Library·Divyāvadāna·159
तीर्यसमो ऽपि च मातृग्रामः। यत्रैव हि तीर्ये पिता स्नाति, पुत्रो ऽपि तस्मिन् स्नाति, न च तीर्यं पुत्रस्य स्नायतो दोषकारकं भवति।
tīryasamo 'pi ca mātṛgrāmaḥ/ yatraiva hi tīrye pitā snāti, putro 'pi tasmin snāti, na ca tīryaṃ putrasya snāyato doṣakārakaṃ bhavati/
Sanskrit only: no published translation is held for this verse.
एवमेव मातृग्रामः। अपि च प्रत्यन्तेषु जनपदेषु धर्मतैवैषा यस्यामेव पिता असद्धर्मेणाभिगच्छति, तामेव पुत्रो ऽप्यधिगच्छति।
evameva mātṛgrāmaḥ/ api ca pratyanteṣu janapadeṣu dharmataivaiṣā yasyāmeva pitā asaddharmeṇābhigacchati, tāmeva putro 'pyadhigacchati/
Sanskrit only: no published translation is held for this verse.
एवमसौ वणिग्दारको मात्रा बहुविधैरनुनयवचनैर्विनीतशोकस्तया मात्रा तस्मिन् पातके ऽसद्धर्मे पुनः पुनरतीव संजातरागः प्रवृत्तः।
evamasau vaṇigdārako mātrā bahuvidhairanunayavacanairvinītaśokastayā mātrā tasmin pātake 'saddharme punaḥ punaratīva saṃjātarāgaḥ pravṛttaḥ/
Sanskrit only: no published translation is held for this verse.
तेन च श्रेष्ठिना गृहे लेख्यो ऽनुप्रेषितः। भद्रे, धीरोर्जितमहोत्साहा भवस्व।
tena ca śreṣṭhinā gṛhe lekhyo 'nupreṣitaḥ/ bhadre, dhīrorjitamahotsāhā bhavasva/
Sanskrit only: no published translation is held for this verse.
अहमपि लेखानुपदमेवागमिष्ये। सा वणिक्पत्नी तथाविधं लेखार्थं श्रुत्वा वैमनस्यजाता चिन्तयितुं प्रवृत्ता--महान्तं कालं मम तस्यागमनमुदीक्षमाणायाः।
ahamapi lekhānupadamevāgamiṣye/ sā vaṇikpatnī tathāvidhaṃ lekhārthaṃ śrutvā vaimanasyajātā cintayituṃ pravṛttā--mahāntaṃ kālaṃ mama tasyāgamanamudīkṣamāṇāyāḥ/
Sanskrit only: no published translation is held for this verse.
तदा नागतः।
tadā nāgataḥ/
Sanskrit only: no published translation is held for this verse.
इदानीं मया एवंविधेनोपक्रमेण पुत्रं च परिचरित्वा स चागमिष्यति। क उपायः स्यात् यदहं तमिहासम्प्राप्तमेव जीवितात् व्यपरोपयेयम्? इति संचिन्त्य तं पुत्रमाहूय कथयति--पित्रा ते लेख्यो ऽनुप्रेषितह् आगमिष्यतीति।
idānīṃ mayā evaṃvidhenopakrameṇa putraṃ ca paricaritvā sa cāgamiṣyati/ ka upāyaḥ syāt yadahaṃ tamihāsamprāptameva jīvitāt vyaparopayeyam? iti saṃcintya taṃ putramāhūya kathayati--pitrā te lekhyo 'nupreṣitah āgamiṣyatīti/
Sanskrit only: no published translation is held for this verse.
जाजसे ऽस्माभिरिदानीं किं करणीयमिति? गच्छस्व, पितरमसम्प्राप्तमेव घातय।
jājase 'smābhiridānīṃ kiṃ karaṇīyamiti? gacchasva, pitaramasamprāptameva ghātaya/
Sanskrit only: no published translation is held for this verse.
