Library·Divyāvadāna·179
<१७९>किं मन्यध्वे भिक्षवो यो ऽसौ अनङ्गणो नाम गृहपतिः, एष एवासौ ज्योतिष्कः कुलपुत्रस्तेन कालेन तेन समयेन।
<179>kiṃ manyadhve bhikṣavo yo 'sau anaṅgaṇo nāma gṛhapatiḥ, eṣa evāsau jyotiṣkaḥ kulaputrastena kālena tena samayena/
Sanskrit only: no published translation is held for this verse.
यदनेन बन्धुमतो राज्ञो दृष्टसत्यस्यान्तिके खरा वाग्निश्चारिता, तस्य कर्मणो विपाकेन पञ्चशतानि समातृकश्चितायामारोप्य ध्मापितः।
yadanena bandhumato rājño dṛṣṭasatyasyāntike kharā vāgniścāritā, tasya karmaṇo vipākena pañcaśatāni samātṛkaścitāyāmāropya dhmāpitaḥ/
Sanskrit only: no published translation is held for this verse.
यावदेतर्हि अपि चितामारोप्य ध्मापितः।
yāvadetarhi api citāmāropya dhmāpitaḥ/
Sanskrit only: no published translation is held for this verse.
यद्विपश्यिनि तथागते कारां कृत्वा प्रणिधानं कृतम्, तस्य कर्मणो विपाकेन आढ्ये महाधने महाभोगे कुले जातः।
yadvipaśyini tathāgate kārāṃ kṛtvā praṇidhānaṃ kṛtam, tasya karmaṇo vipākena āḍhye mahādhane mahābhoge kule jātaḥ/
Sanskrit only: no published translation is held for this verse.
दिव्यमानुषी श्रीः प्रादुर्भूता। मम शासने प्रव्रज्य सर्वक्लेशप्रहाणादर्हत्त्वं साक्षात्कृतम्।
divyamānuṣī śrīḥ prādurbhūtā/ mama śāsane pravrajya sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
अहमनेन विपश्यिना सम्यक्सम्बुद्धेन सार्धं समजवः समबलः समधुरः समसामान्यप्राप्तः शास्ता आरागितो न विरागितः।
ahamanena vipaśyinā samyaksambuddhena sārdhaṃ samajavaḥ samabalaḥ samadhuraḥ samasāmānyaprāptaḥ śāstā ārāgito na virāgitaḥ/
Sanskrit only: no published translation is held for this verse.
इति हि भिक्षवह् एकान्तकृष्णानां कर्मणामेकान्तकृष्णो विपाकः, एकान्तशुक्लानामेकान्तशुक्लः, व्यतिमिश्राणां व्यतिमिश्रः।
iti hi bhikṣavah ekāntakṛṣṇānāṃ karmaṇāmekāntakṛṣṇo vipākaḥ, ekāntaśuklānāmekāntaśuklaḥ, vyatimiśrāṇāṃ vyatimiśraḥ/
Sanskrit only: no published translation is held for this verse.
तस्मात् तर्हि भिक्षव एकान्तकृष्णानि कर्माण्यपास्य व्यतिमिश्राणि च, एकान्तशुक्लेष्वेव कर्मस्वाभोगः करणीयः।
tasmāt tarhi bhikṣava ekāntakṛṣṇāni karmāṇyapāsya vyatimiśrāṇi ca, ekāntaśukleṣveva karmasvābhogaḥ karaṇīyaḥ/
Sanskrit only: no published translation is held for this verse.
इत्येवं वो भिक्षवः शिक्षितव्यम्॥
ityevaṃ vo bhikṣavaḥ śikṣitavyam//
Sanskrit only: no published translation is held for this verse.
इदमवोचद्भगवान्। आत्तमनसस्ते भिक्षवो भगवतो भाषितमभ्यनन्दन्॥
idamavocadbhagavān/ āttamanasaste bhikṣavo bhagavato bhāṣitamabhyanandan//
Sanskrit only: no published translation is held for this verse.
इति दिव्यावदाने ज्योतिष्कावदानमूनविंशतिमम्॥
iti divyāvadāne jyotiṣkāvadānamūnaviṃśatimam//
Sanskrit only: no published translation is held for this verse.