Divyāvadāna 206

स कथयति--कस्मान्नानुप्रयच्छध्वम्? ते कथयन्ति--आर्य, त्वमस्माकं वयस्यकः सहजन्मिकः सहपांशुक्रीडनकः।

sa kathayati--kasmānnānuprayacchadhvam? te kathayanti--ārya, tvamasmākaṃ vayasyakaḥ sahajanmikaḥ sahapāṃśukrīḍanakaḥ/

Sanskrit only: no published translation is held for this verse.

भदन्तशारिपुत्रेणानुप्रदत्तको भगवतानुप्रदत्तकः।

bhadantaśāriputreṇānupradattako bhagavatānupradattakaḥ/

Sanskrit only: no published translation is held for this verse.

श्रेयो ऽस्माकं त्वयैव सार्धं कालक्रिया। न त्वेव वयमार्य संघरक्षित त्वां परित्यक्ष्यामः।

śreyo 'smākaṃ tvayaiva sārdhaṃ kālakriyā/ na tveva vayamārya saṃgharakṣita tvāṃ parityakṣyāmaḥ/

Sanskrit only: no published translation is held for this verse.

आयुष्मान् संघरक्षितः संलक्षयति--यदुक्तं भगवता भयभैरवसहिष्णुना ते भवितव्यमितीदं तत्।

āyuṣmān saṃgharakṣitaḥ saṃlakṣayati--yaduktaṃ bhagavatā bhayabhairavasahiṣṇunā te bhavitavyamitīdaṃ tat/

Sanskrit only: no published translation is held for this verse.

स पात्रचीवरं गृहीत्वा आत्मानं महासमुद्रे प्रक्षेप्तुमारब्धः।

sa pātracīvaraṃ gṛhītvā ātmānaṃ mahāsamudre prakṣeptumārabdhaḥ/

Sanskrit only: no published translation is held for this verse.

स तैर्दृष्टः। ते कथयन्ति--आर्यसंघरक्षित किं करोषि, आर्यसंघरक्षित किं करोषीति। स तेष विक्रोशतां महासमुद्रे प्रपतितः।

sa tairdṛṣṭaḥ/ te kathayanti--āryasaṃgharakṣita kiṃ karoṣi, āryasaṃgharakṣita kiṃ karoṣīti/ sa teṣa vikrośatāṃ mahāsamudre prapatitaḥ/

Sanskrit only: no published translation is held for this verse.

मुक्तं तद्वहनम्। स नागैर्गृहीत्वा नागभवनं प्रवेशितः॥

muktaṃ tadvahanam/ sa nāgairgṛhītvā nāgabhavanaṃ praveśitaḥ//

Sanskrit only: no published translation is held for this verse.

आर्य संघरक्षित, इयं विपश्यितः सम्यक्सम्बुद्धस्य गन्धकुटी। इयं शिखिनो विश्वभुवः क्रकुच्छन्दस्य कनकमुनेः काश्यपस्येयं भगवतो गन्धकुटी।

ārya saṃgharakṣita, iyaṃ vipaśyitaḥ samyaksambuddhasya gandhakuṭī/ iyaṃ śikhino viśvabhuvaḥ krakucchandasya kanakamuneḥ kāśyapasyeyaṃ bhagavato gandhakuṭī/

Sanskrit only: no published translation is held for this verse.

आर्य संघरक्षित, भगवतः सूत्रं मातृका च देवमनुष्येषु प्रतिष्ठितम्।

ārya saṃgharakṣita, bhagavataḥ sūtraṃ mātṛkā ca devamanuṣyeṣu pratiṣṭhitam/

Sanskrit only: no published translation is held for this verse.

वयं नागा विनिपतितशरीराः। अहो बत, आर्यः संघां रक्षित इहाप्यागमचतुष्टयं प्रतिष्ठापयेत्।

vayaṃ nāgā vinipatitaśarīrāḥ/ aho bata, āryaḥ saṃghāṃ rakṣita ihāpyāgamacatuṣṭayaṃ pratiṣṭhāpayet/

Sanskrit only: no published translation is held for this verse.

स कथयति--एवं भवतु। तेन त्रयो नाग्कुमारा उत्साहिताः।

sa kathayati--evaṃ bhavatu/ tena trayo nāgkumārā utsāhitāḥ/

Sanskrit only: no published translation is held for this verse.

