Divyāvadāna 132

स च राजा जनपदान् पृच्छति। कस्यैतानि पुण्यानि? ते कथयन्ति--देवस्य चास्माकं च।

sa ca rājā janapadān pṛcchati/ kasyaitāni puṇyāni? te kathayanti--devasya cāsmākaṃ ca/

Sanskrit only: no published translation is held for this verse.

पश्चात् तेन जनेन तत्कर्पासं कर्तितुमारब्धम्।

paścāt tena janena tatkarpāsaṃ kartitumārabdham/

Sanskrit only: no published translation is held for this verse.

स राजा कथयति--किमेते मनुष्याः कर्वन्ति? तैरमात्यैरभिहितम्--देव सूत्रेण प्रयोजनम्।

sa rājā kathayati--kimete manuṣyāḥ karvanti? tairamātyairabhihitam--deva sūtreṇa prayojanam/

Sanskrit only: no published translation is held for this verse.

ततो राज्ञा अभिहितम्--मम राज्ये मनुष्याः कर्तिष्यन्ति? सूत्रमेव देवो वर्षतु। सहचित्तोत्पादादेव राज्ञो मान्धातस्य सूत्रमेव देवो वृष्टः।

tato rājñā abhihitam--mama rājye manuṣyāḥ kartiṣyanti? sūtrameva devo varṣatu/ sahacittotpādādeva rājño māndhātasya sūtrameva devo vṛṣṭaḥ/

Sanskrit only: no published translation is held for this verse.

स च राजा कथयति--कस्यैतानि पुण्यानि? यतस्ते कथयन्ति--देवस्य चास्माकं च।

sa ca rājā kathayati--kasyaitāni puṇyāni? yataste kathayanti--devasya cāsmākaṃ ca/

Sanskrit only: no published translation is held for this verse.

यतस्तैरनुपूर्वेण वस्त्राण्यारब्धानि वापयितुम्। स राजा कथयति--किमेते मनुष्याः कुर्वन्ति? तैरमात्यैरभिहितम्--देव, वस्त्राणि वापयन्ति, वस्त्रैः प्रयोजनम्।

yatastairanupūrveṇa vastrāṇyārabdhāni vāpayitum/ sa rājā kathayati--kimete manuṣyāḥ kurvanti? tairamātyairabhihitam--deva, vastrāṇi vāpayanti, vastraiḥ prayojanam/

Sanskrit only: no published translation is held for this verse.

यतो राजा संलक्षयति--मम राज्ये मनुष्या वस्त्राणि वापयिष्यन्ते? वस्त्राण्येव देवो वर्षतु।

yato rājā saṃlakṣayati--mama rājye manuṣyā vastrāṇi vāpayiṣyante? vastrāṇyeva devo varṣatu/

Sanskrit only: no published translation is held for this verse.

सहचित्तोत्पादादेव राज्ञो मान्धातस्य वस्त्राण्येव देवो वृष्टः। स राजा कथयति--कस्यैतानि पुण्यानि? ते कथयन्ति--देवस्य चास्माकं च।

sahacittotpādādeva rājño māndhātasya vastrāṇyeva devo vṛṣṭaḥ/ sa rājā kathayati--kasyaitāni puṇyāni? te kathayanti--devasya cāsmākaṃ ca/

Sanskrit only: no published translation is held for this verse.

यतः स राजा संलक्षयति--मनुष्या मम पुण्यानां प्रभावं न जानन्ति।

yataḥ sa rājā saṃlakṣayati--manuṣyā mama puṇyānāṃ prabhāvaṃ na jānanti/

Sanskrit only: no published translation is held for this verse.

अथ राज्ञो मान्धातस्यैतदभवत्। अस्ति मे जम्बुद्वीप ऋद्धश्च स्फीतश्च क्षेमश्च सुभिक्षश्च आकीर्णबहुजनमनुष्यश्च।

atha rājño māndhātasyaitadabhavat/ asti me jambudvīpa ṛddhaśca sphītaśca kṣemaśca subhikṣaśca ākīrṇabahujanamanuṣyaśca/

Sanskrit only: no published translation is held for this verse.

