न लाभो न च्छेदः। ततो गुप्तो गान्धिको गणयति, तुलयति, मापयति, पश्यति--न लाभो न च्छेदः।
na lābho na cchedaḥ/ tato gupto gāndhiko gaṇayati, tulayati, māpayati, paśyati--na lābho na cchedaḥ/
Sanskrit only: no published translation is held for this verse.
Library·Divyāvadāna·222
Divyāvadāna 222
ततः स्थविरः शाणकवासी गुप्तं गान्धिकमुवाच--अयं हि भगवता बुद्धेन निर्दिष्टो मम वर्षशतपरिनिर्वृतस्य बुद्धकार्यं करिष्यतीति।
tataḥ sthaviraḥ śāṇakavāsī guptaṃ gāndhikamuvāca--ayaṃ hi bhagavatā buddhena nirdiṣṭo mama varṣaśataparinirvṛtasya buddhakāryaṃ kariṣyatīti/
Sanskrit only: no published translation is held for this verse.
अनुजानीहि, प्रव्राजयिष्यामीति। यावद्गुप्तेन गान्धिकेनाभ्यनुज्ञातः।
anujānīhi, pravrājayiṣyāmīti/ yāvadguptena gāndhikenābhyanujñātaḥ/
Sanskrit only: no published translation is held for this verse.
ततः स्थविरेण शाणकवासिना उपगुप्तो नटभटिकारण्यायतनं नीतः, उपसम्पादितश्च।
tataḥ sthavireṇa śāṇakavāsinā upagupto naṭabhaṭikāraṇyāyatanaṃ nītaḥ, upasampāditaśca/
Sanskrit only: no published translation is held for this verse.
ज्ञप्तिचतुर्थं च कर्म व्यवसितम्। उपगुप्तेन च सर्वक्लेशप्रहाणादर्हत्त्वं साक्षात्कृतम्।
jñapticaturthaṃ ca karma vyavasitam/ upaguptena ca sarvakleśaprahāṇādarhattvaṃ sākṣātkṛtam/
Sanskrit only: no published translation is held for this verse.
ततः स्थविरेण शाणकवासिनाभिहितम्--वत्स उपगुप्त, त्वं भगवता निर्दिष्टो वैषशतपरिनिर्वृतस्य ममोपगुप्तो नाम भिक्षुर्भविष्यत्यलक्षणको बुद्धः, यो मम वर्षशतपरिनिर्वृतस्य बुद्धकार्यं करिष्यतीति।
tataḥ sthavireṇa śāṇakavāsinābhihitam--vatsa upagupta, tvaṃ bhagavatā nirdiṣṭo vaiṣaśataparinirvṛtasya mamopagupto nāma bhikṣurbhaviṣyatyalakṣaṇako buddhaḥ, yo mama varṣaśataparinirvṛtasya buddhakāryaṃ kariṣyatīti/
Sanskrit only: no published translation is held for this verse.
एषो ऽग्रो मे आनन्द श्रावकाणामववादकानाम् यदुत उपगुप्तो भिक्षुः।
eṣo 'gro me ānanda śrāvakāṇāmavavādakānām yaduta upagupto bhikṣuḥ/
Sanskrit only: no published translation is held for this verse.
इदानीं वत्स शासनहितं कुरुष्वेति। उपगुप्त उवाच--एवमस्तु इति।
idānīṃ vatsa śāsanahitaṃ kuruṣveti/ upagupta uvāca--evamastu iti/
Sanskrit only: no published translation is held for this verse.
ततः स धर्मश्रवणे ऽधीष्टः। मथुरायां च शब्दो विसृतह्--उपगुप्तो नामालक्षणको बुद्धो ऽद्य धर्मं देशयिष्यतीति।
tataḥ sa dharmaśravaṇe 'dhīṣṭaḥ/ mathurāyāṃ ca śabdo visṛtah--upagupto nāmālakṣaṇako buddho 'dya dharmaṃ deśayiṣyatīti/
Sanskrit only: no published translation is held for this verse.
