<१४३>तच्छ्रुत्वा वणिजो ऽवहितमनसो ऽप्रमादेनावस्थिताः। प्राप्य च तं रत्नद्वीपं प्रयत्नमास्थाय रत्नान्वेषणं कृत्वा अनुपूर्वेणोपपरीक्ष्य रत्नानां तद्वहनं पूरितं तद्यथा यवानां वा यवसस्यानां वा मुद्गानां वा भाषाणां वा।
<143>tacchrutvā vaṇijo 'vahitamanaso 'pramādenāvasthitāḥ/ prāpya ca taṃ ratnadvīpaṃ prayatnamāsthāya ratnānveṣaṇaṃ kṛtvā anupūrveṇopaparīkṣya ratnānāṃ tadvahanaṃ pūritaṃ tadyathā yavānāṃ vā yavasasyānāṃ vā mudgānāṃ vā bhāṣāṇāṃ vā/
Sanskrit only: no published translation is held for this verse.
वहनं पूर्यित्वा ते ऽनुकूलं जम्बुद्वीपाभिमुखेन वायुना संप्रस्थिताः।
vahanaṃ pūryitvā te 'nukūlaṃ jambudvīpābhimukhena vāyunā saṃprasthitāḥ/
Sanskrit only: no published translation is held for this verse.
महासमुद्रे च त्रिभिः स्कन्धैः प्राणिनः संमिश्रिताः। प्रथमे योजनशतिका आत्मभावाः, द्विस्त्रियोजनशतिका आत्मभावः।
mahāsamudre ca tribhiḥ skandhaiḥ prāṇinaḥ saṃmiśritāḥ/ prathame yojanaśatikā ātmabhāvāḥ, dvistriyojanaśatikā ātmabhāvaḥ/
Sanskrit only: no published translation is held for this verse.
द्वितीये स्कन्धे ऽष्टयोजनशतिका आत्मभावा नवदशयावच्चतुर्दशयोजनशतिका आत्मभावाः।
dvitīye skandhe 'ṣṭayojanaśatikā ātmabhāvā navadaśayāvaccaturdaśayojanaśatikā ātmabhāvāḥ/
Sanskrit only: no published translation is held for this verse.
तृतीये स्कन्धे पञ्चदशयोजनशतिका आत्मभावाः, षोडशयोजनशतिका यावदेकविंशतिका आत्मभावाः।
tṛtīye skandhe pañcadaśayojanaśatikā ātmabhāvāḥ, ṣoḍaśayojanaśatikā yāvadekaviṃśatikā ātmabhāvāḥ/
Sanskrit only: no published translation is held for this verse.
तत्र च महासमुद्रे ता मत्स्यजातयः परस्परान्योन्यभक्षणपराः।
tatra ca mahāsamudre tā matsyajātayaḥ parasparānyonyabhakṣaṇaparāḥ/
Sanskrit only: no published translation is held for this verse.
ये प्रथमायां भूमौ अवस्थिताः, ते द्वितीयभूमिस्थैर्भक्ष्यन्ते। ये द्वितीयभूमिस्थाः, ते तृतीयभूमिस्थैर्भक्ष्यन्ते।
ye prathamāyāṃ bhūmau avasthitāḥ, te dvitīyabhūmisthairbhakṣyante/ ye dvitīyabhūmisthāḥ, te tṛtīyabhūmisthairbhakṣyante/
Sanskrit only: no published translation is held for this verse.
तत्र तिमिंगिलो नाम मत्स्यास्तृतीयादुदकस्कन्दधादभ्युद्गम्य उपरिमन्दकस्कन्धमादाय चरति।
tatra timiṃgilo nāma matsyāstṛtīyādudakaskandadhādabhyudgamya uparimandakaskandhamādāya carati/
Sanskrit only: no published translation is held for this verse.
