Library·Divyāvadāna·205
संघरक्षितो दारक उन्नीयते वर्ध्यते क्षीरेण दध्ना नवनीतेन सर्पिषा सर्पिमण्डेन अन्यैश्चोत्तप्तोत्तप्तैरुपकरणविशेषैः।
saṃgharakṣito dāraka unnīyate vardhyate kṣīreṇa dadhnā navanītena sarpiṣā sarpimaṇḍena anyaiścottaptottaptairupakaraṇaviśeṣaiḥ/
Sanskrit only: no published translation is held for this verse.
आशु वर्धते ह्रदस्थमिव पङ्कजम्।
āśu vardhate hradasthamiva paṅkajam/
Sanskrit only: no published translation is held for this verse.
यदा महान् समृत्तः, तदा आयुष्माञ् शारिपुत्रस्तस्य वैनेयकालं ज्ञात्वा एकाक्येव तत्कुलमुपसंक्रम्य निमित्तमुपदर्शयितुमारब्धः।
yadā mahān samṛttaḥ, tadā āyuṣmāñ śāriputrastasya vaineyakālaṃ jñātvā ekākyeva tatkulamupasaṃkramya nimittamupadarśayitumārabdhaḥ/
Sanskrit only: no published translation is held for this verse.
बुद्धरक्षितेन गृहपतिना संघरक्षितो ऽभिहितह्--पुत्र, अजात एव त्वं मया आर्यशारिपुत्रस्य पश्चाच्छ्रमणो दत्त इति।
buddharakṣitena gṛhapatinā saṃgharakṣito 'bhihitah--putra, ajāta eva tvaṃ mayā āryaśāriputrasya paścācchramaṇo datta iti/
Sanskrit only: no published translation is held for this verse.
चरमभविकः स आयुष्मता शारिपुत्रेण प्रव्राजित उपसम्पादित आगमचतुष्टयं च ग्राहितः॥
caramabhavikaḥ sa āyuṣmatā śāriputreṇa pravrājita upasampādita āgamacatuṣṭayaṃ ca grāhitaḥ//
Sanskrit only: no published translation is held for this verse.
अथापरेण समयेन तानि पञ्च वणिक्शतानि महासमुद्रगमनीयं पण्यं समुदानीय महासमुद्रमवतर्तुकामानि कथयन्ति--किंचिद्वयं भवन्त आर्यकमवतारयाम यो ऽस्माकं महासौद्रमध्यगतानां धर्मं देशयिष्यति।
athāpareṇa samayena tāni pañca vaṇikśatāni mahāsamudragamanīyaṃ paṇyaṃ samudānīya mahāsamudramavatartukāmāni kathayanti--kiṃcidvayaṃ bhavanta āryakamavatārayāma yo 'smākaṃ mahāsaudramadhyagatānāṃ dharmaṃ deśayiṣyati/
Sanskrit only: no published translation is held for this verse.
ते कथयति--भवन्तः, अयमस्माकमार्यसंघरक्षितो वयस्यकः सहजन्मिकः सहपांशुक्रीडनकः।
te kathayati--bhavantaḥ, ayamasmākamāryasaṃgharakṣito vayasyakaḥ sahajanmikaḥ sahapāṃśukrīḍanakaḥ/
Sanskrit only: no published translation is held for this verse.
एतमेवावतारयामः। ते तस्य सकाशमुपसंक्रान्ताः। आर्य संघरक्षित, त्वमस्माकं वयस्यकः सहजन्मिकः सहपांशुक्रीडनकः।
etamevāvatārayāmaḥ/ te tasya sakāśamupasaṃkrāntāḥ/ ārya saṃgharakṣita, tvamasmākaṃ vayasyakaḥ sahajanmikaḥ sahapāṃśukrīḍanakaḥ/
Sanskrit only: no published translation is held for this verse.
