दिव्२३ सङ्घरक्सितावदानम्।
div23 saṅgharakSitāvadānam/
Sanskrit only: no published translation is held for this verse.
Library·Divyāvadāna·204
Divyāvadāna 204
किं महाल्लेनाधिगतम्? एकोत्तरिका। अयं तावत् खुस्तिकया एकोत्तरिकया धर्मं देशयति--अमी भिक्षवो धर्मकथिका युंक्तमुत्कमुक्तप्रतिभानाः।
kiṃ mahāllenādhigatam? ekottarikā/ ayaṃ tāvat khustikayā ekottarikayā dharmaṃ deśayati--amī bhikṣavo dharmakathikā yuṃktamutkamuktapratibhānāḥ/
Sanskrit only: no published translation is held for this verse.
कस्मान्नैतानध्येषयसि? स तैरभिहितह्--महल्ल, किं त्वया अधिगतम्? स कथयति--एकोत्तरिका।
kasmānnaitānadhyeṣayasi? sa tairabhihitah--mahalla, kiṃ tvayā adhigatam? sa kathayati--ekottarikā/
Sanskrit only: no published translation is held for this verse.
ते कथयन्ति--त्वं तावन्महल्ल खुस्तिकया एकोत्तरिकया धर्मं देशयसि।
te kathayanti--tvaṃ tāvanmahalla khustikayā ekottarikayā dharmaṃ deśayasi/
Sanskrit only: no published translation is held for this verse.
अमी भिक्षवस्तृपिता धर्मकथिका युक्तमुक्तप्रतिभानाः।
amī bhikṣavastṛpitā dharmakathikā yuktamuktapratibhānāḥ/
Sanskrit only: no published translation is held for this verse.
कस्मान्नैतानध्येषयसि? स कथयति--आर्याः, यूयं कस्यार्थे न देशयत? किमहं निवारयामीति? ते कथयन्ति--नन्दोपनन्द, प्रतिवदत्येषो ऽस्माकं महल्लः।
kasmānnaitānadhyeṣayasi? sa kathayati--āryāḥ, yūyaṃ kasyārthe na deśayata? kimahaṃ nivārayāmīti? te kathayanti--nandopananda, prativadatyeṣo 'smākaṃ mahallaḥ/
Sanskrit only: no published translation is held for this verse.
कुरुत अस्योत्क्षेपणीयं कर्म।
kuruta asyotkṣepaṇīyaṃ karma/
Sanskrit only: no published translation is held for this verse.
स संलक्षयति--यदि मे उत्क्षेपणीयं कर्म करिष्यन्ति, नागभवने ऽप्यहमवकाशं न लप्स्ये।
sa saṃlakṣayati--yadi me utkṣepaṇīyaṃ karma kariṣyanti, nāgabhavane 'pyahamavakāśaṃ na lapsye/
Sanskrit only: no published translation is held for this verse.
स तेषां शयितकानां तं विहारमन्तर्हापयित्वा महासमुद्रं प्रविष्टः। ते वालुकास्थले शयितकास्तिष्ठन्ति।
sa teṣāṃ śayitakānāṃ taṃ vihāramantarhāpayitvā mahāsamudraṃ praviṣṭaḥ/ te vālukāsthale śayitakāstiṣṭhanti/
Sanskrit only: no published translation is held for this verse.
नन्दोपनन्द, उत्तिष्ठ सिंहासनं प्रज्ञापय, धर्मं देशयामः। ते कथयन्ति--को ऽप्यसौ देवो वा नागो वा यक्षो वा भगवत्यभिप्रसन्नो बुद्धे धर्मे संघे कारान् कुर्वन्, सो ऽस्माभिर्विहेठितः।
nandopananda, uttiṣṭha siṃhāsanaṃ prajñāpaya, dharmaṃ deśayāmaḥ/ te kathayanti--ko 'pyasau devo vā nāgo vā yakṣo vā bhagavatyabhiprasanno buddhe dharme saṃghe kārān kurvan, so 'smābhirviheṭhitaḥ/
Sanskrit only: no published translation is held for this verse.
