Library·Divyāvadāna·201
<२०१>अथ राजा चन्द्रप्रभो ब्राह्मणस्यान्तिकादिदमेवम्रूपं वाक्प्रव्याहारं श्रुत्वा प्रमुदितमनाः प्रीतिविस्फारिताक्षो रौद्राक्षं ब्राह्मणमुवाच--हन्तेदं ब्राह्मण शिरो ऽविघ्नतः साधु प्रगृह्यतामुत्तमाङ्गमिति।
<201>atha rājā candraprabho brāhmaṇasyāntikādidamevamrūpaṃ vākpravyāhāraṃ śrutvā pramuditamanāḥ prītivisphāritākṣo raudrākṣaṃ brāhmaṇamuvāca--hantedaṃ brāhmaṇa śiro 'vighnataḥ sādhu pragṛhyatāmuttamāṅgamiti/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
प्रियो यथा यद्यपि चैकपुत्रकस्तथापि मे खर्पमिदं गृहाण।
priyo yathā yadyapi caikaputrakastathāpi me kharpamidaṃ gṛhāṇa/
Sanskrit only: no published translation is held for this verse.
त्वच्चिन्तितानां फलमस्तु शीघ्रं शिरःप्रदानाद्धि लभेय बोधिम्॥८॥
tvaccintitānāṃ phalamastu śīghraṃ śiraḥpradānāddhi labheya bodhim//8//
Sanskrit only: no published translation is held for this verse.
इत्युक्त्वा स्वयमेव स्वशिरसो मौलिमपनीतवान्। यदा च राजा चन्द्रप्रभेण शिरसो मौलिरपनीतः, तत्समनन्तरमेव सर्वेषां जम्बुद्वीपकानां मनुष्याणां मौलयः पतिताः।
ityuktvā svayameva svaśiraso maulimapanītavān/ yadā ca rājā candraprabheṇa śiraso maulirapanītaḥ, tatsamanantarameva sarveṣāṃ jambudvīpakānāṃ manuṣyāṇāṃ maulayaḥ patitāḥ/
Sanskrit only: no published translation is held for this verse.
भद्रशिलायां च राजधान्यां चतुर्दिशमुल्कापाता दिशोदाहाश्च प्रादुर्भूताः। नगरदेवताभिश्च शब्दो निश्चारितह्--अस्य राज्ञश्चन्द्रप्रभस्य पापब्राह्मणो शिरश्छेत्स्यतीति।
bhadraśilāyāṃ ca rājadhānyāṃ caturdiśamulkāpātā diśodāhāśca prādurbhūtāḥ/ nagaradevatābhiśca śabdo niścāritah--asya rājñaścandraprabhasya pāpabrāhmaṇo śiraśchetsyatīti/
Sanskrit only: no published translation is held for this verse.
तच्छ्रुत्वा महाचन्द्रमहीधरौ अग्रामात्यौ राज्ञश्चन्द्रप्रभस्येदमेवम्रूपं शरीरपरित्यागं विदित्वा साश्रुदुर्दिदवदनौ राज्ञश्चन्द्रप्रभस्य पादौ परिष्वज्याहतुह्--धन्यास्ते पुरुषा देव य एवमत्यद्भुतरूपदर्शनं वा द्रक्ष्यन्तीरि।
tacchrutvā mahācandramahīdharau agrāmātyau rājñaścandraprabhasyedamevamrūpaṃ śarīraparityāgaṃ viditvā sāśrudurdidavadanau rājñaścandraprabhasya pādau pariṣvajyāhatuh--dhanyāste puruṣā deva ya evamatyadbhutarūpadarśanaṃ vā drakṣyantīri/
Sanskrit only: no published translation is held for this verse.
तौ अभिमुखमुद्वीक्ष्यमाणौ राजनि चन्द्रप्रभे चित्तमभिप्रसाद्य रौद्राक्षे च ब्राह्मणे मैत्र्यचित्तमुत्पाद्य नावां शक्ष्यामो निरुपमगुणाधारास्य देवस्यानित्यतां द्रष्टुमिति तस्मिन्नेव मुहूर्ते कालगतौ।
tau abhimukhamudvīkṣyamāṇau rājani candraprabhe cittamabhiprasādya raudrākṣe ca brāhmaṇe maitryacittamutpādya nāvāṃ śakṣyāmo nirupamaguṇādhārāsya devasyānityatāṃ draṣṭumiti tasminneva muhūrte kālagatau/
Sanskrit only: no published translation is held for this verse.
कामधातुमतिक्रम्य ब्राह्मलोकमुपपन्नौ। राज्ञश्चन्द्रप्रभस्येदमेवम्रूपं व्यवसायं बुद्ध्वा तां च नगरनिवासिनीनां देवतानामार्तध्वनिमुपश्रुत्य भौमा यक्षा अन्तरिक्षचराश्च यक्षाः क्रिन्दितुमारब्धाह्--हा कष्टमिदानीं राज्ञश्चन्द्रप्रभस्य शरीरनिक्षेपो भविष्यतीति॥
kāmadhātumatikramya brāhmalokamupapannau/ rājñaścandraprabhasyedamevamrūpaṃ vyavasāyaṃ buddhvā tāṃ ca nagaranivāsinīnāṃ devatānāmārtadhvanimupaśrutya bhaumā yakṣā antarikṣacarāśca yakṣāḥ krinditumārabdhāh--hā kaṣṭamidānīṃ rājñaścandraprabhasya śarīranikṣepo bhaviṣyatīti//
Sanskrit only: no published translation is held for this verse.
