संघमेलकस् तत्र कालो भविष्यति प्रश्नस्य व्याकरणाय।
saṃghamelakas tatra kālo bhaviṣyati praśnasya vyākaraṇāya/
Sanskrit only: no published translation is held for this verse.
Divyāvadāna 13
अथ भगवान् काल्यमेवोत्थाय पुरस्ताद्भिक्षुसंघस्य प्रज्ञप्त एवासने निषण्णः।
atha bhagavān kālyamevotthāya purastādbhikṣusaṃghasya prajñapta evāsane niṣaṇṇaḥ/
Sanskrit only: no published translation is held for this verse.
अथायुष्माञ्च्छ्रोणः कोटिकर्णो येन भगवांस्तेनोपसंक्रम्य भगवतः पादौ शिरसा वन्दित्वैकान्ते ऽस्थात्।
athāyuṣmāñcchroṇaḥ koṭikarṇo yena bhagavāṃstenopasaṃkramya bhagavataḥ pādau śirasā vanditvaikānte 'sthāt/
Sanskrit only: no published translation is held for this verse.
एकान्तस्थितो भगवन्तमिदमवोचत्--अस्मात् परान्तकेषु जनपदेषु वासवग्रामके भदन्तमहाकायायनः प्रतिवसति, यो मे उपाध्यायः।
ekāntasthito bhagavantamidamavocat--asmāt parāntakeṣu janapadeṣu vāsavagrāmake bhadantamahākāyāyanaḥ prativasati, yo me upādhyāyaḥ/
Sanskrit only: no published translation is held for this verse.
स भगवतः पादौ शिरसा वन्दते अल्पाबाधतां च पृच्छति यावत् स्पर्शविहारतां च।
sa bhagavataḥ pādau śirasā vandate alpābādhatāṃ ca pṛcchati yāvat sparśavihāratāṃ ca/
Sanskrit only: no published translation is held for this verse.
पञ्च च प्रश्नाति विस्तरेणोच्चारयितव्यानि यथापूर्वमुक्तानि यावत् कस्य नैःसर्गिकानि।
pañca ca praśnāti vistareṇoccārayitavyāni yathāpūrvamuktāni yāvat kasya naiḥsargikāni/
Sanskrit only: no published translation is held for this verse.
भगवानाह--तस्मादनुजानामि।
bhagavānāha--tasmādanujānāmi/
Sanskrit only: no published translation is held for this verse.
प्रत्यन्तिमेषु जनपदेषु विनयधरपञ्चमेनोपसम्पदा, सदा स्नातः, एकपलाशिके उपानहे धारयितव्ये न द्विपुटां न त्रिपुटाम्।
pratyantimeṣu janapadeṣu vinayadharapañcamenopasampadā, sadā snātaḥ, ekapalāśike upānahe dhārayitavye na dvipuṭāṃ na tripuṭām/
Sanskrit only: no published translation is held for this verse.
सा चेत् क्षयधर्मिणी भवति, तां त्यक्त्वा पुनर् नवा ग्रहीतव्या।
sā cet kṣayadharmiṇī bhavati, tāṃ tyaktvā punar navā grahītavyā/
Sanskrit only: no published translation is held for this verse.
भिक्षुर्भिक्षोश्चीवरकानि प्रेषयति इतश्च्युतानि तत्रासम्प्राप्तानि न कस्यचिन्नैःसर्गिकाणि।
bhikṣurbhikṣoścīvarakāni preṣayati itaścyutāni tatrāsamprāptāni na kasyacinnaiḥsargikāṇi/
Sanskrit only: no published translation is held for this verse.
आयुष्मान् उपाली बुद्धं भगवन्तं पृच्छति--यदुक्तं भदन्त भगवता प्रत्यन्तिमेषु जनपदेषु विनयधरपञ्चमेनोपसम्पदम्, तत्र कतमो ऽन्तः कतमः प्रत्यन्तह्? पूर्वेणोपालि पुण्डवर्धनं नाम नगरम्, तस्य पूर्वेण पुण्डकक्षो नाम पर्वतः, ततः परेण प्रत्यन्तः।
āyuṣmān upālī buddhaṃ bhagavantaṃ pṛcchati--yaduktaṃ bhadanta bhagavatā pratyantimeṣu janapadeṣu vinayadharapañcamenopasampadam, tatra katamo 'ntaḥ katamaḥ pratyantah? pūrveṇopāli puṇḍavardhanaṃ nāma nagaram, tasya pūrveṇa puṇḍakakṣo nāma parvataḥ, tataḥ pareṇa pratyantaḥ/
Sanskrit only: no published translation is held for this verse.
दक्षिणेन शरावती नाम नगरी, तस्याः परेण सरावती नाम नदी, सो ऽन्तः, ततः परेण प्रत्यन्तः।
dakṣiṇena śarāvatī nāma nagarī, tasyāḥ pareṇa sarāvatī nāma nadī, so 'ntaḥ, tataḥ pareṇa pratyantaḥ/
Sanskrit only: no published translation is held for this verse.
पश्चिमेन स्थूणोपस्थूणकौ ब्रामणग्रामकौ, सो ऽन्तः, ततः परेण प्रत्यन्तः। उत्तरेण उशीरगिरिः सो ऽन्तः, ततः परेण प्रत्यन्तः॥
paścimena sthūṇopasthūṇakau brāmaṇagrāmakau, so 'ntaḥ, tataḥ pareṇa pratyantaḥ/ uttareṇa uśīragiriḥ so 'ntaḥ, tataḥ pareṇa pratyantaḥ//
Sanskrit only: no published translation is held for this verse.
