<१६६>सचन्द्रतारं प्रपतेदिहाम्बरं मही सशैला सवना नभो व्रजेत्।
<166>sacandratāraṃ prapatedihāmbaraṃ mahī saśailā savanā nabho vrajet/
Sanskrit only: no published translation is held for this verse.
Library·Divyāvadāna·166
Divyāvadāna 166
महोदधीनामुदकं क्षयं व्रजेन्महर्षयः स्यूर् न मृषाभिधायिनः॥८॥इति
mahodadhīnāmudakaṃ kṣayaṃ vrajenmaharṣayaḥ syūr na mṛṣābhidhāyinaḥ//8//iti
Sanskrit only: no published translation is held for this verse.
स च ब्राह्मणदारकः कथयति--वयस्य, यद्येवम्, गच्छामः शीतवनं महाश्मशानं पश्यामह्? वयस्य, गच्छामः।
sa ca brāhmaṇadārakaḥ kathayati--vayasya, yadyevam, gacchāmaḥ śītavanaṃ mahāśmaśānaṃ paśyāmah? vayasya, gacchāmaḥ/
Sanskrit only: no published translation is held for this verse.
तौ स्म्प्रस्थितौ। भगवांश्च राजगृहान्निर्गतः। अद्राक्षीत् स क्षत्रियदारको भगवन्तं दूरादेव।
tau smprasthitau/ bhagavāṃśca rājagṛhānnirgataḥ/ adrākṣīt sa kṣatriyadārako bhagavantaṃ dūrādeva/
Sanskrit only: no published translation is held for this verse.
दृष्ट्वा च पुनर्गाथां भाषते--
dṛṣṭvā ca punargāthāṃ bhāṣate--
Sanskrit only: no published translation is held for this verse.
अनुद्धतो विगतकुतूहलो मुनिर्यथा व्रजत्येष जनौघसंवृतः।
anuddhato vigatakutūhalo muniryathā vrajatyeṣa janaughasaṃvṛtaḥ/
Sanskrit only: no published translation is held for this verse.
निःसंशयं परगणवादिमर्दनो नदस्यते मृगपतिनादमुत्तमम्॥९॥
niḥsaṃśayaṃ paragaṇavādimardano nadasyate mṛgapatinādamuttamam//9//
Sanskrit only: no published translation is held for this verse.
यथा ह्यमी शीतवनोन्मुखोत्सुकाः प्रवान्ति वाता हिमपङ्कशीतलाः।
yathā hyamī śītavanonmukhotsukāḥ pravānti vātā himapaṅkaśītalāḥ/
Sanskrit only: no published translation is held for this verse.
प्रयान्ति नूनं बहवो दिवौकसो निरीक्षितुं शाक्यमुनेर्विकुर्वितम्॥१०॥इति।
prayānti nūnaṃ bahavo divaukaso nirīkṣituṃ śākyamunervikurvitam//10//iti/
Sanskrit only: no published translation is held for this verse.
राज्ञा बिम्बिसारेण श्रुतम्--भगवता सुभद्रस्य गृहपतेः पत्नी व्याकृता--पुत्रं जनयिष्यति, कुलमुद्द्योतयिष्यति, दिव्यमानुषीं श्रियं प्रत्यनुभविष्यति, मम शासने प्रव्रज्य सर्वक्लेशप्रहाणादर्हत्त्वं साक्षात्करिष्यति।
rājñā bimbisāreṇa śrutam--bhagavatā subhadrasya gṛhapateḥ patnī vyākṛtā--putraṃ janayiṣyati, kulamuddyotayiṣyati, divyamānuṣīṃ śriyaṃ pratyanubhaviṣyati, mama śāsane pravrajya sarvakleśaprahāṇādarhattvaṃ sākṣātkariṣyati/
Sanskrit only: no published translation is held for this verse.
सा च मृता कालगता शीतवनं श्मशानमभिनिर्हृता। भगवांश्च सश्रावकसंघः शीतवनं संप्रस्थित इति।
sā ca mṛtā kālagatā śītavanaṃ śmaśānamabhinirhṛtā/ bhagavāṃśca saśrāvakasaṃghaḥ śītavanaṃ saṃprasthita iti/
Sanskrit only: no published translation is held for this verse.
