Library·Divyāvadāna·207
ते तं वहने प्रक्षिप्य संप्रस्थिताः। ते ऽनुपूर्वेण समुद्रतीरं गत्वा सर्वे ते वणिजः शयिताः।
te taṃ vahane prakṣipya saṃprasthitāḥ/ te 'nupūrveṇa samudratīraṃ gatvā sarve te vaṇijaḥ śayitāḥ/
Sanskrit only: no published translation is held for this verse.
आयुष्मान् संघरक्षितो महासमुद्रं द्रष्टुमारब्धः।
āyuṣmān saṃgharakṣito mahāsamudraṃ draṣṭumārabdhaḥ/
Sanskrit only: no published translation is held for this verse.
हस्तिनागश्च राजा च सागरश्च शिलोच्चयः।
hastināgaśca rājā ca sāgaraśca śiloccayaḥ/
Sanskrit only: no published translation is held for this verse.
असेचनका दर्शनेन बुद्धश्च भगवतां वरः॥१॥ इति।
asecanakā darśanena buddhaśca bhagavatāṃ varaḥ//1// iti/
Sanskrit only: no published translation is held for this verse.
चिरं महासमुद्रं पश्यञ् जागरितः। सो ऽपश्चिमे यामे गढनिद्रावष्टब्धः शयितः।
ciraṃ mahāsamudraṃ paśyañ jāgaritaḥ/ so 'paścime yāme gaḍhanidrāvaṣṭabdhaḥ śayitaḥ/
Sanskrit only: no published translation is held for this verse.
ते ऽपि वणिजः सरात्रमेवोत्थाय स्थोराम्ल्लर्दयित्वा संप्रस्थिताः। ते कथयन्ति प्रभातायां रजन्याम्--कुत्रायं संघरक्षितह्? तत्रैक एवमाहुह्--पुरस्ताद्गच्छति।
te 'pi vaṇijaḥ sarātramevotthāya sthorāmllardayitvā saṃprasthitāḥ/ te kathayanti prabhātāyāṃ rajanyām--kutrāyaṃ saṃgharakṣitah? tatraika evamāhuh--purastādgacchati/
Sanskrit only: no published translation is held for this verse.
अपर एवमाहुह्--पृष्ठत आगच्छति। ते कथयन्ति--आर्यसंघरक्षितो ऽस्माभिश्छोरितः।
apara evamāhuh--pṛṣṭhata āgacchati/ te kathayanti--āryasaṃgharakṣito 'smābhiśchoritaḥ/
Sanskrit only: no published translation is held for this verse.
न शोभनमस्माभिः कृतम्। प्रतिनिवर्तयामः। आर्यसंघरक्षितो भवन्तो महर्द्धिको महानुभावो यः समुद्रमध्ये न कालगतः।
na śobhanamasmābhiḥ kṛtam/ pratinivartayāmaḥ/ āryasaṃgharakṣito bhavanto maharddhiko mahānubhāvo yaḥ samudramadhye na kālagataḥ/
Sanskrit only: no published translation is held for this verse.
स इदानीं कालं करिष्यति? स्थानमेतद्विद्यते यदसौ अग्रत एव यास्यति।
sa idānīṃ kālaṃ kariṣyati? sthānametadvidyate yadasau agrata eva yāsyati/
Sanskrit only: no published translation is held for this verse.
आगच्छत, गमिष्यामः। ते संप्रस्थिताः॥
āgacchata, gamiṣyāmaḥ/ te saṃprasthitāḥ//
Sanskrit only: no published translation is held for this verse.
आयुष्मानपि संघरक्षितः सूर्यस्याभ्युद्गमनसमये सूर्यांशुभिस्ताडितः प्रतिबुद्धो यावन्न किंचित्पश्यति।
āyuṣmānapi saṃgharakṣitaḥ sūryasyābhyudgamanasamaye sūryāṃśubhistāḍitaḥ pratibuddho yāvanna kiṃcitpaśyati/
Sanskrit only: no published translation is held for this verse.
प्रक्रान्ता वणिजः। सो ऽपि पन्थलिकां गृहीत्वा संप्रस्थितः। यावदन्यतमस्यां सालाटव्यां विहारं पश्यत्युद्गतं मञ्चपीठवेदिकाजालवातायनगवाक्षपरिमण्डितम्, भिक्षूंश्च संप्रावृतान् संप्रच्छन्नाञ् शान्तेनेर्यापथेनावस्थितान्।
prakrāntā vaṇijaḥ/ so 'pi panthalikāṃ gṛhītvā saṃprasthitaḥ/ yāvadanyatamasyāṃ sālāṭavyāṃ vihāraṃ paśyatyudgataṃ mañcapīṭhavedikājālavātāyanagavākṣaparimaṇḍitam, bhikṣūṃśca saṃprāvṛtān saṃpracchannāñ śānteneryāpathenāvasthitān/
Sanskrit only: no published translation is held for this verse.
स तेषां सकाशमुपसंक्रान्तः। स तैरुक्तह्--स्वागतं भदन्तसंघरक्षिताय।
sa teṣāṃ sakāśamupasaṃkrāntaḥ/ sa tairuktah--svāgataṃ bhadantasaṃgharakṣitāya/
Sanskrit only: no published translation is held for this verse.
स तैर्विश्रामितः। विश्रामयित्वा विहारं प्रवेशितो यावत् पश्यति शोभनां शयनासनप्रज्ञप्तिं कृतां प्रणीतं चाहारमुपहृतम्।
sa tairviśrāmitaḥ/ viśrāmayitvā vihāraṃ praveśito yāvat paśyati śobhanāṃ śayanāsanaprajñaptiṃ kṛtāṃ praṇītaṃ cāhāramupahṛtam/
Sanskrit only: no published translation is held for this verse.