वयं च महासमुद्रं संप्रस्थिताः।
vayaṃ ca mahāsamudraṃ saṃprasthitāḥ/
Sanskrit only: no published translation is held for this verse.
त्वमप्यस्माभिः सार्धमवतर, समुद्रमध्यगतानां धर्मं देशयिष्यसि। स कथयति--नाहं स्वाधीनः।
tvamapyasmābhiḥ sārdhamavatara, samudramadhyagatānāṃ dharmaṃ deśayiṣyasi/ sa kathayati--nāhaṃ svādhīnaḥ/
Sanskrit only: no published translation is held for this verse.
उपाध्यायमवलोकयत। ते येनायुष्माञ् शारिपुत्रस्तेनोपसंक्रान्ताः। उपसंक्रम्य कथयन्ति--आर्य शारिपुत्र, अयमस्माकमार्यसंघरक्षितो वयस्यकः सहजन्मिकः सहपांशुक्रीडनकः।
upādhyāyamavalokayata/ te yenāyuṣmāñ śāriputrastenopasaṃkrāntāḥ/ upasaṃkramya kathayanti--ārya śāriputra, ayamasmākamāryasaṃgharakṣito vayasyakaḥ sahajanmikaḥ sahapāṃśukrīḍanakaḥ/
Sanskrit only: no published translation is held for this verse.
वयं महासमुद्रं संप्रस्थिताः।
vayaṃ mahāsamudraṃ saṃprasthitāḥ/
Sanskrit only: no published translation is held for this verse.
एषो ऽप्यस्माभिः सार्धमवतरतु, अस्माकं महासमुद्रमध्यगतानां धर्मं देशयिष्यति।
eṣo 'pyasmābhiḥ sārdhamavataratu, asmākaṃ mahāsamudramadhyagatānāṃ dharmaṃ deśayiṣyati/
Sanskrit only: no published translation is held for this verse.
स कथयति--भगवन्तमवलोकयत। ते भगवतः सकाशमुपसंक्रान्ताः। भगवन्, वयं महासमुद्रं संप्रस्थिताः।
sa kathayati--bhagavantamavalokayata/ te bhagavataḥ sakāśamupasaṃkrāntāḥ/ bhagavan, vayaṃ mahāsamudraṃ saṃprasthitāḥ/
Sanskrit only: no published translation is held for this verse.
अयमस्माकमार्यसंघरक्षितो वयस्यकः सहजन्मिकः सहपांशुक्रीडनकः।
ayamasmākamāryasaṃgharakṣito vayasyakaḥ sahajanmikaḥ sahapāṃśukrīḍanakaḥ/
Sanskrit only: no published translation is held for this verse.
एषो ऽप्यस्माभिः सार्धं महासमुद्रमवतरतु। अस्माकं महासमुद्रमध्यगतानां धर्मं देशयिष्यति।
eṣo 'pyasmābhiḥ sārdhaṃ mahāsamudramavataratu/ asmākaṃ mahāsamudramadhyagatānāṃ dharmaṃ deśayiṣyati/
Sanskrit only: no published translation is held for this verse.
भगवान् संलक्षयति--अस्त्येषां कानिचित् कुशलमूलानि? अस्ति। कस्यान्तिके प्रतिबुद्धानि? संघरक्षितस्य भिक्षोः।
bhagavān saṃlakṣayati--astyeṣāṃ kānicit kuśalamūlāni? asti/ kasyāntike pratibuddhāni? saṃgharakṣitasya bhikṣoḥ/
Sanskrit only: no published translation is held for this verse.
तत्र भगवान् संघरक्षितमामन्त्रयते--गच्छ संघरक्षित, भयभैरवसहिष्णुना भवितव्यम्।
tatra bhagavān saṃgharakṣitamāmantrayate--gaccha saṃgharakṣita, bhayabhairavasahiṣṇunā bhavitavyam/
Sanskrit only: no published translation is held for this verse.
