Library·Divyāvadāna·155
तत्र च दीपावत्यां राजधान्यामनेकानि प्राणिशतसहस्राणि पुष्पैर्धूपैर्गन्धैश्च कारां कुर्वन्ति।
tatra ca dīpāvatyāṃ rājadhānyāmanekāni prāṇiśatasahasrāṇi puṣpairdhūpairgandhaiśca kārāṃ kurvanti/
Sanskrit only: no published translation is held for this verse.
ते ऽपि च सुमतिश्च दारिका च येन दीपंकरः सम्यक्सम्बुद्धस्तेनानुगच्छन्ति पद्मानि गृह्य।
te 'pi ca sumatiśca dārikā ca yena dīpaṃkaraḥ samyaksambuddhastenānugacchanti padmāni gṛhya/
Sanskrit only: no published translation is held for this verse.
ते च तत्र महाजनकायेन पूजार्थं संपरिवृतस्य भगवत उपश्लेषं न लभन्ते।
te ca tatra mahājanakāyena pūjārthaṃ saṃparivṛtasya bhagavata upaśleṣaṃ na labhante/
Sanskrit only: no published translation is held for this verse.
भगवान् संलक्षयति--बहुतरं सुमतिर्माणवो ऽस्मान्महाजनकायात् पुण्यप्रसवं करिष्यति इति।
bhagavān saṃlakṣayati--bahutaraṃ sumatirmāṇavo 'smānmahājanakāyāt puṇyaprasavaṃ kariṣyati iti/
Sanskrit only: no published translation is held for this verse.
मत्वा महतीं तुमुलां वातवृष्टिमभिनिर्मिणोति।
matvā mahatīṃ tumulāṃ vātavṛṣṭimabhinirmiṇoti/
Sanskrit only: no published translation is held for this verse.
यतस्तेन जनकायेनावकाशो दत्तः। लब्धावकाशश्च सुमतिर्माणवो भगवन्तमसेचनकदर्शनं दृष्ट्वा अतीव प्रसादजातः।
yatastena janakāyenāvakāśo dattaḥ/ labdhāvakāśaśca sumatirmāṇavo bhagavantamasecanakadarśanaṃ dṛṣṭvā atīva prasādajātaḥ/
Sanskrit only: no published translation is held for this verse.
प्रसादजातेन च तानि पञ्च पद्मानि भगवतः क्षिप्तानि।
prasādajātena ca tāni pañca padmāni bhagavataḥ kṣiptāni/
Sanskrit only: no published translation is held for this verse.
तानि च भगवता दीपंकरेण सम्यक्सम्बुद्धेन तथा अधिष्ठितानि, यथा शकटीचक्रमात्राणि वितानं बुद्ध्वा व्यवस्थितानि।
tāni ca bhagavatā dīpaṃkareṇa samyaksambuddhena tathā adhiṣṭhitāni, yathā śakaṭīcakramātrāṇi vitānaṃ buddhvā vyavasthitāni/
Sanskrit only: no published translation is held for this verse.
गच्छतो ऽनुगच्छन्ति, तिष्ठतो ऽनुतिष्ठन्ति।
gacchato 'nugacchanti, tiṣṭhato 'nutiṣṭhanti/
Sanskrit only: no published translation is held for this verse.
तथा दृष्ट्वा तया दारिकया प्रसादजातया द्वौ पद्मौ भगवतः क्षिप्तौ। तौ चापि भगवता तथा अधिष्ठितौ यथा शकटीचक्रमात्रौ कर्णसमीपे वितानं बद्ध्वा व्यवस्थितौ।
tathā dṛṣṭvā tayā dārikayā prasādajātayā dvau padmau bhagavataḥ kṣiptau/ tau cāpi bhagavatā tathā adhiṣṭhitau yathā śakaṭīcakramātrau karṇasamīpe vitānaṃ baddhvā vyavasthitau/
Sanskrit only: no published translation is held for this verse.
तत्र च प्रदेशे तुमुलेन वातवर्षेण कर्दमो जातः।
tatra ca pradeśe tumulena vātavarṣeṇa kardamo jātaḥ/
Sanskrit only: no published translation is held for this verse.
पश्चात् सुमतिर्माणवो बुद्धं भगवन्तं सकर्दमं पृथिवीप्रदेशमुपगतः।
paścāt sumatirmāṇavo buddhaṃ bhagavantaṃ sakardamaṃ pṛthivīpradeśamupagataḥ/
Sanskrit only: no published translation is held for this verse.
तस्मिन् सकर्दमे पृथिवीप्रदेशे जातं संतीर्य भगवतो भगवतः पुरतो गाथां भाषते--
tasmin sakardame pṛthivīpradeśe jātaṃ saṃtīrya bhagavato bhagavataḥ purato gāthāṃ bhāṣate--
Sanskrit only: no published translation is held for this verse.
यदि बुद्धो भविष्यामि बोधाय बुद्धवोधन।
yadi buddho bhaviṣyāmi bodhāya buddhavodhana/
Sanskrit only: no published translation is held for this verse.
आक्रमिष्यसि मे पद्भ्यां जटां जन्मजरान्तकाम्॥३॥
ākramiṣyasi me padbhyāṃ jaṭāṃ janmajarāntakām//3//
Sanskrit only: no published translation is held for this verse.
ततस्तेन दीपंकरेण सम्यक्सम्बुद्धेन सम्यक्सम्बुद्धेन तस्य सुमतेर्माणवस्य जटासु पादौ व्यवस्थापितौ।
tatastena dīpaṃkareṇa samyaksambuddhena samyaksambuddhena tasya sumatermāṇavasya jaṭāsu pādau vyavasthāpitau/
Sanskrit only: no published translation is held for this verse.
तस्य च सुमतेः पृष्ठतो ऽनुबुद्ध एव मतिर्माणवस्तिष्ठति। तेन कुपितेनाभिहितं भगवतो दीपंकरस्य--पश्य तावद्भोः, अनेन दीपंकरेण सम्यक्सम्बुद्धेनास्य सुमतेर्माणवस्य तिरश्चाम् यथा पद्भ्यां जटा अवष्टब्धाः।
tasya ca sumateḥ pṛṣṭhato 'nubuddha eva matirmāṇavastiṣṭhati/ tena kupitenābhihitaṃ bhagavato dīpaṃkarasya--paśya tāvadbhoḥ, anena dīpaṃkareṇa samyaksambuddhenāsya sumatermāṇavasya tiraścām yathā padbhyāṃ jaṭā avaṣṭabdhāḥ/
Sanskrit only: no published translation is held for this verse.
पश्चात् दीपंकरेण सम्यक्सम्बुद्धेन सुमतिर्माणवो व्याकृतह्--भविष्यसि त्वं नृभवाद्विमुक्तो मुक्तो विमुर्लोकहिताय शास्ता।
paścāt dīpaṃkareṇa samyaksambuddhena sumatirmāṇavo vyākṛtah--bhaviṣyasi tvaṃ nṛbhavādvimukto mukto vimurlokahitāya śāstā/
Sanskrit only: no published translation is held for this verse.
शाक्यात्मजः शाक्यमुनीति नांना त्रिलोकसारो जगतः प्रदीपः॥४॥
śākyātmajaḥ śākyamunīti nāṃnā trilokasāro jagataḥ pradīpaḥ//4//
Sanskrit only: no published translation is held for this verse.