Library·Divyāvadāna·187
तदेभिरेते दश कुशलाः कर्मपथा अत्यर्थमासेविता भाविता बहुलीकृताः, येन एवंविधानि दिव्यस्त्रीललितविमानोद्यानसुखानि प्रत्यनुभवन्ति।
tadebhirete daśa kuśalāḥ karmapathā atyarthamāsevitā bhāvitā bahulīkṛtāḥ, yena evaṃvidhāni divyastrīlalitavimānodyānasukhāni pratyanubhavanti/
Sanskrit only: no published translation is held for this verse.
आर्य, एतदपि गतम्।
ārya, etadapi gatam/
Sanskrit only: no published translation is held for this verse.
एभिरन्यैः किं कर्म कृतम् येन सुखानि प्रत्यनुभवन्ति? भद्रमुख, एभिरपि दश कुशलाः कर्मपथास्तनुतरा मृदुतराश्चासेविता भाविता बहुलीकृताः, येन एवंविधानि हस्त्यश्वरथान्नपानशयनासनस्त्रीललितोद्यानसुखानि प्रत्यनुभवन्ति।
ebhiranyaiḥ kiṃ karma kṛtam yena sukhāni pratyanubhavanti? bhadramukha, ebhirapi daśa kuśalāḥ karmapathāstanutarā mṛdutarāścāsevitā bhāvitā bahulīkṛtāḥ, yena evaṃvidhāni hastyaśvarathānnapānaśayanāsanastrīlalitodyānasukhāni pratyanubhavanti/
Sanskrit only: no published translation is held for this verse.
आर्य, आसां पञ्चानां गतीनाम् या एतास्तिस्रो गतयो नरकास्तिर्यञ्चः प्रेताश्च, एता मह्यं न रोचन्ते।
ārya, āsāṃ pañcānāṃ gatīnām yā etāstisro gatayo narakāstiryañcaḥ pretāśca, etā mahyaṃ na rocante/
Sanskrit only: no published translation is held for this verse.
ये तु एते देवा मनुष्याश्च एते रोचेते।
ye tu ete devā manuṣyāśca ete rocete/
Sanskrit only: no published translation is held for this verse.
तत्कथमेते दश कुशलाः कर्मपथाः समादाय वर्तयितव्याह्? भद्रमुख, स्वाख्याते धर्मविनये प्रव्रज्य सचेद् दृष्ट एव धर्मे आज्ञामारागयिष्यसि, एष एव ते ऽन्तो दुःखस्य।
tatkathamete daśa kuśalāḥ karmapathāḥ samādāya vartayitavyāh? bhadramukha, svākhyāte dharmavinaye pravrajya saced dṛṣṭa eva dharme ājñāmārāgayiṣyasi, eṣa eva te 'nto duḥkhasya/
Sanskrit only: no published translation is held for this verse.
अथ सावशेषसम्योजनः कालं करिष्यसि, देवेषूपपत्स्यसे। उक्तं हि भगवता--पञ्चानुशंसान् समनुपश्यता पिण्डतेनालमेव प्रव्रज्याधिमुक्तेन भवितुम्।
atha sāvaśeṣasamyojanaḥ kālaṃ kariṣyasi, deveṣūpapatsyase/ uktaṃ hi bhagavatā--pañcānuśaṃsān samanupaśyatā piṇḍatenālameva pravrajyādhimuktena bhavitum/
Sanskrit only: no published translation is held for this verse.
कतमानि पञ्च? आवेणिका इमे स्वार्था अनुप्राप्तो भविष्यामीति संपश्यता पिण्डतेनालमेव प्रव्रज्याधिमुक्तेन भवितुम्।
katamāni pañca? āveṇikā ime svārthā anuprāpto bhaviṣyāmīti saṃpaśyatā piṇḍatenālameva pravrajyādhimuktena bhavitum/
Sanskrit only: no published translation is held for this verse.
