Library·Divyāvadāna·170
य एतच्छ्रमणो वा ब्राह्मणो वा महर्द्धिको वा महानुभावह् ऋद्ध्या गृह्णाति, तस्येदम् यथासुखमिति।
ya etacchramaṇo vā brāhmaṇo vā maharddhiko vā mahānubhāvah ṛddhyā gṛhṇāti, tasyedam yathāsukhamiti/
Sanskrit only: no published translation is held for this verse.
तीर्थ्याः कल्यमेवोत्थाय तीर्थ्यस्पर्शनं गच्छन्ति।
tīrthyāḥ kalyamevotthāya tīrthyasparśanaṃ gacchanti/
Sanskrit only: no published translation is held for this verse.
तैस्तद् दृष्टम्। दृष्ट्वा च पुनर्ज्योतिष्कस्य गृहपतेः कथयन्ति--गृहपते, किमेतदिति? तेन तेषां विस्तरेणारोचितम्।
taistad dṛṣṭam/ dṛṣṭvā ca punarjyotiṣkasya gṛhapateḥ kathayanti--gṛhapate, kimetaditi? tena teṣāṃ vistareṇārocitam/
Sanskrit only: no published translation is held for this verse.
ते कथयन्ति--गृहपते, त्वं श्रमणशाक्यपुत्रेष्वभिप्रसन्नः।
te kathayanti--gṛhapate, tvaṃ śramaṇaśākyaputreṣvabhiprasannaḥ/
Sanskrit only: no published translation is held for this verse.
ते एवं ग्रहीष्यन्तीत्युक्त्वा प्रक्रान्ताः। यावत् स्थविरस्थविरा भिक्षवो राजगृहं पिण्डाय प्रविष्टाः।
te evaṃ grahīṣyantītyuktvā prakrāntāḥ/ yāvat sthavirasthavirā bhikṣavo rājagṛhaṃ piṇḍāya praviṣṭāḥ/
Sanskrit only: no published translation is held for this verse.
तैर्दृष्ट्वा तैरपि ज्योतिष्को गृहपतिः पृष्टह्--किमेतदिति? तेन तथैव विस्तरेण समाख्यातम्।
tairdṛṣṭvā tairapi jyotiṣko gṛhapatiḥ pṛṣṭah--kimetaditi? tena tathaiva vistareṇa samākhyātam/
Sanskrit only: no published translation is held for this verse.
ते कथयन्ति--गृहपते, किं पात्रमात्रस्यार्थायात्मानं संप्रकाशयामह्? उक्तं भगवता--प्रच्छन्नकल्याणैर्वो भिक्षवो विहर्तव्यं धूतपापैरित्युक्त्वा प्रक्रान्ताः।
te kathayanti--gṛhapate, kiṃ pātramātrasyārthāyātmānaṃ saṃprakāśayāmah? uktaṃ bhagavatā--pracchannakalyāṇairvo bhikṣavo vihartavyaṃ dhūtapāpairityuktvā prakrāntāḥ/
Sanskrit only: no published translation is held for this verse.
यावदायुष्मान् दशबलः काश्यपस्तमनुप्राप्तः।
yāvadāyuṣmān daśabalaḥ kāśyapastamanuprāptaḥ/
Sanskrit only: no published translation is held for this verse.
स पृच्छति--गृहपते, किमेतदिति? तेन यथावृत्तमारोचितम्।
sa pṛcchati--gṛhapate, kimetaditi? tena yathāvṛttamārocitam/
Sanskrit only: no published translation is held for this verse.
आयुष्मान् दशबलकाश्यपः संलक्षयति--येन मया अनादिकालोपचितं क्लेशगणं वान्तं त्यक्तं छर्दितं प्रतिनिसृष्टम्, तं मां गृहपतिस्तीर्थिकसाधारणया ऋद्ध्या आह्वयति।
āyuṣmān daśabalakāśyapaḥ saṃlakṣayati--yena mayā anādikālopacitaṃ kleśagaṇaṃ vāntaṃ tyaktaṃ charditaṃ pratinisṛṣṭam, taṃ māṃ gṛhapatistīrthikasādhāraṇayā ṛddhyā āhvayati/
Sanskrit only: no published translation is held for this verse.
तदस्य मनोरथं पूरयामीति। तेन गजभुजसदृशं बाहुमभिप्रसार्य तत्पात्रं गृहीतम्। स तद्गृहीत्वा विहारं गतो भिक्षुभिरुच्यते--स्थविर, कुतस्तव गोशीर्षचन्दनमयं पात्रमिति? तेन यथावृत्तमारोचितम्।
tadasya manorathaṃ pūrayāmīti/ tena gajabhujasadṛśaṃ bāhumabhiprasārya tatpātraṃ gṛhītam/ sa tadgṛhītvā vihāraṃ gato bhikṣubhirucyate--sthavira, kutastava gośīrṣacandanamayaṃ pātramiti? tena yathāvṛttamārocitam/
Sanskrit only: no published translation is held for this verse.
भिक्षवः कथयन्ति--स्थविर, कल्पते तव पात्रमात्रस्यार्थाय ऋद्धिं विदर्शयितुमिति? कथयति--आयुष्मन्तः, कल्पतु वा मा वा।
bhikṣavaḥ kathayanti--sthavira, kalpate tava pātramātrasyārthāya ṛddhiṃ vidarśayitumiti? kathayati--āyuṣmantaḥ, kalpatu vā mā vā/
Sanskrit only: no published translation is held for this verse.