श्रुत्वा चानेकानि प्राणिशतसहस्राणि निर्गतानि। यावत् स्थविरोपगुप्तः समापद्यावलोकयति--कथं तथागतेन परिषण्णा? पश्यति चार्धचन्द्राकारेण पर्षदवस्थिता।
śrutvā cānekāni prāṇiśatasahasrāṇi nirgatāni/ yāvat sthaviropaguptaḥ samāpadyāvalokayati--kathaṃ tathāgatena pariṣaṇṇā? paśyati cārdhacandrākāreṇa parṣadavasthitā/
Sanskrit only: no published translation is held for this verse.
यावदवलोकयति--कथं तथागतेन धर्मदेशना कृता? पश्यति पूर्वकालकरणीयां कथां कृत्वा सत्यसम्प्रकाशना कृता।
yāvadavalokayati--kathaṃ tathāgatena dharmadeśanā kṛtā? paśyati pūrvakālakaraṇīyāṃ kathāṃ kṛtvā satyasamprakāśanā kṛtā/
Sanskrit only: no published translation is held for this verse.
सो ऽपि पूर्वकालकरणीयां कथां कृत्वा सत्यसम्प्रकाशनां कर्तुमारब्धः।
so 'pi pūrvakālakaraṇīyāṃ kathāṃ kṛtvā satyasamprakāśanāṃ kartumārabdhaḥ/
Sanskrit only: no published translation is held for this verse.
मारेण च तस्यां पर्षदि मुक्ताहारवर्षमुत्सृष्टम्, वैनेयानां मनांसि व्याकुलीकृतानि, एकेनापि सत्यदर्शनं न कृतम्।
māreṇa ca tasyāṃ parṣadi muktāhāravarṣamutsṛṣṭam, vaineyānāṃ manāṃsi vyākulīkṛtāni, ekenāpi satyadarśanaṃ na kṛtam/
Sanskrit only: no published translation is held for this verse.
यावत् स्थविरोपगुप्तो व्यवलोकयति--केनायं व्याक्षेपः कृतह्? पश्यति मारेण।
yāvat sthaviropagupto vyavalokayati--kenāyaṃ vyākṣepaḥ kṛtah? paśyati māreṇa/
Sanskrit only: no published translation is held for this verse.
यावद्द्वितीये दिवसे बहुतरको जनकायो निर्गतः। उपगुप्तो धर्मं देशयति, मुक्ताहारं च वर्षोपवर्षितमिति।
yāvaddvitīye divase bahutarako janakāyo nirgataḥ/ upagupto dharmaṃ deśayati, muktāhāraṃ ca varṣopavarṣitamiti/
Sanskrit only: no published translation is held for this verse.
यावत् द्वितीये ऽपि दिवसे स्थविरोपगुप्तेन पूर्वकालकरणीयां कथां कृत्वा सत्यसम्प्रकाशनायामारब्धायां मारेण चास्यां पर्षदि सुवर्णवर्षमुत्सृष्टम्, वैनेयानां मनांसि संलक्षोभितानि, एकेनापि सत्यदर्शनं न कृतम्।
yāvat dvitīye 'pi divase sthaviropaguptena pūrvakālakaraṇīyāṃ kathāṃ kṛtvā satyasamprakāśanāyāmārabdhāyāṃ māreṇa cāsyāṃ parṣadi suvarṇavarṣamutsṛṣṭam, vaineyānāṃ manāṃsi saṃlakṣobhitāni, ekenāpi satyadarśanaṃ na kṛtam/
Sanskrit only: no published translation is held for this verse.
यावत् स्थविरोपगुप्तो व्यवलोकयति--केनायं व्याक्षेपः कृतह्? पश्यति मारेण पापीयसेति।
yāvat sthaviropagupto vyavalokayati--kenāyaṃ vyākṣepaḥ kṛtah? paśyati māreṇa pāpīyaseti/
Sanskrit only: no published translation is held for this verse.
यावत् तृतीये शिवसे बहुतरको जनकायो निर्गतः।
yāvat tṛtīye śivase bahutarako janakāyo nirgataḥ/
Sanskrit only: no published translation is held for this verse.
