Divyāvadāna 133

तस्य तत्र समनुशासतः षट् चक्राश्च्युताः। भूयः स राजा दिवौकसम् यक्षमामन्त्रयति--अस्ति दिवौकसं किंचिदन्यद्वीपे नाज्ञापितम्? दिवौकस आह--अस्ति देव अपरगोदानीयं नाम द्वीपम् ऋद्धं च स्फीतं च क्षेमं च सुभिक्षं च आकीर्णबहुजनमनुष्यं च।

tasya tatra samanuśāsataḥ ṣaṭ cakrāścyutāḥ/ bhūyaḥ sa rājā divaukasam yakṣamāmantrayati--asti divaukasaṃ kiṃcidanyadvīpe nājñāpitam? divaukasa āha--asti deva aparagodānīyaṃ nāma dvīpam ṛddhaṃ ca sphītaṃ ca kṣemaṃ ca subhikṣaṃ ca ākīrṇabahujanamanuṣyaṃ ca/

Sanskrit only: no published translation is held for this verse.

यन्नु देवस्तमपि गत्वा समनुशासेत्। अथ राज्ञो मूर्धातस्यैतदभवत्--अस्ति मे जम्बुदीप ऋद्धश्च स्फीतश्च क्षेमश्च सुभिक्षश्च आकीर्णबहुजनमनुष्यश्च।

yannu devastamapi gatvā samanuśāset/ atha rājño mūrdhātasyaitadabhavat--asti me jambudīpa ṛddhaśca sphītaśca kṣemaśca subhikṣaśca ākīrṇabahujanamanuṣyaśca/

Sanskrit only: no published translation is held for this verse.

सन्ति च मे सप्त रत्नानि। पूर्णं च मे सहस्रं पुत्राणां शूराणां वीराणां वराङ्गरूपिणां परसैन्यप्रमर्दकानाम्।

santi ca me sapta ratnāni/ pūrṇaṃ ca me sahasraṃ putrāṇāṃ śūrāṇāṃ vīrāṇāṃ varāṅgarūpiṇāṃ parasainyapramardakānām/

Sanskrit only: no published translation is held for this verse.

वृष्टं मे सप्ताहमन्तःपुरे हिरण्यवर्षम् यथापि तन्महर्द्धिकस्य सत्त्वस्य महानुभावस्य कृतकुशलस्य स्वपुण्यफलं प्रत्यनुभवतः।

vṛṣṭaṃ me saptāhamantaḥpure hiraṇyavarṣam yathāpi tanmaharddhikasya sattvasya mahānubhāvasya kṛtakuśalasya svapuṇyaphalaṃ pratyanubhavataḥ/

Sanskrit only: no published translation is held for this verse.

श्रूयते अपरगोदानीयं नाम द्वीपम् ऋद्धं च स्फीतं च क्षेमं च सुभिक्षं च आकीर्णबहुजनमनुष्यं च।

śrūyate aparagodānīyaṃ nāma dvīpam ṛddhaṃ ca sphītaṃ ca kṣemaṃ ca subhikṣaṃ ca ākīrṇabahujanamanuṣyaṃ ca/

Sanskrit only: no published translation is held for this verse.

यन्न्वहं तमपि गत्वा समनुशासेयम्। सहचित्तोपादादेव राजा मान्धाता उपरिविहायसमभ्युद्गतः सार्धमष्टादशभिर्भटबलाग्रकोटिभिः पुत्रसहस्रपरिवृतः सप्तरत्नपुरोजवः।

yannvahaṃ tamapi gatvā samanuśāseyam/ sahacittopādādeva rājā māndhātā uparivihāyasamabhyudgataḥ sārdhamaṣṭādaśabhirbhaṭabalāgrakoṭibhiḥ putrasahasraparivṛtaḥ saptaratnapurojavaḥ/

Sanskrit only: no published translation is held for this verse.

अगमद्राजा मान्धाता अपरगोदानीयं द्वीपम्। अनुशास्ति राजा मान्धाता अपरगोदानीयम्।

agamadrājā māndhātā aparagodānīyaṃ dvīpam/ anuśāsti rājā māndhātā aparagodānīyam/

Sanskrit only: no published translation is held for this verse.