कृतमिदानीम्। किं क्रियतामिति? एतत् प्रकरणं भिक्षवो भगवत आरोचयन्ति।
kṛtamidānīm/ kiṃ kriyatāmiti? etat prakaraṇaṃ bhikṣavo bhagavata ārocayanti/
Sanskrit only: no published translation is held for this verse.
भगवानाह--न भिक्षुणा आगारिकस्य पुरस्तात् ऋद्धिर्विदर्शयितव्या।
bhagavānāha--na bhikṣuṇā āgārikasya purastāt ṛddhirvidarśayitavyā/
Sanskrit only: no published translation is held for this verse.
दर्शयति, सातिसारो भवति। अपि तु चत्वारि पात्राणि सुवर्णमयं रूप्यमयं वर्डूर्यमयं स्फटिकमयम्।
darśayati, sātisāro bhavati/ api tu catvāri pātrāṇi suvarṇamayaṃ rūpyamayaṃ varḍūryamayaṃ sphaṭikamayam/
Sanskrit only: no published translation is held for this verse.
अपराण्यपि चत्वारि पात्राणि रीतिमयं ताम्रमयं कंसमयमभ्रमयं च।
aparāṇyapi catvāri pātrāṇi rītimayaṃ tāmramayaṃ kaṃsamayamabhramayaṃ ca/
Sanskrit only: no published translation is held for this verse.
तत्र यानि पूर्वकाणि चत्वारि पात्राणि, एतान्यनुपस्थापितानि नोपस्थापयितव्यानि, उपस्थापितानि विसर्जयितव्यानि।
tatra yāni pūrvakāṇi catvāri pātrāṇi, etānyanupasthāpitāni nopasthāpayitavyāni, upasthāpitāni visarjayitavyāni/
Sanskrit only: no published translation is held for this verse.
यानि पश्चिमानि चत्वारि पात्राणि, एतान्यनुपस्थापितानि नोपस्थापयितव्यानि, उअप्स्थापितानि तु भैषज्यशरवपरिभोगेन परिभोक्तव्यानि।
yāni paścimāni catvāri pātrāṇi, etānyanupasthāpitāni nopasthāpayitavyāni, uapsthāpitāni tu bhaiṣajyaśaravaparibhogena paribhoktavyāni/
Sanskrit only: no published translation is held for this verse.
अपि त्वधीष्टानि ते द्वे पात्रे आयसं मृण्मयम्। यावदपरेण समयेन ज्योतिष्कस्य गृहपतेर्दिव्यमानुषी श्रीः प्रादुर्भूता।
api tvadhīṣṭāni te dve pātre āyasaṃ mṛṇmayam/ yāvadapareṇa samayena jyotiṣkasya gṛhapaterdivyamānuṣī śrīḥ prādurbhūtā/
Sanskrit only: no published translation is held for this verse.
अन्तरा च राजगृहमन्तरा च चम्पामत्रान्तरे शुल्कशाला।
antarā ca rājagṛhamantarā ca campāmatrāntare śulkaśālā/
Sanskrit only: no published translation is held for this verse.
तस्यां शुल्कशालिकः कालगतः। स व्यालयक्षेषूपपन्नः। तेन पुत्राणां स्वप्नदर्शनं दत्तम्--यः कश्चित् पण्यमशुल्कयित्वा गमिष्यति, सा घण्टा तावद्विरविष्यति यावदसौ निवर्त्य शुल्कं दापयितव्यमिति (यिष्यतीति?)।
tasyāṃ śulkaśālikaḥ kālagataḥ/ sa vyālayakṣeṣūpapannaḥ/ tena putrāṇāṃ svapnadarśanaṃ dattam--yaḥ kaścit paṇyamaśulkayitvā gamiṣyati, sā ghaṇṭā tāvadviraviṣyati yāvadasau nivartya śulkaṃ dāpayitavyamiti (yiṣyatīti?)/
Sanskrit only: no published translation is held for this verse.
तैस्तं स्वप्नं संबन्धिबान्धवानां निवेद्य दिवसतिथिमुहूर्तेन तस्मिन् प्रदेशे यक्षस्थानं कारितम्।
taistaṃ svapnaṃ saṃbandhibāndhavānāṃ nivedya divasatithimuhūrtena tasmin pradeśe yakṣasthānaṃ kāritam/
Sanskrit only: no published translation is held for this verse.
तत्र च घण्टा बद्ध्वा लम्बिता॥
tatra ca ghaṇṭā baddhvā lambitā//
Sanskrit only: no published translation is held for this verse.
चम्पायामन्यतमो ब्राह्मणः। तेन सदृशात् कुलात् कलत्रमानीतम्। सा ब्राह्मणी संलक्षयति--अयं ब्राह्मणो यैस्तैरुपायैर्धनोपार्जनं करोति।
campāyāmanyatamo brāhmaṇaḥ/ tena sadṛśāt kulāt kalatramānītam/ sā brāhmaṇī saṃlakṣayati--ayaṃ brāhmaṇo yaistairupāyairdhanopārjanaṃ karoti/
Sanskrit only: no published translation is held for this verse.
अहं भक्षयामि। न मम प्रतिरूपम् यदहमकर्मिका तिष्ठेयमिति।
ahaṃ bhakṣayāmi/ na mama pratirūpam yadahamakarmikā tiṣṭheyamiti/
Sanskrit only: no published translation is held for this verse.
तया वीथीं गत्वा कर्पासः क्रीतः। तं परिकर्मयित्वा श्लक्ष्णम् <१७१>सूत्रं कर्तितम्।
tayā vīthīṃ gatvā karpāsaḥ krītaḥ/ taṃ parikarmayitvā ślakṣṇam <171>sūtraṃ kartitam/
Sanskrit only: no published translation is held for this verse.