येषामहं दासः प्रेष्यो निर्देश्यो भुजिष्यो नयेन कामंगमः, तेषां पूज्यश्च भविष्यामि प्रशंस्यश्चेति संपश्यता पिण्डतेन अलमेव प्रव्रज्याधिमुक्तेन भवितुम्।
yeṣāmahaṃ dāsaḥ preṣyo nirdeśyo bhujiṣyo nayena kāmaṃgamaḥ, teṣāṃ pūjyaśca bhaviṣyāmi praśaṃsyaśceti saṃpaśyatā piṇḍatena alameva pravrajyādhimuktena bhavitum/
Sanskrit only: no published translation is held for this verse.
अनुत्तरम् योगक्षेमं निर्वाणमनुप्राप्स्यामीति संपश्यता पिण्डतेन अलमेव प्रव्रज्याधिमुक्तेन भवितुम्।
anuttaram yogakṣemaṃ nirvāṇamanuprāpsyāmīti saṃpaśyatā piṇḍatena alameva pravrajyādhimuktena bhavitum/
Sanskrit only: no published translation is held for this verse.
अनुत्तरं वा योगक्षेमं निर्वाणमनुप्राप्नुवतो ऽनापत्तिकस्य सतो देएवेषूपपत्तिर्भविष्यतीति संपश्यता पिण्डतेन अलमेव प्रव्रज्याधिमुक्तेन भवितुम्।
anuttaraṃ vā yogakṣemaṃ nirvāṇamanuprāpnuvato 'nāpattikasya sato deeveṣūpapattirbhaviṣyatīti saṃpaśyatā piṇḍatena alameva pravrajyādhimuktena bhavitum/
Sanskrit only: no published translation is held for this verse.
अनेकपर्यायेण प्रव्रज्या वर्णिता बुद्धैश्च बुद्धश्रावकैश्च।
anekaparyāyeṇa pravrajyā varṇitā buddhaiśca buddhaśrāvakaiśca/
Sanskrit only: no published translation is held for this verse.
आर्य, शोभनम्। किं तत्र प्रव्रज्यायां क्रियते? भद्रमुख, यावज्जीवं ब्रह्मचर्यं चर्यते।
ārya, śobhanam/ kiṃ tatra pravrajyāyāṃ kriyate? bhadramukha, yāvajjīvaṃ brahmacaryaṃ caryate/
Sanskrit only: no published translation is held for this verse.
आर्य, न शक्यमेतत्। अन्यो ऽस्ति उपायह्? भद्रमुख, अस्ति, उपासको भव।
ārya, na śakyametat/ anyo 'sti upāyah? bhadramukha, asti, upāsako bhava/
Sanskrit only: no published translation is held for this verse.
आर्य, किं तत्र क्रियते? भद्रंख, यावज्जीवं प्राणातिपातात् प्रतिविरतिः संरक्ष्या, अदत्तादानात् काममिथ्याचारात् सुरामैरेयमद्यप्रमादस्थानात् प्रतिविरतिः संरक्ष्या।
ārya, kiṃ tatra kriyate? bhadraṃkha, yāvajjīvaṃ prāṇātipātāt prativiratiḥ saṃrakṣyā, adattādānāt kāmamithyācārāt surāmaireyamadyapramādasthānāt prativiratiḥ saṃrakṣyā/
Sanskrit only: no published translation is held for this verse.
आर्य, एतदपि न शक्यते। अन्यमुपायं कथयेति। भद्रमुख, बुद्धप्रमुखं भिक्षुसंघं भोजय।
ārya, etadapi na śakyate/ anyamupāyaṃ kathayeti/ bhadramukha, buddhapramukhaṃ bhikṣusaṃghaṃ bhojaya/
Sanskrit only: no published translation is held for this verse.
आर्य, कियद्भिः कार्षापणैर्बुद्धप्रमुखो भिक्षुसंघो भोज्यते? भद्रमुख, पञ्चभिः कार्षापणशतैः।
ārya, kiyadbhiḥ kārṣāpaṇairbuddhapramukho bhikṣusaṃgho bhojyate? bhadramukha, pañcabhiḥ kārṣāpaṇaśataiḥ/
Sanskrit only: no published translation is held for this verse.
