ते तस्य कर्मणो विपाकेन कुड्याकाराः संवृत्ताः। यथा कुट्याकाराः, एवं स्तम्भाकाराः सत्त्वाः।
te tasya karmaṇo vipākena kuḍyākārāḥ saṃvṛttāḥ/ yathā kuṭyākārāḥ, evaṃ stambhākārāḥ sattvāḥ/
Sanskrit only: no published translation is held for this verse.
Library·Divyāvadāna·212
Divyāvadāna 212
यान् संघरक्षित सत्त्वानाद्राक्षीर्वृक्षाकारांस्ते काश्यपस्य सम्यक्सम्बुद्धस्य श्रावका आसन्।
yān saṃgharakṣita sattvānādrākṣīrvṛkṣākārāṃste kāśyapasya samyaksambuddhasya śrāvakā āsan/
Sanskrit only: no published translation is held for this verse.
तैः सांघिकाः पुष्पवृक्षाः फलवृक्षाः पौद्गलिकपरिभोगेन भुक्ताः।
taiḥ sāṃghikāḥ puṣpavṛkṣāḥ phalavṛkṣāḥ paudgalikaparibhogena bhuktāḥ/
Sanskrit only: no published translation is held for this verse.
ते तस्य कर्मणो विपाकेन वृक्षाकाराः संवृत्ताः। यथा वृक्षाकाराः, एवं पत्राकाराअः फलाकाराः पुष्पाकाराः।
te tasya karmaṇo vipākena vṛkṣākārāḥ saṃvṛttāḥ/ yathā vṛkṣākārāḥ, evaṃ patrākārāaḥ phalākārāḥ puṣpākārāḥ/
Sanskrit only: no published translation is held for this verse.
यं त्वं संघरक्षित सत्त्वमद्राक्षी रज्ज्वाकारम्, स काश्यपस्य सम्यक्सम्बुद्धस्य श्रावक आसीत्।
yaṃ tvaṃ saṃgharakṣita sattvamadrākṣī rajjvākāram, sa kāśyapasya samyaksambuddhasya śrāvaka āsīt/
Sanskrit only: no published translation is held for this verse.
तेन संघिका रज्जुः पौद्गलिकपरिभोगेन परिभुक्ता।
tena saṃghikā rajjuḥ paudgalikaparibhogena paribhuktā/
Sanskrit only: no published translation is held for this verse.
स तस्य् कर्मणो संघरक्षित सत्त्वमद्राक्षीस्तप्वाकारम् (?) काश्यपस्य सम्यक्सम्बुद्धस्य श्रावक आसीत् श्रामणेरकः।
sa tasy karmaṇo saṃgharakṣita sattvamadrākṣīstapvākāram (?) kāśyapasya samyaksambuddhasya śrāvaka āsīt śrāmaṇerakaḥ/
Sanskrit only: no published translation is held for this verse.
सो ऽपरेण समयेन पानकवारमुद्दिष्टस्तद्वारकं निर्मादयति।
so 'pareṇa samayena pānakavāramuddiṣṭastadvārakaṃ nirmādayati/
Sanskrit only: no published translation is held for this verse.
आगन्तुकाश्च भिक्षुव आगताः। स तैः पृष्टह्--श्रामणेरक, किं संघस्य पानकं भविष्यति? स कथयति--नास्तीति।
āgantukāśca bhikṣuva āgatāḥ/ sa taiḥ pṛṣṭah--śrāmaṇeraka, kiṃ saṃghasya pānakaṃ bhaviṣyati? sa kathayati--nāstīti/
Sanskrit only: no published translation is held for this verse.
ते निराशीभूताः प्रक्रान्ताः। संघस्य च पानकं संपन्नम्। स तस्य कर्मणो विपाकेन तप्वाकारः संवृत्तः।
te nirāśībhūtāḥ prakrāntāḥ/ saṃghasya ca pānakaṃ saṃpannam/ sa tasya karmaṇo vipākena tapvākāraḥ saṃvṛttaḥ/
Sanskrit only: no published translation is held for this verse.
यं त्वं संघरक्षित सत्त्वमद्राक्षीरुदूखलाकारम्, स काश्यपस्य सम्यक्सम्बुद्धस्य श्रावक आसीत्।
yaṃ tvaṃ saṃgharakṣita sattvamadrākṣīrudūkhalākāram, sa kāśyapasya samyaksambuddhasya śrāvaka āsīt/
Sanskrit only: no published translation is held for this verse.
