राजा तत्र दिव्यमानुष्या श्रिया उपचर्यमाणः प्रमत्तो न निष्क्रांति।
rājā tatra divyamānuṣyā śriyā upacaryamāṇaḥ pramatto na niṣkrāṃti/
Sanskrit only: no published translation is held for this verse.
Library·Divyāvadāna·173
Divyāvadāna 173
राजकृत्यानि राजकरिणीयानि परिहातुमारब्धानि। अमात्यैरजातशत्रुः कुमारो ऽभिभूतह्--कुमार, देवो ज्योतिष्कस्य गृहं प्रविश्य प्रमत्तः।
rājakṛtyāni rājakariṇīyāni parihātumārabdhāni/ amātyairajātaśatruḥ kumāro 'bhibhūtah--kumāra, devo jyotiṣkasya gṛhaṃ praviśya pramattaḥ/
Sanskrit only: no published translation is held for this verse.
गच्छ, निवेदयेति। तेन गत्वा उक्तह्--देव, किमत्र प्रविश्यावस्थितह्? अमात्याः कथयन्ति--राजकृत्यानि राजकरणीयानि परिहीयन्त इति।
gaccha, nivedayeti/ tena gatvā uktah--deva, kimatra praviśyāvasthitah? amātyāḥ kathayanti--rājakṛtyāni rājakaraṇīyāni parihīyanta iti/
Sanskrit only: no published translation is held for this verse.
स कथयति--कुमार, न शक्नोषि त्वमेकं दिवसं राज्यं कारयितुम्? किं देवो जानीते--ममैको दिवसः प्रविष्टसय? अद्य देवस्य सप्तमो दिवसो वर्तते।
sa kathayati--kumāra, na śaknoṣi tvamekaṃ divasaṃ rājyaṃ kārayitum? kiṃ devo jānīte--mamaiko divasaḥ praviṣṭasaya? adya devasya saptamo divaso vartate/
Sanskrit only: no published translation is held for this verse.
राजा ज्योतिष्कस्य मुखं निरीक्ष्य कथयति--कुमार सत्यम्? देव सत्यम्।
rājā jyotiṣkasya mukhaṃ nirīkṣya kathayati--kumāra satyam? deva satyam/
Sanskrit only: no published translation is held for this verse.
सप्तम् एव दिवसो वर्तते। कुमार, कथं रात्रिज्ञायते दिवसो वा? देव, पुष्पाणां संकोचविकासान्मणीनां ज्वलनाज्वलनयोगाच्छकुनीनां च कूजनाकूजनात्।
saptam eva divaso vartate/ kumāra, kathaṃ rātrijñāyate divaso vā? deva, puṣpāṇāṃ saṃkocavikāsānmaṇīnāṃ jvalanājvalanayogācchakunīnāṃ ca kūjanākūjanāt/
Sanskrit only: no published translation is held for this verse.
सन्ति तानि पुष्पाणि यानि रात्रौ विकसन्ति, दिवा म्लायन्ति? सन्ति यानि दिवा विकसन्ति रात्रौ म्लायन्ति? सन्ति ते मणयो ये रात्रौ ज्वालन्ति, न दिवा? सन्ति ये दिवा ज्वलन्ति, न रात्रौ? सन्ति ते शकुनयो ये रात्रौ कूजन्ति, न दिवा? सन्ति ये दिवा कूज्ञति, न रात्रौ? राजा विस्मयमापन्नः कथयति--कुमार, अवितथवादी भगवान्।
santi tāni puṣpāṇi yāni rātrau vikasanti, divā mlāyanti? santi yāni divā vikasanti rātrau mlāyanti? santi te maṇayo ye rātrau jvālanti, na divā? santi ye divā jvalanti, na rātrau? santi te śakunayo ye rātrau kūjanti, na divā? santi ye divā kūjñati, na rātrau? rājā vismayamāpannaḥ kathayati--kumāra, avitathavādī bhagavān/
Sanskrit only: no published translation is held for this verse.
यथा त्वं भगवता व्याकृतस्तथैव नान्यथेत्युक्त्वा ज्योतिष्कगृहात् निष्क्रान्तः।
yathā tvaṃ bhagavatā vyākṛtastathaiva nānyathetyuktvā jyotiṣkagṛhāt niṣkrāntaḥ/
Sanskrit only: no published translation is held for this verse.
अजातशत्रुकुमारेण ज्योतिष्कसन्तको मणिरपहृत्य दारकस्य हस्ते दत्तः। तेन् यत एव गृहीतस्तत्रैव गत्वावस्थितः।
ajātaśatrukumāreṇa jyotiṣkasantako maṇirapahṛtya dārakasya haste dattaḥ/ ten yata eva gṛhītastatraiva gatvāvasthitaḥ/
Sanskrit only: no published translation is held for this verse.
अजातशत्रुः कथयति--दारक, आनय तं मणिं पश्यामीति। स मुष्ठिं विघाट्य कथयति--कुमार, न जाने कुत्र गत इति।
ajātaśatruḥ kathayati--dāraka, ānaya taṃ maṇiṃ paśyāmīti/ sa muṣṭhiṃ vighāṭya kathayati--kumāra, na jāne kutra gata iti/
Sanskrit only: no published translation is held for this verse.
स तं ताडयितुमारब्धः। ज्योतिष्कः कथयति--कुमार, किमर्थमेनं ताडयसि? घपते, अहं चौरः, एष महाचौरः।
sa taṃ tāḍayitumārabdhaḥ/ jyotiṣkaḥ kathayati--kumāra, kimarthamenaṃ tāḍayasi? ghapate, ahaṃ cauraḥ, eṣa mahācauraḥ/
Sanskrit only: no published translation is held for this verse.
