उपगुप्त उवाच अकालस्ते भगिनि मद्दर्शनायेति। वासवदत्ता पञ्चभिः पुराणशतैः परिचारयते।
upagupta uvāca akālaste bhagini maddarśanāyeti/ vāsavadattā pañcabhiḥ purāṇaśataiḥ paricārayate/
Sanskrit only: no published translation is held for this verse.
Library·Divyāvadāna·219
Divyāvadāna 219
तस्या बुद्धिरुत्पन्ना--नियतं पञ्च पुराणशतानि नोत्सहते दातुम्। तया यावद्दासी उपगुप्तसकाशं प्रेषिता--न ममार्यपुत्रसकाशात् कार्षापणेनापि प्रयोजनम्।
tasyā buddhirutpannā--niyataṃ pañca purāṇaśatāni notsahate dātum/ tayā yāvaddāsī upaguptasakāśaṃ preṣitā--na mamāryaputrasakāśāt kārṣāpaṇenāpi prayojanam/
Sanskrit only: no published translation is held for this verse.
केवलमार्यपुत्रेण सह रतिमनुभवेयम्।
kevalamāryaputreṇa saha ratimanubhaveyam/
Sanskrit only: no published translation is held for this verse.
दास्या तथा निवेदितम्। उपगुप्त उवाच--अकालस्ते भगिनि मद्दर्शनायेति।
dāsyā tathā niveditam/ upagupta uvāca--akālaste bhagini maddarśanāyeti/
Sanskrit only: no published translation is held for this verse.
यावदन्यतरः श्रेष्ठिपुत्रो वासवदत्तायाः सकाशं प्रविष्टः। अन्यतरश्च सार्थवाह उत्तरापथात् पञ्चशतमश्वपण्यं गृहीत्वा मथुरामनुप्राप्तः।
yāvadanyataraḥ śreṣṭhiputro vāsavadattāyāḥ sakāśaṃ praviṣṭaḥ/ anyataraśca sārthavāha uttarāpathāt pañcaśatamaśvapaṇyaṃ gṛhītvā mathurāmanuprāptaḥ/
Sanskrit only: no published translation is held for this verse.
तेनाभिहितम्--कतरा वेश्या सर्वप्रधाना? तेन श्रुतम्--वासवदत्तेति।
tenābhihitam--katarā veśyā sarvapradhānā? tena śrutam--vāsavadatteti/
Sanskrit only: no published translation is held for this verse.
स पञ्च पुरणशतानि गृहीत्वा बहूंश्च प्राभृतान् वासवदत्तायाः सकाशामभिगतः।
sa pañca puraṇaśatāni gṛhītvā bahūṃśca prābhṛtān vāsavadattāyāḥ sakāśāmabhigataḥ/
Sanskrit only: no published translation is held for this verse.
ततो वासवदत्तया लोभाकृष्टेन तं श्रेष्ठिपुत्रं प्रघातयित्वा^वस्करे प्रक्षिप्य सार्थवाहेन सह रतिमनुभुता।
tato vāsavadattayā lobhākṛṣṭena taṃ śreṣṭhiputraṃ praghātayitvā^vaskare prakṣipya sārthavāhena saha ratimanubhutā/
Sanskrit only: no published translation is held for this verse.
यावत् स श्रेष्ठिपुत्रो बन्धुभिरवस्करादुद्धृत्य(तह्)। राज्ञो निवेदितम्।
yāvat sa śreṣṭhiputro bandhubhiravaskarāduddhṛtya(tah)/ rājño niveditam/
Sanskrit only: no published translation is held for this verse.
ततो राज्ञा अभिहितम्--गच्छन्तु भवन्तः, वासवदत्तां हस्तपादौ कर्णनासं च च्छित्त्वा श्मशाने छोरयन्तु।
tato rājñā abhihitam--gacchantu bhavantaḥ, vāsavadattāṃ hastapādau karṇanāsaṃ ca cchittvā śmaśāne chorayantu/
Sanskrit only: no published translation is held for this verse.
यावत् तैर्वासवदत्ता हस्तपादौ कर्णनासं च च्छित्त्वा श्मशाने छोरिता।
yāvat tairvāsavadattā hastapādau karṇanāsaṃ ca cchittvā śmaśāne choritā/
Sanskrit only: no published translation is held for this verse.
यावदुपगुप्तेन श्रुतम्--वासवदत्ता हस्तपादौ कर्णनासं च च्छित्त्वा श्मशाने छोरिता।
yāvadupaguptena śrutam--vāsavadattā hastapādau karṇanāsaṃ ca cchittvā śmaśāne choritā/
Sanskrit only: no published translation is held for this verse.