सन्ति मे सप्त रत्नानि, तद्यथा चक्ररत्नं हस्तिरत्नमश्वरत्नं मणिरत्नं गृहपतिरत्नं स्त्रीरत्नं परिणायकरत्नमेव सप्तमम्।

santi me sapta ratnāni, tadyathā cakraratnaṃ hastiratnamaśvaratnaṃ maṇiratnaṃ gṛhapatiratnaṃ strīratnaṃ pariṇāyakaratnameva saptamam/

Sanskrit only: no published translation is held for this verse.

पूर्णं च मे सहस्रं पुत्राणां शूराणां वीराणां वराङ्गरूपिणां परसैन्यप्रमर्दकानाम्।

pūrṇaṃ ca me sahasraṃ putrāṇāṃ śūrāṇāṃ vīrāṇāṃ varāṅgarūpiṇāṃ parasainyapramardakānām/

Sanskrit only: no published translation is held for this verse.

अहो बत मे ऽन्तःपुरे सप्ताहं हिरण्यवर्षं पतेत्, एककार्षापणो ऽपि बहिर् न निपतेत्। सहचित्तोत्पादादेव राज्ञो मान्धातस्यान्तःपुरे सप्ताहं हिरण्यवर्षं वृष्टम्।

aho bata me 'ntaḥpure saptāhaṃ hiraṇyavarṣaṃ patet, ekakārṣāpaṇo 'pi bahir na nipatet/ sahacittotpādādeva rājño māndhātasyāntaḥpure saptāhaṃ hiraṇyavarṣaṃ vṛṣṭam/

Sanskrit only: no published translation is held for this verse.

एककार्षापणो ऽपि बहिर् न निपतितो यथापि तन्महर्द्धिकस्य सत्त्वस्य महानुभावस्य कृतपुण्यस्य कृतकुशलस्य स्वकं पुण्यफलं प्रत्यनुभवतः।

ekakārṣāpaṇo 'pi bahir na nipatito yathāpi tanmaharddhikasya sattvasya mahānubhāvasya kṛtapuṇyasya kṛtakuśalasya svakaṃ puṇyaphalaṃ pratyanubhavataḥ/

Sanskrit only: no published translation is held for this verse.

यतः स राजा कथयति--कस्यैतानि पुण्यानि? ते कथयन्ति--देवस्य चास्माकं च।

yataḥ sa rājā kathayati--kasyaitāni puṇyāni? te kathayanti--devasya cāsmākaṃ ca/

Sanskrit only: no published translation is held for this verse.

यतो राजा स राजा कथयति--क्षुण्णा भवन्तो यदि युष्माभिः पूर्वमेवाभिहितमभविष्यद्देवस्य पुण्यानीति, मया सकलं जम्बुद्वीपं रत्नैरभिवृष्टमभविष्यत्।

yato rājā sa rājā kathayati--kṣuṇṇā bhavanto yadi yuṣmābhiḥ pūrvamevābhihitamabhaviṣyaddevasya puṇyānīti, mayā sakalaṃ jambudvīpaṃ ratnairabhivṛṣṭamabhaviṣyat/

Sanskrit only: no published translation is held for this verse.

अपि तु यो युष्माकं रत्नैरर्थी, स यावदीप्सितानि रत्नानि गृह्णातु॥

api tu yo yuṣmākaṃ ratnairarthī, sa yāvadīpsitāni ratnāni gṛhṇātu//

Sanskrit only: no published translation is held for this verse.

तस्य तत्र मूर्धातस्य राज्ञो महाराज्यं कारयतः षट् चक्राश्च्युताः। राज्ञो मूर्धातस्य दिवौकसो यक्षः पुरोजवः।

tasya tatra mūrdhātasya rājño mahārājyaṃ kārayataḥ ṣaṭ cakrāścyutāḥ/ rājño mūrdhātasya divaukaso yakṣaḥ purojavaḥ/

Sanskrit only: no published translation is held for this verse.

