दिव्२५ स घरक्सितावदानम् (२)।
div25 sa gharakSitāvadānam (2)/
Sanskrit only: no published translation is held for this verse.
Library·Divyāvadāna·215
Divyāvadāna 215
भिक्षवः संशयजाताः सर्वसंशयच्छेत्तारं बुद्धं भगवन्तं पृच्छन्ति--किं भदन्त आयुष्मता संघरक्षितेन कर्म कृतम्, यस्य कर्मणो विपाकेनाढ्ये महाभोगे कुले जातो भगवतो ऽन्तिके प्रव्रज्य सर्वक्लेशप्रहाणादर्हत्त्वं साक्षात्कृतम्? एवं तं च वैनेयकार्यं कृतम्? भगवानाह--संघरक्षितेनैव भिक्षवः कर्मानि कृतानि उपचितानि पूर्ववत्।
bhikṣavaḥ saṃśayajātāḥ sarvasaṃśayacchettāraṃ buddhaṃ bhagavantaṃ pṛcchanti--kiṃ bhadanta āyuṣmatā saṃgharakṣitena karma kṛtam, yasya karmaṇo vipākenāḍhye mahābhoge kule jāto bhagavato 'ntike pravrajya sarvakleśaprahāṇādarhattvaṃ sākṣātkṛtam? evaṃ taṃ ca vaineyakāryaṃ kṛtam? bhagavānāha--saṃgharakṣitenaiva bhikṣavaḥ karmāni kṛtāni upacitāni pūrvavat/
Sanskrit only: no published translation is held for this verse.
भूतपूर्वं भिक्षवो ऽस्मिन्न् एव भद्रके कल्पे विंशतिवर्षसहस्रायुषि प्रजायां नाम शास्ता पूर्ववत्।
bhūtapūrvaṃ bhikṣavo 'sminn eva bhadrake kalpe viṃśativarṣasahasrāyuṣi prajāyāṃ nāma śāstā pūrvavat/
Sanskrit only: no published translation is held for this verse.
तस्यायं शासने प्रव्रजित आसीद्वैयावृत्यकरः।
tasyāyaṃ śāsane pravrajita āsīdvaiyāvṛtyakaraḥ/
Sanskrit only: no published translation is held for this verse.
अस्य तत्र पञ्च सार्धंविहारिशतानि। यद्भूयसा एककर्वटनिवासी जनकायः, अस्यैवाभिप्रसन्नः।
asya tatra pañca sārdhaṃvihāriśatāni/ yadbhūyasā ekakarvaṭanivāsī janakāyaḥ, asyaivābhiprasannaḥ/
Sanskrit only: no published translation is held for this verse.
अनेन तत्र यावदायुःपर्यन्तं ब्रह्मचर्यं चीर्णम्, न कश्चिद्गुणो ऽधिगतः।
anena tatra yāvadāyuḥparyantaṃ brahmacaryaṃ cīrṇam, na kaścidguṇo 'dhigataḥ/
Sanskrit only: no published translation is held for this verse.
अपरेण समयेन ग्लानीभूतः। मूलगण्डपत्रपुष्पफलभैषज्यैरुपस्थीयमानो हीयत एव।
apareṇa samayena glānībhūtaḥ/ mūlagaṇḍapatrapuṣpaphalabhaiṣajyairupasthīyamāno hīyata eva/
Sanskrit only: no published translation is held for this verse.
मरणसमये प्रणिधानं कर्तुमारब्धह्--यन्मया काश्यपे भगवति सम्यक्सम्बुद्धे ऽनुत्तरे महादक्षिणीये यावदायुर्ब्रह्मचर्यं चीर्णम्, न काश्चिद्गुणगणो ऽधिगतः, अनेनाहं कुशलमूलेन यो ऽसौ भगवता काश्यपेन सम्यक्सम्बुद्धेनोत्तरो नाम माणवो वर्षशतायुषि प्रजायामवश्यभागीयकस्य भाव्यतायां बुद्धो, व्याकृतः, तस्य शासने प्रव्रज्य सर्वक्लेशप्रहाणादर्हत्त्वं साक्षात्कुर्याम्।
maraṇasamaye praṇidhānaṃ kartumārabdhah--yanmayā kāśyape bhagavati samyaksambuddhe 'nuttare mahādakṣiṇīye yāvadāyurbrahmacaryaṃ cīrṇam, na kāścidguṇagaṇo 'dhigataḥ, anenāhaṃ kuśalamūlena yo 'sau bhagavatā kāśyapena samyaksambuddhenottaro nāma māṇavo varṣaśatāyuṣi prajāyāmavaśyabhāgīyakasya bhāvyatāyāṃ buddho, vyākṛtaḥ, tasya śāsane pravrajya sarvakleśaprahāṇādarhattvaṃ sākṣātkuryām/
Sanskrit only: no published translation is held for this verse.
