Library·Divyāvadāna·172
ज्योतिष्कः कथयति--ब्राह्मण, पुनः पश्यैनम् यो ऽसौ अपरिभुक्तक इति, स कण्टकवाटस्योपरिष्टात् क्षिप्तो ऽसज्जमानो गतः।
jyotiṣkaḥ kathayati--brāhmaṇa, punaḥ paśyainam yo 'sau aparibhuktaka iti, sa kaṇṭakavāṭasyopariṣṭāt kṣipto 'sajjamāno gataḥ/
Sanskrit only: no published translation is held for this verse.
सो ऽन्यः क्षिप्तः कण्टके लग्नः। स ब्राह्मणो भूयस्या मात्रया अभिप्रसन्नः कथयति--गृहपते, महर्द्धिकस्त्वं ंहानुभावः।
so 'nyaḥ kṣiptaḥ kaṇṭake lagnaḥ/ sa brāhmaṇo bhūyasyā mātrayā abhiprasannaḥ kathayati--gṛhapate, maharddhikastvaṃ ṃhānubhāvaḥ/
Sanskrit only: no published translation is held for this verse.
यत् तवाभिप्रेतं तत्प्रयच्छेति।
yat tavābhipretaṃ tatprayaccheti/
Sanskrit only: no published translation is held for this verse.
स कथयति--ब्राह्मण, अतिथिस्त्वम्। तवैव पूजा कृता भवति। सहस्रमेव पर्यच्छामीति।
sa kathayati--brāhmaṇa, atithistvam/ tavaiva pūjā kṛtā bhavati/ sahasrameva paryacchāmīti/
Sanskrit only: no published translation is held for this verse.
तेन तस्य कार्षापणसहस्रं दत्तम्। ब्राह्मणस्तमादाय प्रक्रान्तः। ज्योतिष्केण ततो यः परिभुक्तकः स दारकाय दत्तः, अपरिभुक्तकस्तु स्नानशाटकः कृतः।
tena tasya kārṣāpaṇasahasraṃ dattam/ brāhmaṇastamādāya prakrāntaḥ/ jyotiṣkeṇa tato yaḥ paribhuktakaḥ sa dārakāya dattaḥ, aparibhuktakastu snānaśāṭakaḥ kṛtaḥ/
Sanskrit only: no published translation is held for this verse.
यावदपरेण समयेन राजा बिम्बिसार उपरिप्रासादतलगतो ऽमात्यगणपरिवृतस्तिष्ठति।
yāvadapareṇa samayena rājā bimbisāra upariprāsādatalagato 'mātyagaṇaparivṛtastiṣṭhati/
Sanskrit only: no published translation is held for this verse.
ज्योतिष्कस्य स स्नानशाटक उपरि गृहस्याभ्यवकाशे शोषितो वायुना ह्रियमाणो राज्ञो बिम्बिसारस्योपरि पतितः।
jyotiṣkasya sa snānaśāṭaka upari gṛhasyābhyavakāśe śoṣito vāyunā hriyamāṇo rājño bimbisārasyopari patitaḥ/
Sanskrit only: no published translation is held for this verse.
राजा कथयति--भवन्तः, राजार्हमिदं वस्त्रम्। कुत एतदिति?। ते कथयन्ति--देव, श्रूयते राज्ञो मान्धातुः सप्ताहं हिरण्यवर्षं पतितम्।
rājā kathayati--bhavantaḥ, rājārhamidaṃ vastram/ kuta etaditi?/ te kathayanti--deva, śrūyate rājño māndhātuḥ saptāhaṃ hiraṇyavarṣaṃ patitam/
Sanskrit only: no published translation is held for this verse.
देवस्यापि वस्त्रवर्षः पतितुमारब्धम्।
devasyāpi vastravarṣaḥ patitumārabdham/
Sanskrit only: no published translation is held for this verse.
नचिराद्धिरण्यवर्षः पतिष्यतीति। राजा कथयति--भवन्तः, ज्योतिष्को गृहपतिर्भगवता व्याकृतो दिव्यमानुषीं श्रियं प्रत्यनुभविष्यतीति।
nacirāddhiraṇyavarṣaḥ patiṣyatīti/ rājā kathayati--bhavantaḥ, jyotiṣko gṛhapatirbhagavatā vyākṛto divyamānuṣīṃ śriyaṃ pratyanubhaviṣyatīti/
Sanskrit only: no published translation is held for this verse.
