पुनरपि मया अन्यत्र भृतिकया कर्म कर्तव्यमिति। स गृहपतिर्भूयसा मात्रया अतिप्रसन्नः।
punarapi mayā anyatra bhṛtikayā karma kartavyamiti/ sa gṛhapatirbhūyasā mātrayā atiprasannaḥ/
Sanskrit only: no published translation is held for this verse.
Library·Divyāvadāna·189
Divyāvadāna 189
स कथयति--पुत्र, यद्येवम्, अहं पूरयामि। तात्, मा देवेषूपपत्स्ये। पुत्र, अभिश्रद्दधासि त्वं भगवतह्? तात् अभिश्रद्दधे।
sa kathayati--putra, yadyevam, ahaṃ pūrayāmi/ tāt, mā deveṣūpapatsye/ putra, abhiśraddadhāsi tvaṃ bhagavatah? tāt abhiśraddadhe/
Sanskrit only: no published translation is held for this verse.
पुत्र गच्छ, भगवन्तं पृच्छ। येन भगवांस्तेनोपसंक्रान्तः।
putra gaccha, bhagavantaṃ pṛccha/ yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवतः पादौ शिरसा वन्दित्वा एकान्ते निषण्णः। स गृहपतिपुत्रो भगवन्तमिदमवोचत्--भगवन्, मया पञ्चानां कार्षापणशतानामर्थाय भगवन्तं सश्रावकसंघं भोजयिष्यामीत्यमुकस्य गृहपतेर्भृतिकया कर्म कृतम्।
upasaṃkramya bhagavataḥ pādau śirasā vanditvā ekānte niṣaṇṇaḥ/ sa gṛhapatiputro bhagavantamidamavocat--bhagavan, mayā pañcānāṃ kārṣāpaṇaśatānāmarthāya bhagavantaṃ saśrāvakasaṃghaṃ bhojayiṣyāmītyamukasya gṛhapaterbhṛtikayā karma kṛtam/
Sanskrit only: no published translation is held for this verse.
तानि मम न परिपूर्णानि।
tāni mama na paripūrṇāni/
Sanskrit only: no published translation is held for this verse.
स गृहपतिः परिपूरयति। भगवन् किम्? आह--वत्स गृहाण, श्राद्धः स गृहपतिः। भगवन्, मा देवेषु नोपपत्स्ये? वत्स उपपत्स्यसे, गृहाण।
sa gṛhapatiḥ paripūrayati/ bhagavan kim? āha--vatsa gṛhāṇa, śrāddhaḥ sa gṛhapatiḥ/ bhagavan, mā deveṣu nopapatsye? vatsa upapatsyase, gṛhāṇa/
Sanskrit only: no published translation is held for this verse.
स परितुष्टो भगवतः पादौ शिरसा वन्दित्वा भगवतो ऽन्तिकात् प्रक्रान्तो येन स गृहपतिस्तेनोपसंक्रान्तः।
sa parituṣṭo bhagavataḥ pādau śirasā vanditvā bhagavato 'ntikāt prakrānto yena sa gṛhapatistenopasaṃkrāntaḥ/
Sanskrit only: no published translation is held for this verse.
उपसंक्रम्य गृहपतेरन्तिकात् पञ्च कार्षापणशतानि गृहीत्वा मातुः सकाशं गतः।
upasaṃkramya gṛhapaterantikāt pañca kārṣāpaṇaśatāni gṛhītvā mātuḥ sakāśaṃ gataḥ/
Sanskrit only: no published translation is held for this verse.
कथयति--अम्ब, एतानि पञ्च कार्षापणशतानि।
kathayati--amba, etāni pañca kārṣāpaṇaśatāni/
Sanskrit only: no published translation is held for this verse.
भक्तं सज्जीकुरु। बुद्धप्रमुखं भिक्षुसंघं भोजयिष्यामीति। सा कथयति--पुत्र, न मम भाण्डोपस्करो न शयनासनम्।
bhaktaṃ sajjīkuru/ buddhapramukhaṃ bhikṣusaṃghaṃ bhojayiṣyāmīti/ sā kathayati--putra, na mama bhāṇḍopaskaro na śayanāsanam/
Sanskrit only: no published translation is held for this verse.
