<२०९>ते वयं शैक्षाशैक्षान् पुद्गलान् दग्ध्वा इह प्रत्येकनरकेषूपपन्नाः।
<209>te vayaṃ śaikṣāśaikṣān pudgalān dagdhvā iha pratyekanarakeṣūpapannāḥ/
Sanskrit only: no published translation is held for this verse.
Library·Divyāvadāna·209
Divyāvadāna 209
स्थानमेतद्विद्यते यदस्माभिरिह च्युतैर् नरकेषूपपत्तव्यं भविष्यति। साधु भदन्त संघरक्षित, जम्बुद्वीपं गत्वा सब्रह्मचारिणामारोचय--मा आयुष्मन्तः सब्रह्मचारिणामन्तिके प्रदुष्टचित्तमुत्पादयिष्यथ, मा अस्यैवम्रूपस्य दुःखदौर्मनस्यस्य भगिनो भविनो भविष्यथ तद्यथा श्रमणः काश्यपीयाः॥
sthānametadvidyate yadasmābhiriha cyutair narakeṣūpapattavyaṃ bhaviṣyati/ sādhu bhadanta saṃgharakṣita, jambudvīpaṃ gatvā sabrahmacāriṇāmārocaya--mā āyuṣmantaḥ sabrahmacāriṇāmantike praduṣṭacittamutpādayiṣyatha, mā asyaivamrūpasya duḥkhadaurmanasyasya bhagino bhavino bhaviṣyatha tadyathā śramaṇaḥ kāśyapīyāḥ//
Sanskrit only: no published translation is held for this verse.
आयुष्मान् संघरक्षितः संप्रस्थितो यावत् सत्त्वानद्रक्षीत् स्तम्भाकारान् कुड्याकारान् वृक्षाकारान् पत्राकारान् पुष्पाकारान् फलाकारान् रज्ज्वाकारान् संमार्जन्याकारानुदूखलाकारान् खट्वाकारान् स्थालिकाकारान्॥
āyuṣmān saṃgharakṣitaḥ saṃprasthito yāvat sattvānadrakṣīt stambhākārān kuḍyākārān vṛkṣākārān patrākārān puṣpākārān phalākārān rajjvākārān saṃmārjanyākārānudūkhalākārān khaṭvākārān sthālikākārān//
Sanskrit only: no published translation is held for this verse.
आयुष्मान् संघरक्षितो जनपदान् गतः। अन्यतमस्मिन्नाश्रमपदे पञ्चमात्राणि ऋषिशतानि प्रतिवसन्ति।
āyuṣmān saṃgharakṣito janapadān gataḥ/ anyatamasminnāśramapade pañcamātrāṇi ṛṣiśatāni prativasanti/
Sanskrit only: no published translation is held for this verse.
तैरायुष्मान् संघरक्षितो दूरत एव दृष्टः। ते कथयन्ति--भवन्तः, क्रियाकारं तावत् कुर्मह्--बहुबोल्लकाः श्रमणाः शाक्यपुत्रीया भवन्ति।
tairāyuṣmān saṃgharakṣito dūrata eva dṛṣṭaḥ/ te kathayanti--bhavantaḥ, kriyākāraṃ tāvat kurmah--bahubollakāḥ śramaṇāḥ śākyaputrīyā bhavanti/
Sanskrit only: no published translation is held for this verse.
नास्य केनचिद्वचनं दातव्यम्।
nāsya kenacidvacanaṃ dātavyam/
Sanskrit only: no published translation is held for this verse.
ते क्रियाकारं कृत्वा अवस्थिताः। आयुष्मांश्च संघरक्षितस्तेषां सकाशमुपसंक्रान्तः।
te kriyākāraṃ kṛtvā avasthitāḥ/ āyuṣmāṃśca saṃgharakṣitasteṣāṃ sakāśamupasaṃkrāntaḥ/
Sanskrit only: no published translation is held for this verse.
