Library·Divyāvadāna·203
ततो रौद्राक्षो ब्राह्मणः शिरोग्रहायोद्यानान्निर्गतः। अथास्मिन्नन्तरे ऽनेकैः प्राणिशतसहस्रैर् नादो मुक्तह्--हा कष्टम्।
tato raudrākṣo brāhmaṇaḥ śirograhāyodyānānnirgataḥ/ athāsminnantare 'nekaiḥ prāṇiśatasahasrair nādo muktah--hā kaṣṭam/
Sanskrit only: no published translation is held for this verse.
प्रघातितो देवः सर्वजनमनोरथपरिपूरक इति। तत एकत्याः पृथिव्यामावर्तन्ते परिवर्तन्ते, एके बाहुभिः प्रक्रोशन्ति, काश्चित् प्रकीर्णकेश्यो रुदन्ति।
praghātito devaḥ sarvajanamanorathaparipūraka iti/ tata ekatyāḥ pṛthivyāmāvartante parivartante, eke bāhubhiḥ prakrośanti, kāścit prakīrṇakeśyo rudanti/
Sanskrit only: no published translation is held for this verse.
अनेकानि च प्राणिशतसहस्राणि संनिपतितानि।
anekāni ca prāṇiśatasahasrāṇi saṃnipatitāni/
Sanskrit only: no published translation is held for this verse.
तत एकत्यास्तस्मिन्नेव प्रदेशे स्थित्वा ध्यानान्युत्पाद्य तत्रैव कालं कृत्वा शुभकृत्स्ने देवनिकाये उपपन्ना राज्ञश्चन्द्रप्रभस्य सभागतायाम्।
tata ekatyāstasminneva pradeśe sthitvā dhyānānyutpādya tatraiva kālaṃ kṛtvā śubhakṛtsne devanikāye upapannā rājñaścandraprabhasya sabhāgatāyām/
Sanskrit only: no published translation is held for this verse.
अपरे ध्यानान्युत्पाद्य तत्रैव कालं कृत्वा भास्वरे देवनिकाये उपपन्नाः।
apare dhyānānyutpādya tatraiva kālaṃ kṛtvā bhāsvare devanikāye upapannāḥ/
Sanskrit only: no published translation is held for this verse.
अपरे प्रथमध्यानमुत्पाद्य कालं कृत्वा ब्रह्मलोकसभागतायामुपपन्नाः।
apare prathamadhyānamutpādya kālaṃ kṛtvā brahmalokasabhāgatāyāmupapannāḥ/
Sanskrit only: no published translation is held for this verse.
अपरैः संनिपात्य राज्ञश्चन्द्रप्रभस्य शरीरं सर्वगन्धकाष्ठैश्चितां चित्वा, ध्मापितानि च अस्थीनि सौवर्णकुम्भे प्रक्षिप्य, चतुर्महापथे शरीरस्तूपः प्रतिष्टापितः।
aparaiḥ saṃnipātya rājñaścandraprabhasya śarīraṃ sarvagandhakāṣṭhaiścitāṃ citvā, dhmāpitāni ca asthīni sauvarṇakumbhe prakṣipya, caturmahāpathe śarīrastūpaḥ pratiṣṭāpitaḥ/
Sanskrit only: no published translation is held for this verse.
छत्रध्वजपताकाश्चारोपिताः। गन्धैर्माल्यैर्धूपैर्दीपैः पुष्पैः पूजां कृत्वा चन्द्रप्रभे राजनि स्वचित्तमभिप्रसाद्य कालगताः षट्सु देवनिकायेषु कामावचरेषु देवेषूपपन्नाः।
chatradhvajapatākāścāropitāḥ/ gandhairmālyairdhūpairdīpaiḥ puṣpaiḥ pūjāṃ kṛtvā candraprabhe rājani svacittamabhiprasādya kālagatāḥ ṣaṭsu devanikāyeṣu kāmāvacareṣu deveṣūpapannāḥ/
Sanskrit only: no published translation is held for this verse.
यैश्च तत्र काराः कृताः, सर्वे ते स्वर्गमोक्षपरायणाः संवृत्ता इति॥
yaiśca tatra kārāḥ kṛtāḥ, sarve te svargamokṣaparāyaṇāḥ saṃvṛttā iti//
Sanskrit only: no published translation is held for this verse.
