स तेनाभिहितह्--भो पुरुष, कियता मूल्येन दीयते? पञ्चभिः कार्षापणशतैः।
sa tenābhihitah--bho puruṣa, kiyatā mūlyena dīyate? pañcabhiḥ kārṣāpaṇaśataiḥ/
Sanskrit only: no published translation is held for this verse.
Divyāvadāna 19
तेन तं काष्ठभारं गृहीत्वा तद्गोशीर्षचन्दनमपनीय वीथीं गत्वा करपत्रिकया चतस्रः खण्डिकाः कृताः।
tena taṃ kāṣṭhabhāraṃ gṛhītvā tadgośīrṣacandanamapanīya vīthīṃ gatvā karapatrikayā catasraḥ khaṇḍikāḥ kṛtāḥ/
Sanskrit only: no published translation is held for this verse.
तच्चूर्णकस्यार्थं कार्षापणसहस्रेण विक्रीतं वर्तते। ततस्तस्य पुरुषस्य पञ्चकार्षापणशतानि दत्तानि।
taccūrṇakasyārthaṃ kārṣāpaṇasahasreṇa vikrītaṃ vartate/ tatastasya puruṣasya pañcakārṣāpaṇaśatāni dattāni/
Sanskrit only: no published translation is held for this verse.
उक्तं च--एनं काष्ठभारकममुष्मिन् गृहे भविलपत्नी तिष्ठति तत्र नय, वक्तव्या पूर्णेन प्रेषितेति।
uktaṃ ca--enaṃ kāṣṭhabhārakamamuṣmin gṛhe bhavilapatnī tiṣṭhati tatra naya, vaktavyā pūrṇena preṣiteti/
Sanskrit only: no published translation is held for this verse.
तेनासौ नीतो यथावृत्तं चारोचितम्। सा उरसि प्रहारं दत्त्वा कथयति--यद्यसावर्थात्परिभ्रष्टः, किं प्रज्ञयापि परिभ्रष्टह्? पक्वमानयेति पाचनं प्रेषितम्।
tenāsau nīto yathāvṛttaṃ cārocitam/ sā urasi prahāraṃ dattvā kathayati--yadyasāvarthātparibhraṣṭaḥ, kiṃ prajñayāpi paribhraṣṭah? pakvamānayeti pācanaṃ preṣitam/
Sanskrit only: no published translation is held for this verse.
तदेव नास्ति यत् पक्तव्यमिति। पूर्णेन शेषकतिपयकार्षापणैर्दासदासीगोमहिषीवस्त्राणि जीवितोपकरणानि पक्वमादायागत्य दम्पत्योरुपनामितवान्।
tadeva nāsti yat paktavyamiti/ pūrṇena śeṣakatipayakārṣāpaṇairdāsadāsīgomahiṣīvastrāṇi jīvitopakaraṇāni pakvamādāyāgatya dampatyorupanāmitavān/
Sanskrit only: no published translation is held for this verse.
तेन कुटुम्बं संतोषितम्॥
tena kuṭumbaṃ saṃtoṣitam//
Sanskrit only: no published translation is held for this verse.
अत्रान्तरे सौर्पारकीयो राजा दाहज्वरेण विक्लवीभूतः। तस्य वैद्यैर्गोशीर्षचन्दनमुपा दिष्टम्।
atrāntare saurpārakīyo rājā dāhajvareṇa viklavībhūtaḥ/ tasya vaidyairgośīrṣacandanamupā diṣṭam/
Sanskrit only: no published translation is held for this verse.
ततो ऽमात्या गोशीर्षचन्दनं समन्वेषयितुमारब्धाः। तैर्वीथ्यां पारम्पर्येण श्रुतम्। ते पूर्णस्य सकाशं गत्वा कथयन्ति--तवास्ति गोशीर्षचन्दनम्? स आह--अस्ति।
tato 'mātyā gośīrṣacandanaṃ samanveṣayitumārabdhāḥ/ tairvīthyāṃ pāramparyeṇa śrutam/ te pūrṇasya sakāśaṃ gatvā kathayanti--tavāsti gośīrṣacandanam? sa āha--asti/
Sanskrit only: no published translation is held for this verse.
