<२२१>इह हि--
<221>iha hi--
Sanskrit only: no published translation is held for this verse.
Library·Divyāvadāna·221
Divyāvadāna 221
दौर्गन्ध्यं प्रतिवार्यते बहुविधैर्गन्धैरमेध्याकरैर्वैकृत्यं बहिराध्रियेत विविधैर्वस्त्रादिभिर्भूषणैः।
daurgandhyaṃ prativāryate bahuvidhairgandhairamedhyākarairvaikṛtyaṃ bahirādhriyeta vividhairvastrādibhirbhūṣaṇaiḥ/
Sanskrit only: no published translation is held for this verse.
स्वेदक्लेदमलादयो ऽप्यशुचयस्तान्निर्हरत्यम्भसा येनामेध्यकरङ्कमेतदशुभं कामात्मभिः सेव्यते॥१३॥
svedakledamalādayo 'pyaśucayastānnirharatyambhasā yenāmedhyakaraṅkametadaśubhaṃ kāmātmabhiḥ sevyate//13//
Sanskrit only: no published translation is held for this verse.
संबुद्धस्य तु ये वचः सुवचसः शृण्वन्ति कुर्वन्त्यपि ते कामाञ् श्रमशोकदुःखजननान् सद्भिः सदा गर्हितान्।
saṃbuddhasya tu ye vacaḥ suvacasaḥ śṛṇvanti kurvantyapi te kāmāñ śramaśokaduḥkhajananān sadbhiḥ sadā garhitān/
Sanskrit only: no published translation is held for this verse.
त्यक्त्वा कामनिमित्तमुक्तमनसः शान्ते वने निर्गताः पारम् यान्ति भवार्णवस्य महतः संश्रित्य मार्गप्लवम्॥१४॥
tyaktvā kāmanimittamuktamanasaḥ śānte vane nirgatāḥ pāram yānti bhavārṇavasya mahataḥ saṃśritya mārgaplavam//14//
Sanskrit only: no published translation is held for this verse.
श्रुत्वा वासवदत्ता संसारादुद्विग्ना। बुद्धगुणानुस्मरणाच्चावर्जितहृदयोवाच--
śrutvā vāsavadattā saṃsārādudvignā/ buddhaguṇānusmaraṇāccāvarjitahṛdayovāca--
Sanskrit only: no published translation is held for this verse.
एवमेतत्तथा सर्वम् यथा वदसि पण्डित।
evametattathā sarvam yathā vadasi paṇḍita/
Sanskrit only: no published translation is held for this verse.
मे त्वां साधुं समासाद्य बुद्धस्य वचनं श्रुतम्॥१५॥
me tvāṃ sādhuṃ samāsādya buddhasya vacanaṃ śrutam//15//
Sanskrit only: no published translation is held for this verse.
यावदुपगुप्तेन वासवदत्ताया अनुपूर्विकां कथां कृत्वा सत्यानि संप्रकाशितानि।
yāvadupaguptena vāsavadattāyā anupūrvikāṃ kathāṃ kṛtvā satyāni saṃprakāśitāni/
Sanskrit only: no published translation is held for this verse.
उपगुप्तश्च वासवदत्तायाः शरीरस्वभावमवगम्य कामधातुवैराग्यं गतः। तेनात्मीयया धर्मदेशनया सहसत्याभिसमयादनागामिफलं वासवदत्तया च स्रोतापत्तिफलं प्राप्तम्।
upaguptaśca vāsavadattāyāḥ śarīrasvabhāvamavagamya kāmadhātuvairāgyaṃ gataḥ/ tenātmīyayā dharmadeśanayā sahasatyābhisamayādanāgāmiphalaṃ vāsavadattayā ca srotāpattiphalaṃ prāptam/
Sanskrit only: no published translation is held for this verse.
ततो वासवदत्ता दृष्टसत्या उपगुप्तं संरागयन्त्युवाच--
tato vāsavadattā dṛṣṭasatyā upaguptaṃ saṃrāgayantyuvāca--
Sanskrit only: no published translation is held for this verse.
