<२२५>मार उवाच--
<225>māra uvāca--
Sanskrit only: no published translation is held for this verse.
Library·Divyāvadāna·225
Divyāvadāna 225
ब्रूहि ब्रूहि श्रीमतस्तस्य भावं सङ्गं छेत्तुं क्षान्तिगुप्तव्रतस्य।
brūhi brūhi śrīmatastasya bhāvaṃ saṅgaṃ chettuṃ kṣāntiguptavratasya/
Sanskrit only: no published translation is held for this verse.
यो ऽसौ मोहान्नित्यमायासितो मे तेनाहं च प्रेक्षितो मैत्र्येणैव॥३४॥
yo 'sau mohānnityamāyāsito me tenāhaṃ ca prekṣito maitryeṇaiva//34//
Sanskrit only: no published translation is held for this verse.
स्थविर उवाच--शृणु सौम्य, त्वं हि भगवत्यसकृदसकृदवस्खलितः। न च बुद्धाव्रोपितानामकुशलानां धर्माणामन्यत् प्रक्षालनमन्यत्र तथागतप्रसादादेव।
sthavira uvāca--śṛṇu saumya, tvaṃ hi bhagavatyasakṛdasakṛdavaskhalitaḥ/ na ca buddhāvropitānāmakuśalānāṃ dharmāṇāmanyat prakṣālanamanyatra tathāgataprasādādeva/
Sanskrit only: no published translation is held for this verse.
तदेतत्कारणं तेन पश्यता दीर्घदर्शिना।
tadetatkāraṇaṃ tena paśyatā dīrghadarśinā/
Sanskrit only: no published translation is held for this verse.
त्वं नाप्रियमिह प्रोक्तः प्रियाण्येव तु लम्भितः॥३५॥
tvaṃ nāpriyamiha proktaḥ priyāṇyeva tu lambhitaḥ//35//
Sanskrit only: no published translation is held for this verse.
न्यायेनानेन भक्तिस्तव हृदि जनिता तेनाग्रमतिना स्वल्पापि ह्यत्र भक्तिर्भवति मतिमतां निर्वाणफलदा।
nyāyenānena bhaktistava hṛdi janitā tenāgramatinā svalpāpi hyatra bhaktirbhavati matimatāṃ nirvāṇaphaladā/
Sanskrit only: no published translation is held for this verse.
संक्षेपाद्यत्कृतं ते वृजिनमिह मुने मोहान्धमनसा सर्वं प्रक्षालितं तत्तव हृदयगतैः श्रद्धाम्बुविसरैः॥३६॥
saṃkṣepādyatkṛtaṃ te vṛjinamiha mune mohāndhamanasā sarvaṃ prakṣālitaṃ tattava hṛdayagataiḥ śraddhāmbuvisaraiḥ//36//
Sanskrit only: no published translation is held for this verse.
अथ मारः कदम्बपुष्पवदाहृष्टरोमकूपः सर्वाङ्गेन प्रणिपत्योवाच--
atha māraḥ kadambapuṣpavadāhṛṣṭaromakūpaḥ sarvāṅgena praṇipatyovāca--
Sanskrit only: no published translation is held for this verse.
स्थाने मया बहुविधं परिखेदितो ऽसौ प्राक् सिद्धितश्च भुवि सिद्धमनोरथेन।
sthāne mayā bahuvidhaṃ parikhedito 'sau prāk siddhitaśca bhuvi siddhamanorathena/
Sanskrit only: no published translation is held for this verse.
सर्वं च मर्षितमृषिप्रवरेण तेन पुत्रापराध इव सानुनयेन पित्रा॥३७॥
sarvaṃ ca marṣitamṛṣipravareṇa tena putrāparādha iva sānunayena pitrā//37//
Sanskrit only: no published translation is held for this verse.
स बुद्धप्रसादाप्यायितमनाः सुचिरं बुद्धगुणाननुस्मृत्य स्थविरस्य पदयोर् निपत्योवाच--
sa buddhaprasādāpyāyitamanāḥ suciraṃ buddhaguṇānanusmṛtya sthavirasya padayor nipatyovāca--
Sanskrit only: no published translation is held for this verse.
अनुग्रहो परः कृतस्त्वया निवेशितम् यन्मयि बुद्धगौरवम्।
anugraho paraḥ kṛtastvayā niveśitam yanmayi buddhagauravam/
Sanskrit only: no published translation is held for this verse.
इदं तु कण्ठव्यवलम्बि मैत्र्या महर्षिकोपाभरणं विसर्जय॥३८॥
idaṃ tu kaṇṭhavyavalambi maitryā maharṣikopābharaṇaṃ visarjaya//38//
Sanskrit only: no published translation is held for this verse.
स्थविर उवाच--समयतो विमोक्ष्यामीति। मार उवाच--कः समय इति? स्थविर उवाच--अद्यप्रभृति भिक्षवो न विहेठयितव्या इति।
sthavira uvāca--samayato vimokṣyāmīti/ māra uvāca--kaḥ samaya iti? sthavira uvāca--adyaprabhṛti bhikṣavo na viheṭhayitavyā iti/
Sanskrit only: no published translation is held for this verse.
मारो ऽब्रवीत्--न विहेठयिष्ये। कमपरमाज्ञापयसीति? स्थविर उवाच--एवं तावच्छासनकार्यं प्रति ममाज्ञा।
māro 'bravīt--na viheṭhayiṣye/ kamaparamājñāpayasīti? sthavira uvāca--evaṃ tāvacchāsanakāryaṃ prati mamājñā/
Sanskrit only: no published translation is held for this verse.
स्वकार्यं प्रति विज्ञापयिष्यामि भवन्तम्।
svakāryaṃ prati vijñāpayiṣyāmi bhavantam/
Sanskrit only: no published translation is held for this verse.
ततो मारः ससम्भ्रम उवाच--प्रसीद स्थविर, किमाज्ञापयसि? स्थविरो ऽब्रवीत्--स्वयमवगच्छसि--यदहं वर्षशतपरिनिर्वृते भगवति प्रव्रजितः, तद्धर्मकायो मया तस्य दृष्टः।
tato māraḥ sasambhrama uvāca--prasīda sthavira, kimājñāpayasi? sthaviro 'bravīt--svayamavagacchasi--yadahaṃ varṣaśataparinirvṛte bhagavati pravrajitaḥ, taddharmakāyo mayā tasya dṛṣṭaḥ/
Sanskrit only: no published translation is held for this verse.
त्रैलोक्यनाथस्य काञ्चनाद्रिनिभस्तस्य न दृष्टो रूपकायो मे।
trailokyanāthasya kāñcanādrinibhastasya na dṛṣṭo rūpakāyo me/
Sanskrit only: no published translation is held for this verse.