Library·Divyāvadāna·210
स संलक्षयति--ब्राह्मणा ह्येते। ब्राह्मणप्रतिसम्युक्तं भाषयामीत्यायुष्मान् संघरक्षितो ब्राह्मणवर्गं स्वाध्यायितुमारब्धह्--
sa saṃlakṣayati--brāhmaṇā hyete/ brāhmaṇapratisamyuktaṃ bhāṣayāmītyāyuṣmān saṃgharakṣito brāhmaṇavargaṃ svādhyāyitumārabdhah--
Sanskrit only: no published translation is held for this verse.
न नग्नचर्या न जटा न पङ्को नानाशनं स्थण्डलशायिका वा।
na nagnacaryā na jaṭā na paṅko nānāśanaṃ sthaṇḍalaśāyikā vā/
Sanskrit only: no published translation is held for this verse.
न रजोमलं नोत्कुटुकप्रहाणं विशोधयेन्मोहमविशीर्णकाङ्क्षम्॥२॥
na rajomalaṃ notkuṭukaprahāṇaṃ viśodhayenmohamaviśīrṇakāṅkṣam//2//
Sanskrit only: no published translation is held for this verse.
अलंकृतश्चापि चरेत धर्मं दान्तेन्द्रयः शान्तः सम्यतो ब्रह्मचारी।
alaṃkṛtaścāpi careta dharmaṃ dāntendrayaḥ śāntaḥ samyato brahmacārī/
Sanskrit only: no published translation is held for this verse.
सर्वेषु भूतेषु निधाय दण्डं स ब्राह्मणः स श्रमण स भिक्षुः॥३॥
sarveṣu bhūteṣu nidhāya daṇḍaṃ sa brāhmaṇaḥ sa śramaṇa sa bhikṣuḥ//3//
Sanskrit only: no published translation is held for this verse.
तैः श्रुतम्। ते संलक्षयन्ति--ब्राह्मणप्रतिसम्युक्तम्। इत्येक उपसंक्रान्तो द्वितीयस्तृतीयो यावत् सर्वे उपसंक्रान्ताः।
taiḥ śrutam/ te saṃlakṣayanti--brāhmaṇapratisamyuktam/ ityeka upasaṃkrānto dvitīyastṛtīyo yāvat sarve upasaṃkrāntāḥ/
Sanskrit only: no published translation is held for this verse.
तथा तया देवतया अधिष्ठितम्, यथा परस्परं न पश्यन्ति।
tathā tayā devatayā adhiṣṭhitam, yathā parasparaṃ na paśyanti/
Sanskrit only: no published translation is held for this verse.
ततः पश्चादायुष्मता संघरक्षितेन नगरोपमं सूत्रमुपनिक्षिप्तम्। गाथां च भाषते--
tataḥ paścādāyuṣmatā saṃgharakṣitena nagaropamaṃ sūtramupanikṣiptam/ gāthāṃ ca bhāṣate--
Sanskrit only: no published translation is held for this verse.
यानीह भूतानि समागतानि स्थितानि भूम्यामथवान्तरिक्षे।
yānīha bhūtāni samāgatāni sthitāni bhūmyāmathavāntarikṣe/
Sanskrit only: no published translation is held for this verse.
कुर्वन्तु मैत्रीं सततं प्रजासु दिवा च रात्रौ च चरन्तु धर्मम्॥४॥ इति।
kurvantu maitrīṃ satataṃ prajāsu divā ca rātrau ca carantu dharmam//4// iti/
Sanskrit only: no published translation is held for this verse.
अस्मिन् खलु धर्मपर्याये भाष्यमाणे सर्वैस्तैः सहसत्याभिसमयादनागामिफलमनुप्राप्तम्।
asmin khalu dharmaparyāye bhāṣyamāṇe sarvaistaiḥ sahasatyābhisamayādanāgāmiphalamanuprāptam/
Sanskrit only: no published translation is held for this verse.
ऋद्धिश्चापि निर्हृता। सर्वैस्तैः सुभाषितं भदन्तसंघरक्षितायेत्येकनादो मुक्तः। तया देवतया ऋद्ध्यभिसंस्काराः प्रतिप्रस्रब्धः।
ṛddhiścāpi nirhṛtā/ sarvaistaiḥ subhāṣitaṃ bhadantasaṃgharakṣitāyetyekanādo muktaḥ/ tayā devatayā ṛddhyabhisaṃskārāḥ pratiprasrabdhaḥ/
Sanskrit only: no published translation is held for this verse.
