सुदर्शने नगरे चतुर्विधाः कल्पदूष्यवृक्षा नीलाः पीता लोहिता अवदाताः।
sudarśane nagare caturvidhāḥ kalpadūṣyavṛkṣā nīlāḥ pītā lohitā avadātāḥ/
Sanskrit only: no published translation is held for this verse.
Library·Divyāvadāna·137
Divyāvadāna 137
कल्पदूष्यवृक्षैश्चतुर्विधानि तुण्डिचेलानि। तैस्तुण्डिचेलैश्चत्रुविधानि कल्पदूष्यानि नीलानि पीतानि लोहितान्यवदातानि।
kalpadūṣyavṛkṣaiścaturvidhāni tuṇḍicelāni/ taistuṇḍicelaiścatruvidhāni kalpadūṣyāni nīlāni pītāni lohitānyavadātāni/
Sanskrit only: no published translation is held for this verse.
यादृशमाकाङ्क्षति देवो वा देवकन्या वा, सहचित्तोत्पादाद्धस्ते प्रादुर्भवन्ति।
yādṛśamākāṅkṣati devo vā devakanyā vā, sahacittotpādāddhaste prādurbhavanti/
Sanskrit only: no published translation is held for this verse.
चतुर्विधा आभरणवृक्षा हस्तोपगाः पादोपगा गुह्याः प्रकाशिताः।
caturvidhā ābharaṇavṛkṣā hastopagāḥ pādopagā guhyāḥ prakāśitāḥ/
Sanskrit only: no published translation is held for this verse.
यादृशमाकाङ्क्षति देवो वा देवकन्या वा, सहचित्तोत्पादाद् हस्ते प्रादुर्भवन्ति।
yādṛśamākāṅkṣati devo vā devakanyā vā, sahacittotpādād haste prādurbhavanti/
Sanskrit only: no published translation is held for this verse.
चतुर्विधा वाद्यभाण्डवृक्षा वेणुवल्लरिसुघोषकाः। यादृशमाकाङ्क्षति देवो वा देवकन्या वा, सहचित्तोत्पादाद् हस्ते प्रादुर्भवन्ति।
caturvidhā vādyabhāṇḍavṛkṣā veṇuvallarisughoṣakāḥ/ yādṛśamākāṅkṣati devo vā devakanyā vā, sahacittotpādād haste prādurbhavanti/
Sanskrit only: no published translation is held for this verse.
चतुर्विधापि च सुधा, नीला पीता लोहिता अवदाता।
caturvidhāpi ca sudhā, nīlā pītā lohitā avadātā/
Sanskrit only: no published translation is held for this verse.
यादृशमाकाङ्क्षति देवो वा देवकन्या वा, सहचित्तोत्पादाद् धस्ते प्रादुर्भवन्ति। मधु माधवः कादम्बरी पारिपानम्।
yādṛśamākāṅkṣati devo vā devakanyā vā, sahacittotpādād dhaste prādurbhavanti/ madhu mādhavaḥ kādambarī pāripānam/
Sanskrit only: no published translation is held for this verse.
गृहाः कूटागारा हर्म्याः प्रासादा स्वासनका अवलोकनका संक्रमणकाः।
gṛhāḥ kūṭāgārā harmyāḥ prāsādā svāsanakā avalokanakā saṃkramaṇakāḥ/
Sanskrit only: no published translation is held for this verse.
नारीगणविराजितमप्सरःसहस्रसंघनिषेवितं तूर्यनादाभिनादितमुपेतमन्नपानम्। यत्र त्रायस्त्रिंशाः क्रीडन्ति रमन्ते परिचारयन्ति, स्वकं पुण्यफलं प्रत्यनुभवन्ति।
nārīgaṇavirājitamapsaraḥsahasrasaṃghaniṣevitaṃ tūryanādābhināditamupetamannapānam/ yatra trāyastriṃśāḥ krīḍanti ramante paricārayanti, svakaṃ puṇyaphalaṃ pratyanubhavanti/
Sanskrit only: no published translation is held for this verse.
