<२२७>धिगस्तु तां निष्करुणामनित्यतां भिनत्ति रूपाणि यदीदृशान्यपि।
<227>dhigastu tāṃ niṣkaruṇāmanityatāṃ bhinatti rūpāṇi yadīdṛśānyapi/
Sanskrit only: no published translation is held for this verse.
Library·Divyāvadāna·227
Divyāvadāna 227
शरीरमीदृक्किल तन्महामुनेरनित्यतां प्राप्य विनाशमागतम्॥४४॥
śarīramīdṛkkila tanmahāmuneranityatāṃ prāpya vināśamāgatam//44//
Sanskrit only: no published translation is held for this verse.
स बुद्धावलम्बनया स्मृत्या तथाप्यासक्तमनाः संवृत्तो यथा बुद्धं भगवन्तमहं पश्यामीति व्यक्तमुपागतः।
sa buddhāvalambanayā smṛtyā tathāpyāsaktamanāḥ saṃvṛtto yathā buddhaṃ bhagavantamahaṃ paśyāmīti vyaktamupāgataḥ/
Sanskrit only: no published translation is held for this verse.
स पद्ममुकुलप्रतिममञ्जलिं कृत्वोवाच--अहो रूपशोभा भगवतः।
sa padmamukulapratimamañjaliṃ kṛtvovāca--aho rūpaśobhā bhagavataḥ/
Sanskrit only: no published translation is held for this verse.
किं बहुना?
kiṃ bahunā?
Sanskrit only: no published translation is held for this verse.
वक्त्रेणाभिभवत्ययं हि कमलं नीलोत्पलं चक्षुषा कान्त्या पुष्पवनं घनं प्रियतया चन्द्रं समाप्तद्युतिम्।
vaktreṇābhibhavatyayaṃ hi kamalaṃ nīlotpalaṃ cakṣuṣā kāntyā puṣpavanaṃ ghanaṃ priyatayā candraṃ samāptadyutim/
Sanskrit only: no published translation is held for this verse.
गाम्भीर्येण महोदधिं स्थिरतया मेरुं रविं तेजसा गत्या सिंहमवेक्षितेन वृषभं वर्णेन चामीकरम्॥४५॥
gāmbhīryeṇa mahodadhiṃ sthiratayā meruṃ raviṃ tejasā gatyā siṃhamavekṣitena vṛṣabhaṃ varṇena cāmīkaram//45//
Sanskrit only: no published translation is held for this verse.
स भूयस्या मात्रया हर्षणापूर्यमाणहृदयो व्यापिना स्वरेणोवाच--
sa bhūyasyā mātrayā harṣaṇāpūryamāṇahṛdayo vyāpinā svareṇovāca--
Sanskrit only: no published translation is held for this verse.
अहो भावविशुद्धानां कर्मणो मधुरं फलम्।
aho bhāvaviśuddhānāṃ karmaṇo madhuraṃ phalam/
Sanskrit only: no published translation is held for this verse.
कर्मणेदं कृतं रूपं नैश्वर्येण यदृच्छया॥४६॥
karmaṇedaṃ kṛtaṃ rūpaṃ naiśvaryeṇa yadṛcchayā//46//
Sanskrit only: no published translation is held for this verse.
यत्तत्कल्पसहस्रकोटिनियुतैर्वाक्कायचित्तोद्भवं दानक्षान्तिसमाधिबुद्धिनियमैस्तेनार्हता शोधितम्।
yattatkalpasahasrakoṭiniyutairvākkāyacittodbhavaṃ dānakṣāntisamādhibuddhiniyamaistenārhatā śodhitam/
Sanskrit only: no published translation is held for this verse.
तेनेदं जननेत्रकान्तममलं रूपं समुत्थापितम् यं दृष्ट्वा रिपुरप्यभिप्रमुदितः स्यात्किं पुनर्मद्विधः॥४७॥
tenedaṃ jananetrakāntamamalaṃ rūpaṃ samutthāpitam yaṃ dṛṣṭvā ripurapyabhipramuditaḥ syātkiṃ punarmadvidhaḥ//47//
Sanskrit only: no published translation is held for this verse.
संबुद्धालम्बनैः संज्ञां विस्मृत्य बुद्धसंज्ञामधिष्ठाय मूलनिकृत्त इव द्रुमः सर्वशरीरेण मारस्य पादयोर् निपतितः।
saṃbuddhālambanaiḥ saṃjñāṃ vismṛtya buddhasaṃjñāmadhiṣṭhāya mūlanikṛtta iva drumaḥ sarvaśarīreṇa mārasya pādayor nipatitaḥ/
Sanskrit only: no published translation is held for this verse.
अथ मारः ससम्भ्रमो ऽब्रवीत्--एवं तं भदन्त नार्हसि समयं व्यतिक्रमितुम्।
atha māraḥ sasambhramo 'bravīt--evaṃ taṃ bhadanta nārhasi samayaṃ vyatikramitum/
Sanskrit only: no published translation is held for this verse.
स्थविर उवाच--कः समय इति? मार उवाच--ननु प्रतिज्ञातं भदन्तेन--नाहं भवन्तं प्रणमिष्यामीति।
sthavira uvāca--kaḥ samaya iti? māra uvāca--nanu pratijñātaṃ bhadantena--nāhaṃ bhavantaṃ praṇamiṣyāmīti/
Sanskrit only: no published translation is held for this verse.
ततः स्थविरोपगुप्तः पृथिवीतलादुत्थाय सगद्गदकण्ठो ऽब्रवीत्--पापीयन्,
tataḥ sthaviropaguptaḥ pṛthivītalādutthāya sagadgadakaṇṭho 'bravīt--pāpīyan,
Sanskrit only: no published translation is held for this verse.
न खलु न विदितं मे यस्य वादिप्रधानो जलविहत इवाग्निर् निर्वृतिं संप्रयातः।
na khalu na viditaṃ me yasya vādipradhāno jalavihata ivāgnir nirvṛtiṃ saṃprayātaḥ/
Sanskrit only: no published translation is held for this verse.
अपि तु नयनकान्तामाकृतिं तस्य दृष्ट्वा तमृषिमभिनतो ऽहं त्वां तु नाभ्यर्चयामि॥४८॥
api tu nayanakāntāmākṛtiṃ tasya dṛṣṭvā tamṛṣimabhinato 'haṃ tvāṃ tu nābhyarcayāmi//48//
Sanskrit only: no published translation is held for this verse.
मार उवाच--कथमिहाहं नार्चितो भवामि, यदेवं मां प्रणमसीति। स्थविरो ऽब्रवीत्--श्रूयताम्, यथा त्वं नैव मया अभ्यर्चितो भवसि, न च मया समयातिक्रमः कृत इति।
māra uvāca--kathamihāhaṃ nārcito bhavāmi, yadevaṃ māṃ praṇamasīti/ sthaviro 'bravīt--śrūyatām, yathā tvaṃ naiva mayā abhyarcito bhavasi, na ca mayā samayātikramaḥ kṛta iti/
Sanskrit only: no published translation is held for this verse.