सेन्द्रोपेन्द्राणां देवानां पूज्यो मान्यो ऽभिवाद्यश्च संवृत्तः।
sendropendrāṇāṃ devānāṃ pūjyo mānyo 'bhivādyaśca saṃvṛttaḥ/
Sanskrit only: no published translation is held for this verse.
Library·Divyāvadāna·149
Divyāvadāna 149
समन्वाहर्तुमात्मनः पूर्वजातिं प्रवृत्तह्--कुतो ह्यहं च्युतः, कुत्रोपपन्न इति।
samanvāhartumātmanaḥ pūrvajātiṃ pravṛttah--kuto hyahaṃ cyutaḥ, kutropapanna iti/
Sanskrit only: no published translation is held for this verse.
यतः संलक्षयति--अनागताप्यात्मनो जातिसंततिर् निरन्तरमनुपरतप्रबन्धेन नरकप्रेतोपपत्तिः।
yataḥ saṃlakṣayati--anāgatāpyātmano jātisaṃtatir nirantaramanuparataprabandhena narakapretopapattiḥ/
Sanskrit only: no published translation is held for this verse.
स एवं संलक्ष्य दुष्करकारको बत मे भगवान्।
sa evaṃ saṃlakṣya duṣkarakārako bata me bhagavān/
Sanskrit only: no published translation is held for this verse.
यदि च भगवता ममैवैकस्यार्थे ऽनुत्तरा सम्यक्सम्बोधिरधिगता स्यात्, तन्महद्धि उपकृतं स्यात्, प्रागेवानेकेषां सत्त्वसहस्राणामपायगतिगमनमपनयति।
yadi ca bhagavatā mamaivaikasyārthe 'nuttarā samyaksambodhiradhigatā syāt, tanmahaddhi upakṛtaṃ syāt, prāgevānekeṣāṃ sattvasahasrāṇāmapāyagatigamanamapanayati/
Sanskrit only: no published translation is held for this verse.
ततो ऽसौ धर्मरुचिरृद्ध्या जेतवनमनुप्राप्तो भगवन्तं दर्शनाय। तेन खलु समयेन भगवाननेकशताया भिक्षुपर्षदः पुरस्तान्निषण्णो ऽभूत्।
tato 'sau dharmarucirṛddhyā jetavanamanuprāpto bhagavantaṃ darśanāya/ tena khalu samayena bhagavānanekaśatāyā bhikṣuparṣadaḥ purastānniṣaṇṇo 'bhūt/
Sanskrit only: no published translation is held for this verse.
धर्मं देशयति। अथासौ धर्मरुचिर्येन भगवांस्तेनोपसंक्रान्तः।
dharmaṃ deśayati/ athāsau dharmaruciryena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवतः पादौ शिरसा वन्दित्वा एकान्ते न्यषीदत्।
upasaṃkramya bhagavataḥ pādau śirasā vanditvā ekānte nyaṣīdat/
Sanskrit only: no published translation is held for this verse.
एकान्तनिषण्णो भगवता अभिहितह्--चिरस्य धर्मरुचे? धर्मरिचिराह--चिरस्य भगवन्।
ekāntaniṣaṇṇo bhagavatā abhihitah--cirasya dharmaruce? dharmaricirāha--cirasya bhagavan/
Sanskrit only: no published translation is held for this verse.
भगवानाह--सुचिरस्य धर्मरुचे? धर्मरुचिराह--सुचिरस्य भगवन्। भगवानाह--सुचिरचिरस्य ध्रमरुचे? धर्मरुचिरस्य भगवन्॥
bhagavānāha--sucirasya dharmaruce? dharmarucirāha--sucirasya bhagavan/ bhagavānāha--suciracirasya dhramaruce? dharmarucirasya bhagavan//
Sanskrit only: no published translation is held for this verse.
यतः पश्यति अनेकानि जातिशतानि नरकतिर्यक्प्रेतच्युतश्चोपपन्नश्च। तस्यैतदभवत्--यदहं भगवता न समन्वाहृतो ऽभविष्यम्, अनागतास्वपि जातिषु उपसृतो ऽभविष्यम्।
yataḥ paśyati anekāni jātiśatāni narakatiryakpretacyutaścopapannaśca/ tasyaitadabhavat--yadahaṃ bhagavatā na samanvāhṛto 'bhaviṣyam, anāgatāsvapi jātiṣu upasṛto 'bhaviṣyam/
Sanskrit only: no published translation is held for this verse.
यतो भिक्षवः संशयजाताः सर्वसंशयच्छेत्तारं बुद्धं भगवन्तं पृच्छन्ति--भगवन् धर्मरुचिरिहैव श्रावस्त्यां जातो ऽस्मिन्नेव जेतवने प्रव्रजितो न कुतश्चिदागतो न कुत्रचिद्गतः।
yato bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ pṛcchanti--bhagavan dharmarucirihaiva śrāvastyāṃ jāto 'sminneva jetavane pravrajito na kutaścidāgato na kutracidgataḥ/
Sanskrit only: no published translation is held for this verse.
इहैव तिष्ठन् भगवता धर्मरुचिरेवमुच्यते--चिरस्य धर्मरुचे, सुचिरस्य धर्मरुचे, सुचिरचिरस्य धर्मरुचे।
ihaiva tiṣṭhan bhagavatā dharmarucirevamucyate--cirasya dharmaruce, sucirasya dharmaruce, suciracirasya dharmaruce/
Sanskrit only: no published translation is held for this verse.
