ताभ्यामनुसंज्ञप्तिर्दत्ता। किमेतदेव भविष्यति? नूनं काशिकवस्त्रावारी घट्टिता, फुट्टकवस्त्रावारी उद्घाटितेति।
tābhyāmanusaṃjñaptirdattā/ kimetadeva bhaviṣyati? nūnaṃ kāśikavastrāvārī ghaṭṭitā, phuṭṭakavastrāvārī udghāṭiteti/
Sanskrit only: no published translation is held for this verse.
यावदपरेण समयेन शर्करावारी उद्घटिता।
yāvadapareṇa samayena śarkarāvārī udghaṭitā/
Sanskrit only: no published translation is held for this verse.
भविलस्य च पुत्रो गतः। तेन शर्कराखो मो दको लब्धः। तं दृष्ट्वा अन्याभ्यां स्वपुत्राः प्रेषिताः।
bhavilasya ca putro gataḥ/ tena śarkarākho mo dako labdhaḥ/ taṃ dṛṣṭvā anyābhyāṃ svaputrāḥ preṣitāḥ/
Sanskrit only: no published translation is held for this verse.
ते दैवयोगाद् गुडावार्यामुद्घाटितायां गताः। तैर्गुडो लब्धः। ताभिस्तं दृष्ट्वा स्वामिनौ तथा तथा भग्नौ यथा गृहविभागं कर्तुमारब्धौ।
te daivayogād guḍāvāryāmudghāṭitāyāṃ gatāḥ/ tairguḍo labdhaḥ/ tābhistaṃ dṛṣṭvā svāminau tathā tathā bhagnau yathā gṛhavibhāgaṃ kartumārabdhau/
Sanskrit only: no published translation is held for this verse.
तौ परस्परं संजल्पं कुरुतह्--सर्वथा विनष्टा वयम्, गृहं भाजयामेति।
tau parasparaṃ saṃjalpaṃ kurutah--sarvathā vinaṣṭā vayam, gṛhaṃ bhājayāmeti/
Sanskrit only: no published translation is held for this verse.
एकः कथयति--ज्येष्ठतरं शब्दयामः। एकः कथयति--विचारयामस्तावत् कथं भाजयामेति।
ekaḥ kathayati--jyeṣṭhataraṃ śabdayāmaḥ/ ekaḥ kathayati--vicārayāmastāvat kathaṃ bhājayāmeti/
Sanskrit only: no published translation is held for this verse.
तौ स्वबुद्ध्या विचारयतः। एकस्य गृहगतं क्षेत्रगतं च, एकस्यावारीगतं देशान्तरगतं च, एकस्य पूर्णकः।
tau svabuddhyā vicārayataḥ/ ekasya gṛhagataṃ kṣetragataṃ ca, ekasyāvārīgataṃ deśāntaragataṃ ca, ekasya pūrṇakaḥ/
Sanskrit only: no published translation is held for this verse.
यदि ज्येष्ठतरो गृहगतं क्षेत्रगतं च ग्रहीष्यति, शक्नुमो वयमावारीगतेन देशान्तरगतेन चात्मानं संधारयितुम्।
yadi jyeṣṭhataro gṛhagataṃ kṣetragataṃ ca grahīṣyati, śaknumo vayamāvārīgatena deśāntaragatena cātmānaṃ saṃdhārayitum/
Sanskrit only: no published translation is held for this verse.
अथावारीगतं देशान्तरगतं च ग्रहीष्यति, तथापि वयं श्क्नुमो गृहगतेन क्षेत्रगतेन चात्मानं संधारयितुम्, पूर्णकस्य च मार्यादाबन्धं कर्तुमिति।
athāvārīgataṃ deśāntaragataṃ ca grahīṣyati, tathāpi vayaṃ śknumo gṛhagatena kṣetragatena cātmānaṃ saṃdhārayitum, pūrṇakasya ca māryādābandhaṃ kartumiti/
Sanskrit only: no published translation is held for this verse.
तावेवं संजल्पं कृत्वा भविलस्य सकाशं गतौ।
tāvevaṃ saṃjalpaṃ kṛtvā bhavilasya sakāśaṃ gatau/
Sanskrit only: no published translation is held for this verse.
