तया मम निमित्ते न प्रतिज्ञातम्। सा च दारिका हीव्यपत्राप्यगृहीता न किंचिद्वक्ष्यति।
tayā mama nimitte na pratijñātam/ sā ca dārikā hīvyapatrāpyagṛhītā na kiṃcidvakṣyati/
Sanskrit only: no published translation is held for this verse.
Library·Divyāvadāna·158
Divyāvadāna 158
न च शरीरमावृतं करिष्यति। न त्वया तस्या वा अन्वेषणे यत्नः करणीयः।
na ca śarīramāvṛtaṃ kariṣyati/ na tvayā tasyā vā anveṣaṇe yatnaḥ karaṇīyaḥ/
Sanskrit only: no published translation is held for this verse.
ततस्तेन वणिग्दारकेण तस्या वृद्धाया अभिहितम्--कुत्रास्माकं संगतं भविष्यति? तया अभिहितम्--मदीये गृहे।
tatastena vaṇigdārakeṇa tasyā vṛddhāyā abhihitam--kutrāsmākaṃ saṃgataṃ bhaviṣyati? tayā abhihitam--madīye gṛhe/
Sanskrit only: no published translation is held for this verse.
तेनोक्तम्--कुत्रावकाशे तव गृहम्? ततो ऽस्य तया वृद्धया गृहं व्यपदिष्टम्।
tenoktam--kutrāvakāśe tava gṛham? tato 'sya tayā vṛddhayā gṛhaṃ vyapadiṣṭam/
Sanskrit only: no published translation is held for this verse.
सा च वृद्धा तस्या वणिक्पत्न्याः सकाशं गत्वा कथयति--इच्छापितः स वो ऽयं दारकः।
sā ca vṛddhā tasyā vaṇikpatnyāḥ sakāśaṃ gatvā kathayati--icchāpitaḥ sa vo 'yaṃ dārakaḥ/
Sanskrit only: no published translation is held for this verse.
सा कथयति--कुत्रावकाशे संगतं भविष्यति? मदीये गृहे।
sā kathayati--kutrāvakāśe saṃgataṃ bhaviṣyati? madīye gṛhe/
Sanskrit only: no published translation is held for this verse.
स च दारकः कार्याणि कृत्वा गतः। अनुपूर्वेण भुक्त्वा तस्या मातुः कथयति--गच्छाम्यहम्।
sa ca dārakaḥ kāryāṇi kṛtvā gataḥ/ anupūrveṇa bhuktvā tasyā mātuḥ kathayati--gacchāmyaham/
Sanskrit only: no published translation is held for this verse.
वयस्यगृहे स्वप्स्ये। ततो ऽस्य मात्राप्यनुज्ञातम्--गच्छ। स दारको लब्धानुज्ञस्तस्या वृद्धाया गृहं गतः।
vayasyagṛhe svapsye/ tato 'sya mātrāpyanujñātam--gaccha/ sa dārako labdhānujñastasyā vṛddhāyā gṛhaṃ gataḥ/
Sanskrit only: no published translation is held for this verse.
तस्य दारकस्य तस्मिन् गृहे गतस्य रतिक्रीडाकालमागमयमानस्य तिष्ठतो निशिकालमप्रत्यभिज्ञातम्।
tasya dārakasya tasmin gṛhe gatasya ratikrīḍākālamāgamayamānasya tiṣṭhato niśikālamapratyabhijñātam/
Sanskrit only: no published translation is held for this verse.
रूपे काले सा माता अस्य वणिग्दारकस्य तस्मिन्नेव गृहे रतिक्रीडामनुभवनार्थं तत्रैव गता।
rūpe kāle sā mātā asya vaṇigdārakasya tasminneva gṛhe ratikrīḍāmanubhavanārthaṃ tatraiva gatā/
Sanskrit only: no published translation is held for this verse.