एतत् प्रकरणं भिक्षवो भगवत आरोचयन्ति। भगवानाह--यो ऽसौ भिक्षवो निर्मितो यदि षड्वर्गिकैर्भिक्षुभिर् न विहेठितो ऽभविष्यत्, यावच्छासनकोटिमुद्धाटको बुद्धे धर्मे संघे कारानकरिष्यत्।
etat prakaraṇaṃ bhikṣavo bhagavata ārocayanti/ bhagavānāha--yo 'sau bhikṣavo nirmito yadi ṣaḍvargikairbhikṣubhir na viheṭhito 'bhaviṣyat, yāvacchāsanakoṭimuddhāṭako buddhe dharme saṃghe kārānakariṣyat/
Sanskrit only: no published translation is held for this verse.
भगवान् संलक्षयति--यः कश्चिदादीनवो भिक्षवः, अनधीष्टो धर्मं देशयति, तस्मान्न भिक्षुणा^नधीष्टेन धर्मो देशयितव्यः।
bhagavān saṃlakṣayati--yaḥ kaścidādīnavo bhikṣavaḥ, anadhīṣṭo dharmaṃ deśayati, tasmānna bhikṣuṇā^nadhīṣṭena dharmo deśayitavyaḥ/
Sanskrit only: no published translation is held for this verse.
भिक्षुरनधीष्टो धर्मं देशयति, सातिसारो भवति।
bhikṣuranadhīṣṭo dharmaṃ deśayati, sātisāro bhavati/
Sanskrit only: no published translation is held for this verse.
अनापत्तयस्तन्मुखिकया निर्गता भवन्ति॥
anāpattayastanmukhikayā nirgatā bhavanti//
Sanskrit only: no published translation is held for this verse.
श्रावस्त्यां बुद्धरक्षितो नाम गृहपतिः प्रतिवसति आढ्यो महाधनो महाभोगः। तेन सदृशात् कुलात् कलत्रमानीतम्।
śrāvastyāṃ buddharakṣito nāma gṛhapatiḥ prativasati āḍhyo mahādhano mahābhogaḥ/ tena sadṛśāt kulāt kalatramānītam/
Sanskrit only: no published translation is held for this verse.
स तया सार्धं क्रीडते रमते परिचारयति। तस्य क्रीडतो रमतः परिचारयतः पत्नी आपन्नसत्त्वा संवृत्ता।
sa tayā sārdhaṃ krīḍate ramate paricārayati/ tasya krīḍato ramataḥ paricārayataḥ patnī āpannasattvā saṃvṛttā/
Sanskrit only: no published translation is held for this verse.
आयुष्माञ् शारिपुत्रो वैनेयापेक्षया तत्कुलमुपसंक्रान्तः।
āyuṣmāñ śāriputro vaineyāpekṣayā tatkulamupasaṃkrāntaḥ/
Sanskrit only: no published translation is held for this verse.
तेन स गृहपतिः सपत्नीकः शरणगमनशिक्षापदेषु प्रतिक्ष्ठापितः। अपरेण समयेन सा तस्य पत्नी आपन्नसत्त्वा सवृत्ता।
tena sa gṛhapatiḥ sapatnīkaḥ śaraṇagamanaśikṣāpadeṣu pratikṣṭhāpitaḥ/ apareṇa samayena sā tasya patnī āpannasattvā savṛttā/
Sanskrit only: no published translation is held for this verse.
आयुष्माञ् शारिपुत्रस्तस्य च वैनेयकालं ज्ञात्वा एकाक्येव तत् कुलमुपसंक्रान्तः।
āyuṣmāñ śāriputrastasya ca vaineyakālaṃ jñātvā ekākyeva tat kulamupasaṃkrāntaḥ/
Sanskrit only: no published translation is held for this verse.