तस्य समनुशासतः षट् चक्राश्च्युताः। यतः स राजा मान्धाता दिवौकसम् यक्षं पृच्छति--अस्ति कश्चिदन्यद्वीपो नाज्ञापितह्? आगतो ऽस्मि पूर्वान्।

tasya samanuśāsataḥ ṣaṭ cakrāścyutāḥ/ yataḥ sa rājā māndhātā divaukasam yakṣaṃ pṛcchati--asti kaścidanyadvīpo nājñāpitah? āgato 'smi pūrvān/

Sanskrit only: no published translation is held for this verse.

अस्ति देव उत्तरकुरुर् नाम द्वीपः।

asti deva uttarakurur nāma dvīpaḥ/

Sanskrit only: no published translation is held for this verse.

किं चापि ते मनुष्या अममा अपरिग्रहाः। यन्नु देवो गत्वा स्वकं भटबलाग्रं समनुशासेत्।

kiṃ cāpi te manuṣyā amamā aparigrahāḥ/ yannu devo gatvā svakaṃ bhaṭabalāgraṃ samanuśāset/

Sanskrit only: no published translation is held for this verse.

अथ राज्ञो मान्धातस्यैतदभवत्--अस्ति मे जम्बुद्वीपम् ऋद्धं च स्फीतं च क्षेमं च सुभिक्षं च आकीर्णबहुजनमनुष्यं च।

atha rājño māndhātasyaitadabhavat--asti me jambudvīpam ṛddhaṃ ca sphītaṃ ca kṣemaṃ ca subhikṣaṃ ca ākīrṇabahujanamanuṣyaṃ ca/

Sanskrit only: no published translation is held for this verse.

सन्ति मे सप्त रत्नानि। पूर्णं च मे सहस्रं पुत्राणां शूराणां वीराणां वराङ्गरूपिणां परसैन्यप्रमर्दकानाम्।

santi me sapta ratnāni/ pūrṇaṃ ca me sahasraṃ putrāṇāṃ śūrāṇāṃ vīrāṇāṃ varāṅgarūpiṇāṃ parasainyapramardakānām/

Sanskrit only: no published translation is held for this verse.

वृष्टमेव सप्ताहमन्तःपुरे हिरण्यवर्षम्।

vṛṣṭameva saptāhamantaḥpure hiraṇyavarṣam/

Sanskrit only: no published translation is held for this verse.

श्रूयते उत्तरकुरुर् नाम द्वीपः। किंचापि ते मनुष्या अममा अपरिग्रहाः। यन्न्वहं तत्रापि गत्वा स्वं भटबलाग्रं समनुशासेयम्।

śrūyate uttarakurur nāma dvīpaḥ/ kiṃcāpi te manuṣyā amamā aparigrahāḥ/ yannvahaṃ tatrāpi gatvā svaṃ bhaṭabalāgraṃ samanuśāseyam/

Sanskrit only: no published translation is held for this verse.

सहचित्तोत्पादादेव राजा मान्धाता सार्धमष्टादशभिर्भटबलाग्रकोटिभिः पुत्रसहस्रपरिवृतः सप्तरत्नपुरोजव उपरिविहायसेनाभ्युद्गतः।

sahacittotpādādeva rājā māndhātā sārdhamaṣṭādaśabhirbhaṭabalāgrakoṭibhiḥ putrasahasraparivṛtaḥ saptaratnapurojava uparivihāyasenābhyudgataḥ/

Sanskrit only: no published translation is held for this verse.

अद्राक्षिद्राजा मान्धातः सुमेरुपार्श्वेनानुयायंश् चित्रोपचित्रान् वृक्षानापीडकजातान्।

adrākṣidrājā māndhātaḥ sumerupārśvenānuyāyaṃś citropacitrān vṛkṣānāpīḍakajātān/

Sanskrit only: no published translation is held for this verse.