मया त्वदीयो मणिरपहृतः, सो ऽप्यनेनापहृत इति।
mayā tvadīyo maṇirapahṛtaḥ, so 'pyanenāpahṛta iti/
Sanskrit only: no published translation is held for this verse.
स कथयति--कुमार, न त्वया अपहृतो नाप्यनेन, अपि तु यत एव त्वया गृहीतस्तत्रैव गत्वा अवस्थितः।
sa kathayati--kumāra, na tvayā apahṛto nāpyanena, api tu yata eva tvayā gṛhītastatraiva gatvā avasthitaḥ/
Sanskrit only: no published translation is held for this verse.
अपि तु कुमार, स्वकं ते गृहम्।
api tu kumāra, svakaṃ te gṛham/
Sanskrit only: no published translation is held for this verse.
यावद्भिर्मणिभिरन्येन वा प्रयोजनं तावद्गृहाण यथासुखमिति। स प्रतिभिन्नकः संलक्षयते--यदा पितुरत्ययाद्राजा भविष्यामि, तदा ग्रहीष्यामीति।
yāvadbhirmaṇibhiranyena vā prayojanaṃ tāvadgṛhāṇa yathāsukhamiti/ sa pratibhinnakaḥ saṃlakṣayate--yadā pituratyayādrājā bhaviṣyāmi, tadā grahīṣyāmīti/
Sanskrit only: no published translation is held for this verse.
यदा अजातशत्रुणा देवदत्तविग्राहितेन पिता धार्मिको धर्मराजो जीविताद् व्यपरोपितः, स्वयमेव च पट्टं बद्ध्वा प्रतितिष्ठितः, तदा तेन ज्योतिष्को ऽभिहितह्--गृहपते, त्वं मम भ्राता भवसि।
yadā ajātaśatruṇā devadattavigrāhitena pitā dhārmiko dharmarājo jīvitād vyaparopitaḥ, svayameva ca paṭṭaṃ baddhvā pratitiṣṭhitaḥ, tadā tena jyotiṣko 'bhihitah--gṛhapate, tvaṃ mama bhrātā bhavasi/
Sanskrit only: no published translation is held for this verse.
गृहं भाजयाम इति।
gṛhaṃ bhājayāma iti/
Sanskrit only: no published translation is held for this verse.
स संलक्षयति--येन पिता धार्मिको धर्मराजः प्रघातितः, स मां मर्षयतीति कुत एतत्? नूनमयं मद्गृहमागच्छतु, कामं प्रयच्छामीति विदित्वा कथयति--देव, विभक्तमेव, किमत्र विभक्तव्यम्? मदीयं गृहमागच्छ, अहं त्वदीयं गृहमागच्छामीति।
sa saṃlakṣayati--yena pitā dhārmiko dharmarājaḥ praghātitaḥ, sa māṃ marṣayatīti kuta etat? nūnamayaṃ madgṛhamāgacchatu, kāmaṃ prayacchāmīti viditvā kathayati--deva, vibhaktameva, kimatra vibhaktavyam? madīyaṃ gṛhamāgaccha, ahaṃ tvadīyaṃ gṛhamāgacchāmīti/
Sanskrit only: no published translation is held for this verse.
अजातशत्रुः कथयति--शोभनम्।
ajātaśatruḥ kathayati--śobhanam/
Sanskrit only: no published translation is held for this verse.
एवं कुरु। स तस्य गृहं गतः। ज्योतिष्को ऽप्यजातशत्रोर्गृहं गतः।
evaṃ kuru/ sa tasya gṛhaṃ gataḥ/ jyotiṣko 'pyajātaśatrorgṛhaṃ gataḥ/
Sanskrit only: no published translation is held for this verse.
सा श्रीस्तस्माद्गृहादन्तर्हिता, यत्र ज्योतिष्कस्तत्रैव गता। एवम् यावत् सप्तवारानन्तर्हिता प्रादुर्भूता च।
sā śrīstasmādgṛhādantarhitā, yatra jyotiṣkastatraiva gatā/ evam yāvat saptavārānantarhitā prādurbhūtā ca/
Sanskrit only: no published translation is held for this verse.
अजातशत्रुः संलक्षयते--एवमपि मया न शकितं ज्योतिष्कस्य मणीनपहर्तुम्।
ajātaśatruḥ saṃlakṣayate--evamapi mayā na śakitaṃ jyotiṣkasya maṇīnapahartum/
Sanskrit only: no published translation is held for this verse.
अन्यदुपायं करोमि। तेन धूर्तपुरुषाः प्रयुक्ताह्--गच्छत, ज्योतिष्कस्य गृहान्मणीनपहरतेति।
anyadupāyaṃ karomi/ tena dhūrtapuruṣāḥ prayuktāh--gacchata, jyotiṣkasya gṛhānmaṇīnapaharateti/
Sanskrit only: no published translation is held for this verse.
ते हि शीटाकर्कटकप्रयोगेनाभिरोढुमारब्धाः। ते ऽन्तःपुरिकया उपरिप्रासादतलगतया दृष्टाः।
te hi śīṭākarkaṭakaprayogenābhiroḍhumārabdhāḥ/ te 'ntaḥpurikayā upariprāsādatalagatayā dṛṣṭāḥ/
Sanskrit only: no published translation is held for this verse.
तया धूर्तधूर्तका इति नादो मुक्तः। ज्योतिष्केण श्रुतम्। तेनाशयतो वाग्निश्चारिता--तिष्ठन्तु <१७४>धूर्तका इति।
tayā dhūrtadhūrtakā iti nādo muktaḥ/ jyotiṣkeṇa śrutam/ tenāśayato vāgniścāritā--tiṣṭhantu <174>dhūrtakā iti/
Sanskrit only: no published translation is held for this verse.