तस्य बुद्धिरुत्पन्ना--पूर्वं तया मम विषयनिमित्तं दर्शनमाकाङ्क्षितम्। इदानीं तु तस्या हस्तपादौ कर्णनासं च विकार्तितौ, इदानीं तु तस्या दर्शनकाल इति।
tasya buddhirutpannā--pūrvaṃ tayā mama viṣayanimittaṃ darśanamākāṅkṣitam/ idānīṃ tu tasyā hastapādau karṇanāsaṃ ca vikārtitau, idānīṃ tu tasyā darśanakāla iti/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
यदा प्रशस्ताम्बरसंवृताङ्गी अभूद्विचित्राभरणैर्विभूषिता।
yadā praśastāmbarasaṃvṛtāṅgī abhūdvicitrābharaṇairvibhūṣitā/
Sanskrit only: no published translation is held for this verse.
मोक्षार्थिनां जन्मपरान्मुखानां श्रेयस्तदास्यास्तु न दर्शनं स्यात्॥२॥
mokṣārthināṃ janmaparānmukhānāṃ śreyastadāsyāstu na darśanaṃ syāt//2//
Sanskrit only: no published translation is held for this verse.
इदानीं तु तस्याः काले ऽयं द्रष्टुं गतमानरागहर्षायाः।
idānīṃ tu tasyāḥ kāle 'yaṃ draṣṭuṃ gatamānarāgaharṣāyāḥ/
Sanskrit only: no published translation is held for this verse.
निशितासिविक्षतायाः स्वभावनियतस्य रूपस्य॥३॥
niśitāsivikṣatāyāḥ svabhāvaniyatasya rūpasya//3//
Sanskrit only: no published translation is held for this verse.
यावदेकेन दारकेनोपस्थायकेन च्छत्रमादाय प्रशान्तेनेर्यापथेन श्मशानमनुप्राप्तः।
yāvadekena dārakenopasthāyakena cchatramādāya praśānteneryāpathena śmaśānamanuprāptaḥ/
Sanskrit only: no published translation is held for this verse.
तस्याश्च प्रेषिका पूर्वगुणानुरागात् समीपे ऽवस्थिता काकादीन् निवारयति। तया च वासवदत्ताया निवेदितम्--आर्यदुहितः, यस्य त्वया अहं सकाशं पुनः पुनरनुप्रेषिता, अयं स उपगुप्तो ऽभ्यगतः।
tasyāśca preṣikā pūrvaguṇānurāgāt samīpe 'vasthitā kākādīn nivārayati/ tayā ca vāsavadattāyā niveditam--āryaduhitaḥ, yasya tvayā ahaṃ sakāśaṃ punaḥ punaranupreṣitā, ayaṃ sa upagupto 'bhyagataḥ/
Sanskrit only: no published translation is held for this verse.
नियतमेष कामरागार्त आगतो भविष्यति। श्रुत्वा च वासवदत्ता कथयति--
niyatameṣa kāmarāgārta āgato bhaviṣyati/ śrutvā ca vāsavadattā kathayati--
Sanskrit only: no published translation is held for this verse.
प्रनष्टशोभां दुःखार्तां भूमौ रुधिरपिञ्जराम्।
pranaṣṭaśobhāṃ duḥkhārtāṃ bhūmau rudhirapiñjarām/
Sanskrit only: no published translation is held for this verse.
मां दृष्ट्वा कथमेतस्य कामरागो भविष्यति॥४॥
māṃ dṛṣṭvā kathametasya kāmarāgo bhaviṣyati//4//
Sanskrit only: no published translation is held for this verse.
ततः प्रेषिकामुवाच--यौ हस्तपादौ कर्णनासं च मच्छरीराद्विकर्तितौ, तौ श्लेषयेति।
tataḥ preṣikāmuvāca--yau hastapādau karṇanāsaṃ ca maccharīrādvikartitau, tau śleṣayeti/
Sanskrit only: no published translation is held for this verse.
तया यावत् श्लेषयित्वा पट्टकेन प्रच्छादिता। उपगुप्तश्चागत्य वासवदत्ताया अग्रतः स्थितः। ततो वासवदत्ता उपगुप्तमग्रतः स्थितं दृष्ट्वा कथयति--आर्यपुत्र, यदा मच्छरीरं स्वस्थभूतं विषयरत्यनुकूलं तदा मया आर्यपुत्रस्य पुनः पुनर्दूती विसर्जिता।
tayā yāvat śleṣayitvā paṭṭakena pracchāditā/ upaguptaścāgatya vāsavadattāyā agrataḥ sthitaḥ/ tato vāsavadattā upaguptamagrataḥ sthitaṃ dṛṣṭvā kathayati--āryaputra, yadā maccharīraṃ svasthabhūtaṃ viṣayaratyanukūlaṃ tadā mayā āryaputrasya punaḥ punardūtī visarjitā/
Sanskrit only: no published translation is held for this verse.
आर्यपुत्रेणाभिहितम्--
āryaputreṇābhihitam--
Sanskrit only: no published translation is held for this verse.