दृष्ट्वा च पुनर्दिवौकसम् यक्षमामन्त्रयते स्म--किमेतद्दिवौकस चित्रोपचित्रान् वृक्षानापीडकजातान्।

dṛṣṭvā ca punardivaukasam yakṣamāmantrayate sma--kimetaddivaukasa citropacitrān vṛkṣānāpīḍakajātān/

Sanskrit only: no published translation is held for this verse.

एते देव उत्तरकौरवाणां मनुष्याणां कल्पदूष्यवृक्षाः, यत उत्तरकौरवा मनुष्याः कल्पदूष्याणि प्रावृण्वन्ति।

ete deva uttarakauravāṇāṃ manuṣyāṇāṃ kalpadūṣyavṛkṣāḥ, yata uttarakauravā manuṣyāḥ kalpadūṣyāṇi prāvṛṇvanti/

Sanskrit only: no published translation is held for this verse.

देवो ऽप्यत्रैव गत्वा कल्पदूष्यानि प्रावरीतु। श्रुत्वा च पुना राजा मान्धाता अमात्यानामन्त्रयते--पश्यथ यूयं ग्रामण्यश्चित्रोपचित्रान् वृक्षानापीडकजातान्? एवं देव।

devo 'pyatraiva gatvā kalpadūṣyāni prāvarītu/ śrutvā ca punā rājā māndhātā amātyānāmantrayate--paśyatha yūyaṃ grāmaṇyaścitropacitrān vṛkṣānāpīḍakajātān? evaṃ deva/

Sanskrit only: no published translation is held for this verse.

एते ग्रामण्य उत्तरकौरवाणां मानुष्याणां कल्पदूष्यवृक्षा यत उत्तरकौरवा मनुष्याः कल्पदूष्याणि प्रावरन्ति।

ete grāmaṇya uttarakauravāṇāṃ mānuṣyāṇāṃ kalpadūṣyavṛkṣā yata uttarakauravā manuṣyāḥ kalpadūṣyāṇi prāvaranti/

Sanskrit only: no published translation is held for this verse.

यूयमप्यत्र गत्वा कल्पदूष्ययुगानि प्रावरध्वम्। अद्राक्षीद्राजा मान्धाता सुमेरुपार्श्वेनानुयायञ् श्वेतश्वेतं पृथिवीप्रदेशम्? एतद्देव उत्तरकौरवकाणां मनुष्याणामकृष्टोप्तं तण्डुलफलशालिम् यत उत्तरकौरवका मनुष्या अकृष्टोप्तं तण्डुलफलशालिं परिभुञ्जन्ति।

yūyamapyatra gatvā kalpadūṣyayugāni prāvaradhvam/ adrākṣīdrājā māndhātā sumerupārśvenānuyāyañ śvetaśvetaṃ pṛthivīpradeśam? etaddeva uttarakauravakāṇāṃ manuṣyāṇāmakṛṣṭoptaṃ taṇḍulaphalaśālim yata uttarakauravakā manuṣyā akṛṣṭoptaṃ taṇḍulaphalaśāliṃ paribhuñjanti/

Sanskrit only: no published translation is held for this verse.

देवो ऽप्यत्र गत्वा अकृष्टोप्तं तण्डुलफलशालिं परिभुञ्जतु।

devo 'pyatra gatvā akṛṣṭoptaṃ taṇḍulaphalaśāliṃ paribhuñjatu/

Sanskrit only: no published translation is held for this verse.

अगमद्राजा मान्धाता उत्तरकुरुद्वीपम्।

agamadrājā māndhātā uttarakurudvīpam/

Sanskrit only: no published translation is held for this verse.

प्रत्यष्टाद्राजा मान्धाता उत्तरकुरौ द्वीपे। समनुशास्ति राजा मान्धाता उत्तरकुरौ द्वीपे स्वकम् <१३४>भटबलाग्रम्।

pratyaṣṭādrājā māndhātā uttarakurau dvīpe/ samanuśāsti rājā māndhātā uttarakurau dvīpe svakam <134>bhaṭabalāgram/

Sanskrit only: no published translation is held for this verse.