तस्य पात्रकर्म प्रत्युपस्थितम्। तत्रैकः श्रामणेरको ऽर्हन्।
tasya pātrakarma pratyupasthitam/ tatraikaḥ śrāmaṇerako 'rhan/
Sanskrit only: no published translation is held for this verse.
स तेनोक्तह्--श्रामणेरक, ददस्व मे खलस्तोकं कुट्टयित्वा। स कथयति--स्थविर, तिष्ठ तावन्मुहूर्तम्।
sa tenoktah--śrāmaṇeraka, dadasva me khalastokaṃ kuṭṭayitvā/ sa kathayati--sthavira, tiṣṭha tāvanmuhūrtam/
Sanskrit only: no published translation is held for this verse.
व्यग्रो ऽहम्। पश्चाद्दास्यामीति। सो ऽमर्षजातः कथयति--श्रामणेरक, यदि रोचते, त्वामेवाहमस्मिन्न् उदूखले प्रक्षिप्य कुट्टये प्रागेव खलस्तोकम्।
vyagro 'ham/ paścāddāsyāmīti/ so 'marṣajātaḥ kathayati--śrāmaṇeraka, yadi rocate, tvāmevāhamasminn udūkhale prakṣipya kuṭṭaye prāgeva khalastokam/
Sanskrit only: no published translation is held for this verse.
यत्तदर्हतो ऽन्तिके खरं वाक्कर्म निश्चारितम्, स तस्य कर्मणो विपाकेन उदूखलाकारः संवृत्तः।
yattadarhato 'ntike kharaṃ vākkarma niścāritam, sa tasya karmaṇo vipākena udūkhalākāraḥ saṃvṛttaḥ/
Sanskrit only: no published translation is held for this verse.
यांस्त्वं संघरक्षित सत्त्वानद्राक्षीः स्थाल्याकारांस्ते काश्यपस्य सम्यक्सम्ब्बुद्धस्य कल्पिकारका आसन्।
yāṃstvaṃ saṃgharakṣita sattvānadrākṣīḥ sthālyākārāṃste kāśyapasya samyaksambbuddhasya kalpikārakā āsan/
Sanskrit only: no published translation is held for this verse.
ते भिक्षूणां भैषज्यानि क्वाथयमानाः स्थालिकां भञ्जते।
te bhikṣūṇāṃ bhaiṣajyāni kvāthayamānāḥ sthālikāṃ bhañjate/
Sanskrit only: no published translation is held for this verse.
तेषां भिक्षूणां विघातो भवति। ते तस्य कर्मणो विपाकेन स्थाल्याकाराः संवृत्ताः।
teṣāṃ bhikṣūṇāṃ vighāto bhavati/ te tasya karmaṇo vipākena sthālyākārāḥ saṃvṛttāḥ/
Sanskrit only: no published translation is held for this verse.
यं त्वं संघरक्षित सत्त्वमद्राक्षीर्मध्ये छिन्नस्तन्तुना धार्यमाणो गच्छति, स काश्यपस्य सम्यक्सम्बुद्धस्य प्रवचने प्रव्रजित आसील्लाभग्राहिकः।
yaṃ tvaṃ saṃgharakṣita sattvamadrākṣīrmadhye chinnastantunā dhāryamāṇo gacchati, sa kāśyapasya samyaksambuddhasya pravacane pravrajita āsīllābhagrāhikaḥ/
Sanskrit only: no published translation is held for this verse.
तेन यद्वार्षिकं लाभं तद् धैमन्तिकं परिणामितम्, यद्धैमन्तिकं तद्वार्षिकम्।
tena yadvārṣikaṃ lābhaṃ tad dhaimantikaṃ pariṇāmitam, yaddhaimantikaṃ tadvārṣikam/
Sanskrit only: no published translation is held for this verse.
तस्य कर्मणो विपाकेन मध्ये छिन्नस्तन्तुना धार्यमाणो गच्छति॥
tasya karmaṇo vipākena madhye chinnastantunā dhāryamāṇo gacchati//
Sanskrit only: no published translation is held for this verse.
संघरक्षितावदानं त्रयोविंशतिमम्॥
saṃgharakṣitāvadānaṃ trayoviṃśatimam//
Sanskrit only: no published translation is held for this verse.