देवानां त्रायस्त्रिंशानां सुधर्मा देवसभा त्रीणि योजनशतान्यायामेन त्रीणि योजनशतानि विस्तरेण समन्तपरिक्षेपेण नवयोजनशतानि अभिरूपा दर्शनीया प्रासादिका स्फटिकमयी, अर्धपञ्चमानि योजनानि तस्मान्नगरीतो ऽभ्युद्गता।
devānāṃ trāyastriṃśānāṃ sudharmā devasabhā trīṇi yojanaśatānyāyāmena trīṇi yojanaśatāni vistareṇa samantaparikṣepeṇa navayojanaśatāni abhirūpā darśanīyā prāsādikā sphaṭikamayī, ardhapañcamāni yojanāni tasmānnagarīto 'bhyudgatā/
Sanskrit only: no published translation is held for this verse.
तत्र देवानां त्रायस्त्रिंशानामासनानि प्रज्ञप्तानि, यत्र पृथक् द्वात्रिंशतीनामुपेन्द्राणामासनानि, त्रयस्त्रिंशतिमं शक्रस्य देवानामिन्द्रस्य।
tatra devānāṃ trāyastriṃśānāmāsanāni prajñaptāni, yatra pṛthak dvātriṃśatīnāmupendrāṇāmāsanāni, trayastriṃśatimaṃ śakrasya devānāmindrasya/
Sanskrit only: no published translation is held for this verse.
तेषामेव देवानां सर्वान्ते मूर्धातस्य राज्ञ आसनं प्रज्ञप्तम्।
teṣāmeva devānāṃ sarvānte mūrdhātasya rājña āsanaṃ prajñaptam/
Sanskrit only: no published translation is held for this verse.
पश्चादेवास्त्रायस्त्रिंशा मूर्धातस्य राज्ञो ऽर्घं गृह्य प्रत्युद्गताः।
paścādevāstrāyastriṃśā mūrdhātasya rājño 'rghaṃ gṛhya pratyudgatāḥ/
Sanskrit only: no published translation is held for this verse.
तत्र ये पुण्यमहेशाख्याः सत्त्वा अनुपूर्वेण प्रविष्टाह् अवशिष्टा बहिः स्थिताः। यतः स राजा मूर्धातः संलक्षयति--यान्येतान्यासनानि प्रज्ञप्तकानि, एतेभ्यो यदन्तिममासनम्, एतन्मम भविष्यति।
tatra ye puṇyamaheśākhyāḥ sattvā anupūrveṇa praviṣṭāh avaśiṣṭā bahiḥ sthitāḥ/ yataḥ sa rājā mūrdhātaḥ saṃlakṣayati--yānyetānyāsanāni prajñaptakāni, etebhyo yadantimamāsanam, etanmama bhaviṣyati/
Sanskrit only: no published translation is held for this verse.
अथ राज्ञो मूर्धातस्यैतदभवत्--अहो बत मे शक्रो देवानामिन्द्रो ऽर्धासनेनोपनिमन्त्रयते।
atha rājño mūrdhātasyaitadabhavat--aho bata me śakro devānāmindro 'rdhāsanenopanimantrayate/
Sanskrit only: no published translation is held for this verse.
सहचित्तोत्पदादेव शक्रो देवानामिन्द्रो राज्ञो मान्धातुरर्धासनमदात्।
sahacittotpadādeva śakro devānāmindro rājño māndhāturardhāsanamadāt/
Sanskrit only: no published translation is held for this verse.
प्रविष्टो राजा मूर्धातः शक्रस्य देवानामिन्द्रस्यार्धासने। न खलु राज्ञो मूर्धातस्य शक्रस्य देवानामिन्द्रस्यैकासने निषण्णयोः कश्चिद्विशेषो वा, अभिप्रायो वा नानाकरणं वा, यदुत आरोहपरिणाहौ वर्णपुष्कलता स्वरगुप्त्या स्वरगुप्तेः, नान्यत्र शक्रस्य देवानामिन्द्रस्यानिमिषतेन।
praviṣṭo rājā mūrdhātaḥ śakrasya devānāmindrasyārdhāsane/ na khalu rājño mūrdhātasya śakrasya devānāmindrasyaikāsane niṣaṇṇayoḥ kaścidviśeṣo vā, abhiprāyo vā nānākaraṇaṃ vā, yaduta ārohapariṇāhau varṇapuṣkalatā svaraguptyā svaragupteḥ, nānyatra śakrasya devānāmindrasyānimiṣatena/
Sanskrit only: no published translation is held for this verse.
