दिव्२६ पांशुप्रदानावदानम्।
div26 pāṃśupradānāvadānam/
Sanskrit only: no published translation is held for this verse.
Library·Divyāvadāna·216
Divyāvadāna 216
यो ऽसौ स्वमांसतनुभिर्यजनानि कृत्वा तावच्चिरं करुणया जगतो हिताय।
yo 'sau svamāṃsatanubhiryajanāni kṛtvā tāvacciraṃ karuṇayā jagato hitāya/
Sanskrit only: no published translation is held for this verse.
तस्य श्रमस्य सफलीकरणाय सन्तः संमार्जितं शृणुत साम्प्रतभाष्यमाणम्॥१॥
tasya śramasya saphalīkaraṇāya santaḥ saṃmārjitaṃ śṛṇuta sāmpratabhāṣyamāṇam//1//
Sanskrit only: no published translation is held for this verse.
एवं मया श्रुतम्। एकस्मिन् समये भगवाञ् श्रावस्त्यां विहरतीति सूत्रं वक्तव्यम्।
evaṃ mayā śrutam/ ekasmin samaye bhagavāñ śrāvastyāṃ viharatīti sūtraṃ vaktavyam/
Sanskrit only: no published translation is held for this verse.
अत्र तावद्भगवत्तथागतवदनांमोधरविवरप्रत्युद्गतवचनसरत्सलिलधारासम्पातापनीतरागद्वेषमोहमदमानमायाशाठ्यपङ्कपटलानां शब्दन्यायादितर्कशास्त्रार्थावलोकनोत्पन्नप्रज्ञाप्रदीपप्रोत्सारितकुशास्त्रदर्शनान्धकाराणां संसारतृष्णाछेदिप्रवरसद्धर्मपयःपानशौण्डानां गुरूणां संनिधौ सर्वाववादकं महात्मानमतिमाहर्द्धिकं स्थविरोपगुप्तमारभ्य कांचिदेव विबुद्धजनमनःप्रसादकरीं धर्म्यां कथां समनुस्मरिष्यामः।
atra tāvadbhagavattathāgatavadanāṃmodharavivarapratyudgatavacanasaratsaliladhārāsampātāpanītarāgadveṣamohamadamānamāyāśāṭhyapaṅkapaṭalānāṃ śabdanyāyāditarkaśāstrārthāvalokanotpannaprajñāpradīpaprotsāritakuśāstradarśanāndhakārāṇāṃ saṃsāratṛṣṇāchedipravarasaddharmapayaḥpānaśauṇḍānāṃ gurūṇāṃ saṃnidhau sarvāvavādakaṃ mahātmānamatimāharddhikaṃ sthaviropaguptamārabhya kāṃcideva vibuddhajanamanaḥprasādakarīṃ dharmyāṃ kathāṃ samanusmariṣyāmaḥ/
Sanskrit only: no published translation is held for this verse.
तत्र तावद्गुरुभिरवहितश्रोत्रैर्भवितव्यम्॥
tatra tāvadgurubhiravahitaśrotrairbhavitavyam//
Sanskrit only: no published translation is held for this verse.
एवमनुश्रूयते--यदा भगवान् परिनिर्वाणकालसमये पलालनागं विनीय कुम्भकारीं चण्डालीं गोपालीं च, तेषां मथुरामनुप्राप्तः, तत्र भगवानायुष्मन्तमानन्दमामन्त्रयते स्म--अस्यामानन्द मथुरायां मम वर्षशतपरिनिर्वृतस्य गुप्तो नाम गान्धिको भविष्यति।
evamanuśrūyate--yadā bhagavān parinirvāṇakālasamaye palālanāgaṃ vinīya kumbhakārīṃ caṇḍālīṃ gopālīṃ ca, teṣāṃ mathurāmanuprāptaḥ, tatra bhagavānāyuṣmantamānandamāmantrayate sma--asyāmānanda mathurāyāṃ mama varṣaśataparinirvṛtasya gupto nāma gāndhiko bhaviṣyati/
Sanskrit only: no published translation is held for this verse.
तस्य पुत्रो भविष्यत्युपगुप्तो नाम अलक्षणको बुद्धो यो मम वर्षशतपतिनिर्वृतस्य बुद्धकार्यं भवि(करि)ष्यति।
tasya putro bhaviṣyatyupagupto nāma alakṣaṇako buddho yo mama varṣaśatapatinirvṛtasya buddhakāryaṃ bhavi(kari)ṣyati/
Sanskrit only: no published translation is held for this verse.
तस्याववादेन बहवो भिक्षवः सर्वक्लेशप्रहाणादर्हत्त्वं साक्षात्करिष्यन्ति। ते ऽष्टादशहस्तामायामेन द्वादशहस्तां विस्तारेण चतुरङ्गलमात्राभिः शणकाभिः पूजयिष्यन्ति।
tasyāvavādena bahavo bhikṣavaḥ sarvakleśaprahāṇādarhattvaṃ sākṣātkariṣyanti/ te 'ṣṭādaśahastāmāyāmena dvādaśahastāṃ vistāreṇa caturaṅgalamātrābhiḥ śaṇakābhiḥ pūjayiṣyanti/
Sanskrit only: no published translation is held for this verse.