आर्य, शक्यमेतत्। स तस्य पादभिवन्दनं कृत्वा प्रक्रान्तः। येन स्वं निवेशनं तेनोपसंक्रान्तः।
ārya, śakyametat/ sa tasya pādabhivandanaṃ kṛtvā prakrāntaḥ/ yena svaṃ niveśanaṃ tenopasaṃkrāntaḥ/
Sanskrit only: no published translation is held for this verse.
उपसंक्रम्य मातरमिदमवोचत्--अम्ब, अद्याहं वेणुवनं गतः। तत्र मया द्वारकोष्ठके पञ्चगण्डकं चक्रमभिलिखितं दृष्टम्।
upasaṃkramya mātaramidamavocat--amba, adyāhaṃ veṇuvanaṃ gataḥ/ tatra mayā dvārakoṣṭhake pañcagaṇḍakaṃ cakramabhilikhitaṃ dṛṣṭam/
Sanskrit only: no published translation is held for this verse.
तत्र पञ्च गतयो नरकास्तिर्यञ्चः प्रेता देवा मनुष्याश्च।
tatra pañca gatayo narakāstiryañcaḥ pretā devā manuṣyāśca/
Sanskrit only: no published translation is held for this verse.
तत्र नारका उत्पाटनुपाटनच्छेदभेदनादीनि दुःखानि प्रत्यनुभवन्ति।
tatra nārakā utpāṭanupāṭanacchedabhedanādīni duḥkhāni pratyanubhavanti/
Sanskrit only: no published translation is held for this verse.
तिर्यञ्चश्चान्योन्यभक्षणादीनि। प्रेताः क्षुत्तृषादीनि। देवा दिव्यस्त्रीललितोद्यानविमानसुखानि प्रत्यनुभवन्ति।
tiryañcaścānyonyabhakṣaṇādīni/ pretāḥ kṣuttṛṣādīni/ devā divyastrīlalitodyānavimānasukhāni pratyanubhavanti/
Sanskrit only: no published translation is held for this verse.
मनुष्या हस्त्यश्वरथान्नपानशयनासनस्त्रीललितोद्यानानि प्रत्यनुभवन्ति। आसां मम तिस्रो गतयो नाभिप्रेताः, द्वे अभिप्रेते।
manuṣyā hastyaśvarathānnapānaśayanāsanastrīlalitodyānāni pratyanubhavanti/ āsāṃ mama tisro gatayo nābhipretāḥ, dve abhiprete/
Sanskrit only: no published translation is held for this verse.
तत्किमिच्छसि त्वं मां देवेषूपपद्यमानम्? पुत्र, सर्वसत्त्वानिच्छामि देवेषूपपद्यमानान् प्रागेव त्वाम्।
tatkimicchasi tvaṃ māṃ deveṣūpapadyamānam? putra, sarvasattvānicchāmi deveṣūpapadyamānān prāgeva tvām/
Sanskrit only: no published translation is held for this verse.
अम्ब, यद्येवम्, प्रयच्छ पञ्च कार्षापणशतानि।
amba, yadyevam, prayaccha pañca kārṣāpaṇaśatāni/
Sanskrit only: no published translation is held for this verse.
बुद्धप्रमुखं भिक्षुसंघं भोजयामि। पुत्र, मया त्वं ज्ञातिबलेन हस्तबलेन चाप्यायितः पोषितः संवर्धितः।
buddhapramukhaṃ bhikṣusaṃghaṃ bhojayāmi/ putra, mayā tvaṃ jñātibalena hastabalena cāpyāyitaḥ poṣitaḥ saṃvardhitaḥ/
Sanskrit only: no published translation is held for this verse.
कुतो मे पञ्चानां कार्षापणशतानां विभवह्? अम्ब, यदि <१८८>नास्ति, भृतिकया कर्म करोमि।
kuto me pañcānāṃ kārṣāpaṇaśatānāṃ vibhavah? amba, yadi <188>nāsti, bhṛtikayā karma karomi/
Sanskrit only: no published translation is held for this verse.