Library·Divyāvadāna·167
स तां पत्नीं चितायामारोप्य ध्मापयितुमारब्धः। तस्याः सर्वः कायो दग्धः स्थापयित्वा कुक्षिसामन्तकम्।
sa tāṃ patnīṃ citāyāmāropya dhmāpayitumārabdhaḥ/ tasyāḥ sarvaḥ kāyo dagdhaḥ sthāpayitvā kukṣisāmantakam/
Sanskrit only: no published translation is held for this verse.
तथासौ कुक्षिः स्फुटितः, पद्मं प्रादुर्भूतम्। तस्य चोपरिपद्मकर्णिकायां कुमारो निषण्णो ऽभिरूपो दर्शनीयः प्रासादिकः।
tathāsau kukṣiḥ sphuṭitaḥ, padmaṃ prādurbhūtam/ tasya coparipadmakarṇikāyāṃ kumāro niṣaṇṇo 'bhirūpo darśanīyaḥ prāsādikaḥ/
Sanskrit only: no published translation is held for this verse.
तं दृष्ट्वा अनेकानि प्राणिशतसहस्राणि परं विस्मयमुपगतानि।
taṃ dṛṣṭvā anekāni prāṇiśatasahasrāṇi paraṃ vismayamupagatāni/
Sanskrit only: no published translation is held for this verse.
निर्ग्रन्था निपातमदमाना नच(नष्ट?)प्रभावाः संवृत्ताः।
nirgranthā nipātamadamānā naca(naṣṭa?)prabhāvāḥ saṃvṛttāḥ/
Sanskrit only: no published translation is held for this verse.
तत्र भगवान् सुभद्रं गृहपतिमामन्त्रयते--गृहपते, गृहाण कुमारम्। स निर्ग्रन्थानां मुखमवलोकितुमारब्धः।
tatra bhagavān subhadraṃ gṛhapatimāmantrayate--gṛhapate, gṛhāṇa kumāram/ sa nirgranthānāṃ mukhamavalokitumārabdhaḥ/
Sanskrit only: no published translation is held for this verse.
ते कथयन्ति--गृहपते, यदि प्रज्वलितामेतां चितां प्रवेक्ष्यसि, सर्वेण सर्वं न भविष्यसीति।
te kathayanti--gṛhapate, yadi prajvalitāmetāṃ citāṃ pravekṣyasi, sarveṇa sarvaṃ na bhaviṣyasīti/
Sanskrit only: no published translation is held for this verse.
स न प्रतिगृह्णाति। तत्र भगवाञ् जीवकं कुमारभूतमामन्त्रयते--गृहाण जीवक कुमारकमिति।
sa na pratigṛhṇāti/ tatra bhagavāñ jīvakaṃ kumārabhūtamāmantrayate--gṛhāṇa jīvaka kumārakamiti/
Sanskrit only: no published translation is held for this verse.
स संलक्षयति--अस्थानमनवकाशो भगवान् मामस्थाने नियोक्ष्यति।
sa saṃlakṣayati--asthānamanavakāśo bhagavān māmasthāne niyokṣyati/
Sanskrit only: no published translation is held for this verse.
गृह्णामीति। तेन निर्विशङ्केन चितां विगाह्य गृहीतः।
gṛhṇāmīti/ tena nirviśaṅkena citāṃ vigāhya gṛhītaḥ/
Sanskrit only: no published translation is held for this verse.
विगाहतस्तस्य जिनाज्ञया चितां प्रतिगृह्णतश्चाग्निगतं कुमारकम्।
vigāhatastasya jinājñayā citāṃ pratigṛhṇataścāgnigataṃ kumārakam/
Sanskrit only: no published translation is held for this verse.
जिनप्रभावान्महतो हुताशनः क्षणेन जातो हिमपङ्कशीतलः॥१२॥
jinaprabhāvānmahato hutāśanaḥ kṣaṇena jāto himapaṅkaśītalaḥ//12//
Sanskrit only: no published translation is held for this verse.
ततो जीवकं कुमारभूतमिदमवोचत्--जीवक, मासि क्षत उपहतो वेति? स कथयति--राजकुले ऽहं भदन्त जातो राजकुले वृद्धः।
tato jīvakaṃ kumārabhūtamidamavocat--jīvaka, māsi kṣata upahato veti? sa kathayati--rājakule 'haṃ bhadanta jāto rājakule vṛddhaḥ/
Sanskrit only: no published translation is held for this verse.
नाभिजानामि गोशीर्षचन्दनस्यापीदृशं शैत्यम् यद्भगवता अधिष्ठितायाश्चितायाः।
nābhijānāmi gośīrṣacandanasyāpīdṛśaṃ śaityam yadbhagavatā adhiṣṭhitāyāścitāyāḥ/
Sanskrit only: no published translation is held for this verse.
तत्र भगवान् सुभद्रं गृहपतिमामन्त्रयते--गृहाणेदानीं गृहपते कुमारमिति।
tatra bhagavān subhadraṃ gṛhapatimāmantrayate--gṛhāṇedānīṃ gṛhapate kumāramiti/
Sanskrit only: no published translation is held for this verse.
स मिथ्यादर्शनविहतः। तथापि न संप्रतिपद्यते। निर्ग्रन्थानामेव मुखं व्यवलोकयति।
sa mithyādarśanavihataḥ/ tathāpi na saṃpratipadyate/ nirgranthānāmeva mukhaṃ vyavalokayati/
Sanskrit only: no published translation is held for this verse.