भ्रातः, विनष्टा वयं भाजयामो गृहमिति। स कथयति--सुपरीक्षितं कर्तव्यम्, गृहभेदिकाः स्त्रियो भवन्तीति।
bhrātaḥ, vinaṣṭā vayaṃ bhājayāmo gṛhamiti/ sa kathayati--suparīkṣitaṃ kartavyam, gṛhabhedikāḥ striyo bhavantīti/
Sanskrit only: no published translation is held for this verse.
तौ कथयतह्--प्रत्यक्षीकृतमस्माभिः, भाजयामेति।
tau kathayatah--pratyakṣīkṛtamasmābhiḥ, bhājayāmeti/
Sanskrit only: no published translation is held for this verse.
स कथयति--यदेवम्, आहूयन्तां कुलानीति। तौ कथयतह्--पूर्वमेवास्माभिर्भाजितम्।
sa kathayati--yadevam, āhūyantāṃ kulānīti/ tau kathayatah--pūrvamevāsmābhirbhājitam/
Sanskrit only: no published translation is held for this verse.
एकस्य गृहगतं क्षेत्रगतं च, एकस्यावारीगतं देशान्तरगतं च, एकस्य पूर्णकः।
ekasya gṛhagataṃ kṣetragataṃ ca, ekasyāvārīgataṃ deśāntaragataṃ ca, ekasya pūrṇakaḥ/
Sanskrit only: no published translation is held for this verse.
स कथयति--पूर्णस्य प्रत्यंशं नानुप्रयच्छथ? तौ कथयतह्--दासीपुत्रः सः। कस्तस्य प्रत्यंशं दद्यात्? अपि तु स एवास्माभिर्भाजितः।
sa kathayati--pūrṇasya pratyaṃśaṃ nānuprayacchatha? tau kathayatah--dāsīputraḥ saḥ/ kastasya pratyaṃśaṃ dadyāt? api tu sa evāsmābhirbhājitaḥ/
Sanskrit only: no published translation is held for this verse.
यदि तवाभिप्रेतं तमेव गृहाणेति। स संलक्षयति--अहं पित्रा अभिहितह्--सर्वस्वमपि ते परित्यज्य पूर्णो ग्रहीतव्य इति।
yadi tavābhipretaṃ tameva gṛhāṇeti/ sa saṃlakṣayati--ahaṃ pitrā abhihitah--sarvasvamapi te parityajya pūrṇo grahītavya iti/
Sanskrit only: no published translation is held for this verse.
गृह्णामि पूर्णमिति विदित्वा कथयति--एवं भवतु मम पूर्णकेति।
gṛhṇāmi pūrṇamiti viditvā kathayati--evaṃ bhavatu mama pūrṇaketi/
Sanskrit only: no published translation is held for this verse.
यस्य गृहगतं क्षेत्रगतं च, स त्वरमाणो गृहं गत्वा कथयति--ज्येष्ठभविके निर्गच्छ।
yasya gṛhagataṃ kṣetragataṃ ca, sa tvaramāṇo gṛhaṃ gatvā kathayati--jyeṣṭhabhavike nirgaccha/
Sanskrit only: no published translation is held for this verse.
सा निर्गता। मा भूयः प्रवेक्ष्यसि।
sā nirgatā/ mā bhūyaḥ pravekṣyasi/
Sanskrit only: no published translation is held for this verse.
कस्यार्थाय? अस्माभिर्भाजितं गृहम्। यस्यावारीगतं देशान्तरगतं च, सो ऽपि त्वरमाण आवारीं गत्वा कथयति--पूर्णक अवतरेति।
kasyārthāya? asmābhirbhājitaṃ gṛham/ yasyāvārīgataṃ deśāntaragataṃ ca, so 'pi tvaramāṇa āvārīṃ gatvā kathayati--pūrṇaka avatareti/
Sanskrit only: no published translation is held for this verse.