स राज्ञा मूर्धातेनोक्तह्--अस्ति किंचिदन्यद्वीपे नाज्ञापितम् यद्वयमाज्ञापयेम? यतः पश्चाद्दिवौकसेनाभिहितह्--अस्ति देव पूर्वविदेहो नाम द्वीपः, ऋद्धश्च स्फीतश्च क्षेमश्च सुभिक्षश्च आकीर्णबहुजनमनुष्यः।

sa rājñā mūrdhātenoktah--asti kiṃcidanyadvīpe nājñāpitam yadvayamājñāpayema? yataḥ paścāddivaukasenābhihitah--asti deva pūrvavideho nāma dvīpaḥ, ṛddhaśca sphītaśca kṣemaśca subhikṣaśca ākīrṇabahujanamanuṣyaḥ/

Sanskrit only: no published translation is held for this verse.

स्वयं नु देवो गत्वा तमप्याज्ञापयेत्। अथ राज्ञो मूर्धातस्यैतदभवत्--अस्ति मे जम्बुद्वीप ऋद्धश्च स्फीतश्च क्षेमश्च सुभिक्षश्च आकीर्णबहुजनमनुष्यश्च।

svayaṃ nu devo gatvā tamapyājñāpayet/ atha rājño mūrdhātasyaitadabhavat--asti me jambudvīpa ṛddhaśca sphītaśca kṣemaśca subhikṣaśca ākīrṇabahujanamanuṣyaśca/

Sanskrit only: no published translation is held for this verse.

अस्ति मे सप्त रत्नानि तद्यथा चक्ररत्नं हस्तिरत्नमश्वरत्नं मणिरत्नं स्त्रीरत्नं गृहपतिरत्नं परिणायकरत्नमेव सप्तमम्।

asti me sapta ratnāni tadyathā cakraratnaṃ hastiratnamaśvaratnaṃ maṇiratnaṃ strīratnaṃ gṛhapatiratnaṃ pariṇāyakaratnameva saptamam/

Sanskrit only: no published translation is held for this verse.

पूर्णं च मे सहस्रं पुत्राणां शूराणां वीराणां वराङ्गरूपिणां परसैन्यप्रमर्दकानाम्।

pūrṇaṃ ca me sahasraṃ putrāṇāṃ śūrāṇāṃ vīrāṇāṃ varāṅgarūpiṇāṃ parasainyapramardakānām/

Sanskrit only: no published translation is held for this verse.

वृष्टं मे सप्ताहमन्तःपुरे हिरण्यवर्षम्। श्रूयते अथ खलु पूर्वविदेहो नाम द्वीपः।

vṛṣṭaṃ me saptāhamantaḥpure hiraṇyavarṣam/ śrūyate atha khalu pūrvavideho nāma dvīpaḥ/

Sanskrit only: no published translation is held for this verse.

यन्न्वहं तमपि गत्वा समनुशासेयम्। सहचित्तोत्पादादेव राजा मान्धात उपरिविहायसमभ्युद्गतः सार्धमष्टादशभिर्भटबलाग्रकोटिभिः पुत्रसहस्रपरिवृतः सप्तरत्नपुरोजवः।

yannvahaṃ tamapi gatvā samanuśāseyam/ sahacittotpādādeva rājā māndhāta uparivihāyasamabhyudgataḥ sārdhamaṣṭādaśabhirbhaṭabalāgrakoṭibhiḥ putrasahasraparivṛtaḥ saptaratnapurojavaḥ/

Sanskrit only: no published translation is held for this verse.

अगमद्राजा मान्धातः पूर्वविदेहद्वीपम्।

agamadrājā māndhātaḥ pūrvavidehadvīpam/

Sanskrit only: no published translation is held for this verse.

प्रत्यष्ठाद्राजा मान्धाता पूर्वविदेहद्वीपे। समनुविष्टवान् <१३३>राजा मूर्धातः पूर्वविदेहं द्वीपम्।

pratyaṣṭhādrājā māndhātā pūrvavidehadvīpe/ samanuviṣṭavān <133>rājā mūrdhātaḥ pūrvavidehaṃ dvīpam/

Sanskrit only: no published translation is held for this verse.