इदं च दिव्यं वस्त्रमाकाशात् पतितम्।
idaṃ ca divyaṃ vastramākāśāt patitam/
Sanskrit only: no published translation is held for this verse.
स्थापयत। तस्यैवागतस्य दास्यामीति। ते चैवमालापं कुर्वन्ति, ज्योतिष्कश्चागतः।
sthāpayata/ tasyaivāgatasya dāsyāmīti/ te caivamālāpaṃ kurvanti, jyotiṣkaścāgataḥ/
Sanskrit only: no published translation is held for this verse.
राजा कथयति--कुमार, त्वं भगवता व्याकृतो दिव्यमानुषीं श्रियं प्रत्यनुभविष्यतीति। मम चेदं दिव्यं वस्त्रमाकाशात् पतितम्।
rājā kathayati--kumāra, tvaṃ bhagavatā vyākṛto divyamānuṣīṃ śriyaṃ pratyanubhaviṣyatīti/ mama cedaṃ divyaṃ vastramākāśāt patitam/
Sanskrit only: no published translation is held for this verse.
गृहाणेति। तेन हस्तः प्रसारितः। देव आनय, पश्यामीति।
gṛhāṇeti/ tena hastaḥ prasāritaḥ/ deva ānaya, paśyāmīti/
Sanskrit only: no published translation is held for this verse.
स निरीक्षितुमारब्धो यावत् पश्यत्यात्मीयं स्नानशाटकम्। स विस्मृत्य कथयति--देव, मदीयो ऽयं स्नानशाटको वायुनोपक्षिप्त इहागत इति।
sa nirīkṣitumārabdho yāvat paśyatyātmīyaṃ snānaśāṭakam/ sa vismṛtya kathayati--deva, madīyo 'yaṃ snānaśāṭako vāyunopakṣipta ihāgata iti/
Sanskrit only: no published translation is held for this verse.
कुमार, तव दिव्यमानुष्यकी श्रीः प्रादुर्भूता? देव, प्रादुर्भूता।
kumāra, tava divyamānuṣyakī śrīḥ prādurbhūtā? deva, prādurbhūtā/
Sanskrit only: no published translation is held for this verse.
कुमार, यद्येवम्, किमर्थं न निमन्त्रयसि? देव, निमन्त्रितो भव।
kumāra, yadyevam, kimarthaṃ na nimantrayasi? deva, nimantrito bhava/
Sanskrit only: no published translation is held for this verse.
गच्छ, भक्तं सज्जीकुरु। देव, यस्य दिव्यमानुषी श्रीः प्रादुर्भूता, किं तेन सज्जीकर्तव्यम्? ननु सज्जीकृतमेव, गच्छेति।
gaccha, bhaktaṃ sajjīkuru/ deva, yasya divyamānuṣī śrīḥ prādurbhūtā, kiṃ tena sajjīkartavyam? nanu sajjīkṛtameva, gaccheti/
Sanskrit only: no published translation is held for this verse.
स ज्योतिष्कस्य गृहं गतः। राजा बाह्यं परिजनं दृष्ट्वा इन्द्रियाण्युत्क्षिपति।
sa jyotiṣkasya gṛhaṃ gataḥ/ rājā bāhyaṃ parijanaṃ dṛṣṭvā indriyāṇyutkṣipati/
Sanskrit only: no published translation is held for this verse.
देव, किमर्थमिन्द्रियाण्युत्क्षिपसि। स कथयति--कुमार, वधूजनो ऽयमिति कृत्वा।
deva, kimarthamindriyāṇyutkṣipasi/ sa kathayati--kumāra, vadhūjano 'yamiti kṛtvā/
Sanskrit only: no published translation is held for this verse.