किं संधाय भगवान् कथयति? एवमुक्ते भगवान् भिक्षूनामन्त्रयते स्म--न भिक्षवः प्रत्युत्पन्नं संधाय कथयामि।
kiṃ saṃdhāya bhagavān kathayati? evamukte bhagavān bhikṣūnāmantrayate sma--na bhikṣavaḥ pratyutpannaṃ saṃdhāya kathayāmi/
Sanskrit only: no published translation is held for this verse.
अतीतं संधाय कथयामि। अतीतं संधाय मयैवमुक्तम्। इच्छथ भिक्षवो ऽस्य धर्मरुचेः पूर्विकां कर्मप्लोतिमारभ्य धार्मिकथां श्रोतुम्? एतस्य भगवन् कालः, एतस्य सुगत समयो यद्भगवान् धर्मरुचिमारभ्य भिक्षूणां धार्मिकथां कुर्यात्।
atītaṃ saṃdhāya kathayāmi/ atītaṃ saṃdhāya mayaivamuktam/ icchatha bhikṣavo 'sya dharmaruceḥ pūrvikāṃ karmaplotimārabhya dhārmikathāṃ śrotum? etasya bhagavan kālaḥ, etasya sugata samayo yadbhagavān dharmarucimārabhya bhikṣūṇāṃ dhārmikathāṃ kuryāt/
Sanskrit only: no published translation is held for this verse.
भगवतः श्रुत्वा भिक्षवो धारयिष्यन्ति॥
bhagavataḥ śrutvā bhikṣavo dhārayiṣyanti//
Sanskrit only: no published translation is held for this verse.
भूतपूर्वं भिक्षवो ऽतीते ऽध्वनि प्रथमे ऽसंख्येये क्षेमंकरो नाम तथागतो लोक उत्पन्नो विद्याचरणसम्पन्नः सुगतो लोकविदनुत्तरः पुरुषदम्यसारथिः शास्ता देवमनुष्याणां च बुद्धो भगवान्।
bhūtapūrvaṃ bhikṣavo 'tīte 'dhvani prathame 'saṃkhyeye kṣemaṃkaro nāma tathāgato loka utpanno vidyācaraṇasampannaḥ sugato lokavidanuttaraḥ puruṣadamyasārathiḥ śāstā devamanuṣyāṇāṃ ca buddho bhagavān/
Sanskrit only: no published translation is held for this verse.
स च क्षेमावतीं राजधानीमुपनिश्रित्य विहरति। तस्यां च क्षेमावत्यां क्षेमो नाम राजा राज्यं कारयति।
sa ca kṣemāvatīṃ rājadhānīmupaniśritya viharati/ tasyāṃ ca kṣemāvatyāṃ kṣemo nāma rājā rājyaṃ kārayati/
Sanskrit only: no published translation is held for this verse.
तस्यां च क्षेमावत्यां राजधान्यामन्यतमो वणिक्श्रेष्ठी प्रतिवसति।
tasyāṃ ca kṣemāvatyāṃ rājadhānyāmanyatamo vaṇikśreṣṭhī prativasati/
Sanskrit only: no published translation is held for this verse.
तेनासौ क्षेमंकरः सम्यक्सम्बुद्धः षष्टिं त्रैमासान् सार्धं भिक्षुसंघेन सर्वोपकरणैरुपस्थितः।
tenāsau kṣemaṃkaraḥ samyaksambuddhaḥ ṣaṣṭiṃ traimāsān sārdhaṃ bhikṣusaṃghena sarvopakaraṇairupasthitaḥ/
Sanskrit only: no published translation is held for this verse.
यतो ऽसौ श्रेष्ठी संलक्षयति--गच्छामि महासमुद्रम्। भाण्डं समुदानीय तस्माच्च रत्नान्यानीय संघे पञ्चवार्षिकं करिष्यामीति।
yato 'sau śreṣṭhī saṃlakṣayati--gacchāmi mahāsamudram/ bhāṇḍaṃ samudānīya tasmācca ratnānyānīya saṃghe pañcavārṣikaṃ kariṣyāmīti/
Sanskrit only: no published translation is held for this verse.
एवं संचिन्त्य भाण्डं समुदानीय ग्रामनिगमपल्लीपत्तनराजधानीष्वनुपूर्वेण चञ्चूर्यमाणः समुद्रमनुप्राप्तः।
evaṃ saṃcintya bhāṇḍaṃ samudānīya grāmanigamapallīpattanarājadhānīṣvanupūrveṇa cañcūryamāṇaḥ samudramanuprāptaḥ/
Sanskrit only: no published translation is held for this verse.
घण्टावघोषणं कृत्वा सामुद्रेण यानपात्रेण महासमुद्रमवतीर्णः।
ghaṇṭāvaghoṣaṇaṃ kṛtvā sāmudreṇa yānapātreṇa mahāsamudramavatīrṇaḥ/
Sanskrit only: no published translation is held for this verse.
अस्य तस्मिन् महासमुद्रे ऽवतीर्णस्य क्षेमंकरः सम्यक्सम्बुद्धः सकलम्बुद्धकार्यं कृत्वा निरुपधिशेषे निर्वाणधातौ परिनिर्वृतः।
asya tasmin mahāsamudre 'vatīrṇasya kṣemaṃkaraḥ samyaksambuddhaḥ sakalambuddhakāryaṃ kṛtvā nirupadhiśeṣe nirvāṇadhātau parinirvṛtaḥ/
Sanskrit only: no published translation is held for this verse.
तस्य परिनिर्वृतस्य वशिनो भिक्षवह् <१५०>परिनिर्वृताः।
tasya parinirvṛtasya vaśino bhikṣavah <150>parinirvṛtāḥ/
Sanskrit only: no published translation is held for this verse.