ततस्तेन तस्मिन् विहारे शयितानां भिक्षूणामग्निर्दत्तः।
tatastena tasmin vihāre śayitānāṃ bhikṣūṇāmagnirdattaḥ/
Sanskrit only: no published translation is held for this verse.
Library·Divyāvadāna·161
Divyāvadāna 161
तस्मिन् विहारे ऽग्निं दत्वा अन्यत्र विहारं गतः। तत्रापि गत्वा भिक्षूणामुपसंक्रम्य प्रव्रज्यामायाचते।
tasmin vihāre 'gniṃ datvā anyatra vihāraṃ gataḥ/ tatrāpi gatvā bhikṣūṇāmupasaṃkramya pravrajyāmāyācate/
Sanskrit only: no published translation is held for this verse.
तैरपि तथैवानुपूर्वेण पृष्ट्वा प्रत्याख्यातः। तत्रापि तेन तथैव प्रतिहतचेतसा अग्निर्दत्तः।
tairapi tathaivānupūrveṇa pṛṣṭvā pratyākhyātaḥ/ tatrāpi tena tathaiva pratihatacetasā agnirdattaḥ/
Sanskrit only: no published translation is held for this verse.
तत्रापि विहारे बहवो भिक्षवः शैक्षाशैक्षाश्च दग्धाः।
tatrāpi vihāre bahavo bhikṣavaḥ śaikṣāśaikṣāśca dagdhāḥ/
Sanskrit only: no published translation is held for this verse.
एवं तस्यानेकान् विहारान् दहतः सर्वत्र शब्दो विसृतह्--एवंविधश्चैवंविधश्च पापकर्मकारी पुरुषो भिक्षुभ्यः प्रव्रज्यामलभन् विहारान् भिक्षूंश्च दहतीति।
evaṃ tasyānekān vihārān dahataḥ sarvatra śabdo visṛtah--evaṃvidhaścaivaṃvidhaśca pāpakarmakārī puruṣo bhikṣubhyaḥ pravrajyāmalabhan vihārān bhikṣūṃśca dahatīti/
Sanskrit only: no published translation is held for this verse.
स च पुरुषो ऽन्यविहारं प्रस्थितः।
sa ca puruṣo 'nyavihāraṃ prasthitaḥ/
Sanskrit only: no published translation is held for this verse.
तत्र च विहारे बोधिसत्त्वजातीयो भिक्षुः प्रतिवसति तृपितः। तेन श्रुतं स एवं दुष्करकर्मकारी पुरुष इहागच्छतीति।
tatra ca vihāre bodhisattvajātīyo bhikṣuḥ prativasati tṛpitaḥ/ tena śrutaṃ sa evaṃ duṣkarakarmakārī puruṣa ihāgacchatīti/
Sanskrit only: no published translation is held for this verse.
यतः स भिक्षुस्तस्य पुरुषस्यासम्प्राप्तस्यैव तस्मिन् विहारे प्रत्युद्गतः।
yataḥ sa bhikṣustasya puruṣasyāsamprāptasyaiva tasmin vihāre pratyudgataḥ/
Sanskrit only: no published translation is held for this verse.
स तं पुरुषं समेत्य कथयति--भद्रमुख, किमेतत्? यतो ऽस्य पुरुषेणोक्तम्--आर्य, प्रव्रज्यां न लभामि।
sa taṃ puruṣaṃ sametya kathayati--bhadramukha, kimetat? yato 'sya puruṣeṇoktam--ārya, pravrajyāṃ na labhāmi/
Sanskrit only: no published translation is held for this verse.
ततस्तेन भिक्षुणाम् उक्तम्--आगच्छ वत्स, अहं ते प्रव्राजयामीति।
tatastena bhikṣuṇām uktam--āgaccha vatsa, ahaṃ te pravrājayāmīti/
Sanskrit only: no published translation is held for this verse.
पश्चात् तेन भिक्षुणा तस्य पुरुषस्य शिरो मुण्डापयित्वा काषायाणि वस्त्राणि दत्तानि।
paścāt tena bhikṣuṇā tasya puruṣasya śiro muṇḍāpayitvā kāṣāyāṇi vastrāṇi dattāni/
Sanskrit only: no published translation is held for this verse.
