Library·Divyāvadāna·130
कैश्चित् प्रत्येकायां बोधौ चित्तमुत्पादितम्। कैश्चिदनुत्तरायां सम्यक्सम्बोधौ चित्तमुत्पादितम्।
kaiścit pratyekāyāṃ bodhau cittamutpāditam/ kaiścidanuttarāyāṃ samyaksambodhau cittamutpāditam/
Sanskrit only: no published translation is held for this verse.
कैश्चिच्छरणगमनशिक्षापदानि गृहीतानि। यद्भूयसा सा पर्षद्बुद्धनिंना धर्मप्रवणा संघप्राग्भारा व्यवस्थिता।
kaiściccharaṇagamanaśikṣāpadāni gṛhītāni/ yadbhūyasā sā parṣadbuddhaniṃnā dharmapravaṇā saṃghaprāgbhārā vyavasthitā/
Sanskrit only: no published translation is held for this verse.
स्थविरानन्दः कृताञ्जलिपुटो भगवन्तमिदमवोचत्--पश्य भदन्त यावत् त्वम्।
sthavirānandaḥ kṛtāñjalipuṭo bhagavantamidamavocat--paśya bhadanta yāvat tvam/
Sanskrit only: no published translation is held for this verse.
भगवता परिनिर्वाणाय प्रस्थितेनानेकानि देवताशतसहस्राणि सत्येषु प्रतिष्ठापितानि।
bhagavatā parinirvāṇāya prasthitenānekāni devatāśatasahasrāṇi satyeṣu pratiṣṭhāpitāni/
Sanskrit only: no published translation is held for this verse.
अनेकाभ्यः पर्वतकन्दरगिरिगुहाभ्यो ऽनेकानि ऋषिशतसहस्राण्यागतानि।
anekābhyaḥ parvatakandaragiriguhābhyo 'nekāni ṛṣiśatasahasrāṇyāgatāni/
Sanskrit only: no published translation is held for this verse.
भगवता एते भिक्षवः प्रव्रजिताः। तैर्युज्यद्भिर्घटद्भिर्व्यायच्छमानैः सर्वक्लेशप्रहाणादर्हत्त्वं साक्षात्कृतम्।
bhagavatā ete bhikṣavaḥ pravrajitāḥ/ tairyujyadbhirghaṭadbhirvyāyacchamānaiḥ sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
अनेकैर्देवनागयक्षगन्धर्वकिन्नरमहोरगैः शरणगमनशिक्षापदानि गृहीतानि।
anekairdevanāgayakṣagandharvakinnaramahoragaiḥ śaraṇagamanaśikṣāpadāni gṛhītāni/
Sanskrit only: no published translation is held for this verse.
अनेकानि वैशालकानि प्राणिशतसहस्राणि स्रोताअपत्तिफले प्रतिष्ठापितानि।
anekāni vaiśālakāni prāṇiśatasahasrāṇi srotāapattiphale pratiṣṭhāpitāni/
Sanskrit only: no published translation is held for this verse.
केचित् सकृदागमिफले, केचिदनागामिफले, केचित् प्रव्राजितः।
kecit sakṛdāgamiphale, kecidanāgāmiphale, kecit pravrājitaḥ/
Sanskrit only: no published translation is held for this verse.
प्रव्रजित्वा अर्हत्त्वं प्राप्तम्। केचिच्छरणगमनशिक्षापदेषु प्रतिष्ठापिताः। अत्र आनन्द किमाश्चर्यं मया एतर्हि सर्वज्ञेन सर्वाकारज्ञेनानुत्तरज्ञानज्ञेयवशिप्राप्तेन अस्ततृष्णेन निरुपादानेन सर्वाहंकारममकारास्मिमानाभिनिवेशानुशयप्रहीणेन एवंविधं वैनेयकार्यं कृतम्।
pravrajitvā arhattvaṃ prāptam/ keciccharaṇagamanaśikṣāpadeṣu pratiṣṭhāpitāḥ/ atra ānanda kimāścaryaṃ mayā etarhi sarvajñena sarvākārajñenānuttarajñānajñeyavaśiprāptena astatṛṣṇena nirupādānena sarvāhaṃkāramamakārāsmimānābhiniveśānuśayaprahīṇena evaṃvidhaṃ vaineyakāryaṃ kṛtam/
Sanskrit only: no published translation is held for this verse.