एषो ऽग्रो मे आनन्द श्रावकाणां भविष्यत्यववादकानाम् यदुत उपगुप्तो भिक्षुः।
eṣo 'gro me ānanda śrāvakāṇāṃ bhaviṣyatyavavādakānām yaduta upagupto bhikṣuḥ/
Sanskrit only: no published translation is held for this verse.
पश्यसि त्वमानन्द दूरत एव नीलनीलाम्बरराजिम्? एवं भदन्त।
paśyasi tvamānanda dūrata eva nīlanīlāmbararājim? evaṃ bhadanta/
Sanskrit only: no published translation is held for this verse.
एष आनन्द रुरुमुण्डो नाम पर्वतः। अत्र वर्षशतपरिनिर्वृतस्य तथागतस्य शाणकवासी नाम भिक्षुर्भविष्यति।
eṣa ānanda rurumuṇḍo nāma parvataḥ/ atra varṣaśataparinirvṛtasya tathāgatasya śāṇakavāsī nāma bhikṣurbhaviṣyati/
Sanskrit only: no published translation is held for this verse.
सो ऽत्र रुरुमुण्डपर्वते विहारं प्रतिष्ठापयिष्यति, उपगुप्तं च प्रव्राजयिष्यति।
so 'tra rurumuṇḍaparvate vihāraṃ pratiṣṭhāpayiṣyati, upaguptaṃ ca pravrājayiṣyati/
Sanskrit only: no published translation is held for this verse.
मथुरायामानन्द नटो भटश्च द्वौ भ्रातरौ श्रेष्ठिनौ भविष्यतः।
mathurāyāmānanda naṭo bhaṭaśca dvau bhrātarau śreṣṭhinau bhaviṣyataḥ/
Sanskrit only: no published translation is held for this verse.
तस्य नटभटिकेति संज्ञा भविष्यति।
tasya naṭabhaṭiketi saṃjñā bhaviṣyati/
Sanskrit only: no published translation is held for this verse.
एतदग्रं मे आनन्द भविष्यति शमथानुकूलानां शय्यासनानाम् यदिदं नटभटिकारण्यायतनम्।
etadagraṃ me ānanda bhaviṣyati śamathānukūlānāṃ śayyāsanānām yadidaṃ naṭabhaṭikāraṇyāyatanam/
Sanskrit only: no published translation is held for this verse.
अथायुष्मानानन्दो भगवन्तमिदमवोचत्--आश्चर्यं भदन्त यदीदृशमायुष्मानुपगुप्तो बहुजनहितं करिष्यति।
athāyuṣmānānando bhagavantamidamavocat--āścaryaṃ bhadanta yadīdṛśamāyuṣmānupagupto bahujanahitaṃ kariṣyati/
Sanskrit only: no published translation is held for this verse.
भगवानाह--न आनन्द एतर्हि, यथा अतीते ऽप्यध्वनि तेन विनिपतितशरीरेणाप्यत्रैव उरुमुण्डपर्वते त्रयः पार्श्वाः।
bhagavānāha--na ānanda etarhi, yathā atīte 'pyadhvani tena vinipatitaśarīreṇāpyatraiva urumuṇḍaparvate trayaḥ pārśvāḥ/
Sanskrit only: no published translation is held for this verse.
एकत्र प्रदेशे पञ्च प्रत्येकबुद्धशतानि प्रतिवसन्ति।
ekatra pradeśe pañca pratyekabuddhaśatāni prativasanti/
Sanskrit only: no published translation is held for this verse.
द्वितीये पञ्चऋषिशतानि। तृतीये पञ्चमर्कटशतानि। तत्र यो ऽसौ पञ्चानां मर्कटशतानाम् यूथपतिः, स तम् यूथमपहाय यत्र पार्श्वे पञ्च प्रत्येकबुद्धशतानि प्रतिवसन्ति, तत्र गतः।
dvitīye pañcaṛṣiśatāni/ tṛtīye pañcamarkaṭaśatāni/ tatra yo 'sau pañcānāṃ markaṭaśatānām yūthapatiḥ, sa tam yūthamapahāya yatra pārśve pañca pratyekabuddhaśatāni prativasanti, tatra gataḥ/
Sanskrit only: no published translation is held for this verse.
तस्य तान् प्रत्येकबुद्धान् दृष्ट्वा प्रसादो जातः। स तेषां प्रत्येकबुद्धानां शीर्णपर्णानि मूलफलानि चोपनामयति।
tasya tān pratyekabuddhān dṛṣṭvā prasādo jātaḥ/ sa teṣāṃ pratyekabuddhānāṃ śīrṇaparṇāni mūlaphalāni copanāmayati/
Sanskrit only: no published translation is held for this verse.
यदा च ते पर्यङ्केनोपविष्टा भवन्ति, स वृद्धान्ते प्रणामं कृत्वा यावन्नवान्तं गत्वा पर्यङ्केनोपविशति, यावत् ते प्रत्येकबुद्धाः परिनिर्वृताः।
yadā ca te paryaṅkenopaviṣṭā bhavanti, sa vṛddhānte praṇāmaṃ kṛtvā yāvannavāntaṃ gatvā paryaṅkenopaviśati, yāvat te pratyekabuddhāḥ parinirvṛtāḥ/
Sanskrit only: no published translation is held for this verse.