उपसंक्रम्य प्रतिश्रयम् याचितुमारब्धः। न कश्चिद्वाचमनुप्रयच्छति। तत्रैक ऋषिः स शुक्लधर्मः।
upasaṃkramya pratiśrayam yācitumārabdhaḥ/ na kaścidvācamanuprayacchati/ tatraika ṛṣiḥ sa śukladharmaḥ/
Sanskrit only: no published translation is held for this verse.
कथयति--किम् युष्माकं प्रतिश्रयं न दीयते? अपि तु युष्माकं दोषो ऽस्ति। बहुबोल्लका यूयम्।
kathayati--kim yuṣmākaṃ pratiśrayaṃ na dīyate? api tu yuṣmākaṃ doṣo 'sti/ bahubollakā yūyam/
Sanskrit only: no published translation is held for this verse.
समयेनाहं भवतः प्रतिश्रयं दास्ये, सचेत् किंचिन्न मन्त्रयसि। आयुष्मान् संघरक्षितः कथयति--ऋषे, एवं भवतु।
samayenāhaṃ bhavataḥ pratiśrayaṃ dāsye, sacet kiṃcinna mantrayasi/ āyuṣmān saṃgharakṣitaḥ kathayati--ṛṣe, evaṃ bhavatu/
Sanskrit only: no published translation is held for this verse.
तत्रैक ऋषिर्जनपदचारिकां गतः। तस्य कुटिः शून्यावतिष्ठति।
tatraika ṛṣirjanapadacārikāṃ gataḥ/ tasya kuṭiḥ śūnyāvatiṣṭhati/
Sanskrit only: no published translation is held for this verse.
स कथयति--अस्यां कुटिकायां शाय्यां कल्पय। आयुष्मता संघरक्षितेन सा कुटिका सिक्ता संमृष्टा संमार्जिता सुकुमारीं गोमयकासिं चानुप्रदत्ता।
sa kathayati--asyāṃ kuṭikāyāṃ śāyyāṃ kalpaya/ āyuṣmatā saṃgharakṣitena sā kuṭikā siktā saṃmṛṣṭā saṃmārjitā sukumārīṃ gomayakāsiṃ cānupradattā/
Sanskrit only: no published translation is held for this verse.
तैर्दृष्टः। ते कथयति--भदन्त, शुच्यपि मार्जन्त्येते श्रमणाः शाक्यपुत्रीयाः।
tairdṛṣṭaḥ/ te kathayati--bhadanta, śucyapi mārjantyete śramaṇāḥ śākyaputrīyāḥ/
Sanskrit only: no published translation is held for this verse.
आयुष्मान् संघरक्षितो बहिः कुटिकायाः पादौ प्रक्षाल्य कुटिकां प्रविश्य निषण्णः पर्यङ्कमाभुज्य ऋजुकायं प्रणिधाय प्रतिमुखं स्मृतिमुपस्ह्ताप्य।
āyuṣmān saṃgharakṣito bahiḥ kuṭikāyāḥ pādau prakṣālya kuṭikāṃ praviśya niṣaṇṇaḥ paryaṅkamābhujya ṛjukāyaṃ praṇidhāya pratimukhaṃ smṛtimupashtāpya/
Sanskrit only: no published translation is held for this verse.
य तस्मिन्नाश्रमपदे देवता प्रतिवसति, सा रात्र्याः प्रथमे यामे येनायुष्मान् संघरक्षितस्तेनोपसंक्रान्ता।
ya tasminnāśramapade devatā prativasati, sā rātryāḥ prathame yāme yenāyuṣmān saṃgharakṣitastenopasaṃkrāntā/
Sanskrit only: no published translation is held for this verse.