यन्मया अतीते ऽप्यध्वनि सरागेण सद्वेषेण समोहेनापरिमुक्तेन जातिजराव्याधिमरणशोकपरिदेवदुःखदौर्मनस्योपायासधर्मेण यन्मया मरणान्तिकया वेदनया स्पृष्टेन एवंविधा परिकर्मकथा कृता, यदनेकानि प्राणिशतसहस्राणि गृहाश्रममपहाय, ऋषयः प्रव्रजित्वा चत्वारो ब्रह्मविहारान् भावयित्वा कल्पवृन्दं प्रहाय तद्बहुलविहारिणो ब्रह्मलोकसभागतायामुपपन्नाः।
yanmayā atīte 'pyadhvani sarāgeṇa sadveṣeṇa samohenāparimuktena jātijarāvyādhimaraṇaśokaparidevaduḥkhadaurmanasyopāyāsadharmeṇa yanmayā maraṇāntikayā vedanayā spṛṣṭena evaṃvidhā parikarmakathā kṛtā, yadanekāni prāṇiśatasahasrāṇi gṛhāśramamapahāya, ṛṣayaḥ pravrajitvā catvāro brahmavihārān bhāvayitvā kalpavṛndaṃ prahāya tadbahulavihāriṇo brahmalokasabhāgatāyāmupapannāḥ/
Sanskrit only: no published translation is held for this verse.
तच्छ्रुणु--
tacchruṇu--
Sanskrit only: no published translation is held for this verse.
भूतपूर्वमानन्द उपोषधो नाम राजा बभूव। उपोषधस्य राज्ञो मूर्ध्नि पिट्टको जातो मृदुः सुमृदुः, तद्यथा तूलपिचुर्वा कर्पासपिचुर्वा।
bhūtapūrvamānanda upoṣadho nāma rājā babhūva/ upoṣadhasya rājño mūrdhni piṭṭako jāto mṛduḥ sumṛduḥ, tadyathā tūlapicurvā karpāsapicurvā/
Sanskrit only: no published translation is held for this verse.
न कंचिदाबाधं जनयति। पक्वः स्फुटितः।
na kaṃcidābādhaṃ janayati/ pakvaḥ sphuṭitaḥ/
Sanskrit only: no published translation is held for this verse.
कुमारो जातो ऽभिरूपो दर्शनीयः प्रासादिको द्वात्रिंशन्महापुरुषलक्षणैः समन्वागतः। उपोषधस्य राज्ञः षष्टिस्त्रीसहस्राणि।
kumāro jāto 'bhirūpo darśanīyaḥ prāsādiko dvātriṃśanmahāpuruṣalakṣaṇaiḥ samanvāgataḥ/ upoṣadhasya rājñaḥ ṣaṣṭistrīsahasrāṇi/
Sanskrit only: no published translation is held for this verse.
सर्वासां स्तनाः प्रसृताः। एकैका कथयति--मां धय मां धय। मूर्धतो जातो मूर्धात इति संज्ञा संवृत्ता।
sarvāsāṃ stanāḥ prasṛtāḥ/ ekaikā kathayati--māṃ dhaya māṃ dhaya/ mūrdhato jāto mūrdhāta iti saṃjñā saṃvṛttā/
Sanskrit only: no published translation is held for this verse.
मां धय मां धय मान्धात इति संज्ञा संवृत्ता। अन्ये कथयन्ति--केचिन्माधात इति संजानीते।
māṃ dhaya māṃ dhaya māndhāta iti saṃjñā saṃvṛttā/ anye kathayanti--kecinmādhāta iti saṃjānīte/
Sanskrit only: no published translation is held for this verse.
मान्धातस्य कुमारस्य कुमारक्रीडायां क्रीडतः षट् चक्राश्च्युताः।
māndhātasya kumārasya kumārakrīḍāyāṃ krīḍataḥ ṣaṭ cakrāścyutāḥ/
Sanskrit only: no published translation is held for this verse.
