<२२६>तदनु त्वमनुग्रहमप्रतिमिमिह विदर्शय बुद्धविग्रहम्।
<226>tadanu tvamanugrahamapratimimiha vidarśaya buddhavigraham/
Sanskrit only: no published translation is held for this verse.
Library·Divyāvadāna·226
Divyāvadāna 226
मार उवाच--तेन हि ममापि समयः श्रूयताम्।
māra uvāca--tena hi mamāpi samayaḥ śrūyatām/
Sanskrit only: no published translation is held for this verse.
सहसा तमिहोद्वीक्ष्य बुद्धनेपथ्यधारिणम्।
sahasā tamihodvīkṣya buddhanepathyadhāriṇam/
Sanskrit only: no published translation is held for this verse.
न प्रणामस्त्वया कार्यः सर्वज्ञगुणगौरवात्॥४०॥
na praṇāmastvayā kāryaḥ sarvajñaguṇagauravāt//40//
Sanskrit only: no published translation is held for this verse.
बुद्धानुस्मृतिपेशलेन मनसा पूजाम् यदि त्वं मयि स्वल्पामप्युपदर्शयिष्यसि विभो दग्धो भविष्याम्यहम्।
buddhānusmṛtipeśalena manasā pūjām yadi tvaṃ mayi svalpāmapyupadarśayiṣyasi vibho dagdho bhaviṣyāmyaham/
Sanskrit only: no published translation is held for this verse.
का शक्तिर्मम वीतरागविहितां सोढुं प्रणामक्रियां हस्तन्यासमिवोद्वहन्ति न गजस्यैरण्डवृक्षाङ्कुराः॥४१॥
kā śaktirmama vītarāgavihitāṃ soḍhuṃ praṇāmakriyāṃ hastanyāsamivodvahanti na gajasyairaṇḍavṛkṣāṅkurāḥ//41//
Sanskrit only: no published translation is held for this verse.
स्थविरो ऽप्याह--एवमस्तु। न भवन्तं प्रणमिष्यामीति। मारो ऽब्रवीत्--तेन हि मुहूर्तमागमय, यावदहं वनगहनमनुप्रविश्य--
sthaviro 'pyāha--evamastu/ na bhavantaṃ praṇamiṣyāmīti/ māro 'bravīt--tena hi muhūrtamāgamaya, yāvadahaṃ vanagahanamanupraviśya--
Sanskrit only: no published translation is held for this verse.
शूरं वञ्चयितुं पुरा व्यवसितेनोत्तप्तहेमप्रभं बौद्धं रूपमचिन्त्यबुद्धिविभवादासीन्मया यत्कृतम्।
śūraṃ vañcayituṃ purā vyavasitenottaptahemaprabhaṃ bauddhaṃ rūpamacintyabuddhivibhavādāsīnmayā yatkṛtam/
Sanskrit only: no published translation is held for this verse.
कृत्वा रूपमहं तदेव नयनप्रह्लादिकं देहिनामेषो ऽप्यर्कमयूखजालममलं भामण्डलेनाक्षिपन्॥४२॥
kṛtvā rūpamahaṃ tadeva nayanaprahlādikaṃ dehināmeṣo 'pyarkamayūkhajālamamalaṃ bhāmaṇḍalenākṣipan//42//
Sanskrit only: no published translation is held for this verse.
अथ स्थविरह् एवमस्तु इत्युक्त्वा तं कुणपमपनीय तथागतरूपदर्शनोत्सुको ऽवस्थितः।
atha sthavirah evamastu ityuktvā taṃ kuṇapamapanīya tathāgatarūpadarśanotsuko 'vasthitaḥ/
Sanskrit only: no published translation is held for this verse.
मारश्च वनगहनमनुप्रविश्य बुद्धरूपं कृत्वा नट इव सुरुचिरनेपथ्यस्तस्माद्वनगहनादारब्धो निक्ष्रमितुम्।
māraśca vanagahanamanupraviśya buddharūpaṃ kṛtvā naṭa iva suruciranepathyastasmādvanagahanādārabdho nikṣramitum/
Sanskrit only: no published translation is held for this verse.
वक्ष्यते हि--
vakṣyate hi--
Sanskrit only: no published translation is held for this verse.
तथागतं वपुरथोत्तमलक्षणाढ्यमादर्शयन्नयनशान्तिकरं नराणाम्।
tathāgataṃ vapurathottamalakṣaṇāḍhyamādarśayannayanaśāntikaraṃ narāṇām/
Sanskrit only: no published translation is held for this verse.
प्रत्यग्ररङ्गमिव चित्रपटं महार्हमुद्धाटयन् वनमसौ तदलंचकार॥४३॥।
pratyagraraṅgamiva citrapaṭaṃ mahārhamuddhāṭayan vanamasau tadalaṃcakāra//43///
Sanskrit only: no published translation is held for this verse.
अथ व्यामप्रभामण्डलमण्डितमसेचनकदर्शनं भगवतो रूपमभिनिर्माय दक्षिणे पार्श्वे स्थविरशारद्वतीपुत्रं वामपार्श्वे स्थविरमहामौद्गल्यायनं पृष्ठतश्चायुष्मन्तमानन्दं बुद्धपात्रव्यग्रहस्तं स्थविरमहाकश्यपानिरुद्धसुभूतिप्रमृतीनां च महाश्रावकाणां रूपाण्यभिनिर्माय अर्धत्रयोदशभिर्भिक्षुशतैरर्धचन्द्रेणानुपरिवृतं बुद्धवेषमादर्शयित्वा मारः स्थविरोपगुप्तस्यान्तिकमाजगाम।
atha vyāmaprabhāmaṇḍalamaṇḍitamasecanakadarśanaṃ bhagavato rūpamabhinirmāya dakṣiṇe pārśve sthaviraśāradvatīputraṃ vāmapārśve sthaviramahāmaudgalyāyanaṃ pṛṣṭhataścāyuṣmantamānandaṃ buddhapātravyagrahastaṃ sthaviramahākaśyapāniruddhasubhūtipramṛtīnāṃ ca mahāśrāvakāṇāṃ rūpāṇyabhinirmāya ardhatrayodaśabhirbhikṣuśatairardhacandreṇānuparivṛtaṃ buddhaveṣamādarśayitvā māraḥ sthaviropaguptasyāntikamājagāma/
Sanskrit only: no published translation is held for this verse.
स्थविरोपगुप्तस्य च भगवतो रूपमिदमीदृशमिति प्रामोद्यमुत्पन्नम्। स प्रमुदितमनास्त्वरितमासनादुत्थाय निरीक्षमाण उवाच--
sthaviropaguptasya ca bhagavato rūpamidamīdṛśamiti prāmodyamutpannam/ sa pramuditamanāstvaritamāsanādutthāya nirīkṣamāṇa uvāca--
Sanskrit only: no published translation is held for this verse.