तेन स्थविरेणाभिहितह्--एवमस्तु इति।
tena sthavireṇābhihitah--evamastu iti/
Sanskrit only: no published translation is held for this verse.
Library·Divyāvadāna·218
Divyāvadāna 218
तस्य यावद्द्वितीयः पुत्रो जातः। तस्य धनगुप्त इति नाम कृतम्। सो ऽपि यदा महान् संवृत्तः, तदा स्थविरः शाणकवासी गुप्तं गान्धिकमुवाच--वत्स, त्वया प्रतिज्ञातम्--यो ऽस्माकं पुत्रो भविष्यति, तं वयमार्यस्य पश्चाच्छ्रमणं दास्यामः।
tasya yāvaddvitīyaḥ putro jātaḥ/ tasya dhanagupta iti nāma kṛtam/ so 'pi yadā mahān saṃvṛttaḥ, tadā sthaviraḥ śāṇakavāsī guptaṃ gāndhikamuvāca--vatsa, tvayā pratijñātam--yo 'smākaṃ putro bhaviṣyati, taṃ vayamāryasya paścācchramaṇaṃ dāsyāmaḥ/
Sanskrit only: no published translation is held for this verse.
अयं च ते पुत्रो जातः।
ayaṃ ca te putro jātaḥ/
Sanskrit only: no published translation is held for this verse.
अनुजानीहि, प्रव्रजयिष्यामीति। गान्धिक उवाच--आर्य मर्षय, एको ऽस्माकं द्रव्यं संशयिष्यति, स आर्यस्य दत्तः।
anujānīhi, pravrajayiṣyāmīti/ gāndhika uvāca--ārya marṣaya, eko 'smākaṃ dravyaṃ saṃśayiṣyati, sa āryasya dattaḥ/
Sanskrit only: no published translation is held for this verse.
यावत् स्थविरः शाणकवासी समन्वाहरति--किमयं स उपगुप्तह्? पश्यति नेति।
yāvat sthaviraḥ śāṇakavāsī samanvāharati--kimayaṃ sa upaguptah? paśyati neti/
Sanskrit only: no published translation is held for this verse.
ततः स्थविर उवाच--एवमस्तु इति। यावद्गुप्तस्य गान्धिकस्य तृतीयः पुत्रो जातो ऽभिरूपो दर्शनीयः प्रसादिको ऽतिक्रान्तो मानुषवर्णमसम्प्राप्तश्च दिव्यवर्णम्।
tataḥ sthavira uvāca--evamastu iti/ yāvadguptasya gāndhikasya tṛtīyaḥ putro jāto 'bhirūpo darśanīyaḥ prasādiko 'tikrānto mānuṣavarṇamasamprāptaśca divyavarṇam/
Sanskrit only: no published translation is held for this verse.
तस्य विस्तरेण जातौ जातिमहं कृत्वा उपगुप्त इति नाम कृतम्।
tasya vistareṇa jātau jātimahaṃ kṛtvā upagupta iti nāma kṛtam/
Sanskrit only: no published translation is held for this verse.
सो ऽपि यदा महान् संवृत्तः, यावत् स्थविरशाणकवासी गुप्तं गान्धिकमभिगम्योवाच--वत्स, त्वया प्रतिज्ञातम्--यो ऽस्माकं तृतीयः पुत्रो भविष्यति, बयमार्यस्य दास्यामः पश्चाच्छ्रमणार्थे।
so 'pi yadā mahān saṃvṛttaḥ, yāvat sthaviraśāṇakavāsī guptaṃ gāndhikamabhigamyovāca--vatsa, tvayā pratijñātam--yo 'smākaṃ tṛtīyaḥ putro bhaviṣyati, bayamāryasya dāsyāmaḥ paścācchramaṇārthe/
Sanskrit only: no published translation is held for this verse.
अयं ते तृतीयः पुत्र उत्पन्नः।
ayaṃ te tṛtīyaḥ putra utpannaḥ/
Sanskrit only: no published translation is held for this verse.
अनुजानीहि, प्रव्राजयिष्यामीति। गुप्तो गान्धिक उवाच--आर्य, समयतः। यदा लाभो ऽनुच्छेदो भविष्यतीति, तदा अनुज्ञास्यामि।
anujānīhi, pravrājayiṣyāmīti/ gupto gāndhika uvāca--ārya, samayataḥ/ yadā lābho 'nucchedo bhaviṣyatīti, tadā anujñāsyāmi/
Sanskrit only: no published translation is held for this verse.
यदा तेन समयः कृतः, तदा मारेण सर्वावती मथुरा गन्धाविष्टा।
yadā tena samayaḥ kṛtaḥ, tadā māreṇa sarvāvatī mathurā gandhāviṣṭā/
Sanskrit only: no published translation is held for this verse.
ते सर्वे उपगुप्तसकाशाद्गन्धान् क्रीणन्ति। स प्रभूतानि दास्यति। यावत् स्थविरशाणकवासी उपगुप्तसकाशं गतः।
te sarve upaguptasakāśādgandhān krīṇanti/ sa prabhūtāni dāsyati/ yāvat sthaviraśāṇakavāsī upaguptasakāśaṃ gataḥ/
Sanskrit only: no published translation is held for this verse.
उपगुप्तश्च गन्धापणे स्थितः। स धर्मेण व्यवहारं करोति, गन्धान् विक्रीणीते।
upaguptaśca gandhāpaṇe sthitaḥ/ sa dharmeṇa vyavahāraṃ karoti, gandhān vikrīṇīte/
Sanskrit only: no published translation is held for this verse.