सो ऽवतीर्णः। मा भूयो ऽभिरोक्ष्यसि। किं कारणम्? अस्माभिर्भाजितम्।
so 'vatīrṇaḥ/ mā bhūyo 'bhirokṣyasi/ kiṃ kāraṇam? asmābhirbhājitam/
Sanskrit only: no published translation is held for this verse.
यावत् भविलपत्नी पूर्णकेन सार्धं ज्ञातिगृहं संप्रस्थिता।
yāvat bhavilapatnī pūrṇakena sārdhaṃ jñātigṛhaṃ saṃprasthitā/
Sanskrit only: no published translation is held for this verse.
दारका बुभिक्षिता रोदितुमारब्धाः। सा कथयति--पूर्ण, दारकाणां पूर्वभक्षिकामनुप्रयच्छेति।
dārakā bubhikṣitā roditumārabdhāḥ/ sā kathayati--pūrṇa, dārakāṇāṃ pūrvabhakṣikāmanuprayaccheti/
Sanskrit only: no published translation is held for this verse.
स कथयति--कार्षापणं प्रयच्छ। सा कथयति--त्वया इयतीभिः सुवर्णलक्षाभिर्व्यवहृतम्, दारकाणां पूर्वभिक्षिकापि नास्ति? पूर्णः कथयति--किमहं जाने युष्माकं गृहे ईदृशीयमवस्था भविष्यतीति।
sa kathayati--kārṣāpaṇaṃ prayaccha/ sā kathayati--tvayā iyatībhiḥ suvarṇalakṣābhirvyavahṛtam, dārakāṇāṃ pūrvabhikṣikāpi nāsti? pūrṇaḥ kathayati--kimahaṃ jāne yuṣmākaṃ gṛhe īdṛśīyamavasthā bhaviṣyatīti/
Sanskrit only: no published translation is held for this verse.
यदि मया ज्ञातमभविष्यत्, मया अनेकाः सुवर्णलक्षाः संहारिता अभविष्यन्।
yadi mayā jñātamabhaviṣyat, mayā anekāḥ suvarṇalakṣāḥ saṃhāritā abhaviṣyan/
Sanskrit only: no published translation is held for this verse.
धर्मतैषा स्त्रिय आरकूटाकार्षापणान् वस्त्रान्ते बध्नन्ति। तयारकूटमाषको दत्तह्--पूर्वभक्षिकामानयेति।
dharmataiṣā striya ārakūṭākārṣāpaṇān vastrānte badhnanti/ tayārakūṭamāṣako dattah--pūrvabhakṣikāmānayeti/
Sanskrit only: no published translation is held for this verse.
स तमादाय वीथीं संप्रस्थितः। अन्यतमश्च पुरुषः समुद्रवेलाप्रेरितानां काष्ठानां भारमादाय शीतेनाभिद्रुतो वेपमान आगच्छति।
sa tamādāya vīthīṃ saṃprasthitaḥ/ anyatamaśca puruṣaḥ samudravelāpreritānāṃ kāṣṭhānāṃ bhāramādāya śītenābhidruto vepamāna āgacchati/
Sanskrit only: no published translation is held for this verse.
स तेन दृष्टः पृष्टश्च--भोः पुरुष, कस्मादेवं वेपसे? स कथयति--अहमपि न जाने।
sa tena dṛṣṭaḥ pṛṣṭaśca--bhoḥ puruṣa, kasmādevaṃ vepase? sa kathayati--ahamapi na jāne/
Sanskrit only: no published translation is held for this verse.
मया चायं भारक उत्क्षिप्तो भवति, मम चेदृशी समवस्था।
mayā cāyaṃ bhāraka utkṣipto bhavati, mama cedṛśī samavasthā/
Sanskrit only: no published translation is held for this verse.
स दारुपरीक्षायां कृतावी। स तत् काष्ठं निरीक्षितुमारब्धः। पश्यति तत्र <१९>गोशीर्षचन्दनम्।
sa dāruparīkṣāyāṃ kṛtāvī/ sa tat kāṣṭhaṃ nirīkṣitumārabdhaḥ/ paśyati tatra <19>gośīrṣacandanam/
Sanskrit only: no published translation is held for this verse.