ततः पश्चात् सार्धंविहारिण उपसंक्रान्ताः। ते कथयन्ति--उपाध्याय, अस्ति किंचित् त्वया गुणगणमधिगतम्? स कथयति--नास्ति।
tataḥ paścāt sārdhaṃvihāriṇa upasaṃkrāntāḥ/ te kathayanti--upādhyāya, asti kiṃcit tvayā guṇagaṇamadhigatam? sa kathayati--nāsti/
Sanskrit only: no published translation is held for this verse.
किं प्रणिधानं कृतम्? इदं चेदं च।
kiṃ praṇidhānaṃ kṛtam? idaṃ cedaṃ ca/
Sanskrit only: no published translation is held for this verse.
ते कथयन्ति--वयमप्युपाध्यायमेव कल्याणमित्रमागम्य तस्यैव भगवतो ऽन्तिके सर्वक्लेशप्रहाणादर्हत्त्वं साक्षात्कुर्युः।
te kathayanti--vayamapyupādhyāyameva kalyāṇamitramāgamya tasyaiva bhagavato 'ntike sarvakleśaprahāṇādarhattvaṃ sākṣātkuryuḥ/
Sanskrit only: no published translation is held for this verse.
कर्वटनिवासिना जनकायेन श्रुतं ग्लान आर्यक इति।
karvaṭanivāsinā janakāyena śrutaṃ glāna āryaka iti/
Sanskrit only: no published translation is held for this verse.
ते ऽप्युपसंक्रान्ताः। अस्ति किंचिदार्येण गुणगणमधिगतम्? नास्ति।
te 'pyupasaṃkrāntāḥ/ asti kiṃcidāryeṇa guṇagaṇamadhigatam? nāsti/
Sanskrit only: no published translation is held for this verse.
किं प्रणिधानं कृतम्? इदं चेदं च। ते कथयन्ति--वयमप्यार्यमेव कल्याणमित्रमागम्य तस्यैव भगवतो ऽन्तिके सर्वक्लेशप्रहाणादर्हत्त्वं साक्षात्कुर्युः॥
kiṃ praṇidhānaṃ kṛtam? idaṃ cedaṃ ca/ te kathayanti--vayamapyāryameva kalyāṇamitramāgamya tasyaiva bhagavato 'ntike sarvakleśaprahāṇādarhattvaṃ sākṣātkuryuḥ//
Sanskrit only: no published translation is held for this verse.
किं मन्यध्वे भिक्षवह्? यो ऽसौ वैयावृत्यकरः, एष एवासौ संघरक्षितो भिक्षुः।
kiṃ manyadhve bhikṣavah? yo 'sau vaiyāvṛtyakaraḥ, eṣa evāsau saṃgharakṣito bhikṣuḥ/
Sanskrit only: no published translation is held for this verse.
यानि तानि पञ्च सार्धंविहारिशतानि, एतान्येव तानि पञ्चभिक्षुशतानि। यो ऽसौ कर्वटनिवासी जनकायः, एतान्येव तानि पञ्च वणिक्शतानि।
yāni tāni pañca sārdhaṃvihāriśatāni, etānyeva tāni pañcabhikṣuśatāni/ yo 'sau karvaṭanivāsī janakāyaḥ, etānyeva tāni pañca vaṇikśatāni/
Sanskrit only: no published translation is held for this verse.
यदनेन तर धर्मवैयावृत्यं कृतम्, तस्य कर्मणो विपाकेनाढ्ये महाधने महाभोगे कुले उपपन्नः।
yadanena tara dharmavaiyāvṛtyaṃ kṛtam, tasya karmaṇo vipākenāḍhye mahādhane mahābhoge kule upapannaḥ/
Sanskrit only: no published translation is held for this verse.
यत् तन्मरणसमये प्रणिधानं कृतम्, तस्य कर्मणो विपाकेन ममान्तिके प्रव्रज्य सर्वक्लेशप्रहाणादर्हत्त्वं साक्षात्कृतमेवं च वैनेयकार्यं कृतम्॥
yat tanmaraṇasamaye praṇidhānaṃ kṛtam, tasya karmaṇo vipākena mamāntike pravrajya sarvakleśaprahāṇādarhattvaṃ sākṣātkṛtamevaṃ ca vaineyakāryaṃ kṛtam//
Sanskrit only: no published translation is held for this verse.
इति हि भिक्षव एकान्तकृष्णानां कर्मणामेकान्तकृष्णो विपाकह्॥।पूर्ववत्॥
iti hi bhikṣava ekāntakṛṣṇānāṃ karmaṇāmekāntakṛṣṇo vipākah...pūrvavat//
Sanskrit only: no published translation is held for this verse.