स गृहपतिः कथयति--नास्त्यार्यशारिपुत्रस्य कश्चित् पश्चाच्छ्रमणह्? स कथयति--गृहपते, किमस्माकं काशधानाद्वा कुशधानाद्वा पश्चाच्छ्रमणा भवन्ति? अपि तु ये भवद्विधानां सकाशाल्लभ्यन्ते, अस्माकं ते पश्चाच्छ्रमणा भवन्ति।
sa gṛhapatiḥ kathayati--nāstyāryaśāriputrasya kaścit paścācchramaṇah? sa kathayati--gṛhapate, kimasmākaṃ kāśadhānādvā kuśadhānādvā paścācchramaṇā bhavanti? api tu ye bhavadvidhānāṃ sakāśāllabhyante, asmākaṃ te paścācchramaṇā bhavanti/
Sanskrit only: no published translation is held for this verse.
बुद्धरक्षितो गृहपतिह्--आर्य, मम पत्नी आपन्नसत्त्वा संवृत्ता। यदि पुत्रं जनयिष्यति, तमहमार्यस्य पश्चाच्छ्रमणं दास्यामि।
buddharakṣito gṛhapatih--ārya, mama patnī āpannasattvā saṃvṛttā/ yadi putraṃ janayiṣyati, tamahamāryasya paścācchramaṇaṃ dāsyāmi/
Sanskrit only: no published translation is held for this verse.
स कथयति--गृहपते, औपयिकम्॥
sa kathayati--gṛhapate, aupayikam//
Sanskrit only: no published translation is held for this verse.
सा अष्टानां वा नवानां वा मासानाम् अत्ययात् प्रसूता। दारको जातो ऽभिरूपो दर्शनीयः प्रासादिको गौरः कनकवर्णश्छत्राकारशिराः प्रलम्बबाहुर्विस्तीर्णललाटः संगतभ्रूस्तुङ्गनासः।
sā aṣṭānāṃ vā navānāṃ vā māsānām atyayāt prasūtā/ dārako jāto 'bhirūpo darśanīyaḥ prāsādiko gauraḥ kanakavarṇaśchatrākāraśirāḥ pralambabāhurvistīrṇalalāṭaḥ saṃgatabhrūstuṅganāsaḥ/
Sanskrit only: no published translation is held for this verse.
तस्य ज्ञातयः संगम्य त्रीणि सप्तकान्येकविंशतिदिवसानि विस्तरेण जातस्य जातिमहं कृत्वा नामधेयं व्यवस्थापयन्ति--किं भवतु दारकस्य नाम? अयं दारको बुद्धरक्षितस्य गृहपतेः पुत्रः।
tasya jñātayaḥ saṃgamya trīṇi saptakānyekaviṃśatidivasāni vistareṇa jātasya jātimahaṃ kṛtvā nāmadheyaṃ vyavasthāpayanti--kiṃ bhavatu dārakasya nāma? ayaṃ dārako buddharakṣitasya gṛhapateḥ putraḥ/
Sanskrit only: no published translation is held for this verse.
भवतु दारकस्य संघरक्षितो नाम। यस्मिन्नेव दिवसे संघरक्षितो जातः, तस्मिन्नेव दिवसे पञ्चानां वणिक्शतानां पञ्च पुत्रशतानि जातानि।
bhavatu dārakasya saṃgharakṣito nāma/ yasminneva divase saṃgharakṣito jātaḥ, tasminneva divase pañcānāṃ vaṇikśatānāṃ pañca putraśatāni jātāni/
Sanskrit only: no published translation is held for this verse.
तेषामपि कुलसदृशानि <२०५>नामधेयानि व्यवस्थापितानि।
teṣāmapi kulasadṛśāni <205>nāmadheyāni vyavasthāpitāni/
Sanskrit only: no published translation is held for this verse.