स तैरुक्तह्--भदन्त संघरक्षित, मा तृषितो ऽसि, मा बुभुक्षितो ऽसि? कथयति--आर्याः, तृषितो ऽस्मि, बुभुक्षितो ऽस्मि।
sa tairuktah--bhadanta saṃgharakṣita, mā tṛṣito 'si, mā bubhukṣito 'si? kathayati--āryāḥ, tṛṣito 'smi, bubhukṣito 'smi/
Sanskrit only: no published translation is held for this verse.
भदन्त संघरक्षित भुङ्क्ष्व।
bhadanta saṃgharakṣita bhuṅkṣva/
Sanskrit only: no published translation is held for this verse.
स कथयति--संघमध्ये मोक्ष्यामि। ते कथयन्ति--भदन्त संघरक्षित, मुङ्क्ष्व, आदीनवो ऽत्र भविष्यति।
sa kathayati--saṃghamadhye mokṣyāmi/ te kathayanti--bhadanta saṃgharakṣita, muṅkṣva, ādīnavo 'tra bhaviṣyati/
Sanskrit only: no published translation is held for this verse.
तेन मुक्तम्। स भुक्त्वा एकान्ते ऽपक्रम्यावस्थितः। यावत् तेषां गण्डराकोटिता।
tena muktam/ sa bhuktvā ekānte 'pakramyāvasthitaḥ/ yāvat teṣāṃ gaṇḍarākoṭitā/
Sanskrit only: no published translation is held for this verse.
ते स्वकास्वकानि पात्राण्यादाय यथागत्य निषण्णः। स च तेषां विहारो ऽन्तर्हितः।
te svakāsvakāni pātrāṇyādāya yathāgatya niṣaṇṇaḥ/ sa ca teṣāṃ vihāro 'ntarhitaḥ/
Sanskrit only: no published translation is held for this verse.
अयोमुद्गताः प्रादुर्भूतम्। तैस्तावदयोमुद्गरैः परस्परमार्तस्वरं क्रन्दद्भिः शिरांसि भग्नानि, यावत् कालादकालीभूतम्।
ayomudgatāḥ prādurbhūtam/ taistāvadayomudgaraiḥ parasparamārtasvaraṃ krandadbhiḥ śirāṃsi bhagnāni, yāvat kālādakālībhūtam/
Sanskrit only: no published translation is held for this verse.
ततः पश्चात् पुनरपि तेषां विहारः प्रादुर्भूतः, ते च भिक्षवः शान्तेनेर्यापथेनावस्थिताः।
tataḥ paścāt punarapi teṣāṃ vihāraḥ prādurbhūtaḥ, te ca bhikṣavaḥ śānteneryāpathenāvasthitāḥ/
Sanskrit only: no published translation is held for this verse.
आयुष्मान् संघरक्षितस्तेषां सकाशमुपसंक्रान्तः।
āyuṣmān saṃgharakṣitasteṣāṃ sakāśamupasaṃkrāntaḥ/
Sanskrit only: no published translation is held for this verse.
के यूयमायुष्मन्तः, केन वा कर्मणा इहोपपन्नाह्? भदन्त संघरक्षित, दुष्कुहका जम्बुद्वीपका मनुष्याः।
ke yūyamāyuṣmantaḥ, kena vā karmaṇā ihopapannāh? bhadanta saṃgharakṣita, duṣkuhakā jambudvīpakā manuṣyāḥ/
Sanskrit only: no published translation is held for this verse.
नाभिश्रद्दधास्यसि। स कथयति--अहं प्रत्यक्षदर्शी, कस्मान्नाभिश्रद्दधास्ये? ते कथयन्ति--भदन्त संघरक्षित, वयं काश्यपस्य सम्यक्सम्बुद्धस्य श्रावका आसन्।
nābhiśraddadhāsyasi/ sa kathayati--ahaṃ pratyakṣadarśī, kasmānnābhiśraddadhāsye? te kathayanti--bhadanta saṃgharakṣita, vayaṃ kāśyapasya samyaksambuddhasya śrāvakā āsan/
Sanskrit only: no published translation is held for this verse.
तैरस्माकं भक्ताग्रे रणमुत्पादितम्।
tairasmākaṃ bhaktāgre raṇamutpāditam/
Sanskrit only: no published translation is held for this verse.
ते वयं भक्ताग्रे रणमुत्पादयित्वा इह प्रत्येकनरकेषूपपन्नाः।
te vayaṃ bhaktāgre raṇamutpādayitvā iha pratyekanarakeṣūpapannāḥ/
Sanskrit only: no published translation is held for this verse.
साधु संघरक्षित, जम्बुद्वीपं गत्वा सब्रह्मचारिणामारोचय--मा आयुष्मन्तः संघमध्ये रणमुत्पादयिष्यथ।
sādhu saṃgharakṣita, jambudvīpaṃ gatvā sabrahmacāriṇāmārocaya--mā āyuṣmantaḥ saṃghamadhye raṇamutpādayiṣyatha/
Sanskrit only: no published translation is held for this verse.
मा अस्यैवम्रूपस्य दुःखदौर्मनस्यस्य भागिनो भविष्यथ तद्यथा श्रमणाः काश्यपीयाः॥
mā asyaivamrūpasya duḥkhadaurmanasyasya bhāgino bhaviṣyatha tadyathā śramaṇāḥ kāśyapīyāḥ//
Sanskrit only: no published translation is held for this verse.