स कथयति--कथमहं पितरं घातयिष्ये? यदा असौ न प्रसहते पितृवधं कर्तुम्, तदा तया मात्रा भूयो ऽनुवृत्तिवचनैरभिहितह्--तस्यानुवृत्तिवचनैरुच्यमानस्य कामेषु संरक्तस्याध्यवसायो जातः पितृवधं प्रति।
sa kathayati--kathamahaṃ pitaraṃ ghātayiṣye? yadā asau na prasahate pitṛvadhaṃ kartum, tadā tayā mātrā bhūyo 'nuvṛttivacanairabhihitah--tasyānuvṛttivacanairucyamānasya kāmeṣu saṃraktasyādhyavasāyo jātaḥ pitṛvadhaṃ prati/
Sanskrit only: no published translation is held for this verse.
कामान् खलु प्रतिसेवतो न हि किंचित् पापकं कर्माकरणीयमिति वदामि।
kāmān khalu pratisevato na hi kiṃcit pāpakaṃ karmākaraṇīyamiti vadāmi/
Sanskrit only: no published translation is held for this verse.
ततस्तेनोक्तम्--केनोपायेन घातयामि? तया अभिहितम्--अहमेवोपायं संविधास्ये।
tatastenoktam--kenopāyena ghātayāmi? tayā abhihitam--ahamevopāyaṃ saṃvidhāsye/
Sanskrit only: no published translation is held for this verse.
इत्युक्त्वा विषमादाय समितायां मिश्रयित्वा मण्डिलकान् पक्त्वा अन्ये ऽपि च निर्विषाः पक्ताः।
ityuktvā viṣamādāya samitāyāṃ miśrayitvā maṇḍilakān paktvā anye 'pi ca nirviṣāḥ paktāḥ/
Sanskrit only: no published translation is held for this verse.
यतस्तं दारकमाहूय कथयति--गच्छस्व।
yatastaṃ dārakamāhūya kathayati--gacchasva/
Sanskrit only: no published translation is held for this verse.
अमी सविषा मण्डिलका निर्विषाश्च। गृह्य पितृसकाशं गत्वा च तस्य विश्वस्तस्यैकत्र भुञ्जत एतान् सविषान् मण्डिलकान् प्रयच्छस्व, आत्मना च निर्विषान् भक्षय।
amī saviṣā maṇḍilakā nirviṣāśca/ gṛhya pitṛsakāśaṃ gatvā ca tasya viśvastasyaikatra bhuñjata etān saviṣān maṇḍilakān prayacchasva, ātmanā ca nirviṣān bhakṣaya/
Sanskrit only: no published translation is held for this verse.
ततः स दारकस्तेन लेखवाहिकमनुष्येण सार्धं तान् मण्डिलकान् गृह्य गतः पितृसकाशम्।
tataḥ sa dārakastena lekhavāhikamanuṣyeṇa sārdhaṃ tān maṇḍilakān gṛhya gataḥ pitṛsakāśam/
Sanskrit only: no published translation is held for this verse.
आगम्य पिता अस्य अतीव तं पुत्रं दृष्ट्वा अभिरूपप्रासादिकं महेशाख्यं प्रामोद्यं प्राप्तः।
āgamya pitā asya atīva taṃ putraṃ dṛṣṭvā abhirūpaprāsādikaṃ maheśākhyaṃ prāmodyaṃ prāptaḥ/
Sanskrit only: no published translation is held for this verse.
सह्यासह्यं पृष्ट्वा तेषां तेषां वणिजामाख्याति--अयं भवन्तो ऽस्माकं पुत्रः।
sahyāsahyaṃ pṛṣṭvā teṣāṃ teṣāṃ vaṇijāmākhyāti--ayaṃ bhavanto 'smākaṃ putraḥ/
Sanskrit only: no published translation is held for this verse.
यदा तेन दारकेण संलक्षितं सर्वत्र अहमनेन पित्रा प्रतिसंवेदित इति, ततस्तं पितरमाह--तात, अम्बया मण्डिलकाः प्रहेणकमनुप्रेषितम्।
yadā tena dārakeṇa saṃlakṣitaṃ sarvatra ahamanena pitrā pratisaṃvedita iti, tatastaṃ pitaramāha--tāta, ambayā maṇḍilakāḥ praheṇakamanupreṣitam/
Sanskrit only: no published translation is held for this verse.
