Divyāvadāna 186

<१८६>आरभध्वं निष्क्रामत युज्यध्वं बुद्धशासने।

<186>ārabhadhvaṃ niṣkrāmata yujyadhvaṃ buddhaśāsane/

Sanskrit only: no published translation is held for this verse.

धुनीत मृत्युनः सैन्यं नडागारमिव कुञ्जरः॥१॥

dhunīta mṛtyunaḥ sainyaṃ naḍāgāramiva kuñjaraḥ//1//

Sanskrit only: no published translation is held for this verse.

यो ह्यस्मिन् धर्मविनये अप्रमत्तश्चरिष्यति।

yo hyasmin dharmavinaye apramattaścariṣyati/

Sanskrit only: no published translation is held for this verse.

प्रहाय जातिसंसारं दुःखस्यान्तं करिष्यति॥२॥इति।

prahāya jātisaṃsāraṃ duḥkhasyāntaṃ kariṣyati//2//iti/

Sanskrit only: no published translation is held for this verse.

उक्तं भगवता द्वारकोष्ठके पञ्चगण्डकं चक्रं कारयितव्यमिति भिक्षुभिः कारितम्।

uktaṃ bhagavatā dvārakoṣṭhake pañcagaṇḍakaṃ cakraṃ kārayitavyamiti bhikṣubhiḥ kāritam/

Sanskrit only: no published translation is held for this verse.

ब्राह्मणगृहपतय आगत्य पृच्छन्ति--आर्य, किमिदं लिखितमिति? ते कथयन्ति--भद्रमुखाः, वयमपि न जानीम इति।

brāhmaṇagṛhapataya āgatya pṛcchanti--ārya, kimidaṃ likhitamiti? te kathayanti--bhadramukhāḥ, vayamapi na jānīma iti/

Sanskrit only: no published translation is held for this verse.

भगवानाह--द्वारकोष्ठके भिक्षुरुद्देष्टव्यो य आगतागतानां ब्राह्मणगृहपतीनां दर्शयति।

bhagavānāha--dvārakoṣṭhake bhikṣuruddeṣṭavyo ya āgatāgatānāṃ brāhmaṇagṛhapatīnāṃ darśayati/

Sanskrit only: no published translation is held for this verse.

उक्तं भगवता भिक्षुरुद्देष्टव्य इति। ते अविशेषेणोद्दिशन्ति बालानपि मूढानपि अव्यक्तानपि अकुशलानपि।

uktaṃ bhagavatā bhikṣuruddeṣṭavya iti/ te aviśeṣeṇoddiśanti bālānapi mūḍhānapi avyaktānapi akuśalānapi/

Sanskrit only: no published translation is held for this verse.

ते आत्मना न जानते, कुतः पुनरागतानां ब्राह्मणगृहपतीनां दर्शयिष्यन्ति? भगवानाह--प्रतिबलो भिक्षुरुद्देष्टव्य इति॥

te ātmanā na jānate, kutaḥ punarāgatānāṃ brāhmaṇagṛhapatīnāṃ darśayiṣyanti? bhagavānāha--pratibalo bhikṣuruddeṣṭavya iti//

Sanskrit only: no published translation is held for this verse.

राजगृहे ऽन्यतमो गृहपतिः प्रतिवसति। तेन सदृशात् कुलात् कलत्रमानीतम्।

rājagṛhe 'nyatamo gṛhapatiḥ prativasati/ tena sadṛśāt kulāt kalatramānītam/

Sanskrit only: no published translation is held for this verse.

स तया सार्धं क्रीडति रमते परिचारयति। तस्य क्रीडतो रममाणस्य परिचारयतः पुत्रो जातः।

sa tayā sārdhaṃ krīḍati ramate paricārayati/ tasya krīḍato ramamāṇasya paricārayataḥ putro jātaḥ/

Sanskrit only: no published translation is held for this verse.

तस्य त्रीणि सप्तकान्येकविंशतिदिवसान् विस्तरेण जातस्य जातिमहं कृत्वा कुलसदृशं नामधेयं व्यवस्थापितम्।

tasya trīṇi saptakānyekaviṃśatidivasān vistareṇa jātasya jātimahaṃ kṛtvā kulasadṛśaṃ nāmadheyaṃ vyavasthāpitam/

Sanskrit only: no published translation is held for this verse.

स पत्नीमामन्त्रयते--भद्रे, जातो ऽस्माकम् ऋणहरो धनहरः। तद्गच्छामि, पण्यमादाय महासमुद्रमवतरामीति।

sa patnīmāmantrayate--bhadre, jāto 'smākam ṛṇaharo dhanaharaḥ/ tadgacchāmi, paṇyamādāya mahāsamudramavatarāmīti/

Sanskrit only: no published translation is held for this verse.

सा कथयति--आर्यपुत्र, एवं कुरुष्वेति। स सुहृत्सम्बन्धिबान्धवानामन्त्रयित्वा अन्तर्जनं च समाश्वास्य महासमुद्रगमनीयं पण्यमादाय दिवसतिथिमुहूर्तेन महासमुद्रमवतीर्णः।

sā kathayati--āryaputra, evaṃ kuruṣveti/ sa suhṛtsambandhibāndhavānāmantrayitvā antarjanaṃ ca samāśvāsya mahāsamudragamanīyaṃ paṇyamādāya divasatithimuhūrtena mahāsamudramavatīrṇaḥ/

Sanskrit only: no published translation is held for this verse.