स यस्यां वेलायां मुखमावृणोति, तस्यां वेलायां महासमुद्रात् पानीयं महता वेगेनाक्षिप्तं मुखद्वारम् यतो धावति।
sa yasyāṃ velāyāṃ mukhamāvṛṇoti, tasyāṃ velāyāṃ mahāsamudrāt pānīyaṃ mahatā vegenākṣiptaṃ mukhadvāram yato dhāvati/
Sanskrit only: no published translation is held for this verse.
तेनैवोदकस्कन्धेनाक्षिप्ता मत्स्यकच्छपवल्लभकशुशुमारमकराद्या मत्स्यजातयो मुखद्वारेणोदरे पतन्ति।
tenaivodakaskandhenākṣiptā matsyakacchapavallabhakaśuśumāramakarādyā matsyajātayo mukhadvāreṇodare patanti/
Sanskrit only: no published translation is held for this verse.
तस्यैवं चरत आत्मभावाच्छिर एवं लक्ष्यते दूरत एव, तद्यथा--पर्वतो नभःप्रमाणः।
tasyaivaṃ carata ātmabhāvācchira evaṃ lakṣyate dūrata eva, tadyathā--parvato nabhaḥpramāṇaḥ/
Sanskrit only: no published translation is held for this verse.
अक्षीणि चास्य दुरत एव संलक्ष्यन्ते नभसीवादित्यौ।
akṣīṇi cāsya durata eva saṃlakṣyante nabhasīvādityau/
Sanskrit only: no published translation is held for this verse.
यतस्तैर्वणिग्भिर्दूरत एवोपधारितम्। तन्महार्णवरूपमुपधार्य चिन्तयितुं प्रवृत्ताह्--किमेतद्भवन्त आदित्यद्वयस्योदयनम्? तेषामेवं चिन्तयतां तद्वहनं तस्य मुखद्वारम् यतो वेगेनोपहर्तुमारब्धम्।
yatastairvaṇigbhirdūrata evopadhāritam/ tanmahārṇavarūpamupadhārya cintayituṃ pravṛttāh--kimetadbhavanta ādityadvayasyodayanam? teṣāmevaṃ cintayatāṃ tadvahanaṃ tasya mukhadvāram yato vegenopahartumārabdham/
Sanskrit only: no published translation is held for this verse.
तेषां वहनं वेगेनापह्रियमाणं दृष्ट्वा आदोतुअद्वयोत्पादनं च संलक्ष्य संवेग उत्पन्नह्--किं भवन्तो यत् तच्छ्रूयते सप्तादित्याः कल्पसंवर्तन्यां समुदागमिष्यन्तीति, तदेवेदानीं प्रोदिताः स्युः।
teṣāṃ vahanaṃ vegenāpahriyamāṇaṃ dṛṣṭvā ādotuadvayotpādanaṃ ca saṃlakṣya saṃvega utpannah--kiṃ bhavanto yat tacchrūyate saptādityāḥ kalpasaṃvartanyāṃ samudāgamiṣyantīti, tadevedānīṃ proditāḥ syuḥ/
Sanskrit only: no published translation is held for this verse.
यतः कर्णधारेण तेषां विमर्शजातानामुक्तम्--यत् तद्भवन्तः श्रूयते तिमितिमिंगिल इति, तिमितिमिंगिलभयमिदम्।
yataḥ karṇadhāreṇa teṣāṃ vimarśajātānāmuktam--yat tadbhavantaḥ śrūyate timitimiṃgila iti, timitimiṃgilabhayamidam/
Sanskrit only: no published translation is held for this verse.
तत् पश्यन्तु भवन्तः।
tat paśyantu bhavantaḥ/
Sanskrit only: no published translation is held for this verse.
पानीयादभ्युद्गतपर्वतवदालोक्यते एतत्तस्य शिरः। पश्यथ चैषा तस्य परा दन्तमाला।
pānīyādabhyudgataparvatavadālokyate etattasya śiraḥ/ paśyatha caiṣā tasya parā dantamālā/
Sanskrit only: no published translation is held for this verse.