स एव गृहपतिर्विस्तीर्णभाण्डोपस्करः श्राद्धश्च।
sa eva gṛhapatirvistīrṇabhāṇḍopaskaraḥ śrāddhaśca/
Sanskrit only: no published translation is held for this verse.
तमेव गत्वा प्रार्थय। शक्नोत्यसौ संपादयितुमिति। स तस्य सकाशं गतः शिरःप्रणामं कृत्वा कथयति--त्वयैव एतानि पञ्च कार्षापणशतानि दत्ताअनि।
tameva gatvā prārthaya/ śaknotyasau saṃpādayitumiti/ sa tasya sakāśaṃ gataḥ śiraḥpraṇāmaṃ kṛtvā kathayati--tvayaiva etāni pañca kārṣāpaṇaśatāni dattāani/
Sanskrit only: no published translation is held for this verse.
अस्माकं गृहे न भाण्डोपस्करो नापि शयनासनम्।
asmākaṃ gṛhe na bhāṇḍopaskaro nāpi śayanāsanam/
Sanskrit only: no published translation is held for this verse.
तदर्हसि ममानुकम्पया भक्तं सज्जीकर्तुम्। अहमागत्य स्वहस्तेन बुद्धप्रमुखं भिक्षुसंघं भोजयिष्यामीति।
tadarhasi mamānukampayā bhaktaṃ sajjīkartum/ ahamāgatya svahastena buddhapramukhaṃ bhikṣusaṃghaṃ bhojayiṣyāmīti/
Sanskrit only: no published translation is held for this verse.
गृहपतिः संलक्षयति--ममेदं गृहमचिरोत्थितं बुद्धप्रमुखेन भिक्षुसंघेन परिभुक्तं भविष्यति, प्रतिजागर्मि।
gṛhapatiḥ saṃlakṣayati--mamedaṃ gṛhamacirotthitaṃ buddhapramukhena bhikṣusaṃghena paribhuktaṃ bhaviṣyati, pratijāgarmi/
Sanskrit only: no published translation is held for this verse.
इति विदित्वा कथयति--पुत्र, शोभनम्।
iti viditvā kathayati--putra, śobhanam/
Sanskrit only: no published translation is held for this verse.
स्थापयित्वा कार्षापणान् गच्छ, श्वो बुद्धप्रमुखं भिक्षुसंघमुपनिमन्त्रय। अहमाहारं सज्जीकरोमीति।
sthāpayitvā kārṣāpaṇān gaccha, śvo buddhapramukhaṃ bhikṣusaṃghamupanimantraya/ ahamāhāraṃ sajjīkaromīti/
Sanskrit only: no published translation is held for this verse.
स संजातसौमनस्यः शिरःप्रणामं कृत्वा प्रक्रान्तो येन भगवांस्तेनोपसंक्रान्तः।
sa saṃjātasaumanasyaḥ śiraḥpraṇāmaṃ kṛtvā prakrānto yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य वृद्धान्ते स्थित्वा कथयति--सो ऽहं बुद्धप्रमुखं भिक्षुसंघमुपनिमन्त्रयामीति।
upasaṃkramya vṛddhānte sthitvā kathayati--so 'haṃ buddhapramukhaṃ bhikṣusaṃghamupanimantrayāmīti/
Sanskrit only: no published translation is held for this verse.
अधिवासयति भगवांस्तस्य गृहपतिपुत्रस्य तूष्णीभावेन। अथ स गृहपतिपुत्रो भगवतस्तूष्णीभावेनाधिवासनां विदित्वा भगवतो ऽन्तिकात् प्रक्रान्तः॥
adhivāsayati bhagavāṃstasya gṛhapatiputrasya tūṣṇībhāvena/ atha sa gṛhapatiputro bhagavatastūṣṇībhāvenādhivāsanāṃ viditvā bhagavato 'ntikāt prakrāntaḥ//
Sanskrit only: no published translation is held for this verse.