स स्थविरेण शाणकवासिना अभिहितह्--वत्स, कीदृशास्ते चित्तचेतसिकाः प्रवर्तन्ते क्लिष्टा वा अक्लिष्टा वेति? उपगुप्त उवाच--आर्य, नैव जानामि कीदृशाः क्लिष्टाश्चित्तचेतसिकाः, कीदृशा अक्लिष्टा इति।
sa sthavireṇa śāṇakavāsinā abhihitah--vatsa, kīdṛśāste cittacetasikāḥ pravartante kliṣṭā vā akliṣṭā veti? upagupta uvāca--ārya, naiva jānāmi kīdṛśāḥ kliṣṭāścittacetasikāḥ, kīdṛśā akliṣṭā iti/
Sanskrit only: no published translation is held for this verse.
स्थविरः शाणकवासी उवाच--वत्स, यदि केवलं चित्तं परिज्ञातुं न शक्यसि, प्रतिपक्षं मोचयितुम्।
sthaviraḥ śāṇakavāsī uvāca--vatsa, yadi kevalaṃ cittaṃ parijñātuṃ na śakyasi, pratipakṣaṃ mocayitum/
Sanskrit only: no published translation is held for this verse.
तेन तस्य कृष्णिकपट्टिका दत्ता पाण्डुरिका च।
tena tasya kṛṣṇikapaṭṭikā dattā pāṇḍurikā ca/
Sanskrit only: no published translation is held for this verse.
यदि क्लिष्टं चित्तमुत्पद्यते, कृष्णिकां पट्टिकां स्थापय। अथाक्लिष्टं चित्तमुत्पद्यते, पाण्डुरां पट्टिकां स्थापय।
yadi kliṣṭaṃ cittamutpadyate, kṛṣṇikāṃ paṭṭikāṃ sthāpaya/ athākliṣṭaṃ cittamutpadyate, pāṇḍurāṃ paṭṭikāṃ sthāpaya/
Sanskrit only: no published translation is held for this verse.
शुभां मनसि कुरु, बुद्धानुस्मृतिं च भावयस्वेति तेनास्य व्यपदिष्टम्।
śubhāṃ manasi kuru, buddhānusmṛtiṃ ca bhāvayasveti tenāsya vyapadiṣṭam/
Sanskrit only: no published translation is held for this verse.
तस्य यावदारब्धा आक्लिष्टाश्चित्तचेतसिकाः प्रवर्तितुम्, स द्वौ भागौ कृष्णिकानां स्थापयति, एकं पाण्डुरिकाणाम्।
tasya yāvadārabdhā ākliṣṭāścittacetasikāḥ pravartitum, sa dvau bhāgau kṛṣṇikānāṃ sthāpayati, ekaṃ pāṇḍurikāṇām/
Sanskrit only: no published translation is held for this verse.
यावदर्धं कुष्णिकानां स्थापयति अर्धं पाण्डुरिकाणाम्।
yāvadardhaṃ kuṣṇikānāṃ sthāpayati ardhaṃ pāṇḍurikāṇām/
Sanskrit only: no published translation is held for this verse.
यावत् द्वौ भागौ पाण्डुरिकाणां स्थापयति, एकं कृष्णिकानाम्। यावदनुपूर्वेण सर्वाण्येव शुक्लानि चित्तान्युत्पद्यन्ते, स पाण्डुरिकाणामेव पट्टिकां स्थापयति।
yāvat dvau bhāgau pāṇḍurikāṇāṃ sthāpayati, ekaṃ kṛṣṇikānām/ yāvadanupūrveṇa sarvāṇyeva śuklāni cittānyutpadyante, sa pāṇḍurikāṇāmeva paṭṭikāṃ sthāpayati/
Sanskrit only: no published translation is held for this verse.
धर्मेण व्यवहारं करोति॥
dharmeṇa vyavahāraṃ karoti//
Sanskrit only: no published translation is held for this verse.
मथुरायां वासवदत्ता नाम गणिका। तस्या दासी उपगुप्तसकाशं गत्वा गन्धान् क्रीणाति।
mathurāyāṃ vāsavadattā nāma gaṇikā/ tasyā dāsī upaguptasakāśaṃ gatvā gandhān krīṇāti/
Sanskrit only: no published translation is held for this verse.
सो वासवदत्तया चोच्यते--दारिके, मुष्यते स गान्धिकस्त्वया। बहून् गन्धानानयसीति।
so vāsavadattayā cocyate--dārike, muṣyate sa gāndhikastvayā/ bahūn gandhānānayasīti/
Sanskrit only: no published translation is held for this verse.
दारिकोवाच--आर्यदुहिते, उपगुप्तो गान्धिकदारको रूपसम्पन्नश्चातुर्यमाधुर्यसम्पन्नश्च धर्मेण व्यवहारं करोरि।
dārikovāca--āryaduhite, upagupto gāndhikadārako rūpasampannaścāturyamādhuryasampannaśca dharmeṇa vyavahāraṃ karori/
Sanskrit only: no published translation is held for this verse.
श्रुत्वा च वासवदत्ताया उपगुप्तसकाशे सानुरागं चित्तमुत्पन्नम्। तया यावद्दासी उपगुप्तसकाशं प्रेषिता--त्वत्सकाशमागमिष्यामि।
śrutvā ca vāsavadattāyā upaguptasakāśe sānurāgaṃ cittamutpannam/ tayā yāvaddāsī upaguptasakāśaṃ preṣitā--tvatsakāśamāgamiṣyāmi/
Sanskrit only: no published translation is held for this verse.
इच्छामि त्वया सार्धं रतिमनुभवितुम्। यावद्दास्या <२१९>उपगुतस्य निवेदितम्।
icchāmi tvayā sārdhaṃ ratimanubhavitum/ yāvaddāsyā <219>upagutasya niveditam/
Sanskrit only: no published translation is held for this verse.