एको ऽभिहितह्--त्वं तावत् सम्युक्तकमधीष्व। द्वितीयो ऽभिहितह्--त्वमपि मध्यमम्।

eko 'bhihitah--tvaṃ tāvat samyuktakamadhīṣva/ dvitīyo 'bhihitah--tvamapi madhyamam/

Sanskrit only: no published translation is held for this verse.

तृतीयो ऽभिहितह्--त्वमपि दीर्घममधीष्व। स कथयति--अहमपि तामेवैकोत्तरिकां विमृष्टरूपां प्रज्वालयामि।

tṛtīyo 'bhihitah--tvamapi dīrghamamadhīṣva/ sa kathayati--ahamapi tāmevaikottarikāṃ vimṛṣṭarūpāṃ prajvālayāmi/

Sanskrit only: no published translation is held for this verse.

ते ऽध्येतुमारब्धाः। तत्रैकश्चक्षुषी निमीलियत्वोद्वेशं गृह्णाति, द्वितीयः पृष्ठतोमुख उद्देशं गृह्णाति, तृतीयो दूरतः स्थित्वोद्देशं गृह्णाति।

te 'dhyetumārabdhāḥ/ tatraikaścakṣuṣī nimīliyatvodveśaṃ gṛhṇāti, dvitīyaḥ pṛṣṭhatomukha uddeśaṃ gṛhṇāti, tṛtīyo dūrataḥ sthitvoddeśaṃ gṛhṇāti/

Sanskrit only: no published translation is held for this verse.

स एव तेषामेकः सगौरवः सप्रतीश इति करणीयैश्च सर्वत्र पूर्वंगमः।

sa eva teṣāmekaḥ sagauravaḥ sapratīśa iti karaṇīyaiśca sarvatra pūrvaṃgamaḥ/

Sanskrit only: no published translation is held for this verse.

आर्य उत्तिष्ठ, दन्तकाष्ठ, दन्तकाष्ठं विसर्जय, भगवतो मण्डलकमामार्जय, चैत्याभिवन्दनं कुरु, भुङ्क्ष्व, शय्यां कल्पयेति।

ārya uttiṣṭha, dantakāṣṭha, dantakāṣṭhaṃ visarjaya, bhagavato maṇḍalakamāmārjaya, caityābhivandanaṃ kuru, bhuṅkṣva, śayyāṃ kalpayeti/

Sanskrit only: no published translation is held for this verse.

सर्वैस्तैरागमान्यधीतानि।

sarvaistairāgamānyadhītāni/

Sanskrit only: no published translation is held for this verse.

स कथयति--आर्य, अधीतान्येभिरागमानि। किं धारयिष्यन्ति आहोस्विन्नधारयिष्यन्ति? स कथयति--स्मृतिमत्तका ह्येते धारयिष्यन्ति, अपि तु दोषो ऽस्त्येषाम्।

sa kathayati--ārya, adhītānyebhirāgamāni/ kiṃ dhārayiṣyanti āhosvinnadhārayiṣyanti? sa kathayati--smṛtimattakā hyete dhārayiṣyanti, api tu doṣo 'styeṣām/

Sanskrit only: no published translation is held for this verse.

स कथयति--आर्य, को दोषह्? सर्वे ह्येते ऽगौरवा अप्रतीशाः।

sa kathayati--ārya, ko doṣah? sarve hyete 'gauravā apratīśāḥ/

Sanskrit only: no published translation is held for this verse.

एकस्तावच्चक्षुषी निमीलयित्वोद्वेशं गृह्णाति, द्वितीयः पृष्टतोमुख उद्देशं गृह्णाति, तृतीयो दूरतः स्थित्वोद्देशं गृह्णाति।

ekastāvaccakṣuṣī nimīlayitvodveśaṃ gṛhṇāti, dvitīyaḥ pṛṣṭatomukha uddeśaṃ gṛhṇāti, tṛtīyo dūrataḥ sthitvoddeśaṃ gṛhṇāti/

Sanskrit only: no published translation is held for this verse.

