, संपरायहिताय संपरायसुखाय, ते भिक्षुभिरुद्गृह्य पर्यवाप्य तथा तथा धारयितव्या वाचयितव्या ग्राहयितव्या यथैव तत्र ब्रह्मचर्यं विरस्थितिकं स्याद्बहुजन्यं पृथुभूतम् यावद्देवमनुष्येभ्यः सम्यक्सम्प्रकाशितम्।
viramantu tasmāt tarhi bhikṣavaḥ/ etarhi vā me 'tyayādye te dharmā dṛṣṭadharmahitāya saṃvartante dṛṣṭadharmasukhāya, saṃparāyahitāya saṃparāyasukhāya, te bhikṣubhirudgṛhya paryavāpya tathā tathā dhārayitavyā vācayitavyā grāhayitavyā yathaiva tatra brahmacaryaṃ virasthitikaṃ syādbahujanyaṃ pṛthubhūtam yāvaddevamanuṣyebhyaḥ samyaksamprakāśitam/
Sanskrit only: no published translation is held for this verse.
एतर्हि भिक्षवो धर्मा दृष्टधर्महिताय संवर्तन्ते दृष्टधर्मसुखाय, संपरायहिताय संपरायसुखाय, ये भिक्षुभिरुद्गृह्य पर्यवापय् तथा तथा धारयितव्या ग्राहयितव्या वाचयितव्या यथैतद्ब्रह्मचर्यं चिरस्थितिकं स्याद्बहुजन्यं पृथुभूतम् यावद्देवमनुष्येभ्यः सम्यक्सम्प्रकाशितम्।
etarhi bhikṣavo dharmā dṛṣṭadharmahitāya saṃvartante dṛṣṭadharmasukhāya, saṃparāyahitāya saṃparāyasukhāya, ye bhikṣubhirudgṛhya paryavāpay tathā tathā dhārayitavyā grāhayitavyā vācayitavyā yathaitadbrahmacaryaṃ cirasthitikaṃ syādbahujanyaṃ pṛthubhūtam yāvaddevamanuṣyebhyaḥ samyaksamprakāśitam/
Sanskrit only: no published translation is held for this verse.
यदुत चत्वारि स्मृत्युपस्थानानि, चत्वारि सम्यक्प्रहाणानि, चत्वार ऋद्धिपादाः, पञ्चेन्द्रियाणि, पञ्च बलानि, सप्त बोध्यङ्गानि, आर्याष्टाङ्गो मार्गः।
yaduta catvāri smṛtyupasthānāni, catvāri samyakprahāṇāni, catvāra ṛddhipādāḥ, pañcendriyāṇi, pañca balāni, sapta bodhyaṅgāni, āryāṣṭāṅgo mārgaḥ/
Sanskrit only: no published translation is held for this verse.
इमे ते भिक्षवो धर्मा दृष्टधर्महिताय संवर्तन्ते दृष्टधर्मसुखाय, संपरायहिताय संपरायसुखाय, भिक्षुभिरुद्गृह्य पर्यवाप्य तथा तथा धारयितव्या ग्राहयितव्या वाचयितव्या यथैतद्ब्रह्मचर्यं चिरस्थितिकं स्याद्बहुजन्यं पृथुभूतम् यावद्देवमनुष्येभ्यः सम्यक्सम्प्रकाशितम्।
ime te bhikṣavo dharmā dṛṣṭadharmahitāya saṃvartante dṛṣṭadharmasukhāya, saṃparāyahitāya saṃparāyasukhāya, bhikṣubhirudgṛhya paryavāpya tathā tathā dhārayitavyā grāhayitavyā vācayitavyā yathaitadbrahmacaryaṃ cirasthitikaṃ syādbahujanyaṃ pṛthubhūtam yāvaddevamanuṣyebhyaḥ samyaksamprakāśitam/
Sanskrit only: no published translation is held for this verse.
आगमय आनन्द येन कुशिग्रामकम्।
āgamaya ānanda yena kuśigrāmakam/
Sanskrit only: no published translation is held for this verse.
एवं भदन्तेत्यायुष्मानानन्दो भगवतः प्रत्यश्रौषीत्। भगवान् वैशालीवनमभिसरन् दक्षिणेन सर्वकायेन नागावलोकितेन व्यवलोकयति।
evaṃ bhadantetyāyuṣmānānando bhagavataḥ pratyaśrauṣīt/ bhagavān vaiśālīvanamabhisaran dakṣiṇena sarvakāyena nāgāvalokitena vyavalokayati/
Sanskrit only: no published translation is held for this verse.
अथायुष्मानानन्दो भगवन्तमिदमवोचत्--नाहेत्वप्रत्ययं भदन्त तथागता अर्हन्तः सम्यक्सम्बुद्धा दक्षिणेन नागावलोकितमवलोकयन्ति।
athāyuṣmānānando bhagavantamidamavocat--nāhetvapratyayaṃ bhadanta tathāgatā arhantaḥ samyaksambuddhā dakṣiṇena nāgāvalokitamavalokayanti/
Sanskrit only: no published translation is held for this verse.
को भदन्त हेतुः, कः प्रत्ययो नागावलोकितस्य? एवमेतदानन्द, एवमेतत्।
ko bhadanta hetuḥ, kaḥ pratyayo nāgāvalokitasya? evametadānanda, evametat/
Sanskrit only: no published translation is held for this verse.