गत्वा च तस्मिन् गृहे विकालमव्यक्तिं विभाव्यमाने रूपाकृतौ निर्गूढेनोपचारक्रमेण रतिक्रीडां पुत्रेण सार्धमनुभवितुं प्रवृत्ता पापकेनासद्धर्मेण।
gatvā ca tasmin gṛhe vikālamavyaktiṃ vibhāvyamāne rūpākṛtau nirgūḍhenopacārakrameṇa ratikrīḍāṃ putreṇa sārdhamanubhavituṃ pravṛttā pāpakenāsaddharmeṇa/
Sanskrit only: no published translation is held for this verse.
सा च परिक्षीणायां रात्रौ अनुभूतरतिक्रीडा सतमोन्धकारे कालायामेव रजन्यामविभाव्यमानरूपाकृतौ स्वगृहं गच्छति।
sā ca parikṣīṇāyāṃ rātrau anubhūtaratikrīḍā satamondhakāre kālāyāmeva rajanyāmavibhāvyamānarūpākṛtau svagṛhaṃ gacchati/
Sanskrit only: no published translation is held for this verse.
स चापि वणिग्दारको रतिक्रीडामनुभूय प्रभातायां रजन्यां भाण्डावारिं गत्वा कुटुम्बकार्याणि करोति।
sa cāpi vaṇigdārako ratikrīḍāmanubhūya prabhātāyāṃ rajanyāṃ bhāṇḍāvāriṃ gatvā kuṭumbakāryāṇi karoti/
Sanskrit only: no published translation is held for this verse.
एवं द्विरपि त्रिरपि। तत्र वृद्धाया गृहे रतिक्रीडामनुभवंश्च चिरकालमेवं वर्तमानेन रतिक्रीडाक्रमेण तस्य दारकस्य सा माता चिन्तयितुं प्रवृत्ता--कियत्कालमब्यद्गृहमहमेवमविभाव्यमानरूपा रतिक्रीडामनुभविष्यामि? यन्न्वहमस्यैतत् रतिक्रीडाक्रमं तथाविधं क्रमेण संवेदयेयम्, यथा इहैव गृहे रतिक्रीडा भवेत्।
evaṃ dvirapi trirapi/ tatra vṛddhāyā gṛhe ratikrīḍāmanubhavaṃśca cirakālamevaṃ vartamānena ratikrīḍākrameṇa tasya dārakasya sā mātā cintayituṃ pravṛttā--kiyatkālamabyadgṛhamahamevamavibhāvyamānarūpā ratikrīḍāmanubhaviṣyāmi? yannvahamasyaitat ratikrīḍākramaṃ tathāvidhaṃ krameṇa saṃvedayeyam, yathā ihaiva gṛhe ratikrīḍā bhavet/
Sanskrit only: no published translation is held for this verse.
इति संचिन्त्य तत्रैव वृद्धागृहे गत्वा रतिक्रीडां पुत्रेण सार्धमनुभूय रजन्याः क्षये सतमोन्धकारकाले तस्य दारकस्योपरिमं प्रावरणं निवस्यात्मनीयां च शिरोत्तरपट्टिकां त्यक्त्वा स्वगृहं गता।
iti saṃcintya tatraiva vṛddhāgṛhe gatvā ratikrīḍāṃ putreṇa sārdhamanubhūya rajanyāḥ kṣaye satamondhakārakāle tasya dārakasyoparimaṃ prāvaraṇaṃ nivasyātmanīyāṃ ca śirottarapaṭṭikāṃ tyaktvā svagṛhaṃ gatā/
Sanskrit only: no published translation is held for this verse.
स च दारकः प्रभाअकाले तां पट्टिकां शिरसि मञ्चस्यावतिष्ठन्तीं संपश्यति।
sa ca dārakaḥ prabhāakāle tāṃ paṭṭikāṃ śirasi mañcasyāvatiṣṭhantīṃ saṃpaśyati/
Sanskrit only: no published translation is held for this verse.
