तस्मान्नगरात् पिण्डपातनिर्हारको भिक्षु तस्यैव पिण्डपातं गृहीत्वा गतः।
tasmānnagarāt piṇḍapātanirhārako bhikṣu tasyaiva piṇḍapātaṃ gṛhītvā gataḥ/
Sanskrit only: no published translation is held for this verse.
Library·Divyāvadāna·148
Divyāvadāna 148
तेन तदपि भुक्तम्। तस्य धर्मरुचेर् न कदाचिद्यतो जातस्य कुष्किं पूर्णः। तद्दिवसं चास्य तेनाहारेण तृप्तिर्जाता।
tena tadapi bhuktam/ tasya dharmarucer na kadācidyato jātasya kuṣkiṃ pūrṇaḥ/ taddivasaṃ cāsya tenāhāreṇa tṛptirjātā/
Sanskrit only: no published translation is held for this verse.
तस्य च गृहपतेर् नगरं प्रविशतो ऽभिमुखं भगवान् भिक्षुसंघपरिवृतः संप्राप्तः।
tasya ca gṛhapater nagaraṃ praviśato 'bhimukhaṃ bhagavān bhikṣusaṃghaparivṛtaḥ saṃprāptaḥ/
Sanskrit only: no published translation is held for this verse.
स गृहपतिर्भगवतः कथयति--भगवन्, अहं बुद्धप्रमुखं भिक्षुसंघमुद्दिश्य पञ्चानां भिक्षुशतानां तृप्तितः शकटमन्नपानस्य पूरयित्वा जेतवनं गतो बुद्धप्रम्युखं भिक्षुसंघं भोजयिष्यामीति।
sa gṛhapatirbhagavataḥ kathayati--bhagavan, ahaṃ buddhapramukhaṃ bhikṣusaṃghamuddiśya pañcānāṃ bhikṣuśatānāṃ tṛptitaḥ śakaṭamannapānasya pūrayitvā jetavanaṃ gato buddhapramyukhaṃ bhikṣusaṃghaṃ bhojayiṣyāmīti/
Sanskrit only: no published translation is held for this verse.
न च मे तत्र भिक्षवो लब्धाः। एको मे भिक्षुर्दृष्टः। तेन समाख्यातं बुद्धप्रमुखं भिक्षुसंघमन्तर्गृहम् उपनिमन्त्रणं प्रविष्टम्।
na ca me tatra bhikṣavo labdhāḥ/ eko me bhikṣurdṛṣṭaḥ/ tena samākhyātaṃ buddhapramukhaṃ bhikṣusaṃghamantargṛham upanimantraṇaṃ praviṣṭam/
Sanskrit only: no published translation is held for this verse.
तस्य ममैवं चित्तमुत्पन्नम्--एषो ऽपि तावदेको भुङ्क्तामिति।
tasya mamaivaṃ cittamutpannam--eṣo 'pi tāvadeko bhuṅktāmiti/
Sanskrit only: no published translation is held for this verse.
यतस्तस्य ममानुपूर्वेण सर्वं तदन्नपानं शकटं दत्तम्। तेन सर्वं निपुणतो ऽभ्यवहृतम्।
yatastasya mamānupūrveṇa sarvaṃ tadannapānaṃ śakaṭaṃ dattam/ tena sarvaṃ nipuṇato 'bhyavahṛtam/
Sanskrit only: no published translation is held for this verse.
किं भगवन् मनुष्यो ऽथ वा अमनुष्यह्? भगवताभिहितम्--गृहपते, भिक्षुः स धर्मरुचिर् नांना।
kiṃ bhagavan manuṣyo 'tha vā amanuṣyah? bhagavatābhihitam--gṛhapate, bhikṣuḥ sa dharmarucir nāṃnā/
Sanskrit only: no published translation is held for this verse.
प्रामोद्यमुत्पादय, अद्य स त्वदीयेनान्नपान्नेन तृप्तो ऽर्हत्त्वं साक्षात्करिष्यति॥
prāmodyamutpādaya, adya sa tvadīyenānnapānnena tṛpto 'rhattvaṃ sākṣātkariṣyati//
Sanskrit only: no published translation is held for this verse.