नाहेत्वप्रत्ययं तथागता अर्हन्तः सम्यक्सम्बुद्धा दक्षिणेन सर्वकायेन नागावलोकितेन व्यवलोकयन्ति।
nāhetvapratyayaṃ tathāgatā arhantaḥ samyaksambuddhā dakṣiṇena sarvakāyena nāgāvalokitena vyavalokayanti/
Sanskrit only: no published translation is held for this verse.
इदमानन्द तथागतस्यापश्चिमं वैशालीदर्शनम्। न भूय आनन्द तथागतो वैशालीमागमिष्यति।
idamānanda tathāgatasyāpaścimaṃ vaiśālīdarśanam/ na bhūya ānanda tathāgato vaiśālīmāgamiṣyati/
Sanskrit only: no published translation is held for this verse.
परिनिर्वाणाय गमिष्यति मल्लानामुपवर्तनम् यमकशालवनम्।
parinirvāṇāya gamiṣyati mallānāmupavartanam yamakaśālavanam/
Sanskrit only: no published translation is held for this verse.
अथान्यतरो भिक्षुस्तस्यां वेलायां गाथां भाषते--
athānyataro bhikṣustasyāṃ velāyāṃ gāthāṃ bhāṣate--
Sanskrit only: no published translation is held for this verse.
इदमपश्चिमकं नाथ वैशाल्यास्तव दर्शनम्।
idamapaścimakaṃ nātha vaiśālyāstava darśanam/
Sanskrit only: no published translation is held for this verse.
न भूयः सुगतो बुद्धो वैशालीमागमिष्यति॥२॥
na bhūyaḥ sugato buddho vaiśālīmāgamiṣyati//2//
Sanskrit only: no published translation is held for this verse.
निर्वाणाय गमिष्यति मल्लानामुपवर्तनम् यमकशालवनम्। यदा ह भगवता वाग् भाषिता इदमपश्चिमकं वैशाल्या दर्शनम्, तदा अनेकाभिर्वैशालीवननिवासिनीभिर्देवतैरश्रुपातः कृतः।
nirvāṇāya gamiṣyati mallānāmupavartanam yamakaśālavanam/ yadā ha bhagavatā vāg bhāṣitā idamapaścimakaṃ vaiśālyā darśanam, tadā anekābhirvaiśālīvananivāsinībhirdevatairaśrupātaḥ kṛtaḥ/
Sanskrit only: no published translation is held for this verse.
स्थविरानन्दः कथयति--न भगवन्नमेघेनैव वर्षासु प्रवृष्टह्? भगवानाह--वैशालिवननिवासिनीभिर्दैवतैर्मम वियोगादश्रुपातः कृतः।
sthavirānandaḥ kathayati--na bhagavannameghenaiva varṣāsu pravṛṣṭah? bhagavānāha--vaiśālivananivāsinībhirdaivatairmama viyogādaśrupātaḥ kṛtaḥ/
Sanskrit only: no published translation is held for this verse.
ता अपि देवता(?) वैशाल्यां शब्दो निश्चारितह्--भगवान् परिनिर्वाणाय गच्छति, न भूयो भगवान् वैशालीमागमिष्यति।
tā api devatā(?) vaiśālyāṃ śabdo niścāritah--bhagavān parinirvāṇāya gacchati, na bhūyo bhagavān vaiśālīmāgamiṣyati/
Sanskrit only: no published translation is held for this verse.
देवतानां शब्दं श्रुत्वा अनेकानि वैशालिकानि प्राणिशतसहस्राणि भगवत्सकाशमुपसंक्रान्तानि।
devatānāṃ śabdaṃ śrutvā anekāni vaiśālikāni prāṇiśatasahasrāṇi bhagavatsakāśamupasaṃkrāntāni/
Sanskrit only: no published translation is held for this verse.
भगवता तेषामाशयानुशयं धातुं प्रकृतिं च ज्ञात्वा एवंविधा धर्मदेशना कृता, यथा अनेकैः प्राणिशतसहस्रैः शरणगमनशिक्षापदानि गृहीतानि।
bhagavatā teṣāmāśayānuśayaṃ dhātuṃ prakṛtiṃ ca jñātvā evaṃvidhā dharmadeśanā kṛtā, yathā anekaiḥ prāṇiśatasahasraiḥ śaraṇagamanaśikṣāpadāni gṛhītāni/
Sanskrit only: no published translation is held for this verse.
कैश्चिच्छ्रोतापत्तिफलं कैश्चित् सकृदागमिफलं कैश्चिदनागामिफलं प्राप्तम्।
kaiścicchrotāpattiphalaṃ kaiścit sakṛdāgamiphalaṃ kaiścidanāgāmiphalaṃ prāptam/
Sanskrit only: no published translation is held for this verse.
कैश्चित् प्रव्रजित्वा अर्हत्त्वं प्राप्तम्। कैश्चिच्छ्रावकबोधौ<१३०> चित्तमुत्पादितम्।
kaiścit pravrajitvā arhattvaṃ prāptam/ kaiścicchrāvakabodhau<130> cittamutpāditam/
Sanskrit only: no published translation is held for this verse.