उपगुप्तो धर्मं देशयति, मुक्तावर्षं सुवर्णवर्षं च पततीति।
upagupto dharmaṃ deśayati, muktāvarṣaṃ suvarṇavarṣaṃ ca patatīti/
Sanskrit only: no published translation is held for this verse.
यावत् तृतीये ऽपि दिवसे स्थविरोपगुप्तः पूर्वकालकरणीयां कथां कृत्वा सत्या न्यारब्धः संप्रकाशयितुम्।
yāvat tṛtīye 'pi divase sthaviropaguptaḥ pūrvakālakaraṇīyāṃ kathāṃ kṛtvā satyā nyārabdhaḥ saṃprakāśayitum/
Sanskrit only: no published translation is held for this verse.
मारेण च नातिदूरे नाटकमारब्धम्। दिव्यानि च वाद्यानि संप्रवादितानि, दिव्याश्चाप्सरसो नाटयितुं प्रवृत्ताः।
māreṇa ca nātidūre nāṭakamārabdham/ divyāni ca vādyāni saṃpravāditāni, divyāścāpsaraso nāṭayituṃ pravṛttāḥ/
Sanskrit only: no published translation is held for this verse.
यावद्वीतरागो जनकायो दिव्यानि रूपाणि दृष्ट्वा दिव्यांश्च शब्दाञ् श्रुत्वा मारेणाकृष्टः।
yāvadvītarāgo janakāyo divyāni rūpāṇi dṛṣṭvā divyāṃśca śabdāñ śrutvā māreṇākṛṣṭaḥ/
Sanskrit only: no published translation is held for this verse.
अतो मारेणोपगुप्तस्य पर्षदाकृष्टा। प्रईतिमनसा मारेण स्थविरोपगुप्तस्य शिरसि माला बुद्धा।
ato māreṇopaguptasya parṣadākṛṣṭā/ praītimanasā māreṇa sthaviropaguptasya śirasi mālā buddhā/
Sanskrit only: no published translation is held for this verse.
यावत् स्थविरोपगुप्तः समन्वाहरितुमारब्धह्--को ऽयम्? पश्यति मारः।
yāvat sthaviropaguptaḥ samanvāharitumārabdhah--ko 'yam? paśyati māraḥ/
Sanskrit only: no published translation is held for this verse.
तस्य बुद्धिरुत्पन्ना--अयं मारो भगवच्छासने महान्तं व्याक्षेपं करोति।
tasya buddhirutpannā--ayaṃ māro bhagavacchāsane mahāntaṃ vyākṣepaṃ karoti/
Sanskrit only: no published translation is held for this verse.
किमर्थमयं भगवता न विनीतह्? पश्यति ममायं विनेयः। तस्य च विनयात् सत्त्वानुग्रहादहं भगवता अलक्षणको बुद्धो निर्दिष्टः।
kimarthamayaṃ bhagavatā na vinītah? paśyati mamāyaṃ vineyaḥ/ tasya ca vinayāt sattvānugrahādahaṃ bhagavatā alakṣaṇako buddho nirdiṣṭaḥ/
Sanskrit only: no published translation is held for this verse.
यावत् स्थविरोपगुप्तः समन्वाहरति--किमस्य विनयकाल उपस्थित आहोस्विन्नेति? पश्यति--विनयकाल उपस्थितः।
yāvat sthaviropaguptaḥ samanvāharati--kimasya vinayakāla upasthita āhosvinneti? paśyati--vinayakāla upasthitaḥ/
Sanskrit only: no published translation is held for this verse.
ततः स्थविरोपगुप्तेन त्रयः कुणपा गृहीताह्--अहिकृणपं कुर्कुरकुणपं मनुष्यकुणपम्।
tataḥ sthaviropaguptena trayaḥ kuṇapā gṛhītāh--ahikṛṇapaṃ kurkurakuṇapaṃ manuṣyakuṇapam/
Sanskrit only: no published translation is held for this verse.
ऋद्ध्या च <२२३>पुष्पमालामभिनिर्माय मारसकाशमभिगतः।
ṛddhyā ca <223>puṣpamālāmabhinirmāya mārasakāśamabhigataḥ/
Sanskrit only: no published translation is held for this verse.