परस्परं द्रष्टुमारब्धाः। ते ऽन्योन्यं कथयन्ति--त्वमप्यागतह्?
parasparaṃ draṣṭumārabdhāḥ/ te 'nyonyaṃ kathayanti--tvamapyāgatah?
Sanskrit only: no published translation is held for this verse.
आगतो ऽहम्। शोभनम्। ते दृष्टसत्याः कथयन्ति--लभेमो वयं भदन्त संघरक्षित स्वाख्याते धर्मविनये प्रव्रज्यामुपसम्पदं भिक्षुभावम्।
āgato 'ham/ śobhanam/ te dṛṣṭasatyāḥ kathayanti--labhemo vayaṃ bhadanta saṃgharakṣita svākhyāte dharmavinaye pravrajyāmupasampadaṃ bhikṣubhāvam/
Sanskrit only: no published translation is held for this verse.
चरेमो वयं भगवतो ऽन्तिके ब्रह्मचर्यम्। आयुष्मान् संघरक्षितः कथयति--किं मत्सकाशे प्रव्रजथ, आहोस्विद्भगवतह्? ते कथयन्ति--भगवतः।
caremo vayaṃ bhagavato 'ntike brahmacaryam/ āyuṣmān saṃgharakṣitaḥ kathayati--kiṃ matsakāśe pravrajatha, āhosvidbhagavatah? te kathayanti--bhagavataḥ/
Sanskrit only: no published translation is held for this verse.
आयुष्मान् संघरक्षितः कथयति--यद्येवम्, आगच्छथ, भगवतः सकाशं गच्छामः। ते कथयन्ति--भदन्त संघरक्षित, किमस्मदीयया ऋद्ध्या गच्छामः, आहोस्वित् त्वदीयया? आयुष्मान् संघरक्षितः संलक्षयति--एभिर्मदीयेनाववादेनैवंविधा गुणगणा अघिगताः, अहं लङ्घनकोपमः संवृत्तः।
āyuṣmān saṃgharakṣitaḥ kathayati--yadyevam, āgacchatha, bhagavataḥ sakāśaṃ gacchāmaḥ/ te kathayanti--bhadanta saṃgharakṣita, kimasmadīyayā ṛddhyā gacchāmaḥ, āhosvit tvadīyayā? āyuṣmān saṃgharakṣitaḥ saṃlakṣayati--ebhirmadīyenāvavādenaivaṃvidhā guṇagaṇā aghigatāḥ, ahaṃ laṅghanakopamaḥ saṃvṛttaḥ/
Sanskrit only: no published translation is held for this verse.
स कथयति--तिष्ठन्तु तावद्भवन्तो मुहूर्तम्। आयुष्मान् संघरक्षितो ऽन्यतमं वृक्षमूलं निश्रित्य निषण्णः पर्यङ्कमाभुज्य ऋजुं कायं प्रणिधाय प्रतिमुखं स्मृतिमुपस्थाप्य।
sa kathayati--tiṣṭhantu tāvadbhavanto muhūrtam/ āyuṣmān saṃgharakṣito 'nyatamaṃ vṛkṣamūlaṃ niśritya niṣaṇṇaḥ paryaṅkamābhujya ṛjuṃ kāyaṃ praṇidhāya pratimukhaṃ smṛtimupasthāpya/
Sanskrit only: no published translation is held for this verse.
उक्तं भगवता--पञ्चानुशंसा बाहुश्रुत्ये।
uktaṃ bhagavatā--pañcānuśaṃsā bāhuśrutye/
Sanskrit only: no published translation is held for this verse.
धातुकुशलो भवति, प्रतीत्यसमुत्पादकुशलो भवति, स्थानास्थानकुशलो भवति, अपरप्रतिबद्धा चास्य भवति अववादानुशासनीति।
dhātukuśalo bhavati, pratītyasamutpādakuśalo bhavati, sthānāsthānakuśalo bhavati, aparapratibaddhā cāsya bhavati avavādānuśāsanīti/
Sanskrit only: no published translation is held for this verse.
तेनोद्यच्छता घटता व्यायच्छता सर्वक्लेशप्रहाणादर्हत्त्वं साक्षात्कृतम्।
tenodyacchatā ghaṭatā vyāyacchatā sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
अर्हन् संवृत्तस्त्रैधातुकवीतरागह् <२११>पूर्ववद्यावन्मान्यः पूज्यश्चाभिवाद्यश्च संवृत्तः।
arhan saṃvṛttastraidhātukavītarāgah <211>pūrvavadyāvanmānyaḥ pūjyaścābhivādyaśca saṃvṛttaḥ/
Sanskrit only: no published translation is held for this verse.