उपसंक्रम्य कथयति--आर्य संघरक्षित, धर्मं देशय। आयुष्मान् संघरक्षितः कथयति--सुखिता त्वम्।
upasaṃkramya kathayati--ārya saṃgharakṣita, dharmaṃ deśaya/ āyuṣmān saṃgharakṣitaḥ kathayati--sukhitā tvam/
Sanskrit only: no published translation is held for this verse.
न पश्यसि मया त्रियाकारेण प्रतिश्रयं लब्धम्, किं निष्कासापयितुमिच्छसि? सा संलक्षयति--श्रान्तकायो ऽयम्, स्वपितु।
na paśyasi mayā triyākāreṇa pratiśrayaṃ labdham, kiṃ niṣkāsāpayitumicchasi? sā saṃlakṣayati--śrāntakāyo 'yam, svapitu/
Sanskrit only: no published translation is held for this verse.
मध्यमे यामे उपसंक्रमिष्यामि।
madhyame yāme upasaṃkramiṣyāmi/
Sanskrit only: no published translation is held for this verse.
सा मध्यमे याम उपसंक्रान्ता। उपसंक्रम्य कथयति--आर्य संघरक्षित, धर्मं देशय। आयुष्मान् संघरक्षितः कथयति--सुखिता त्वम्।
sā madhyame yāma upasaṃkrāntā/ upasaṃkramya kathayati--ārya saṃgharakṣita, dharmaṃ deśaya/ āyuṣmān saṃgharakṣitaḥ kathayati--sukhitā tvam/
Sanskrit only: no published translation is held for this verse.
न पश्यसि मया क्रियाकारेण प्रतिश्रयं लब्धम्? किं निष्कासापयितुमिच्छसि? सा संलक्षयति--श्रान्तकायो ऽयम्, स्वपितु।
na paśyasi mayā kriyākāreṇa pratiśrayaṃ labdham? kiṃ niṣkāsāpayitumicchasi? sā saṃlakṣayati--śrāntakāyo 'yam, svapitu/
Sanskrit only: no published translation is held for this verse.
पश्चिमे यामे उपसंक्रमिष्यामि।
paścime yāme upasaṃkramiṣyāmi/
Sanskrit only: no published translation is held for this verse.
सा पश्चिमे यामे उपसंक्रान्ता। उपसंक्रम्य कथयति--आर्य संघरक्षित, धर्मं देशय।
sā paścime yāme upasaṃkrāntā/ upasaṃkramya kathayati--ārya saṃgharakṣita, dharmaṃ deśaya/
Sanskrit only: no published translation is held for this verse.
आयुष्मान् संघरक्षितः कथयति--सुखिता त्वम्। न पश्यसि मया क्रियाकारेण प्रतिश्रयं लब्धम्? किं निष्कासापयितुमिच्छसि? सा कथयति--आर्य संघरक्षित, प्रभातमिदानीम्।
āyuṣmān saṃgharakṣitaḥ kathayati--sukhitā tvam/ na paśyasi mayā kriyākāreṇa pratiśrayaṃ labdham? kiṃ niṣkāsāpayitumicchasi? sā kathayati--ārya saṃgharakṣita, prabhātamidānīm/
Sanskrit only: no published translation is held for this verse.
सचिन्निष्कासयिष्यन्ति, गमिष्यसि। अपि तु ननूक्तं भगवता भयभैरवसहिष्णुना ते भवितव्यमिति।
sacinniṣkāsayiṣyanti, gamiṣyasi/ api tu nanūktaṃ bhagavatā bhayabhairavasahiṣṇunā te bhavitavyamiti/
Sanskrit only: no published translation is held for this verse.
आयुष्मान् संघरक्षितः संलक्षयति--शोभनं कथयति--सचेत् स निष्कासयिष्यति, <२१०>गमिष्यामि।
āyuṣmān saṃgharakṣitaḥ saṃlakṣayati--śobhanaṃ kathayati--sacet sa niṣkāsayiṣyati, <210>gamiṣyāmi/
Sanskrit only: no published translation is held for this verse.