तत्तातः परिभुञ्जतु। पश्चात्तेन पित्रा सार्धमेकफलायां भुञ्जता तस्य पितुः सविषा मण्डिलका दत्ताः, आत्मना निर्विषाः प्रभक्षिताः।
tattātaḥ paribhuñjatu/ paścāttena pitrā sārdhamekaphalāyāṃ bhuñjatā tasya pituḥ saviṣā maṇḍilakā dattāḥ, ātmanā nirviṣāḥ prabhakṣitāḥ/
Sanskrit only: no published translation is held for this verse.
यतो ऽस्य पिता तान् सविषान् मण्डिलकान् भक्षयित्वा भृतः।
yato 'sya pitā tān saviṣān maṇḍilakān bhakṣayitvā bhṛtaḥ/
Sanskrit only: no published translation is held for this verse.
तस्य च पितुः कालधर्मणा युक्तस्य च दारको न केनचित् पापकं कर्म कुर्वाणो ऽभिशङ्कितो वा प्रतिसंवेदितो वा।
tasya ca pituḥ kāladharmaṇā yuktasya ca dārako na kenacit pāpakaṃ karma kurvāṇo 'bhiśaṅkito vā pratisaṃvedito vā/
Sanskrit only: no published translation is held for this verse.
पश्चात्तैरिष्टस्निग्धसुहृद्भिर्वणिग्भिः शोचयित्वा यत्तत्तु किंचित्तस्य वणिजो भण्डमासीद्धिरण्यसुवर्णं वा, तत्तस्य दारकस्य दत्तम्।
paścāttairiṣṭasnigdhasuhṛdbhirvaṇigbhiḥ śocayitvā yattattu kiṃcittasya vaṇijo bhaṇḍamāsīddhiraṇyasuvarṇaṃ vā, tattasya dārakasya dattam/
Sanskrit only: no published translation is held for this verse.
स दारकस्तं भाण्डं हिरण्यसुवर्णं पैतृकं गृह्य स्वगृहमनुप्राप्तः।
sa dārakastaṃ bhāṇḍaṃ hiraṇyasuvarṇaṃ paitṛkaṃ gṛhya svagṛhamanuprāptaḥ/
Sanskrit only: no published translation is held for this verse.
तस्य च गतस्य स्वगृहं सा माता प्रच्छन्नासद्धर्मेण तं पुत्रं परिचरमाणा रतिं नाधिगच्छति, अनभिरतरूपा च तं पुत्रं वदति--कियत्कालं वयमेवं प्रच्छन्नेन क्रमेण रतिक्रीडामनुभविष्यामह्? यन्नु वयमस्माद्देशादन्यदेशान्तरं गत्वा प्रकाशक्रमेण निःशङ्का भूत्वा जायापतीति विख्यातधर्माणः सुखं प्रतिवसेम।
tasya ca gatasya svagṛhaṃ sā mātā pracchannāsaddharmeṇa taṃ putraṃ paricaramāṇā ratiṃ nādhigacchati, anabhiratarūpā ca taṃ putraṃ vadati--kiyatkālaṃ vayamevaṃ pracchannena krameṇa ratikrīḍāmanubhaviṣyāmah? yannu vayamasmāddeśādanyadeśāntaraṃ gatvā prakāśakrameṇa niḥśaṅkā bhūtvā jāyāpatīti vikhyātadharmāṇaḥ sukhaṃ prativasema/
Sanskrit only: no published translation is held for this verse.
ततस्तौ गृहं त्यक्त्वा <१६०>मित्रस्वजनसम्बन्धिवर्गानपहाय पुराणदासीदासकर्मकरांस्त्यक्त्वा यावदर्थजातं हिरण्यसुवर्णं च गृह्य अन्यविषयान्तरं गतौ।
tatastau gṛhaṃ tyaktvā <160>mitrasvajanasambandhivargānapahāya purāṇadāsīdāsakarmakarāṃstyaktvā yāvadarthajātaṃ hiraṇyasuvarṇaṃ ca gṛhya anyaviṣayāntaraṃ gatau/
Sanskrit only: no published translation is held for this verse.