यौवराज्ये प्रतिष्ठितस्य षट् चक्राश्च्युताः। मान्धाता जनपदान् गतः। जनपदान् गतस्य पिता ग्लानीभूतः।
yauvarājye pratiṣṭhitasya ṣaṭ cakrāścyutāḥ/ māndhātā janapadān gataḥ/ janapadān gatasya pitā glānībhūtaḥ/
Sanskrit only: no published translation is held for this verse.
स मूलपत्रगण्डपुष्पभैषज्यैरुपस्थीयमानो हीयत एव। ततस्तैरमात्यैः संदेशो विसर्जितह्--पिता ते ग्लानीभूतः।
sa mūlapatragaṇḍapuṣpabhaiṣajyairupasthīyamāno hīyata eva/ tatastairamātyaiḥ saṃdeśo visarjitah--pitā te glānībhūtaḥ/
Sanskrit only: no published translation is held for this verse.
आगच्छतु। देवराज्यं प्रतीच्छ। तस्यानागच्छतस् तस्यानागच्छतः पिता कालगतः।
āgacchatu/ devarājyaṃ pratīccha/ tasyānāgacchatas tasyānāgacchataḥ pitā kālagataḥ/
Sanskrit only: no published translation is held for this verse.
तैरमात्यैः पुनः संदेशो विसर्जितह्--पिता ते कालधर्मणा सम्युक्तः। आगच्छ, देवराज्यं प्रतीच्छस्व।
tairamātyaiḥ punaḥ saṃdeśo visarjitah--pitā te kāladharmaṇā samyuktaḥ/ āgaccha, devarājyaṃ pratīcchasva/
Sanskrit only: no published translation is held for this verse.
ततो ऽसौ संलक्षयति--यदि मम पिता कालगतः, किं भूयो ऽहं गच्छामीति? ततो भूयः संदेशो ऽभ्यागतः।
tato 'sau saṃlakṣayati--yadi mama pitā kālagataḥ, kiṃ bhūyo 'haṃ gacchāmīti? tato bhūyaḥ saṃdeśo 'bhyāgataḥ/
Sanskrit only: no published translation is held for this verse.
आगच्छ, देवराज्यं प्रतीच्छ। स कथयति--यदि मम धर्मेण राज्यं प्राप्स्यते, इहैव राज्याभिषेक आगच्छतु।
āgaccha, devarājyaṃ pratīccha/ sa kathayati--yadi mama dharmeṇa rājyaṃ prāpsyate, ihaiva rājyābhiṣeka āgacchatu/
Sanskrit only: no published translation is held for this verse.
ततस्ते अमात्यैः कथयन्ति--रत्नशिलया देव प्रयोजनं भवति।
tataste amātyaiḥ kathayanti--ratnaśilayā deva prayojanaṃ bhavati/
Sanskrit only: no published translation is held for this verse.
तस्य च दिवौकसो नाम यक्षः पुरोजवः। तेन रत्नशिला आनीता।
tasya ca divaukaso nāma yakṣaḥ purojavaḥ/ tena ratnaśilā ānītā/
Sanskrit only: no published translation is held for this verse.
यदा रत्नशिला आनीता, ततस्ते अमात्या भूयः कथयन्ति--देव श्रीपर्यङ्केनात्र प्रयोजनं भवति।
yadā ratnaśilā ānītā, tataste amātyā bhūyaḥ kathayanti--deva śrīparyaṅkenātra prayojanaṃ bhavati/
Sanskrit only: no published translation is held for this verse.
ततस्तेनैव दिवौकसेन श्रीपर्यङ्क आनीतः। ततस्ते अमात्या भूयः कथयन्ति--<१३१>देवाधिष्ठानमध्ये ऽभिषेकः क्रियते।
tatastenaiva divaukasena śrīparyaṅka ānītaḥ/ tataste amātyā bhūyaḥ kathayanti--<131>devādhiṣṭhānamadhye 'bhiṣekaḥ kriyate/
Sanskrit only: no published translation is held for this verse.