देव नायं वधूजनः, बाह्यो ऽयं परिजनः। स परं विस्मयमापन्नः। पुनर्मध्यं जनं दृष्ट्वा इन्द्रियाण्युत्क्षिप्तुमारब्धः।
deva nāyaṃ vadhūjanaḥ, bāhyo 'yaṃ parijanaḥ/ sa paraṃ vismayamāpannaḥ/ punarmadhyaṃ janaṃ dṛṣṭvā indriyāṇyutkṣiptumārabdhaḥ/
Sanskrit only: no published translation is held for this verse.
तथैव पृच्छति। राजा अपि तथैव कथयति। ज्योतिष्कः कथयति--देव, अयमपि न वधूजनः, किं तु मध्यो ऽयं जनः।
tathaiva pṛcchati/ rājā api tathaiva kathayati/ jyotiṣkaḥ kathayati--deva, ayamapi na vadhūjanaḥ, kiṃ tu madhyo 'yaṃ janaḥ/
Sanskrit only: no published translation is held for this verse.
स भूयस्या मात्रया परं विस्मयमापन्नः। तस्य मध्यमायां द्वारशालायां मणिभूमिरुपरचिता।
sa bhūyasyā mātrayā paraṃ vismayamāpannaḥ/ tasya madhyamāyāṃ dvāraśālāyāṃ maṇibhūmiruparacitā/
Sanskrit only: no published translation is held for this verse.
तस्यां मत्स्या उदकपूर्णायामिव यन्त्रयोगोपरिभ्रमन्तो दृश्यन्ते।
tasyāṃ matsyā udakapūrṇāyāmiva yantrayogoparibhramanto dṛśyante/
Sanskrit only: no published translation is held for this verse.
राजा प्रवेष्टुकामो वापीति कृत्वोपानहौ मोक्तुमारब्धः। ज्योतिष्कः कथयति--देव कस्यार्थे उपानहौ अपनयसीति? स कथयति--कुमार, पानीयमुत्तर्त्तव्यमिति।
rājā praveṣṭukāmo vāpīti kṛtvopānahau moktumārabdhaḥ/ jyotiṣkaḥ kathayati--deva kasyārthe upānahau apanayasīti? sa kathayati--kumāra, pānīyamuttarttavyamiti/
Sanskrit only: no published translation is held for this verse.
ज्योतिष्कः कथयति--देव नेदं पानीयम्, मणिभूमिरेषा।
jyotiṣkaḥ kathayati--deva nedaṃ pānīyam, maṇibhūmireṣā/
Sanskrit only: no published translation is held for this verse.
स कथयति--कुमार, इमे मत्स्या उपरि भ्रमन्तः पश्यन्ति।
sa kathayati--kumāra, ime matsyā upari bhramantaḥ paśyanti/
Sanskrit only: no published translation is held for this verse.
देव यन्त्रयोगेनैते परिभ्रमन्ति। स न श्रद्धत्ते। तेनाङ्गुलिमुद्रा क्षिप्ता। सा रणरणाशब्देन भूमौ पतिता।
deva yantrayogenaite paribhramanti/ sa na śraddhatte/ tenāṅgulimudrā kṣiptā/ sā raṇaraṇāśabdena bhūmau patitā/
Sanskrit only: no published translation is held for this verse.
ततो विस्मयमापन्नः प्रविश्य सिंहासने निषण्णः। वधूजनः पादाभिवन्दन उपसंक्रान्तः।
tato vismayamāpannaḥ praviśya siṃhāsane niṣaṇṇaḥ/ vadhūjanaḥ pādābhivandana upasaṃkrāntaḥ/
Sanskrit only: no published translation is held for this verse.
तासामश्रुपातो जातः। राजा कथयति--कुमार, कस्मादयं वधूजनो रोदिति? देव नायं रोदिति, किं तु देवस्य काष्ठधूमेन वस्त्राणि धूपितानि, तेन <१७३>आसामश्रुपतो जात इति।
tāsāmaśrupāto jātaḥ/ rājā kathayati--kumāra, kasmādayaṃ vadhūjano roditi? deva nāyaṃ roditi, kiṃ tu devasya kāṣṭhadhūmena vastrāṇi dhūpitāni, tena <173>āsāmaśrupato jāta iti/
Sanskrit only: no published translation is held for this verse.