Library·Divyāvadāna·178
येन ते प्रयोजनं तद्गृहीत्वा गच्छ। किं ते गृहपतिना दृष्टेनेति? स कथयति--भोः पुरुष, न मम केनचित् प्रयोजनम्।
yena te prayojanaṃ tadgṛhītvā gaccha/ kiṃ te gṛhapatinā dṛṣṭeneti? sa kathayati--bhoḥ puruṣa, na mama kenacit prayojanam/
Sanskrit only: no published translation is held for this verse.
अहं गृहपतिमेव द्रष्टुकामः।
ahaṃ gṛhapatimeva draṣṭukāmaḥ/
Sanskrit only: no published translation is held for this verse.
गच्छेति। तेनानङ्गणस्य गृहपतेर्गत्वा निवेदितम्--आर्य, कौशिकसगोत्रो ब्राह्मणो द्वारे तिष्ठति आर्यं द्रष्टुकाम इति।
gaccheti/ tenānaṅgaṇasya gṛhapatergatvā niveditam--ārya, kauśikasagotro brāhmaṇo dvāre tiṣṭhati āryaṃ draṣṭukāma iti/
Sanskrit only: no published translation is held for this verse.
स कथयति--गच्छ भोः पुरुष, येन तय्स प्रयोजनं तत् प्रयच्छ--किं तेनात्र प्रविष्टेनेति? स कथयति--आर्य, उक्तो मया एवं कथयति--नाहं किंचित् प्रार्थयामि, अपि तु गृहपतिमेव द्रष्टुकाम इति।
sa kathayati--gaccha bhoḥ puruṣa, yena taysa prayojanaṃ tat prayaccha--kiṃ tenātra praviṣṭeneti? sa kathayati--ārya, ukto mayā evaṃ kathayati--nāhaṃ kiṃcit prārthayāmi, api tu gṛhapatimeva draṣṭukāma iti/
Sanskrit only: no published translation is held for this verse.
स कथयति--भोः पुरुष यद्येवम्, प्रवेशय। स तेन प्रवेशितः।
sa kathayati--bhoḥ puruṣa yadyevam, praveśaya/ sa tena praveśitaḥ/
Sanskrit only: no published translation is held for this verse.
ब्राह्मणः कथयति--कस्मात् त्वं गृहपते करे कपोलं चिन्तापरस्तिष्ठसीति? स गृहपतिर्गाथां भाषते--
brāhmaṇaḥ kathayati--kasmāt tvaṃ gṛhapate kare kapolaṃ cintāparastiṣṭhasīti? sa gṛhapatirgāthāṃ bhāṣate--
Sanskrit only: no published translation is held for this verse.
न तस्य कथयेच्छोकम् यः शोकान्न प्रमोचयेत्।
na tasya kathayecchokam yaḥ śokānna pramocayet/
Sanskrit only: no published translation is held for this verse.
तस्मै तु कथयेच्छोकम् यः शोकात्सम्प्रमोचयेत्॥१६॥इति।
tasmai tu kathayecchokam yaḥ śokātsampramocayet//16//iti/
Sanskrit only: no published translation is held for this verse.
शक्रः कथयति--गृहपते, कस्तव शोकह्? कथय, अहं ते शोकात्प्रमोचयामीति। तेन विस्तरेण समाख्यातम्।
śakraḥ kathayati--gṛhapate, kastava śokah? kathaya, ahaṃ te śokātpramocayāmīti/ tena vistareṇa samākhyātam/
Sanskrit only: no published translation is held for this verse.
अथ शक्रो देवेन्द्रः कौशिकब्राह्मणरूपमन्तर्धाप्य् स्वरूपेण स्थित्वा कथयति--गृहपते, विश्वकर्मा ते देवपुत्रः साहाय्यं कल्पयिष्यतीत्युक्त्वा प्रक्रान्तः।
atha śakro devendraḥ kauśikabrāhmaṇarūpamantardhāpy svarūpeṇa sthitvā kathayati--gṛhapate, viśvakarmā te devaputraḥ sāhāyyaṃ kalpayiṣyatītyuktvā prakrāntaḥ/
Sanskrit only: no published translation is held for this verse.
अथ शक्रो देवेन्द्रो देवांस्त्रायस्त्रिंशान् गत्वा विश्वकर्माणं देवपुत्रमामन्त्रयते--गच्छ, विश्वकर्मन्, अनङ्गणस्य गृहपतेः साहाय्यं कल्पय।
atha śakro devendro devāṃstrāyastriṃśān gatvā viśvakarmāṇaṃ devaputramāmantrayate--gaccha, viśvakarman, anaṅgaṇasya gṛhapateḥ sāhāyyaṃ kalpaya/
Sanskrit only: no published translation is held for this verse.
परं भद्रं तव कौशिकेति विश्वकर्मणा देवपुत्रेण शक्रस्य देवेन्द्रस्य प्रतिश्रुत्य आगतः।
paraṃ bhadraṃ tava kauśiketi viśvakarmaṇā devaputreṇa śakrasya devendrasya pratiśrutya āgataḥ/
Sanskrit only: no published translation is held for this verse.
प्रतिविशिष्टतरा नगरशोभा निर्मिता, दिव्यो मण्डलवाटो दिव्यासनप्रज्ञप्तिर्दिव्य आहारः समन्वाहृतः।
prativiśiṣṭatarā nagaraśobhā nirmitā, divyo maṇḍalavāṭo divyāsanaprajñaptirdivya āhāraḥ samanvāhṛtaḥ/
Sanskrit only: no published translation is held for this verse.