ते ऊचुह्--कियता मूल्येन दीयते? स आह--कार्षापणसहस्रेण।
te ūcuh--kiyatā mūlyena dīyate? sa āha--kārṣāpaṇasahasreṇa/
Sanskrit only: no published translation is held for this verse.
तैः कार्षापणसहस्रेण गृहीत्वा राज्ञः प्रलेपो दत्तः, स्वस्थीभूतः।
taiḥ kārṣāpaṇasahasreṇa gṛhītvā rājñaḥ pralepo dattaḥ, svasthībhūtaḥ/
Sanskrit only: no published translation is held for this verse.
राजा संलक्षयति--कीदृशो ऽसौ यस्य गृहे गोशीर्षचन्दनं नास्ति। राजा पृच्छति--कुत एतत्? देव पूर्णात्।
rājā saṃlakṣayati--kīdṛśo 'sau yasya gṛhe gośīrṣacandanaṃ nāsti/ rājā pṛcchati--kuta etat? deva pūrṇāt/
Sanskrit only: no published translation is held for this verse.
आहूयतां पूर्णकः। स दूतेन गत्वा उक्तह्--पूर्ण, देवस्त्वां शब्दापयतीति।
āhūyatāṃ pūrṇakaḥ/ sa dūtena gatvā uktah--pūrṇa, devastvāṃ śabdāpayatīti/
Sanskrit only: no published translation is held for this verse.
स विचारयितुमारब्धह्--किमर्थं मां राजा शब्दापयति? स संलक्षयति--गोशीर्षचन्दनेनासौ राजा स्वस्थीभूतः।
sa vicārayitumārabdhah--kimarthaṃ māṃ rājā śabdāpayati? sa saṃlakṣayati--gośīrṣacandanenāsau rājā svasthībhūtaḥ/
Sanskrit only: no published translation is held for this verse.
तदर्थं मां शब्दायति। सर्वथा गोशीर्षचन्दनमादाय गन्तव्यम्।
tadarthaṃ māṃ śabdāyati/ sarvathā gośīrṣacandanamādāya gantavyam/
Sanskrit only: no published translation is held for this verse.
स गोशीर्षचन्दनस्य तिस्रो गण्डिका वस्त्रेण पिधायैकं पाणिना गृहीत्वा राज्ञः सकाशं गतः।
sa gośīrṣacandanasya tisro gaṇḍikā vastreṇa pidhāyaikaṃ pāṇinā gṛhītvā rājñaḥ sakāśaṃ gataḥ/
Sanskrit only: no published translation is held for this verse.
राज्ञा पृष्टह्--पूर्ण, अस्ति किंचिद् गोशीर्षचन्दनम्। स कथयति--देव इदमस्ति।
rājñā pṛṣṭah--pūrṇa, asti kiṃcid gośīrṣacandanam/ sa kathayati--deva idamasti/
Sanskrit only: no published translation is held for this verse.
किमस्य मूल्यम्? देव सुवर्णलक्षाः। अपरमस्ति? देव अस्ति। तेन तास्तिस्रो गण्डिका दर्शिताः।
kimasya mūlyam? deva suvarṇalakṣāḥ/ aparamasti? deva asti/ tena tāstisro gaṇḍikā darśitāḥ/
Sanskrit only: no published translation is held for this verse.
राज्ञामात्यानामाज्ञा दत्ता--पूर्णस्य चतस्रः सुवर्णलक्षाः प्रयच्छतेति।
rājñāmātyānāmājñā dattā--pūrṇasya catasraḥ suvarṇalakṣāḥ prayacchateti/
Sanskrit only: no published translation is held for this verse.
पूर्णः कथयति--देव, तिस्रो दीयन्ताम्। एकगण्डिका देवस्य प्राभृतमिति। ततस्तस्य तिस्रो दत्ताः।
pūrṇaḥ kathayati--deva, tisro dīyantām/ ekagaṇḍikā devasya prābhṛtamiti/ tatastasya tisro dattāḥ/
Sanskrit only: no published translation is held for this verse.