तवानुभावात्पिहितः सुघोरो ह्यपायमार्गो बहुदोषयुक्तः।
tavānubhāvātpihitaḥ sughoro hyapāyamārgo bahudoṣayuktaḥ/
Sanskrit only: no published translation is held for this verse.
अपावृता स्वर्गगतिः सुपुण्या निर्वाणमार्गश्च मयोपलब्धः॥१६॥
apāvṛtā svargagatiḥ supuṇyā nirvāṇamārgaśca mayopalabdhaḥ//16//
Sanskrit only: no published translation is held for this verse.
अपि च। एषाहं तं भगवन्तं तथागतमर्हन्तं सम्यक्सम्बुद्धं शरणं गच्छामि धर्म च भिक्षुसंघं चेत्याह--
api ca/ eṣāhaṃ taṃ bhagavantaṃ tathāgatamarhantaṃ samyaksambuddhaṃ śaraṇaṃ gacchāmi dharma ca bhikṣusaṃghaṃ cetyāha--
Sanskrit only: no published translation is held for this verse.
एषा व्रजामि शरणं विबुद्धनवकमलविमलधवलनेत्रम्।
eṣā vrajāmi śaraṇaṃ vibuddhanavakamalavimaladhavalanetram/
Sanskrit only: no published translation is held for this verse.
तममरबुधजनमहितं जिनं विरागं च संघं च॥१७॥ इति॥
tamamarabudhajanamahitaṃ jinaṃ virāgaṃ ca saṃghaṃ ca//17// iti//
Sanskrit only: no published translation is held for this verse.
यावदुपगुप्तो वासवदत्तां धर्म्यया कथया संदर्श्य प्रक्रान्तः। अचिरप्रक्रान्ते चोपगुप्ते वासवदत्ता कालगता देवेषूपपन्ना।
yāvadupagupto vāsavadattāṃ dharmyayā kathayā saṃdarśya prakrāntaḥ/ aciraprakrānte copagupte vāsavadattā kālagatā deveṣūpapannā/
Sanskrit only: no published translation is held for this verse.
देवतैश्च मथुरायामारोचितम्--वासवदत्तया उपगुप्तसकाशाद्धर्मदेशनां श्रुत्वा आर्यसत्यानि दृष्टानि, देवेषूपपन्नेति।
devataiśca mathurāyāmārocitam--vāsavadattayā upaguptasakāśāddharmadeśanāṃ śrutvā āryasatyāni dṛṣṭāni, deveṣūpapanneti/
Sanskrit only: no published translation is held for this verse.
श्रुत्वा च मथुरावासतव्येन जनकायेन वासवदत्तायाः शरीरे पूजा कृता॥
śrutvā ca mathurāvāsatavyena janakāyena vāsavadattāyāḥ śarīre pūjā kṛtā//
Sanskrit only: no published translation is held for this verse.
यावत् स्थविरः शाणकवासी गुप्तं गान्धिकमभिगम्योवाच--अनुजानीहि उपगुप्तं प्रव्राजयिष्यामीति।
yāvat sthaviraḥ śāṇakavāsī guptaṃ gāndhikamabhigamyovāca--anujānīhi upaguptaṃ pravrājayiṣyāmīti/
Sanskrit only: no published translation is held for this verse.
गुप्तो गान्धिक उवाच--आर्य, एष समयः। यदा न लाभो न च्छेदो भविष्यति, तदा अनुज्ञास्यामीति।
gupto gāndhika uvāca--ārya, eṣa samayaḥ/ yadā na lābho na cchedo bhaviṣyati, tadā anujñāsyāmīti/
Sanskrit only: no published translation is held for this verse.
यावत् स्थविरशाणकवासिना ऋद्ध्या तथा अधिष्ठितम् यथा <२२२>
yāvat sthaviraśāṇakavāsinā ṛddhyā tathā adhiṣṭhitam yathā <222>
Sanskrit only: no published translation is held for this verse.