अत्रान्तरे च राजकुलद्वारे ऽनेकानि प्रणिशतसहस्राणि संनिपतितान्यभूवन्। ततो रौद्राक्षो ब्राह्मणस्तं महाजनकायमवेक्ष्य शिरो ग्रहीतुम्।
atrāntare ca rājakuladvāre 'nekāni praṇiśatasahasrāṇi saṃnipatitānyabhūvan/ tato raudrākṣo brāhmaṇastaṃ mahājanakāyamavekṣya śiro grahītum/
Sanskrit only: no published translation is held for this verse.
यदि च ते शिरः परित्यक्तम्, एकान्तं गच्छाव इति।
yadi ca te śiraḥ parityaktam, ekāntaṃ gacchāva iti/
Sanskrit only: no published translation is held for this verse.
एवमुक्ते राजा चन्द्रप्रभो रौद्राक्षं ब्राह्मणमवोचत्--एवं महाब्राह्मण क्रियताम्।
evamukte rājā candraprabho raudrākṣaṃ brāhmaṇamavocat--evaṃ mahābrāhmaṇa kriyatām/
Sanskrit only: no published translation is held for this verse.
ऋद्ध्यन्तां तव संकल्पाः, परिपूर्यन्तां मनोरथा इति। अथ राजा चन्द्रप्रभो राजा आसनादुत्थाय तीक्षणमसिमादाय येन मणिरत्नगर्भमुद्यानं तेनोपसंक्रान्तः।
ṛddhyantāṃ tava saṃkalpāḥ, paripūryantāṃ manorathā iti/ atha rājā candraprabho rājā āsanādutthāya tīkṣaṇamasimādāya yena maṇiratnagarbhamudyānaṃ tenopasaṃkrāntaḥ/
Sanskrit only: no published translation is held for this verse.
अथ राजा चन्द्रप्रभस्य इदमेवम्रूपं व्यवसायं दृष्ट्वा भद्रशिलायां राजधान्यामनेकानि प्राणिशतसहस्राणि विक्रोशमानानि पृष्ठतः पृष्ठतः समनुबद्धानि।
atha rājā candraprabhasya idamevamrūpaṃ vyavasāyaṃ dṛṣṭvā bhadraśilāyāṃ rājadhānyāmanekāni prāṇiśatasahasrāṇi vikrośamānāni pṛṣṭhataḥ pṛṣṭhataḥ samanubaddhāni/
Sanskrit only: no published translation is held for this verse.
सो ऽद्राक्षीद्राजा चन्द्रप्रभो महाजनसंनिपातं विक्रोशान्तम्। दृष्ट्वा च पुनः समाश्वासयन्नाह--अप्रमादः करणीयः कुशलेषु धर्मोष्विति।
so 'drākṣīdrājā candraprabho mahājanasaṃnipātaṃ vikrośāntam/ dṛṣṭvā ca punaḥ samāśvāsayannāha--apramādaḥ karaṇīyaḥ kuśaleṣu dharmoṣviti/
Sanskrit only: no published translation is held for this verse.
संक्षेपेण धर्मदेशनां कृत्वा रौद्राक्षं ब्राह्मणमादाय मणिरत्नगर्भमुद्यानं प्रविष्टः।
saṃkṣepeṇa dharmadeśanāṃ kṛtvā raudrākṣaṃ brāhmaṇamādāya maṇiratnagarbhamudyānaṃ praviṣṭaḥ/
Sanskrit only: no published translation is held for this verse.
समनन्तरप्रविष्टस्य राज्ञश्चन्द्रप्रभस्य मणिरत्नगर्भ उद्याने भद्रशिलायां छत्राणि ध्वजपताकाश्च येन मणिरत्नगर्भमुद्यानं तेनावनामिताः।
samanantarapraviṣṭasya rājñaścandraprabhasya maṇiratnagarbha udyāne bhadraśilāyāṃ chatrāṇi dhvajapatākāśca yena maṇiratnagarbhamudyānaṃ tenāvanāmitāḥ/
Sanskrit only: no published translation is held for this verse.
ततो राजा चन्द्रप्रभो मणिरत्नगर्भस्योद्यानस्य द्वारं पिधाय तं तं रौद्राक्षं ब्राह्मणमामन्त्रयते--प्रतिगृह्यतां ब्राह्मण ममोत्तमाङ्गमिति।
tato rājā candraprabho maṇiratnagarbhasyodyānasya dvāraṃ pidhāya taṃ taṃ raudrākṣaṃ brāhmaṇamāmantrayate--pratigṛhyatāṃ brāhmaṇa mamottamāṅgamiti/
Sanskrit only: no published translation is held for this verse.
एवमुक्ते रौद्राक्षो ब्राह्मणो राजानं चन्द्रप्रभमुवाच--नाहं शक्ष्यामि देवस्य शिरश्छेत्तुमिति।
evamukte raudrākṣo brāhmaṇo rājānaṃ candraprabhamuvāca--nāhaṃ śakṣyāmi devasya śiraśchettumiti/
Sanskrit only: no published translation is held for this verse.
मणिरत्नगर्भस्य चोद्यानस्य मध्ये कुरबकः। तत्र सर्वकालिकश्चम्पकवृक्षो<२०२> जातः।
maṇiratnagarbhasya codyānasya madhye kurabakaḥ/ tatra sarvakālikaścampakavṛkṣo<202> jātaḥ/
Sanskrit only: no published translation is held for this verse.