<२२४>मारो ऽब्रवीत्--किमिदानीमाज्ञापयसि? कं शरणं व्रजामीति? ब्रह्माब्रवीत्--
<224>māro 'bravīt--kimidānīmājñāpayasi? kaṃ śaraṇaṃ vrajāmīti? brahmābravīt--
Sanskrit only: no published translation is held for this verse.
Library·Divyāvadāna·224
Divyāvadāna 224
शघ्रीं तमेव शरणं व्रज यं समेत्य भ्रष्टो हि यः क्षितितले भवतीह जन्तुरुत्तिष्ठति क्षितिमसाववलम्ब्य भूयः॥२५॥
śaghrīṃ tameva śaraṇaṃ vraja yaṃ sametya bhraṣṭo hi yaḥ kṣititale bhavatīha janturuttiṣṭhati kṣitimasāvavalambya bhūyaḥ//25//
Sanskrit only: no published translation is held for this verse.
अथ मारस्तथागतशिष्यसामर्थ्यमुपलभ्य चिन्तयामास--
atha mārastathāgataśiṣyasāmarthyamupalabhya cintayāmāsa--
Sanskrit only: no published translation is held for this verse.
ब्रह्मणा पूज्यते यस्य शिष्याणामपि शासनम्।
brahmaṇā pūjyate yasya śiṣyāṇāmapi śāsanam/
Sanskrit only: no published translation is held for this verse.
तस्य बुद्धस्य सामर्थ्य प्रमातुं को नु शक्नुयात्॥२६॥
tasya buddhasya sāmarthya pramātuṃ ko nu śaknuyāt//26//
Sanskrit only: no published translation is held for this verse.
कर्तुकामो ऽभविष्यत्कां शिष्टिं स मम सुव्रतः।
kartukāmo 'bhaviṣyatkāṃ śiṣṭiṃ sa mama suvrataḥ/
Sanskrit only: no published translation is held for this verse.
यां नाकरिष्यत्क्षान्त्या तु तेनाहमनुरक्षितः॥२७॥
yāṃ nākariṣyatkṣāntyā tu tenāhamanurakṣitaḥ//27//
Sanskrit only: no published translation is held for this verse.
किं बहुना?
kiṃ bahunā?
Sanskrit only: no published translation is held for this verse.
अद्यावैमि मुनेर्महाकरुणतां तस्यातिमैत्र्यात्मनः सर्वोपद्रवविप्रमुक्तमनसश्चामीकराद्रिद्युतेः।
adyāvaimi munermahākaruṇatāṃ tasyātimaitryātmanaḥ sarvopadravavipramuktamanasaścāmīkarādridyuteḥ/
Sanskrit only: no published translation is held for this verse.
मोहान्धेन हि तत्र तत्र स मया तैस्तैर् नयैः खेदितस्तेनाहं च तथापि नाम बलिना नैवाप्रियं श्रावितः॥२८॥
mohāndhena hi tatra tatra sa mayā taistair nayaiḥ kheditastenāhaṃ ca tathāpi nāma balinā naivāpriyaṃ śrāvitaḥ//28//
Sanskrit only: no published translation is held for this verse.
अथ कामधात्वधिपतिर्मारो नास्त्यन्या गतिरन्यत्रोपगुप्तकादेवेति ज्ञात्वा सर्वमुत्सृज्य स्थविरोपगुप्तसमीपमुपेत्य पादयोर् निपत्योवाच--भदन्त, किमविदितमेतद्भदन्तस्य यथा बोधिमूलमुपादाय मया भगवतो विप्रियशतानि कृतानि? कुतह्?
atha kāmadhātvadhipatirmāro nāstyanyā gatiranyatropaguptakādeveti jñātvā sarvamutsṛjya sthaviropaguptasamīpamupetya pādayor nipatyovāca--bhadanta, kimaviditametadbhadantasya yathā bodhimūlamupādāya mayā bhagavato vipriyaśatāni kṛtāni? kutah?
Sanskrit only: no published translation is held for this verse.
शालायां ब्राह्मणग्रामे मामासाद्य स गौतमः।
śālāyāṃ brāhmaṇagrāme māmāsādya sa gautamaḥ/
Sanskrit only: no published translation is held for this verse.
भक्तच्छेदमपि प्राप्य नाकार्षान्मम विप्रियम्॥२९॥
bhaktacchedamapi prāpya nākārṣānmama vipriyam//29//
Sanskrit only: no published translation is held for this verse.
गौर्भूत्वा सर्पवत् स्थित्वा कृत्वा शाकटिकाकृतिम्।
gaurbhūtvā sarpavat sthitvā kṛtvā śākaṭikākṛtim/
Sanskrit only: no published translation is held for this verse.
स मयायासितो नाथो न चाहं तेन हिंसितः॥३०॥
sa mayāyāsito nātho na cāhaṃ tena hiṃsitaḥ//30//
Sanskrit only: no published translation is held for this verse.
त्वया पुनरहं वीर त्यक्त्वा (तु) सहजां दायाम्।
tvayā punarahaṃ vīra tyaktvā (tu) sahajāṃ dāyām/
Sanskrit only: no published translation is held for this verse.
सदेवासुरमध्येषु लोकेष्वद्य विडम्बितः॥३१॥
sadevāsuramadhyeṣu lokeṣvadya viḍambitaḥ//31//
Sanskrit only: no published translation is held for this verse.
स्थविरो ऽब्रवीत्--पापीयन्, कथमपरीक्ष्यैव तथागतमाहात्म्येष्यु श्रावकमुपसंहरसि--
sthaviro 'bravīt--pāpīyan, kathamaparīkṣyaiva tathāgatamāhātmyeṣyu śrāvakamupasaṃharasi--
Sanskrit only: no published translation is held for this verse.
किं सर्षपेण समतां नयसीह मेरुं खद्योतकेन रविं मण्डलिना समुद्रम्।
kiṃ sarṣapeṇa samatāṃ nayasīha meruṃ khadyotakena raviṃ maṇḍalinā samudram/
Sanskrit only: no published translation is held for this verse.
अन्या हि सा दशबलस्य कृपा प्रजासु न श्रावकस्य हि महाकरुणास्ति सौम्य॥३२॥
anyā hi sā daśabalasya kṛpā prajāsu na śrāvakasya hi mahākaruṇāsti saumya//32//
Sanskrit only: no published translation is held for this verse.
अपि च--
api ca--
Sanskrit only: no published translation is held for this verse.
यदर्थेन भगवता सापरोधो ऽपि मर्षितः।
yadarthena bhagavatā sāparodho 'pi marṣitaḥ/
Sanskrit only: no published translation is held for this verse.
इदं तत् कारणं साक्षादस्माभिरुपलक्षितम्॥३३॥
idaṃ tat kāraṇaṃ sākṣādasmābhirupalakṣitam//33//
Sanskrit only: no published translation is held for this verse.