स्यात्खलु युष्माकं भिक्षवः काङ्क्षा वा विमतिर्वा अन्या सा तेन कालेन समयेनोत्तरापथे भद्रशिला नाम राजधान्यभूदिति।
syātkhalu yuṣmākaṃ bhikṣavaḥ kāṅkṣā vā vimatirvā anyā sā tena kālena samayenottarāpathe bhadraśilā nāma rājadhānyabhūditi/
Sanskrit only: no published translation is held for this verse.
न खलु एवं द्रष्ट्व्यम्। तत्कस्य हेतोह्? एषैव सा तक्षशिला तेन कालेन तेन समयेन भद्रशिला नाम राजधानी बभूव।
na khalu evaṃ draṣṭvyam/ tatkasya hetoh? eṣaiva sā takṣaśilā tena kālena tena samayena bhadraśilā nāma rājadhānī babhūva/
Sanskrit only: no published translation is held for this verse.
स्यात्खलु युष्माकं भिक्षवः काङ्क्षा वा विमतिर्वा अन्यः स तेन कालेन तेन समयेनोत्तरापथे भद्रशिला नाम राजधान्यभूदिति।
syātkhalu yuṣmākaṃ bhikṣavaḥ kāṅkṣā vā vimatirvā anyaḥ sa tena kālena tena samayenottarāpathe bhadraśilā nāma rājadhānyabhūditi/
Sanskrit only: no published translation is held for this verse.
न खलु एवं द्रष्टव्यम्। तत्कस्य हेतोह्? अहमेव तेन कालेन तेन समयेन राजा चन्द्रप्रभो बभूव।
na khalu evaṃ draṣṭavyam/ tatkasya hetoh? ahameva tena kālena tena samayena rājā candraprabho babhūva/
Sanskrit only: no published translation is held for this verse.
स्यात्खलु युष्माकं भिक्षवः काङ्क्षा वा विमतिर्वा--अन्यः स तेन कालेन तेन समयेन रौद्राक्षो नाम ब्राह्मणो ऽभूदिति।
syātkhalu yuṣmākaṃ bhikṣavaḥ kāṅkṣā vā vimatirvā--anyaḥ sa tena kālena tena samayena raudrākṣo nāma brāhmaṇo 'bhūditi/
Sanskrit only: no published translation is held for this verse.
न खल्वेवं द्रष्टव्यम्। तत्कस्य हेतोह्? एष एव स तेन कालेन तेन समयेन देवदत्तो बभूव।
na khalvevaṃ draṣṭavyam/ tatkasya hetoh? eṣa eva sa tena kālena tena samayena devadatto babhūva/
Sanskrit only: no published translation is held for this verse.
स्यात्खलु युष्माकं भिक्षवः काङ्क्षा वा विमतिर्वा--अन्यौ तौ तेन समयेन महाचन्द्रमहीधरौ अग्रामात्यौ बभूवतुरिति। न खल्वेवं द्रष्टव्यम्।
syātkhalu yuṣmākaṃ bhikṣavaḥ kāṅkṣā vā vimatirvā--anyau tau tena samayena mahācandramahīdharau agrāmātyau babhūvaturiti/ na khalvevaṃ draṣṭavyam/
Sanskrit only: no published translation is held for this verse.
तत्कस्य हेतोह्? एतावेव महाचन्द्रमहीधरौ अग्रामात्यौ शारिपुत्रमौद्गल्यायनौ बभूवतुः।
tatkasya hetoh? etāveva mahācandramahīdharau agrāmātyau śāriputramaudgalyāyanau babhūvatuḥ/
Sanskrit only: no published translation is held for this verse.
तदाप्येतौ तत्प्रथमतः कालगतौ, न त्वेव पुतृमरणमारागितवन्तौ इति॥
tadāpyetau tatprathamataḥ kālagatau, na tveva putṛmaraṇamārāgitavantau iti//
Sanskrit only: no published translation is held for this verse.
इदमवोचद्भगवान्। आत्तमनसस्ते भिक्षवो ऽन्ये च देवनागयक्षगन्धर्वासुरगरुडकिन्नरमहोरगादयो भगवतो भाषितमभ्यनन्दन्॥
idamavocadbhagavān/ āttamanasaste bhikṣavo 'nye ca devanāgayakṣagandharvāsuragaruḍakinnaramahoragādayo bhagavato bhāṣitamabhyanandan//
Sanskrit only: no published translation is held for this verse.
चन्द्रप्रभबोधिसत्त्वचर्यावदानं नाम द्वाविंशतिमम्।
candraprabhabodhisattvacaryāvadānaṃ nāma dvāviṃśatimam/
Sanskrit only: no published translation is held for this verse.