अधिवासयत्यायुष्मान् संघरक्षितो भगवतस्तूष्णीभावेण॥
adhivāsayatyāyuṣmān saṃgharakṣito bhagavatastūṣṇībhāveṇa//
Sanskrit only: no published translation is held for this verse.
अथ तानि पञ्च वणिक्शतानि कृतकौतुकमङ्गलस्वस्त्ययनानि शक्टैर्भारैर्मूढैः पिटकैरुष्ट्रैर्गोभिर्गर्दभैः प्रभूतं पण्यमारोप्य महासमुद्रं संप्रस्थितानि।
atha tāni pañca vaṇikśatāni kṛtakautukamaṅgalasvastyayanāni śakṭairbhārairmūḍhaiḥ piṭakairuṣṭrairgobhirgardabhaiḥ prabhūtaṃ paṇyamāropya mahāsamudraṃ saṃprasthitāni/
Sanskrit only: no published translation is held for this verse.
ते निपुणतः समुद्रयानपात्रं प्रतिपद्य महासमुद्रमवतीर्णा धनहारकाः।
te nipuṇataḥ samudrayānapātraṃ pratipadya mahāsamudramavatīrṇā dhanahārakāḥ/
Sanskrit only: no published translation is held for this verse.
तेषां महासमुद्रमध्यगतानां नागैर्वहनं विधारितम्।
teṣāṃ mahāsamudramadhyagatānāṃ nāgairvahanaṃ vidhāritam/
Sanskrit only: no published translation is held for this verse.
ते देवतायाचनं कर्तुमारब्धाह्--यो ऽस्मिन् महासमुद्रे देवो वा नागो वा यक्षो वा प्रतिवसति, स आचक्षतु किं मृगयतीति।
te devatāyācanaṃ kartumārabdhāh--yo 'smin mahāsamudre devo vā nāgo vā yakṣo vā prativasati, sa ācakṣatu kiṃ mṛgayatīti/
Sanskrit only: no published translation is held for this verse.
महासमुद्राच्छब्दो निश्चरति--आर्यसंघरक्षितमस्माकमनुप्रयच्छथेति।
mahāsamudrācchabdo niścarati--āryasaṃgharakṣitamasmākamanuprayacchatheti/
Sanskrit only: no published translation is held for this verse.
ते कथयति--आर्यसंघरक्षितो ऽस्माकं वयस्यकः सहजन्मिकः सहपांशुक्रीडनको भदन्तशारिपुत्रेणानुप्रदत्तको भगवतानुपरीतकः।
te kathayati--āryasaṃgharakṣito 'smākaṃ vayasyakaḥ sahajanmikaḥ sahapāṃśukrīḍanako bhadantaśāriputreṇānupradattako bhagavatānuparītakaḥ/
Sanskrit only: no published translation is held for this verse.
श्रेयो ऽस्माकमनेनैव सार्धं कालत्रिया, न त्वेन वयं संघरक्षितं परित्यक्ष्यामः।
śreyo 'smākamanenaiva sārdhaṃ kālatriyā, na tvena vayaṃ saṃgharakṣitaṃ parityakṣyāmaḥ/
Sanskrit only: no published translation is held for this verse.
ते मन्त्रयन्ते आयुष्मता संघरक्षितेन श्रुताः।
te mantrayante āyuṣmatā saṃgharakṣitena śrutāḥ/
Sanskrit only: no published translation is held for this verse.
स कथयति--भवन्तः, किं कथयन्ते? कथयन्ति--आर्य संघरक्षित महासमुद्राच्छब्दो <२०६>निश्चरितह्--आर्यसंघरक्षितमस्माकमनुप्रयच्छथेति।
sa kathayati--bhavantaḥ, kiṃ kathayante? kathayanti--ārya saṃgharakṣita mahāsamudrācchabdo <206>niścaritah--āryasaṃgharakṣitamasmākamanuprayacchatheti/
Sanskrit only: no published translation is held for this verse.