राजा कथयति--पूर्ण, परितुष्टो ऽहम्। वद किं ते वरमनुप्रयच्छामीति। पूर्णः कथयति--यदि मे देवः परितुष्टो देवस्य विजते ऽपरिभूतो वसेयमिति।
rājā kathayati--pūrṇa, parituṣṭo 'ham/ vada kiṃ te varamanuprayacchāmīti/ pūrṇaḥ kathayati--yadi me devaḥ parituṣṭo devasya vijate 'paribhūto vaseyamiti/
Sanskrit only: no published translation is held for this verse.
राज्ञा अमात्यानामाज्ञा दत्ता--भवन्तः, अद्याग्रेण कुमाराणामाज्ञा देया न त्वेवं पूर्णस्येति।
rājñā amātyānāmājñā dattā--bhavantaḥ, adyāgreṇa kumārāṇāmājñā deyā na tvevaṃ pūrṇasyeti/
Sanskrit only: no published translation is held for this verse.
यावन्महासमुद्रात् पञ्चमात्राणि वणिक्शतानि संसिद्धयानपात्राणि सूर्पारकं नगरमनुप्राप्तानि।
yāvanmahāsamudrāt pañcamātrāṇi vaṇikśatāni saṃsiddhayānapātrāṇi sūrpārakaṃ nagaramanuprāptāni/
Sanskrit only: no published translation is held for this verse.
वणिग्ग्रामेण क्रियाकारः कृतह्--न केनचिदस्माकं समस्तानां निर्गत्यैकाकिना वणिजां सकाशमुपसंक्रमितव्यम्।
vaṇiggrāmeṇa kriyākāraḥ kṛtah--na kenacidasmākaṃ samastānāṃ nirgatyaikākinā vaṇijāṃ sakāśamupasaṃkramitavyam/
Sanskrit only: no published translation is held for this verse.
गण एव संभूय भाण्डं ग्रहीष्यतीति।
gaṇa eva saṃbhūya bhāṇḍaṃ grahīṣyatīti/
Sanskrit only: no published translation is held for this verse.
अपरे कथयन्ति--पूर्णमपि शब्दापयामः। अन्ये कथयन्ति--किं तस्य कृपणस्यास्ति यः शब्दायत इति।
apare kathayanti--pūrṇamapi śabdāpayāmaḥ/ anye kathayanti--kiṃ tasya kṛpaṇasyāsti yaḥ śabdāyata iti/
Sanskrit only: no published translation is held for this verse.
तेन खलु समयेन पूर्णो बहिर्निर्गतः। तेन श्रुतं महासमुद्रात् पञ्च वणिक्छतानि संसिद्धयानपात्राणि सूर्पारकं नगरमनुप्राप्तानीति।
tena khalu samayena pūrṇo bahirnirgataḥ/ tena śrutaṃ mahāsamudrāt pañca vaṇikchatāni saṃsiddhayānapātrāṇi sūrpārakaṃ nagaramanuprāptānīti/
Sanskrit only: no published translation is held for this verse.
सो ऽप्रविश्यैव नगरं तेषां सकाशमुपसंक्रान्तः। पृच्छति--भवतः, किमिदं द्रव्यमिति? ते कथयन्ति--इदं चेदं चेति।
so 'praviśyaiva nagaraṃ teṣāṃ sakāśamupasaṃkrāntaḥ/ pṛcchati--bhavataḥ, kimidaṃ dravyamiti? te kathayanti--idaṃ cedaṃ ceti/
Sanskrit only: no published translation is held for this verse.
किं मूल्यम्? ते कथयन्ति--सार्थवाह, दूरमपि परमपि गत्वा त्वमेव प्रष्टव्यः।
kiṃ mūlyam? te kathayanti--sārthavāha, dūramapi paramapi gatvā tvameva praṣṭavyaḥ/
Sanskrit only: no published translation is held for this verse.
यद्यप्येवं तथापि उच्यतां मूल्यम्। तैरष्टादश सुवर्णलक्षा मूल्यमुपदिष्टम्। स <२०>कथयति--भवन्तस्तिस्रो लक्षा अवद्रंगं गृह्णीत, ममैतत्।
yadyapyevaṃ tathāpi ucyatāṃ mūlyam/ tairaṣṭādaśa suvarṇalakṣā mūlyamupadiṣṭam/ sa <20>kathayati--bhavantastisro lakṣā avadraṃgaṃ gṛhṇīta, mamaitat/
Sanskrit only: no published translation is held for this verse.