तेनापि गृहपतिना तामेव रात्रिं शुचिं प्रणीतं खादनीयं भोजनीयं समुदानीय काल्यमेवोत्थाय गृहं संमार्जितम्।
tenāpi gṛhapatinā tāmeva rātriṃ śuciṃ praṇītaṃ khādanīyaṃ bhojanīyaṃ samudānīya kālyamevotthāya gṛhaṃ saṃmārjitam/
Sanskrit only: no published translation is held for this verse.
सुकुमारी गोमयकार्षी दत्ता, आसनप्रज्ञप्तिः कारिता, उदकमणयः प्रतिष्ठापिताः।
sukumārī gomayakārṣī dattā, āsanaprajñaptiḥ kāritā, udakamaṇayaḥ pratiṣṭhāpitāḥ/
Sanskrit only: no published translation is held for this verse.
तेनापि गृहपतिपुत्रेण गत्वा भगवत आरोचितम्--समयो भदन्त, सज्जं भक्तम् यस्येदानीं भगवान् कालं मन्यते इति।
tenāpi gṛhapatiputreṇa gatvā bhagavata ārocitam--samayo bhadanta, sajjaṃ bhaktam yasyedānīṃ bhagavān kālaṃ manyate iti/
Sanskrit only: no published translation is held for this verse.
अथ भगवान् पूर्वाह्णे निवास्य पात्रचीवरमादाय भिक्षुगणपरिवृतो भिक्षुसंघपुरस्कृतो येन तस्य गृहपतेर् निवेशनं तेनोपसंक्रान्तः।
atha bhagavān pūrvāhṇe nivāsya pātracīvaramādāya bhikṣugaṇaparivṛto bhikṣusaṃghapuraskṛto yena tasya gṛhapater niveśanaṃ tenopasaṃkrāntaḥ/
Sanskrit only: no published translation is held for this verse.
षड्वर्गीयाः पृच्छन्ति--केनाअयं बुद्धप्रमुखो भिक्षुसंघ उपनिमन्त्रित इति? अपरे कथयन्ति--अमुकेन गृहपतिपुत्रेणेति।
ṣaḍvargīyāḥ pṛcchanti--kenāayaṃ buddhapramukho bhikṣusaṃgha upanimantrita iti? apare kathayanti--amukena gṛhapatiputreṇeti/
Sanskrit only: no published translation is held for this verse.
ते परस्परं संजल्पं कुर्वन्ति--नन्दोपनन्द, भृतकपुरुषः सः। किमसौ दास्यति? गच्छाम कुलोपकगृहेषु गत्वा पुरोभक्तकां कर्म इति।
te parasparaṃ saṃjalpaṃ kurvanti--nandopananda, bhṛtakapuruṣaḥ saḥ/ kimasau dāsyati? gacchāma kulopakagṛheṣu gatvā purobhaktakāṃ karma iti/
Sanskrit only: no published translation is held for this verse.
ते कुलोपकगृहाण्युपसंक्रान्ताः। तैरुक्ताह्--आर्य, पुरोभक्तकां कुरुतेति।
te kulopakagṛhāṇyupasaṃkrāntāḥ/ tairuktāh--ārya, purobhaktakāṃ kuruteti/
Sanskrit only: no published translation is held for this verse.
ते कथयन्ति--एवं कुर्म इति। तैः पुरोभक्तका कृता। भगवांस्तस्य गृहपतेर् निवेशने पुरस्ताद्भिक्षुसंघस्य प्रज्ञप्त एवासने निषण्णः।
te kathayanti--evaṃ kurma iti/ taiḥ purobhaktakā kṛtā/ bhagavāṃstasya gṛhapater niveśane purastādbhikṣusaṃghasya prajñapta evāsane niṣaṇṇaḥ/
Sanskrit only: no published translation is held for this verse.
षड्वर्गीया अपि पुरोभक्तकां कृत्वा <१९०>संघमध्ये निषण्णः।
ṣaḍvargīyā api purobhaktakāṃ kṛtvā <190>saṃghamadhye niṣaṇṇaḥ/
Sanskrit only: no published translation is held for this verse.