Library·Divyāvadāna·191
ते मम प्रसन्नः प्रसन्नाधिकारं कुर्वन्ति। किं कल्पते तन्मम ग्रहीतुमाहोस्विन्न कल्पत इति? भगवानाह--यदि प्रसन्नाः प्रसन्नाधिकारं कुर्वन्ति, गृहाण।
te mama prasannaḥ prasannādhikāraṃ kurvanti/ kiṃ kalpate tanmama grahītumāhosvinna kalpata iti? bhagavānāha--yadi prasannāḥ prasannādhikāraṃ kurvanti, gṛhāṇa/
Sanskrit only: no published translation is held for this verse.
भगवन्, मा देवेषु नोत्पपत्स्ये? भगवानाह--वत्स, पुष्पमेतत्, फलमन्यद्भविष्यति।
bhagavan, mā deveṣu notpapatsye? bhagavānāha--vatsa, puṣpametat, phalamanyadbhaviṣyati/
Sanskrit only: no published translation is held for this verse.
तेन भगवद्वचनाभिसम्प्रत्ययात् परितुष्टेन गत्वा रत्नानि गृहीतानि॥
tena bhagavadvacanābhisampratyayāt parituṣṭena gatvā ratnāni gṛhītāni//
Sanskrit only: no published translation is held for this verse.
अत्रान्तरे राजगृहे ऽपुत्रः श्रेष्ठी कालगतः। ततो राजगृहनिवासिनः पौराः संनिपत्य संजल्पं कुर्वन्ति--भवन्तः, श्रेष्ठी कालगतः।
atrāntare rājagṛhe 'putraḥ śreṣṭhī kālagataḥ/ tato rājagṛhanivāsinaḥ paurāḥ saṃnipatya saṃjalpaṃ kurvanti--bhavantaḥ, śreṣṭhī kālagataḥ/
Sanskrit only: no published translation is held for this verse.
कं श्रेष्ठिनमभिषञ्चाम इति? तत्रैके कथयन्ति--यः पुण्यमहेशाख्य इति।
kaṃ śreṣṭhinamabhiṣañcāma iti? tatraike kathayanti--yaḥ puṇyamaheśākhya iti/
Sanskrit only: no published translation is held for this verse.
अपरे कथयन्ति--कथमस्माभिर्ज्ञातव्यमिति? ते कथयन्ति--नानावर्णानि बीजानि पक्ककुम्भे प्रक्षिपामः, य एकवर्णान्युद्धरिष्यति, तं श्रेष्ठिनमभिषिञ्चाम इति।
apare kathayanti--kathamasmābhirjñātavyamiti? te kathayanti--nānāvarṇāni bījāni pakkakumbhe prakṣipāmaḥ, ya ekavarṇānyuddhariṣyati, taṃ śreṣṭhinamabhiṣiñcāma iti/
Sanskrit only: no published translation is held for this verse.
तैर् नानावर्णानि बीजानि पक्ककुम्भे प्रक्षिप्तानि। आरोचितं च--भवन्तः, य एकवर्णानि बीजानि एतस्मात् कुम्भादुद्धरेत्, स श्रेष्ठ्यभिषिच्यते।
tair nānāvarṇāni bījāni pakkakumbhe prakṣiptāni/ ārocitaṃ ca--bhavantaḥ, ya ekavarṇāni bījāni etasmāt kumbhāduddharet, sa śreṣṭhyabhiṣicyate/
Sanskrit only: no published translation is held for this verse.
यस्य वः श्रेष्ठित्वमभिप्रेतं च, उद्धरतु इति।
yasya vaḥ śreṣṭhitvamabhipretaṃ ca, uddharatu iti/
Sanskrit only: no published translation is held for this verse.
त उद्धर्तुमारब्धाः। सर्वैर् नानावर्णान्युद्धृतानि। तेन तु गृहपतिपुत्रेणैकवर्णान्युद्धृतानि\
ta uddhartumārabdhāḥ/ sarvair nānāvarṇānyuddhṛtāni/ tena tu gṛhapatiputreṇaikavarṇānyuddhṛtāni\
Sanskrit only: no published translation is held for this verse.
