किं मन्यध्वे भिक्षवह्? यो ऽसौ गृहपतिपुत्रः, एष एवासौ सहसोद्गतो गृहपतिः।
kiṃ manyadhve bhikṣavah? yo 'sau gṛhapatiputraḥ, eṣa evāsau sahasodgato gṛhapatiḥ/
Sanskrit only: no published translation is held for this verse.
Library·Divyāvadāna·194
Divyāvadāna 194
यदनेन प्रत्येकबुद्धस्यान्तिके खरा वाग्निश्चारिता, तेन पञ्च जन्मशतानि भृतकपुरुषो जातः।
yadanena pratyekabuddhasyāntike kharā vāgniścāritā, tena pañca janmaśatāni bhṛtakapuruṣo jātaḥ/
Sanskrit only: no published translation is held for this verse.
यावदेतर्ह्यपि भृतिकया कर्म कृतम्। यत् पुनस्तस्यैवान्तिके चित्तमभिप्रसाद्य प्रणिधानं कृतम्, तेन सहसैव भोगैरभिवृद्धः।
yāvadetarhyapi bhṛtikayā karma kṛtam/ yat punastasyaivāntike cittamabhiprasādya praṇidhānaṃ kṛtam, tena sahasaiva bhogairabhivṛddhaḥ/
Sanskrit only: no published translation is held for this verse.
ममान्तिके सत्यदर्शनं कृतम्। अहं चानेन प्रत्येकबुद्धकोटिशतसहस्रेभ्यः प्रतिविशिष्टतरः शास्ता आरागितो न विरागितः।
mamāntike satyadarśanaṃ kṛtam/ ahaṃ cānena pratyekabuddhakoṭiśatasahasrebhyaḥ prativiśiṣṭataraḥ śāstā ārāgito na virāgitaḥ/
Sanskrit only: no published translation is held for this verse.
इति हि भिक्षव एकान्तकृष्णानां कर्मणामेकान्तकृष्णो विपाकः, एकान्तशुक्लानामेकान्तशुक्लः, व्यतिमिश्राणां व्यतिमिश्रः।
iti hi bhikṣava ekāntakṛṣṇānāṃ karmaṇāmekāntakṛṣṇo vipākaḥ, ekāntaśuklānāmekāntaśuklaḥ, vyatimiśrāṇāṃ vyatimiśraḥ/
Sanskrit only: no published translation is held for this verse.
तस्मात्तर्हि एकान्तकृष्णानि कर्माण्यपास्य व्यतिमिश्राणि च, एकान्तशुक्लेष्वेव कर्मस्वाभोगः करणीयः।
tasmāttarhi ekāntakṛṣṇāni karmāṇyapāsya vyatimiśrāṇi ca, ekāntaśukleṣveva karmasvābhogaḥ karaṇīyaḥ/
Sanskrit only: no published translation is held for this verse.
इत्येवं वो भिकवः शिक्षितव्यम्॥ (इयं तावदुत्पत्तिर् न तावत् बुद्धो भगवाञ् श्रावकाणां विनये शिक्षापदम्।?)
ityevaṃ vo bhikavaḥ śikṣitavyam// (iyaṃ tāvadutpattir na tāvat buddho bhagavāñ śrāvakāṇāṃ vinaye śikṣāpadam/?)
Sanskrit only: no published translation is held for this verse.
इदमवोचद्भगवान्। आत्तमनसस्ते भिक्षवो भगवतो भाषितमभ्यनन्दन्॥
idamavocadbhagavān/ āttamanasaste bhikṣavo bhagavato bhāṣitamabhyanandan//
Sanskrit only: no published translation is held for this verse.
सहसोद्गतस्य प्रकरणावदानमेकविंशतिमम्॥
sahasodgatasya prakaraṇāvadānamekaviṃśatimam//
Sanskrit only: no published translation is held for this verse.