श्रुत्वा च पुनरस्यैतदभवत्--न भगवान् निरर्थकं शीतवनं गच्छति।
śrutvā ca punarasyaitadabhavat--na bhagavān nirarthakaṃ śītavanaṃ gacchati/
Sanskrit only: no published translation is held for this verse.
नूनं भगवान् सुभद्रस्य गृहपतेः पत्नीमागम्य महद्विनेयकार्यं कर्तुकामो भविष्यति।
nūnaṃ bhagavān subhadrasya gṛhapateḥ patnīmāgamya mahadvineyakāryaṃ kartukāmo bhaviṣyati/
Sanskrit only: no published translation is held for this verse.
पश्यामीति। सो ऽप्यन्तःपुरकुमारामात्यपौरजानपदपरिवृतो राजगृहान्निर्गन्तुमारब्धः।
paśyāmīti/ so 'pyantaḥpurakumārāmātyapaurajānapadaparivṛto rājagṛhānnirgantumārabdhaḥ/
Sanskrit only: no published translation is held for this verse.
अद्राक्षीत् स क्षत्रियकुमारको राजानं मागधश्रेण्यं बिम्बिसारं दूरादेव। दृष्ट्वा च पुनर्गाथां भाषते--
adrākṣīt sa kṣatriyakumārako rājānaṃ māgadhaśreṇyaṃ bimbisāraṃ dūrādeva/ dṛṣṭvā ca punargāthāṃ bhāṣate--
Sanskrit only: no published translation is held for this verse.
यथा हि श्रेण्यो मगधाधिपो ह्ययं विनिर्ययौ राजगृहात् सबान्धवः।
yathā hi śreṇyo magadhādhipo hyayaṃ viniryayau rājagṛhāt sabāndhavaḥ/
Sanskrit only: no published translation is held for this verse.
प्रवर्तते मे हृदि निश्चिता मतिर्महाजनस्याभ्युदयो भविष्यति॥११॥इति।
pravartate me hṛdi niścitā matirmahājanasyābhyudayo bhaviṣyati//11//iti/
Sanskrit only: no published translation is held for this verse.
जनकायेन भगवन्तं दृष्ट्वा विवरमनुप्रदत्तम्। भगवान् स्मितोन्मुखो महाजनमध्यं प्रविष्टः।
janakāyena bhagavantaṃ dṛṣṭvā vivaramanupradattam/ bhagavān smitonmukho mahājanamadhyaṃ praviṣṭaḥ/
Sanskrit only: no published translation is held for this verse.
निर्ग्रन्थ भगवन्तं स्मितोन्मुखं दृष्ट्वा संलक्षयन्ति--यथा श्रमणो गौतमः स्मितोन्मुखो महाजनमध्यं प्रविष्टः, नूनमयं बोधिसत्त्वो न कालगतः।
nirgrantha bhagavantaṃ smitonmukhaṃ dṛṣṭvā saṃlakṣayanti--yathā śramaṇo gautamaḥ smitonmukho mahājanamadhyaṃ praviṣṭaḥ, nūnamayaṃ bodhisattvo na kālagataḥ/
Sanskrit only: no published translation is held for this verse.
तैः सुभद्रो गृहपतिरुक्तह्--गृहपते, नन्वयं सत्त्वो मन्दभाग्यो न कालगत इति।
taiḥ subhadro gṛhapatiruktah--gṛhapate, nanvayaṃ sattvo mandabhāgyo na kālagata iti/
Sanskrit only: no published translation is held for this verse.
स कथयति--आर्य यद्येवम्, <१६७>कथमत्र प्रतिपत्तव्यमिति? ते कथयन्ति--गृहपते, वयं शमात्तशिक्षाः, त्वमेव ज्ञास्यसीति।
sa kathayati--ārya yadyevam, <167>kathamatra pratipattavyamiti? te kathayanti--gṛhapate, vayaṃ śamāttaśikṣāḥ, tvameva jñāsyasīti/
Sanskrit only: no published translation is held for this verse.