पौरजानपदाः कथयन्ति--भवन्तः, अयं पुण्यमहेशाख्यः। सर्व एनं श्रेष्ठिनमभिषिञ्चामः।
paurajānapadāḥ kathayanti--bhavantaḥ, ayaṃ puṇyamaheśākhyaḥ/ sarva enaṃ śreṣṭhinamabhiṣiñcāmaḥ/
Sanskrit only: no published translation is held for this verse.
तत्रैके कथयन्ति--भवन्तः, अयं भृतकपुरुषः। कथमेनं श्रेष्ठिनमभिषिञ्चाम इति? अपरे कथयन्ति--पुनरपि तावत् जिज्ञासामः।
tatraike kathayanti--bhavantaḥ, ayaṃ bhṛtakapuruṣaḥ/ kathamenaṃ śreṣṭhinamabhiṣiñcāma iti? apare kathayanti--punarapi tāvat jijñāsāmaḥ/
Sanskrit only: no published translation is held for this verse.
तेन यावत् त्रिरप्येकवर्णान्युद्धृतानि। ते कथयन्ति--भवन्तः, मनुष्यका अप्यस्य साक्षेपमनुप्रयच्छन्ति।
tena yāvat trirapyekavarṇānyuddhṛtāni/ te kathayanti--bhavantaḥ, manuṣyakā apyasya sākṣepamanuprayacchanti/
Sanskrit only: no published translation is held for this verse.
आगच्छत, एनमेवाभिषिञ्चाम इति।
āgacchata, enamevābhiṣiñcāma iti/
Sanskrit only: no published translation is held for this verse.
स तैः श्रेष्ठी अभिषिक्तः। स गृहपतिः संलक्षयति--यदप्यनेन मम भृतिकया कर्म कृतम्, तथाप्ययं पुण्यमहेशाख्यः सत्त्वः।
sa taiḥ śreṣṭhī abhiṣiktaḥ/ sa gṛhapatiḥ saṃlakṣayati--yadapyanena mama bhṛtikayā karma kṛtam, tathāpyayaṃ puṇyamaheśākhyaḥ sattvaḥ/
Sanskrit only: no published translation is held for this verse.
संग्रहोस्य कर्तव्य इति। तेन तस्य सर्वालंकारविभूषिता दुहिता भार्यार्थं दत्ता।
saṃgrahosya kartavya iti/ tena tasya sarvālaṃkāravibhūṣitā duhitā bhāryārthaṃ dattā/
Sanskrit only: no published translation is held for this verse.
तच्च गृहम्, प्रभूतं स्वापतेयम्। सहसैवं भोगैरभ्युद्गत इति तस्य सहसोद्गतो गृहपतिः सहसोद्गतो गृहपतिरिति संज्ञा संवृत्ता॥
tacca gṛham, prabhūtaṃ svāpateyam/ sahasaivaṃ bhogairabhyudgata iti tasya sahasodgato gṛhapatiḥ sahasodgato gṛhapatiriti saṃjñā saṃvṛttā//
Sanskrit only: no published translation is held for this verse.
स संलक्षयति--या काचिदस्माकं श्रीसौभाग्यसम्पत्, सर्वासौ बुद्धं भगवन्तमागम्य।
sa saṃlakṣayati--yā kācidasmākaṃ śrīsaubhāgyasampat, sarvāsau buddhaṃ bhagavantamāgamya/
Sanskrit only: no published translation is held for this verse.
यन्न्वहं पुनरपि बुद्धप्रमुखं भिक्षुसंघमन्तर्गृहे उपनिमन्त्र्य भोजयेयम्। इति विदित्वा येन भगवांस्तेनोपसंक्रान्तः।
yannvahaṃ punarapi buddhapramukhaṃ bhikṣusaṃghamantargṛhe upanimantrya bhojayeyam/ iti viditvā yena bhagavāṃstenopasaṃkrāntaḥ/
Sanskrit only: no published translation is held for this verse.