अथ भगवाञ् जेतवनमभ्यागतः। भगवान् संलक्षयति--को ऽसौ दानपतिर्भविष्यति यो ऽसौ धर्मरुचेरेतावता आहारेण प्रतिदिवसम् योगोद्वहनं करिष्यति? यतो ऽस्य भगवता अभिहितम्--दृष्टस्त्वया धर्मरुचे महासमुद्रः।
atha bhagavāñ jetavanamabhyāgataḥ/ bhagavān saṃlakṣayati--ko 'sau dānapatirbhaviṣyati yo 'sau dharmaruceretāvatā āhāreṇa pratidivasam yogodvahanaṃ kariṣyati? yato 'sya bhagavatā abhihitam--dṛṣṭastvayā dharmaruce mahāsamudraḥ/
Sanskrit only: no published translation is held for this verse.
स कथयति--नो भगवन्। यतो भगवानाह--गृहाण मदीयं चीवरकर्णिकम्, पश्चात् ते ऽहं महासमुद्रं दर्शयामि।
sa kathayati--no bhagavan/ yato bhagavānāha--gṛhāṇa madīyaṃ cīvarakarṇikam, paścāt te 'haṃ mahāsamudraṃ darśayāmi/
Sanskrit only: no published translation is held for this verse.
यतो धर्मरुचिना भगवतश्चीवरकर्णिको ऽवलम्बितः, पश्चाद्भगवान् विततपक्ष इव हंसराजः सहचित्तोत्पादात् ऋद्ध्या धर्मरुचिं गृहीत्वा समुद्रतटमनुप्राप्तः।
yato dharmarucinā bhagavataścīvarakarṇiko 'valambitaḥ, paścādbhagavān vitatapakṣa iva haṃsarājaḥ sahacittotpādāt ṛddhyā dharmaruciṃ gṛhītvā samudrataṭamanuprāptaḥ/
Sanskrit only: no published translation is held for this verse.
यस्मिंश्चास्य स्थाने तिमितिमिंगिलभूतस्यास्थशकला तिष्ठति, तत्र नीत्वा स्थापितः।
yasmiṃścāsya sthāne timitimiṃgilabhūtasyāsthaśakalā tiṣṭhati, tatra nītvā sthāpitaḥ/
Sanskrit only: no published translation is held for this verse.
उक्तं चास्य--गच्छ वत्स, मनसिकारं चिन्तय। यतो ऽसौ ध्रमरुचिस्तां समीक्षितुमारब्धः।
uktaṃ cāsya--gaccha vatsa, manasikāraṃ cintaya/ yato 'sau dhramarucistāṃ samīkṣitumārabdhaḥ/
Sanskrit only: no published translation is held for this verse.
किमेतत् काष्ठं स्यादथास्थिशकला, अथ फलकिनी स्यात्।
kimetat kāṣṭhaṃ syādathāsthiśakalā, atha phalakinī syāt/
Sanskrit only: no published translation is held for this verse.
स तस्माद् व्यक्तिमलभमानः पर्यन्तमन्वेषितुं प्रवृत्तः। व्यक्तिं चोपलब्धम्। स इतश्चामुतश्च तस्या अनुपार्श्वनं तां पर्येषमाणः श्रममुपगतः।
sa tasmād vyaktimalabhamānaḥ paryantamanveṣituṃ pravṛttaḥ/ vyaktiṃ copalabdham/ sa itaścāmutaśca tasyā anupārśvanaṃ tāṃ paryeṣamāṇaḥ śramamupagataḥ/
Sanskrit only: no published translation is held for this verse.
न चास्य पर्यन्तमासादयति।
na cāsya paryantamāsādayati/
Sanskrit only: no published translation is held for this verse.
तस्यैतदभवत्--नाहमस्य व्यक्तिं ज्ञास्यामि किमेतदिति, न च पर्यन्तमासादयिष्ये। गच्छामि, अस्मिन्नर्थे भगवन्तमेव पृच्छामि।
tasyaitadabhavat--nāhamasya vyaktiṃ jñāsyāmi kimetaditi, na ca paryantamāsādayiṣye/ gacchāmi, asminnarthe bhagavantameva pṛcchāmi/
Sanskrit only: no published translation is held for this verse.