राज्ञो मूर्धातस्य देवेषु त्रायस्त्रिंशेषु तिष्ठतः षट्त्रिंशाश्चक्राश्च्युताः। तत्र च तेषां देवानां देवासुरसंग्रामं भवति।
rājño mūrdhātasya deveṣu trāyastriṃśeṣu tiṣṭhataḥ ṣaṭtriṃśāścakrāścyutāḥ/ tatra ca teṣāṃ devānāṃ devāsurasaṃgrāmaṃ bhavati/
Sanskrit only: no published translation is held for this verse.
तत्र यद्यसुराः पराजयन्ते, पश्चादसुरपुर्यां द्वाराणि बध्नन्ति। देवानामपि पञ्च रक्षाः पराजयन्ते।
tatra yadyasurāḥ parājayante, paścādasurapuryāṃ dvārāṇi badhnanti/ devānāmapi pañca rakṣāḥ parājayante/
Sanskrit only: no published translation is held for this verse.
ते ऽपि देवपुर्यां द्वाराणि बध्नन्ति। तेषामेवं देवासुराणां परस्परतः संभ्रम उत्पन्नः।
te 'pi devapuryāṃ dvārāṇi badhnanti/ teṣāmevaṃ devāsurāṇāṃ parasparataḥ saṃbhrama utpannaḥ/
Sanskrit only: no published translation is held for this verse.
यतो राज्ञा मूर्धातेन त्रायस्त्रिंशानामुक्तम्--किमेतद्भवन्तो ऽतीव संभ्रमजाता देवाह्? त्रायस्त्रिंशैरुक्तम्--एतैरसुरैरस्माकं पञ्च रक्षा भग्नाः, यतो ऽस्माभिर्द्वाराणि बद्धानि।
yato rājñā mūrdhātena trāyastriṃśānāmuktam--kimetadbhavanto 'tīva saṃbhramajātā devāh? trāyastriṃśairuktam--etairasurairasmākaṃ pañca rakṣā bhagnāḥ, yato 'smābhirdvārāṇi baddhāni/
Sanskrit only: no published translation is held for this verse.
यतो मूर्धातेन राज्ञा उक्तम्--आत्मपुरुषाः, आनयन्तु भवन्तो धनुः। यतस्तस्य धनुरानीतम्।
yato mūrdhātena rājñā uktam--ātmapuruṣāḥ, ānayantu bhavanto dhanuḥ/ yatastasya dhanurānītam/
Sanskrit only: no published translation is held for this verse.
तेन पश्चाद्द्धनुर्गृह्य गुणशब्दः कृतः। तस्य च धनुषो गुणशब्दः कृतः।
tena paścādddhanurgṛhya guṇaśabdaḥ kṛtaḥ/ tasya ca dhanuṣo guṇaśabdaḥ kṛtaḥ/
Sanskrit only: no published translation is held for this verse.
असुरैः श्रुतः। तं श्रुत्वा असुरा कथयन्ति--कस्यैष गुणशब्दह्? तैः श्रुतम्--राज्ञो मूर्धातस्यैष गुणशब्दः।
asuraiḥ śrutaḥ/ taṃ śrutvā asurā kathayanti--kasyaiṣa guṇaśabdah? taiḥ śrutam--rājño mūrdhātasyaiṣa guṇaśabdaḥ/
Sanskrit only: no published translation is held for this verse.
ते तं शब्दं श्रुत्वा विस्मयमापन्नाः। पश्चाद्राजा मूर्धातो निर्गतस्तस्मादेवनगरात् <१३८>तेषां देवानामसुरैर्भग्नकानां स्वं च कायं संनह्य।
te taṃ śabdaṃ śrutvā vismayamāpannāḥ/ paścādrājā mūrdhāto nirgatastasmādevanagarāt <138>teṣāṃ devānāmasurairbhagnakānāṃ svaṃ ca kāyaṃ saṃnahya/
Sanskrit only: no published translation is held for this verse.