किं भदन्त आयुष्मता श्रोणेन कोटिकर्णेन कर्म कृतमिति विस्तरः। भगवानाह--भूतपूर्वम् यावत् काश्यपो नाम तथागतो ऽर्हन् सम्यक्सम्बुद्धो भगवाञ् शास्ता लोक उत्पन्नः।
kiṃ bhadanta āyuṣmatā śroṇena koṭikarṇena karma kṛtamiti vistaraḥ/ bhagavānāha--bhūtapūrvam yāvat kāśyapo nāma tathāgato 'rhan samyaksambuddho bhagavāñ śāstā loka utpannaḥ/
Sanskrit only: no published translation is held for this verse.
तेन खलु समयेन वाराणस्यां द्वौ जायापतिकौ। ताभ्यां काश्यपस्य सम्यक्सम्बुद्धस्यान्तिके शरणगमनशिक्षापदानि उद्गृहीतानि।
tena khalu samayena vārāṇasyāṃ dvau jāyāpatikau/ tābhyāṃ kāśyapasya samyaksambuddhasyāntike śaraṇagamanaśikṣāpadāni udgṛhītāni/
Sanskrit only: no published translation is held for this verse.
यदा काश्यपः सम्यक्सम्बुद्धः सकलं बुद्धकार्यं कृत्वा निरुपधिशेषु निर्वाणधातौ परिनिर्वृतः, तस्य राज्ञा कृकिना चतूरत्नमयं चैत्यं कारितं समन्ताद्योजनमुच्चत्वेन।
yadā kāśyapaḥ samyaksambuddhaḥ sakalaṃ buddhakāryaṃ kṛtvā nirupadhiśeṣu nirvāṇadhātau parinirvṛtaḥ, tasya rājñā kṛkinā catūratnamayaṃ caityaṃ kāritaṃ samantādyojanamuccatvena/
Sanskrit only: no published translation is held for this verse.
तेन तत्र खण्डस्फुटप्रतिसंस्करणाय ये पूर्वनगरद्वारे करप्रत्याया उत्तिष्ठन्ते, ते तस्मिन् स्तूपे ऽनुप्रदत्ताः।
tena tatra khaṇḍasphuṭapratisaṃskaraṇāya ye pūrvanagaradvāre karapratyāyā uttiṣṭhante, te tasmin stūpe 'nupradattāḥ/
Sanskrit only: no published translation is held for this verse.
यदा कृकी राजा कालगतः, तस्य पुत्रः सुजातो नांना स राज्ये प्रतिष्ठापितः।
yadā kṛkī rājā kālagataḥ, tasya putraḥ sujāto nāṃnā sa rājye pratiṣṭhāpitaḥ/
Sanskrit only: no published translation is held for this verse.
तस्यामात्यैः स्तोकाः करप्रत्याया उपनामिताः।
tasyāmātyaiḥ stokāḥ karapratyāyā upanāmitāḥ/
Sanskrit only: no published translation is held for this verse.
सो ऽमात्यानामन्त्रयते--किंकारणमस्माकं भवद्भिः स्तोककरप्रत्याया उपनामिताह्? किमस्माकं विजिते करप्रत्याया नोत्तिष्ठन्ते? ते कथयन्ति--देव, कुतः करप्रत्याया प्रज्ञापिताः।
so 'mātyānāmantrayate--kiṃkāraṇamasmākaṃ bhavadbhiḥ stokakarapratyāyā upanāmitāh? kimasmākaṃ vijite karapratyāyā nottiṣṭhante? te kathayanti--deva, kutaḥ karapratyāyā prajñāpitāḥ/
Sanskrit only: no published translation is held for this verse.
यदि देवो ऽनुजानीयात्, ते वयं तान् करप्रत्यायान् समुच्छिन्दामः। स कथयति--भवन्तः, यन्मम पित्रा कृतम्, देवकृतं न तु ब्रह्मकृतं तत्।
yadi devo 'nujānīyāt, te vayaṃ tān karapratyāyān samucchindāmaḥ/ sa kathayati--bhavantaḥ, yanmama pitrā kṛtam, devakṛtaṃ na tu brahmakṛtaṃ tat/
Sanskrit only: no published translation is held for this verse.
ते संलक्षयन्ति--यदि देवो ऽनुजानीते, वयं तथा करिष्यामो यथा स्वयमेव ते करप्रत्याया नोत्थास्यन्ति।
te saṃlakṣayanti--yadi devo 'nujānīte, vayaṃ tathā kariṣyāmo yathā svayameva te karapratyāyā notthāsyanti/
Sanskrit only: no published translation is held for this verse.
तैः स द्वारे बद्ध्वा स्थापितः।
taiḥ sa dvāre baddhvā sthāpitaḥ/
Sanskrit only: no published translation is held for this verse.
न भूयः करप्रत्याया उत्थिष्ठन्ते। तस्मिन् स्तूपे चटितकानि प्रादुर्भूतानि।
na bhūyaḥ karapratyāyā utthiṣṭhante/ tasmin stūpe caṭitakāni prādurbhūtāni/
Sanskrit only: no published translation is held for this verse.
तौ जायापती वृद्धीभूतौ तत्रैव स्तूपे परिकर्म कुर्वाणौ तिष्ठतः। उत्तरापथात् सार्थवाहह् <१४>पण्यमादाय वाराणसीमनुप्राप्तः।
tau jāyāpatī vṛddhībhūtau tatraiva stūpe parikarma kurvāṇau tiṣṭhataḥ/ uttarāpathāt sārthavāhah <14>paṇyamādāya vārāṇasīmanuprāptaḥ/
Sanskrit only: no published translation is held for this verse.