पश्यथ एतौ दूरत एव सूर्यवदवलोक्येते एतौ अक्षितारकौ। पुनससौ कर्णधारो वणिजां कथयति--शृण्वन्तु भवन्तः, नास्माकमिदानीं जीवितोपायः कश्चिद्येन वयमस्माद्भयात् मुच्येम।
paśyatha etau dūrata eva sūryavadavalokyete etau akṣitārakau/ punasasau karṇadhāro vaṇijāṃ kathayati--śṛṇvantu bhavantaḥ, nāsmākamidānīṃ jīvitopāyaḥ kaścidyena vayamasmādbhayāt mucyema/
Sanskrit only: no published translation is held for this verse.
सर्वोषामेवास्माकं मरणं प्रत्युपस्थितम्। तदिदानीं भवद्भिः किं करणीयम्? यस्य वो यस्मिन् देवे भक्तिः स तमायाचतु।
sarvoṣāmevāsmākaṃ maraṇaṃ pratyupasthitam/ tadidānīṃ bhavadbhiḥ kiṃ karaṇīyam? yasya vo yasmin deve bhaktiḥ sa tamāyācatu/
Sanskrit only: no published translation is held for this verse.
यदि तेनापि तावदायाचनेन काचिद्देवता अस्माकमस्मान्महाभयाद्विमोष्कणं कुर्यात्।
yadi tenāpi tāvadāyācanena kāciddevatā asmākamasmānmahābhayādvimoṣkaṇaṃ kuryāt/
Sanskrit only: no published translation is held for this verse.
न चान्यो ऽस्ति कश्चिदुपायो जीवितस्य।
na cānyo 'sti kaścidupāyo jīvitasya/
Sanskrit only: no published translation is held for this verse.
यतस्तैर्वणिग्भिर्मरणभयभीतैः शिववरुणकुबेरमहेन्द्रोपेन्द्रादयो देवा जीवितपरित्राणार्थमायाचितुमारब्धाः।
yatastairvaṇigbhirmaraṇabhayabhītaiḥ śivavaruṇakuberamahendropendrādayo devā jīvitaparitrāṇārthamāyācitumārabdhāḥ/
Sanskrit only: no published translation is held for this verse.
नैव च तेषामायाचतां तस्मान्मरणभयात् जीवितपरित्राणविशेषः कश्चित्।
naiva ca teṣāmāyācatāṃ tasmānmaraṇabhayāt jīvitaparitrāṇaviśeṣaḥ kaścit/
Sanskrit only: no published translation is held for this verse.
तथैव तद्वहनं सलिलवेगात् भिक्षिप्तं तिमिंगिलमुखद्वारम् यतो ऽपह्रियते। तत्र चोपासको ऽभिरूढः।
tathaiva tadvahanaṃ salilavegāt bhikṣiptaṃ timiṃgilamukhadvāram yato 'pahriyate/ tatra copāsako 'bhirūḍhaḥ/
Sanskrit only: no published translation is held for this verse.
तेनोक्तम्--भवन्तः, नास्माकमस्मान्मरणभयान्मोक्षः कश्चित्। सर्वैरेवास्माभिर्मर्तव्यम्।
tenoktam--bhavantaḥ, nāsmākamasmānmaraṇabhayānmokṣaḥ kaścit/ sarvairevāsmābhirmartavyam/
Sanskrit only: no published translation is held for this verse.
किं तु सर्व एवैकरवेण नमो बुद्धायेति वदामः। सति मरणे बुद्धावलम्बनया स्मृत्या कालं करिष्यामः।
kiṃ tu sarva evaikaraveṇa namo buddhāyeti vadāmaḥ/ sati maraṇe buddhāvalambanayā smṛtyā kālaṃ kariṣyāmaḥ/
Sanskrit only: no published translation is held for this verse.
सुगतिगमनं भविष्यति। यतस्तैर्वणिग्भिरेकरवेण नमो बुद्धायेति <१४४>प्रणामः कृतः सर्वैरेव।
sugatigamanaṃ bhaviṣyati/ yatastairvaṇigbhirekaraveṇa namo buddhāyeti <144>praṇāmaḥ kṛtaḥ sarvaireva/
Sanskrit only: no published translation is held for this verse.