यतो ऽसौ भगवतो ऽन्तिकं गत्वा भगवन्तं पृच्छति--किं तद्भगवन्? नाहं तस्य व्यक्तिमुपलभामि।
yato 'sau bhagavato 'ntikaṃ gatvā bhagavantaṃ pṛcchati--kiṃ tadbhagavan? nāhaṃ tasya vyaktimupalabhāmi/
Sanskrit only: no published translation is held for this verse.
यतो ऽस्य भगवानाह--वत्स, अस्थिशकलैषा।
yato 'sya bhagavānāha--vatsa, asthiśakalaiṣā/
Sanskrit only: no published translation is held for this verse.
स कथयति--भगवन्, एवंविधो ऽसौ सत्त्वो यस्येदृशी अस्थिशकला? भगवतोक्तम्--तृप्यस्व धर्मरुचे भवेभ्यः, तृप्यस्व भवोपकरणेभ्यः।
sa kathayati--bhagavan, evaṃvidho 'sau sattvo yasyedṛśī asthiśakalā? bhagavatoktam--tṛpyasva dharmaruce bhavebhyaḥ, tṛpyasva bhavopakaraṇebhyaḥ/
Sanskrit only: no published translation is held for this verse.
तवैषा अस्थिशकला। धर्मरुचिस्तं श्रुत्वा भगवद्वचो व्याकुलितचेताः कथयति--ममैषेदृशी अस्थिशकला? तस्योक्तम्--एषा धर्मरुचे तवास्थिशकला।
tavaiṣā asthiśakalā/ dharmarucistaṃ śrutvā bhagavadvaco vyākulitacetāḥ kathayati--mamaiṣedṛśī asthiśakalā? tasyoktam--eṣā dharmaruce tavāsthiśakalā/
Sanskrit only: no published translation is held for this verse.
तथाविधमुपश्रुत्य अतीव संविग्नः। यतो ऽस्य भगवता अववादो दत्तह्--धर्मरुचे, इदं चेदं मनसिकुरु।
tathāvidhamupaśrutya atīva saṃvignaḥ/ yato 'sya bhagavatā avavādo dattah--dharmaruce, idaṃ cedaṃ manasikuru/
Sanskrit only: no published translation is held for this verse.
इत्युक्त्वा भगवान् विततपक्ष इव राजहंस ऋद्ध्या जेतवनमनुप्राप्तः।
ityuktvā bhagavān vitatapakṣa iva rājahaṃsa ṛddhyā jetavanamanuprāptaḥ/
Sanskrit only: no published translation is held for this verse.
अथ धर्मरुचिना चिन्तयता मनसिकारमनुतिष्ठता उष्मगतान्युत्पादितानि मुर्धानः क्षान्तयो लौकिका अग्रधर्मा दर्शनमार्गो भावनामार्गः।
atha dharmarucinā cintayatā manasikāramanutiṣṭhatā uṣmagatānyutpāditāni murdhānaḥ kṣāntayo laukikā agradharmā darśanamārgo bhāvanāmārgaḥ/
Sanskrit only: no published translation is held for this verse.
स्रोतापत्तिफलं प्राप्तम्।
srotāpattiphalaṃ prāptam/
Sanskrit only: no published translation is held for this verse.
सकृदागमिफलमनागमिफलमर्हत्त्वं प्राप्तम्। अर्हन् संवृत्तस्त्रैधातुकवीतरागः समलोष्टकाञ्चन <१४९>आकाशपाणितलसमचित्तो ऽनुनयप्रतिघप्रहीणो विद्याविदारिताण्डकोशो विद्याभिज्ञाप्रतिसंवित्प्राप्तो भवलाभलोभसत्कारपरान्मुखो वासीचन्दनकल्पः।
sakṛdāgamiphalamanāgamiphalamarhattvaṃ prāptam/ arhan saṃvṛttastraidhātukavītarāgaḥ samaloṣṭakāñcana <149>ākāśapāṇitalasamacitto 'nunayapratighaprahīṇo vidyāvidāritāṇḍakośo vidyābhijñāpratisaṃvitprāpto bhavalābhalobhasatkāraparānmukho vāsīcandanakalpaḥ/
Sanskrit only: no published translation is held for this verse.