ते कथयन्ति--गृहपते, अयं सत्त्वो ऽतीव मन्दभाग्यो यो हि नाम सर्वभक्षेणाप्यग्निना न दग्धः।
te kathayanti--gṛhapate, ayaṃ sattvo 'tīva mandabhāgyo yo hi nāma sarvabhakṣeṇāpyagninā na dagdhaḥ/
Sanskrit only: no published translation is held for this verse.
किं बहुना? यद्येवं गृहं प्रवेशयसि, नीयताम्। ते गृहमुत्सादयद् भविष्यसि, त्वं च प्राणैर्वियुज्यस इति।
kiṃ bahunā? yadyevaṃ gṛhaṃ praveśayasi, nīyatām/ te gṛhamutsādayad bhaviṣyasi, tvaṃ ca prāṇairviyujyasa iti/
Sanskrit only: no published translation is held for this verse.
नास्ति आत्मसमं प्रेमेति। तेनासौ न प्रतिगृहीतः।
nāsti ātmasamaṃ premeti/ tenāsau na pratigṛhītaḥ/
Sanskrit only: no published translation is held for this verse.
तत्र भगवान् राजानं बिम्बिसारमामन्तयते--गृहाण महाराज कुमारमिति। तेन ससम्भ्रमेण हस्तौ प्रसार्य गृहीतः।
tatra bhagavān rājānaṃ bimbisāramāmantayate--gṛhāṇa mahārāja kumāramiti/ tena sasambhrameṇa hastau prasārya gṛhītaḥ/
Sanskrit only: no published translation is held for this verse.
ततः समन्ततो निरीक्ष्य कथयति--भगवन्, किं भवतु अस्य दारकस्य ज्योतिष्क इति नामेति।
tataḥ samantato nirīkṣya kathayati--bhagavan, kiṃ bhavatu asya dārakasya jyotiṣka iti nāmeti/
Sanskrit only: no published translation is held for this verse.
तस्य ज्योतिष्क इति नांधेयं व्यवस्थापितम्। ततो भगवता तस्य जनकायस्याशयानुशयं धातुं प्रकृतिं च ज्ञात्वा तादृशी धर्मदेशना कृता, यां श्रुत्वा बहुभिः सत्त्वशतैर्महान् विशेषो ऽधिगतः।
tasya jyotiṣka iti nāṃdheyaṃ vyavasthāpitam/ tato bhagavatā tasya janakāyasyāśayānuśayaṃ dhātuṃ prakṛtiṃ ca jñātvā tādṛśī dharmadeśanā kṛtā, yāṃ śrutvā bahubhiḥ sattvaśatairmahān viśeṣo 'dhigataḥ/
Sanskrit only: no published translation is held for this verse.
कैश्चिच्छ्रोतापत्तिफलं साक्षात्कृतम्, कैश्चित् सकृदागामिफलम्, कैश्चिदनागामिफलम्, कैचित् सर्वक्लेशप्रहाणादर्हत्त्वं साक्षात्कृतम्, कैश्चिदुष्मगतानि कुशलमूलान्युत्पादितानि, कैश्चिन्मूर्धानः, कैश्चित् मृदुमध्याः क्षान्तयः, कैश्चिच्छ्रावकबोधौ चित्तान्युत्पादितानि, कैश्चित् प्रत्येकबोधौ, कैश्चिदनुत्तरायां सम्यक्सम्बोधौ, कैश्चिच्छरणगमनानि, कैश्चिच्छिक्षापदानि।
kaiścicchrotāpattiphalaṃ sākṣātkṛtam, kaiścit sakṛdāgāmiphalam, kaiścidanāgāmiphalam, kaicit sarvakleśaprahāṇādarhattvaṃ sākṣātkṛtam, kaiściduṣmagatāni kuśalamūlānyutpāditāni, kaiścinmūrdhānaḥ, kaiścit mṛdumadhyāḥ kṣāntayaḥ, kaiścicchrāvakabodhau cittānyutpāditāni, kaiścit pratyekabodhau, kaiścidanuttarāyāṃ samyaksambodhau, kaiściccharaṇagamanāni, kaiścicchikṣāpadāni/
Sanskrit only: no published translation is held for this verse.
यद्भूयसा सा पर्षद्बुद्धनिंना धर्मप्रवणा संघप्राग्भारा व्यवस्थिता।
yadbhūyasā sā parṣadbuddhaniṃnā dharmapravaṇā saṃghaprāgbhārā vyavasthitā/
Sanskrit only: no published translation is held for this verse.
ज्योतिष्को दारको राज्ञा बिम्बिसारेण अष्टाभ्यो धात्रीभ्यो ऽनुप्रदत्तो <१६८>द्वाभ्यासंसधात्रीभ्यां द्वाभ्यां क्षीरधाग्त्रीभ्यां द्वाभ्यां मलधात्रीभ्यां द्वाभ्यां क्रीडनिकाभ्यां धात्रीभ्याम्।
jyotiṣko dārako rājñā bimbisāreṇa aṣṭābhyo dhātrībhyo 'nupradatto <168>dvābhyāsaṃsadhātrībhyāṃ dvābhyāṃ kṣīradhāgtrībhyāṃ dvābhyāṃ maladhātrībhyāṃ dvābhyāṃ krīḍanikābhyāṃ dhātrībhyām/
Sanskrit only: no published translation is held for this verse.