उपसंक्रम्य भगवतः पादौ शिरसा वन्दित्वा एकान्ते निषण्णः। एकान्तनिषण्णं सहसोद्गतं गृहपतिं भगवान् धर्म्यया कथया संदर्शयति समादापयति समुत्तेजयति संप्रहर्षयति।
upasaṃkramya bhagavataḥ pādau śirasā vanditvā ekānte niṣaṇṇaḥ/ ekāntaniṣaṇṇaṃ sahasodgataṃ gṛhapatiṃ bhagavān dharmyayā kathayā saṃdarśayati samādāpayati samuttejayati saṃpraharṣayati/
Sanskrit only: no published translation is held for this verse.
अनेकपर्यायेण धर्म्यया कथया संदर्श्य समादाप्य समुत्तेज्य संप्रहर्ष्य तूष्णीम्।
anekaparyāyeṇa dharmyayā kathayā saṃdarśya samādāpya samuttejya saṃpraharṣya tūṣṇīm/
Sanskrit only: no published translation is held for this verse.
अथ सहसोद्गतो गृहपतिरुत्थायासनादेकांसमुत्तरासङ्गं कृत्वा येन भगवांस्तेनाञ्जलिं प्रणम्य भगवन्तमिदमवोचत्--अधिवासयतु भगवाञ् श्वो ऽन्तर्गृहे भक्तेन सार्धं भिक्षुसंघेनेति।
atha sahasodgato gṛhapatirutthāyāsanādekāṃsamuttarāsaṅgaṃ kṛtvā yena bhagavāṃstenāñjaliṃ praṇamya bhagavantamidamavocat--adhivāsayatu bhagavāñ śvo 'ntargṛhe bhaktena sārdhaṃ bhikṣusaṃgheneti/
Sanskrit only: no published translation is held for this verse.
अधिवासयति भगवान् सहसोद्गतस्य गृहपतेस्तूष्णीभावेन।
adhivāsayati bhagavān sahasodgatasya gṛhapatestūṣṇībhāvena/
Sanskrit only: no published translation is held for this verse.
अथ सहसोद्गतो गृहपतिर्भगवतस्तूष्णीभावेनाधिवासनां विदित्वा भगवतः पादौ शिरसा वन्दित्वा भगवतो ऽन्तिकात् प्रक्रान्तः।
atha sahasodgato gṛhapatirbhagavatastūṣṇībhāvenādhivāsanāṃ viditvā bhagavataḥ pādau śirasā vanditvā bhagavato 'ntikāt prakrāntaḥ/
Sanskrit only: no published translation is held for this verse.
अथ सहसोद्गतो गृहपतिस्तामेव रात्रिं शुचिं प्रणीतं खादनीयं भोजनीयं समुदानीय काल्यमेवोत्थाय आसनानि प्रज्ञप्योदकमणीन् प्रतिष्ठाप्य भगवतो दूतेन कालमारोचयति--समयो भदन्त, सज्जं भक्तम् यस्येदानीं भगवान् कालं मन्यत इति।
atha sahasodgato gṛhapatistāmeva rātriṃ śuciṃ praṇītaṃ khādanīyaṃ bhojanīyaṃ samudānīya kālyamevotthāya āsanāni prajñapyodakamaṇīn pratiṣṭhāpya bhagavato dūtena kālamārocayati--samayo bhadanta, sajjaṃ bhaktam yasyedānīṃ bhagavān kālaṃ manyata iti/
Sanskrit only: no published translation is held for this verse.
अथ भगवान् पूर्वाह्णे निवास्य पात्रचीवरमादाय भिक्षुगणपरिवृतो येन सहसोद्गतस्य गृहपतेर् निवेशनं तेनोपसंक्रान्तः।
atha bhagavān pūrvāhṇe nivāsya pātracīvaramādāya bhikṣugaṇaparivṛto yena sahasodgatasya gṛhapater niveśanaṃ tenopasaṃkrāntaḥ/
Sanskrit only: no published translation is held for this verse.
उपसंक्रम्य पुरस्ताद्भिक्षुसंघस्य<१९२> प्रज्ञप्त एवासने निषण्णः।
upasaṃkramya purastādbhikṣusaṃghasya<192> prajñapta evāsane niṣaṇṇaḥ/
Sanskrit only: no published translation is held for this verse.