आत्मीयामेवोपरिप्रावरणपोत्रीमलभमानस्तत्रैव तां पट्टिकां संलक्ष्य त्यक्त्वा भाण्डावारीं गत्वा युगलमन्यं प्रावृत्य स्वगृहं गतः।
ātmīyāmevopariprāvaraṇapotrīmalabhamānastatraiva tāṃ paṭṭikāṃ saṃlakṣya tyaktvā bhāṇḍāvārīṃ gatvā yugalamanyaṃ prāvṛtya svagṛhaṃ gataḥ/
Sanskrit only: no published translation is held for this verse.
तत्र च गतः संपश्यति तमेवात्मीयं प्रवरणं तस्या मातुः शिरसि प्रावृतम्।
tatra ca gataḥ saṃpaśyati tamevātmīyaṃ pravaraṇaṃ tasyā mātuḥ śirasi prāvṛtam/
Sanskrit only: no published translation is held for this verse.
दृष्ट्वा च तां मातरं पृच्छति--अम्ब, कुतो ऽयं शिरसि प्रावरणो ऽभ्यागतह्? यतस्तया अभिहितम्--अद्याप्यहं तवाम्बा? एवं चिरकालं तव मया सार्धं कामान् परिभुञ्जतो ऽद्याप्यहं तव सैवाम्बा? यतः स वणिग्दारकस्तथाविधं मातृवचनमुपश्रुत्य संमूढो विह्वलचेता भूमौ निपतितः।
dṛṣṭvā ca tāṃ mātaraṃ pṛcchati--amba, kuto 'yaṃ śirasi prāvaraṇo 'bhyāgatah? yatastayā abhihitam--adyāpyahaṃ tavāmbā? evaṃ cirakālaṃ tava mayā sārdhaṃ kāmān paribhuñjato 'dyāpyahaṃ tava saivāmbā? yataḥ sa vaṇigdārakastathāvidhaṃ mātṛvacanamupaśrutya saṃmūḍho vihvalacetā bhūmau nipatitaḥ/
Sanskrit only: no published translation is held for this verse.
ततस्तया स मात्रा घटजलपरिषेकेणावसिक्तः। स जलपरिषेकावसिक्तो दारकश्चिरेण कालेन प्रत्यागतप्राणस्तया मात्रा समाश्वास्यते--किमेवं खेदमुपागतस्त्वम्? अस्मदीयं वचनमुपश्रुत्य धीरमना भवस्व।
tatastayā sa mātrā ghaṭajalapariṣekeṇāvasiktaḥ/ sa jalapariṣekāvasikto dārakaścireṇa kālena pratyāgataprāṇastayā mātrā samāśvāsyate--kimevaṃ khedamupāgatastvam? asmadīyaṃ vacanamupaśrutya dhīramanā bhavasva/
Sanskrit only: no published translation is held for this verse.
न ते विषादः करणीयः। स दारकस्तस्याः कथयति--कथमहं खेदं न करिष्यामि संमोहं वा, येन मया एवंविधं पापकं कर्म कृतम्? ततः स तयाभिहितह्--न ते मनःशूकंस्द्मिन्नर्थे उत्पादयितव्यम्।
na te viṣādaḥ karaṇīyaḥ/ sa dārakastasyāḥ kathayati--kathamahaṃ khedaṃ na kariṣyāmi saṃmohaṃ vā, yena mayā evaṃvidhaṃ pāpakaṃ karma kṛtam? tataḥ sa tayābhihitah--na te manaḥśūkaṃsdminnarthe utpādayitavyam/
Sanskrit only: no published translation is held for this verse.
पन्थासमो मातृग्रामः। येनैवं हि यथा पिता गच्छति, पुत्रो ऽपि तेनैव गच्छति।
panthāsamo mātṛgrāmaḥ/ yenaivaṃ hi yathā pitā gacchati, putro 'pi tenaiva gacchati/
Sanskrit only: no published translation is held for this verse.
न चासौ पन्था पुत्रस्यानुगच्छतो दोषकारको <१५९>भवति, एवमेव मातृग्रामः।
na cāsau panthā putrasyānugacchato doṣakārako <159>bhavati, evameva mātṛgrāmaḥ/
Sanskrit only: no published translation is held for this verse.