त्वमेवैकः सगौरवः सप्रतीश इति करणीयैश्च सर्वत्र पूर्वंगमः।

tvamevaikaḥ sagauravaḥ sapratīśa iti karaṇīyaiśca sarvatra pūrvaṃgamaḥ/

Sanskrit only: no published translation is held for this verse.

स कथयति--आर्य, न ह्येते ऽगौरवा अप्रतीशाः।

sa kathayati--ārya, na hyete 'gauravā apratīśāḥ/

Sanskrit only: no published translation is held for this verse.

यस्तावदयं चक्षुषी निमीलयित्वोद्देशं गृह्णाति, अयं दृष्टिविषः। यो ऽप्ययं पृष्ष्ठतोमुख उद्देशं गृह्णाति, एषो ऽपि श्वासविषः।

yastāvadayaṃ cakṣuṣī nimīlayitvoddeśaṃ gṛhṇāti, ayaṃ dṛṣṭiviṣaḥ/ yo 'pyayaṃ pṛṣṣṭhatomukha uddeśaṃ gṛhṇāti, eṣo 'pi śvāsaviṣaḥ/

Sanskrit only: no published translation is held for this verse.

यो ऽप्येष दूरतः स्थित्वोद्देशं गृह्णाति, एषो ऽपि स्पर्शविषः।

yo 'pyeṣa dūrataḥ sthitvoddeśaṃ gṛhṇāti, eṣo 'pi sparśaviṣaḥ/

Sanskrit only: no published translation is held for this verse.

अहमेको दंष्ट्राविषः। स भीत उत्पाण्डूत्पाण्डुकः कृशालुको दुर्बलको म्लानको ऽप्राप्तकायः संवृत्तः।

ahameko daṃṣṭrāviṣaḥ/ sa bhīta utpāṇḍūtpāṇḍukaḥ kṛśāluko durbalako mlānako 'prāptakāyaḥ saṃvṛttaḥ/

Sanskrit only: no published translation is held for this verse.

स कथयति--आर्य, कस्मात् त्वमुत्पाण्डूत्पाण्डुकः कृशालुको दुर्बलको म्लानको ऽप्राप्तकायः संवृत्तह्? स कथयति--भद्रमुख, अमित्रमध्ये ऽहं वासं कल्पयामि।

sa kathayati--ārya, kasmāt tvamutpāṇḍūtpāṇḍukaḥ kṛśāluko durbalako mlānako 'prāptakāyaḥ saṃvṛttah? sa kathayati--bhadramukha, amitramadhye 'haṃ vāsaṃ kalpayāmi/

Sanskrit only: no published translation is held for this verse.

सचेत् युष्माकमन्यतमो ऽन्यतमं प्रकुप्येत, मां नामावशेषं कुर्यात्। स कथयति--आर्यास्य वयं न प्रहरामः।

sacet yuṣmākamanyatamo 'nyatamaṃ prakupyeta, māṃ nāmāvaśeṣaṃ kuryāt/ sa kathayati--āryāsya vayaṃ na praharāmaḥ/

Sanskrit only: no published translation is held for this verse.

अपि तु इच्छसि त्वं जम्बुद्वीपं गन्तुम्? भद्रमुख, इच्छामि।

api tu icchasi tvaṃ jambudvīpaṃ gantum? bhadramukha, icchāmi/

Sanskrit only: no published translation is held for this verse.

तच्च वहनमागतम्। स तैरुत्क्षिप्तः॥

tacca vahanamāgatam/ sa tairutkṣiptaḥ//

Sanskrit only: no published translation is held for this verse.

विणिग्भिर्दृष्टः। ते कथयन्ति--स्वागतमार्यसंघरक्षिताय। स कथयति--अनुमोदन्तां भवन्तः।

viṇigbhirdṛṣṭaḥ/ te kathayanti--svāgatamāryasaṃgharakṣitāya/ sa kathayati--anumodantāṃ bhavantaḥ/

Sanskrit only: no published translation is held for this verse.

मया नागोष्वागमचतुष्टयं प्रतिष्ठापितम्। ते कथयन्ति--आर्य संघरक्षित, अनुमोदयामह्<२०७>।

mayā nāgoṣvāgamacatuṣṭayaṃ pratiṣṭhāpitam/ te kathayanti--ārya saṃgharakṣita, anumodayāmah<207>/

Sanskrit only: no published translation is held for this verse.