तत्रैव च निधनमुपयातः। तस्य पत्न्या स दारको ज्ञातिबलेन हस्तबलेन पालितः पोषितः संवर्धितो लिप्यामुपन्यस्तो लिप्यक्षरेषु च कृतावी संवृत्तः।

tatraiva ca nidhanamupayātaḥ/ tasya patnyā sa dārako jñātibalena hastabalena pālitaḥ poṣitaḥ saṃvardhito lipyāmupanyasto lipyakṣareṣu ca kṛtāvī saṃvṛttaḥ/

Sanskrit only: no published translation is held for this verse.

स वयस्करेण सार्धं वेणुवनं गतो विहारं प्रविष्टः पश्यति द्वारकोष्ठके पञ्चगण्डकं चक्रमभिलिखितम्।

sa vayaskareṇa sārdhaṃ veṇuvanaṃ gato vihāraṃ praviṣṭaḥ paśyati dvārakoṣṭhake pañcagaṇḍakaṃ cakramabhilikhitam/

Sanskrit only: no published translation is held for this verse.

स पृच्छति--आर्य, किमिदमभिलिखितमिति? भिक्षुः कथयति--भद्रमुख, एताः पञ्च गतयो नरकास्तिर्यञ्चः प्रेता देवा मनुष्याश्च।

sa pṛcchati--ārya, kimidamabhilikhitamiti? bhikṣuḥ kathayati--bhadramukha, etāḥ pañca gatayo narakāstiryañcaḥ pretā devā manuṣyāśca/

Sanskrit only: no published translation is held for this verse.

आर्य, किमेभिः कर्म कृतम् येनैवंविधानि दुःखानि प्रर्यनुभवन्तीति? स कथयति--एते प्राणातिपातिका अदत्तादायिकाः काममिथ्याचारिका मृषावादिकाः पैशुनिकाः पारुषिकाः संभिन्नप्रलापिका अभिध्यालवो व्यापन्नचित्ता मिथ्यादृष्टिकाः।

ārya, kimebhiḥ karma kṛtam yenaivaṃvidhāni duḥkhāni praryanubhavantīti? sa kathayati--ete prāṇātipātikā adattādāyikāḥ kāmamithyācārikā mṛṣāvādikāḥ paiśunikāḥ pāruṣikāḥ saṃbhinnapralāpikā abhidhyālavo vyāpannacittā mithyādṛṣṭikāḥ/

Sanskrit only: no published translation is held for this verse.

तदेभिरेते दशाकुशलाः कर्मपथा अत्यर्थमासेविता भाविता बहुलीकृताः, येन एवंविधानि दुःखान्युत्पाटानुपाटच्छेदनभेदनादीनि प्रत्यनुभवन्ति।

tadebhirete daśākuśalāḥ karmapathā atyarthamāsevitā bhāvitā bahulīkṛtāḥ, yena evaṃvidhāni duḥkhānyutpāṭānupāṭacchedanabhedanādīni pratyanubhavanti/

Sanskrit only: no published translation is held for this verse.

आर्य, गतमेतत्।

ārya, gatametat/

Sanskrit only: no published translation is held for this verse.

एभिरन्यैः किं कर्म कृतम् येन एवंविधानि दुःखानि प्रत्यनुभवन्ति? दुःखान्यन्योन्यभक्षणादीनि प्रत्यनुभवन्ति।

ebhiranyaiḥ kiṃ karma kṛtam yena evaṃvidhāni duḥkhāni pratyanubhavanti? duḥkhānyanyonyabhakṣaṇādīni pratyanubhavanti/

Sanskrit only: no published translation is held for this verse.

आर्य, एतदपि गतम्। एभिरन्यैः किं कर्म कृतम् येन एवंविधानि दुःखानि प्रत्यनुभवन्ति? भद्रमुख, एते ऽपि मत्सरिण आसन् कुटुकुञ्चका आगृहीतपरिष्काराः।

ārya, etadapi gatam/ ebhiranyaiḥ kiṃ karma kṛtam yena evaṃvidhāni duḥkhāni pratyanubhavanti? bhadramukha, ete 'pi matsariṇa āsan kuṭukuñcakā āgṛhītapariṣkārāḥ/

Sanskrit only: no published translation is held for this verse.

तत्तेन मात्सर्येणासेवितेन भावितेन बहुलीकृतेन एवंविधानि दुःखानि क्षुत्तृषादीनि दुःखानि प्रत्यनुभवन्ति।

tattena mātsaryeṇāsevitena bhāvitena bahulīkṛtena evaṃvidhāni duḥkhāni kṣuttṛṣādīni duḥkhāni pratyanubhavanti/

Sanskrit only: no published translation is held for this verse.

आर्य, एतदपि गतम्। एभिरन्यैः किं कर्म कृतम् येन एवंविधानि सुखानि प्रत्यनुभवन्ति? भद्रमुख, एते प्राणातिपातात् प्रतिविरता अदत्तादानात् <१८७>काममिथ्याचारान्मृषावादात् पैशुन्यात् पारुष्यात् संभिन्नप्रलापादनभिध्यापन्नचित्ताः सम्यग्दृष्टयः।

ārya, etadapi gatam/ ebhiranyaiḥ kiṃ karma kṛtam yena evaṃvidhāni sukhāni pratyanubhavanti? bhadramukha, ete prāṇātipātāt prativiratā adattādānāt <187>kāmamithyācārānmṛṣāvādāt paiśunyāt pāruṣyāt saṃbhinnapralāpādanabhidhyāpannacittāḥ samyagdṛṣṭayaḥ/

Sanskrit only: no published translation is held for this verse.