पश्चात् स पुरुषः कथयति--आर्य, शिक्षापदानि मे ऽनुप्रयच्छ। ततस्तेन भिक्षुणा उक्तह्--किं ते शिक्षापदैः प्रयोजनम्? एवं सर्वकालं वदस्व--नमो बुद्धाय, नमो धर्माय, नमः संघायेति।
paścāt sa puruṣaḥ kathayati--ārya, śikṣāpadāni me 'nuprayaccha/ tatastena bhikṣuṇā uktah--kiṃ te śikṣāpadaiḥ prayojanam? evaṃ sarvakālaṃ vadasva--namo buddhāya, namo dharmāya, namaḥ saṃghāyeti/
Sanskrit only: no published translation is held for this verse.
पश्चात् स भिक्षुस्तस्य पुरुषस्य धर्मदेशनामारब्धः कर्तुम्--त्वमेवंविधश्चैवंविधश्च पापकर्मकारी सत्त्वो यदि कदाचिद्बुद्धशब्दं शृणोषि, स्मृतिं प्रतिलभेथाः।
paścāt sa bhikṣustasya puruṣasya dharmadeśanāmārabdhaḥ kartum--tvamevaṃvidhaścaivaṃvidhaśca pāpakarmakārī sattvo yadi kadācidbuddhaśabdaṃ śṛṇoṣi, smṛtiṃ pratilabhethāḥ/
Sanskrit only: no published translation is held for this verse.
अथासौ त्रिपिटो भिक्षुश्च्युतः कालगतो देवेषुपपन्नः।
athāsau tripiṭo bhikṣuścyutaḥ kālagato deveṣupapannaḥ/
Sanskrit only: no published translation is held for this verse.
स चापि पुरुषश्च्युतः कालगतो नरकेषूपपन्नः॥
sa cāpi puruṣaścyutaḥ kālagato narakeṣūpapannaḥ//
Sanskrit only: no published translation is held for this verse.
यतो भगवानाह--किं मन्यध्वे भिक्षवह्? यो ऽसौ अतीते ऽध्वनि भिक्षुस् त्रिपिटह् आस, अहमेव स तेन कालेन तेन समयेन।
yato bhagavānāha--kiṃ manyadhve bhikṣavah? yo 'sau atīte 'dhvani bhikṣus tripiṭah āsa, ahameva sa tena kālena tena samayena/
Sanskrit only: no published translation is held for this verse.
यो ऽसौ पापकर्मकारी सत्त्वो मातापित्रर्हद्धातकः, एष एव धर्मरुचिः।
yo 'sau pāpakarmakārī sattvo mātāpitrarhaddhātakaḥ, eṣa eva dharmaruciḥ/
Sanskrit only: no published translation is held for this verse.
इदं मम तृतीये ऽसंख्येये ऽस्य धर्मरुचेर्दर्शनम्। तदहं संधाय कथयामि--चिरस्य धर्मरुचे, सुचिरस्य धर्मरुचे, सुचिरचिरस्य धर्मरुचे।
idaṃ mama tṛtīye 'saṃkhyeye 'sya dharmarucerdarśanam/ tadahaṃ saṃdhāya kathayāmi--cirasya dharmaruce, sucirasya dharmaruce, suciracirasya dharmaruce/
Sanskrit only: no published translation is held for this verse.
यावच्च मया भिक्षवस्त्रिभिरसंख्येयैः षड्भिः पारमिताभिरन्यैश्च दुष्करशतसहस्रैरनुत्तरा सम्यक्सम्बोधिः समुदानीता, तावदनेन धर्मरुचिना यद्भूयसा नरकतिर्यक्षु क्षिपितम्॥
yāvacca mayā bhikṣavastribhirasaṃkhyeyaiḥ ṣaḍbhiḥ pāramitābhiranyaiśca duṣkaraśatasahasrairanuttarā samyaksambodhiḥ samudānītā, tāvadanena dharmarucinā yadbhūyasā narakatiryakṣu kṣipitam//
Sanskrit only: no published translation is held for this verse.
इदमवोचद्भगवान्। आत्तमनसस्ते भिक्षवो भगवतो भाषितमभ्यनन्दन्॥
idamavocadbhagavān/ āttamanasaste bhikṣavo bhagavato bhāṣitamabhyanandan//
Sanskrit only: no published translation is held for this verse.
धर्मरुच्यवदानमष्टादशम्॥
dharmarucyavadānamaṣṭādaśam//
Sanskrit only: no published translation is held for this verse.