ऐरावणो नागराजो विपश्यिनः सम्यक्सम्बुद्धस्य शतशलाकं छत्रमुपरि मूर्ध्नो धारयति, अवशिष्टा नागा अवशिष्टानां भिक्षूणाम्।
airāvaṇo nāgarājo vipaśyinaḥ samyaksambuddhasya śataśalākaṃ chatramupari mūrdhno dhārayati, avaśiṣṭā nāgā avaśiṣṭānāṃ bhikṣūṇām/
Sanskrit only: no published translation is held for this verse.
शची देवकन्या विपश्यिनं सम्यक्सम्बुद्धं सौवर्णेन मणिवालव्यजनेन वीजयति, अवशिष्टा अप्सरसो भिक्षून्।
śacī devakanyā vipaśyinaṃ samyaksambuddhaṃ sauvarṇena maṇivālavyajanena vījayati, avaśiṣṭā apsaraso bhikṣūn/
Sanskrit only: no published translation is held for this verse.
बन्धुमता राज्ञा अवचरकः पुरुषः प्रेषितह्--गच्छ भोः पुरुष, कीदृशेनाहारेणानङ्गणो गृहपतिर् बुद्धप्रमुखं भिक्षुसंघं तर्पयतीति? स पुरुषस्तत्र गतस्तां विभूतिं दृष्ट्वा तत्रैव अवस्थितः।
bandhumatā rājñā avacarakaḥ puruṣaḥ preṣitah--gaccha bhoḥ puruṣa, kīdṛśenāhāreṇānaṅgaṇo gṛhapatir buddhapramukhaṃ bhikṣusaṃghaṃ tarpayatīti? sa puruṣastatra gatastāṃ vibhūtiṃ dṛṣṭvā tatraiva avasthitaḥ/
Sanskrit only: no published translation is held for this verse.
तेनामात्यः प्रेषितः।
tenāmātyaḥ preṣitaḥ/
Sanskrit only: no published translation is held for this verse.
सो ऽपि तत्रैवावस्थितः। कुमारः प्रेषितः। सो ऽपि तत्रैवास्थितः। ततो बन्धुमान् राजा स्वयमेव तद्द्वारं गत्वा अवस्थितः।
so 'pi tatraivāvasthitaḥ/ kumāraḥ preṣitaḥ/ so 'pi tatraivāsthitaḥ/ tato bandhumān rājā svayameva taddvāraṃ gatvā avasthitaḥ/
Sanskrit only: no published translation is held for this verse.
विपश्यी सम्यक्सम्बुद्धः कथयति--गृहपते, बन्धुमान् राजा दृष्टसत्यः।
vipaśyī samyaksambuddhaḥ kathayati--gṛhapate, bandhumān rājā dṛṣṭasatyaḥ/
Sanskrit only: no published translation is held for this verse.
तस्यान्तिके त्वया खरवाक्कर्म निश्चारितम्। स एव द्वारे तिष्ठति।
tasyāntike tvayā kharavākkarma niścāritam/ sa eva dvāre tiṣṭhati/
Sanskrit only: no published translation is held for this verse.
गच्छ क्षमयेति। तेनासौ निर्गत्य क्षमित उक्तश्च--महाराज, प्रविश स्वहस्तेन परिवेषणं कुरु।
gaccha kṣamayeti/ tenāsau nirgatya kṣamita uktaśca--mahārāja, praviśa svahastena pariveṣaṇaṃ kuru/
Sanskrit only: no published translation is held for this verse.
स प्रविष्टः। पश्यति दिव्या विभूतिम्। दृष्ट्वा च परं विस्मयमापन्नः कथयति--गृहपते, त्वमेवैको ऽर्हसि दिने दिने बुद्धप्रमुखं भिक्षुसंघं भोजयितुं न वयंती।
sa praviṣṭaḥ/ paśyati divyā vibhūtim/ dṛṣṭvā ca paraṃ vismayamāpannaḥ kathayati--gṛhapate, tvamevaiko 'rhasi dine dine buddhapramukhaṃ bhikṣusaṃghaṃ bhojayituṃ na vayaṃtī/
Sanskrit only: no published translation is held for this verse.
अथानङ्गणो गृहपतिर्विपश्यिनं सम्यक्सम्बुद्धमनया विभूत्या त्रैमास्यं प्रणीतेनाहारेण संतर्प्य पादयोर् निपत्य प्रणिधानं कर्तुमारब्धह्--यन्मया एवंविधे सद्भूतदक्षिणीये कारा कृता, अनेनाहं कुशलमूलेन आढ्ये महाधने महाभोगे कुले जायेयम्, दिव्यमानुषीं श्रियं प्रत्यनुभवेयम्, एवंविधानां धर्माणां लाभी स्याम्, एवंविधमेव शास्तारमारागयेयं मा विरागयेयमिति॥
athānaṅgaṇo gṛhapatirvipaśyinaṃ samyaksambuddhamanayā vibhūtyā traimāsyaṃ praṇītenāhāreṇa saṃtarpya pādayor nipatya praṇidhānaṃ kartumārabdhah--yanmayā evaṃvidhe sadbhūtadakṣiṇīye kārā kṛtā, anenāhaṃ kuśalamūlena āḍhye mahādhane mahābhoge kule jāyeyam, divyamānuṣīṃ śriyaṃ pratyanubhaveyam, evaṃvidhānāṃ dharmāṇāṃ lābhī syām, evaṃvidhameva śāstāramārāgayeyaṃ mā virāgayeyamiti//
Sanskrit only: no published translation is held for this verse.