तद्यथा हि विनीतकामधात्वीश्वरे द्वितीयशास्तृकल्पे महात्मनि स्थविरोपगुप्ते सुरमनुजमहोरगासुरगरुडयक्षगन्धर्वविद्याधरार्चितपादयुग्मे पूर्वबुद्धक्षोत्रावरोपितकुशलबीजसंततीनामनेकेषां सत्त्वशतसहस्राणां सद्धर्मसलिलवर्षधारानिपातेन मोक्षाङ्कुरानभिवर्धयन्नुरुमुण्डे शैले॥
tadyathā hi vinītakāmadhātvīśvare dvitīyaśāstṛkalpe mahātmani sthaviropagupte suramanujamahoragāsuragaruḍayakṣagandharvavidyādharārcitapādayugme pūrvabuddhakṣotrāvaropitakuśalabījasaṃtatīnāmanekeṣāṃ sattvaśatasahasrāṇāṃ saddharmasalilavarṣadhārānipātena mokṣāṅkurānabhivardhayannurumuṇḍe śaile//
Sanskrit only: no published translation is held for this verse.
कार्यानुरोधात् प्रणतसकलसामन्तचूडामणिमयूखोद्भासितपादपीठस्याशोकस्य राज्ञः पूर्वं पांशुप्रदानं समनुस्मरिष्यामः।
kāryānurodhāt praṇatasakalasāmantacūḍāmaṇimayūkhodbhāsitapādapīṭhasyāśokasya rājñaḥ pūrvaṃ pāṃśupradānaṃ samanusmariṣyāmaḥ/
Sanskrit only: no published translation is held for this verse.
इत्येवमनुश्रूयते--
ityevamanuśrūyate--
Sanskrit only: no published translation is held for this verse.
भगवान् राजगृहे विहरति वेणुवने कलिन्दकनिवापे। अथ भगवान् पूर्वाह्णे निवास्य पात्रचीवरमादाय भिक्षुगणपरिवृतो भिक्षुसंघपुरस्कृतो राजगृहं पिण्डाय प्राविक्षत्।
bhagavān rājagṛhe viharati veṇuvane kalindakanivāpe/ atha bhagavān pūrvāhṇe nivāsya pātracīvaramādāya bhikṣugaṇaparivṛto bhikṣusaṃghapuraskṛto rājagṛhaṃ piṇḍāya prāvikṣat/
Sanskrit only: no published translation is held for this verse.
वक्ष्यति च--
vakṣyati ca--
Sanskrit only: no published translation is held for this verse.
कनकाचलसंनिभाग्रदेहो द्विरदेन्द्रप्रतिमः सलीलगामी।
kanakācalasaṃnibhāgradeho dviradendrapratimaḥ salīlagāmī/
Sanskrit only: no published translation is held for this verse.
पारिपूर्णशशाङ्कसौम्यवक्त्रो भगवान् भिक्षुगणैर्वृतो जगाम॥५५॥
pāripūrṇaśaśāṅkasaumyavaktro bhagavān bhikṣugaṇairvṛto jagāma//55//
Sanskrit only: no published translation is held for this verse.
यावद्भगवता साभिसंस्कारं नगरद्वारे पादं प्रतिष्ठापितम्। धर्मता खलु यस्मिन् समये बुद्धा भगवन्तः साभिसंस्कारं नगरद्वारमिन्द्रकीले पादौ व्यवस्थापयन्ति, तदा चित्राण्यद्भुतानि प्रादुर्भवन्ति।
yāvadbhagavatā sābhisaṃskāraṃ nagaradvāre pādaṃ pratiṣṭhāpitam/ dharmatā khalu yasmin samaye buddhā bhagavantaḥ sābhisaṃskāraṃ nagaradvāramindrakīle pādau vyavasthāpayanti, tadā citrāṇyadbhutāni prādurbhavanti/
Sanskrit only: no published translation is held for this verse.
अन्धाश्चक्षूंषि प्रतिलभन्ते। बधिराः श्रोत्रग्रहणसमर्था भवन्ति।
andhāścakṣūṃṣi pratilabhante/ badhirāḥ śrotragrahaṇasamarthā bhavanti/
Sanskrit only: no published translation is held for this verse.
पङ्गवो गमनसमर्था भवन्ति।
paṅgavo gamanasamarthā bhavanti/
Sanskrit only: no published translation is held for this verse.
जन्मजन्मवैरानुबद्धाः सत्त्वास्तदनन्तरं मैत्रचित्रतां लभन्ते। वत्सा दामानि च्छित्त्वा मातृभिः सार्धं समागच्छन्ति।
janmajanmavairānubaddhāḥ sattvāstadanantaraṃ maitracitratāṃ labhante/ vatsā dāmāni cchittvā mātṛbhiḥ sārdhaṃ samāgacchanti/
Sanskrit only: no published translation is held for this verse.
हस्तिनस् त्रोशन्ति, अश्वा हेषन्ते, ऋषभा गर्जन्ति, शुकशारिककोकिलजीवंजीवकबर्हिणो मधुरान् शब्दान् निकूजन्ति।
hastinas trośanti, aśvā heṣante, ṛṣabhā garjanti, śukaśārikakokilajīvaṃjīvakabarhiṇo madhurān śabdān nikūjanti/
Sanskrit only: no published translation is held for this verse.
पेडागता अलंकारा मधुरशब्दं निश्चारयन्ति।
peḍāgatā alaṃkārā madhuraśabdaṃ niścārayanti/
Sanskrit only: no published translation is held for this verse.
अपराहतानि च वादित्रभाण्डानि मधुरं शब्दं निश्चारयन्ति। उन्नतोन्नताः पृथिवीप्रदेशा अवनमन्ति।
aparāhatāni ca vāditrabhāṇḍāni madhuraṃ śabdaṃ niścārayanti/ unnatonnatāḥ pṛthivīpradeśā avanamanti/
Sanskrit only: no published translation is held for this verse.
अवनताश्चोन्नमन्ति, अपगतपाषाणशर्करकपालाश्चावतिष्ठन्ते। इयं च तस्मिन् समये पृथिवी षडनिकारं प्रकम्पते।
avanatāśconnamanti, apagatapāṣāṇaśarkarakapālāścāvatiṣṭhante/ iyaṃ ca tasmin samaye pṛthivī ṣaḍanikāraṃ prakampate/
Sanskrit only: no published translation is held for this verse.
तद्यथा--पूर्वो दिग्भाग उन्नमति पश्चिमो ऽवनमति, अन्तो ऽवनमति मध्य उन्नमति, चलितः प्रचलितो वेधितः प्रवेधितः।
tadyathā--pūrvo digbhāga unnamati paścimo 'vanamati, anto 'vanamati madhya unnamati, calitaḥ pracalito vedhitaḥ pravedhitaḥ/
Sanskrit only: no published translation is held for this verse.
इतीमे चान्ये चाद्भुतधर्माः प्रादुर्भवन्ति भगवतो नगरप्रवेशे।
itīme cānye cādbhutadharmāḥ prādurbhavanti bhagavato nagarapraveśe/
Sanskrit only: no published translation is held for this verse.
वक्ष्यति च--
vakṣyati ca--
Sanskrit only: no published translation is held for this verse.
लवणजलनिवासिनी ततो वा नगरनिगममण्डिता सशैला।
lavaṇajalanivāsinī tato vā nagaranigamamaṇḍitā saśailā/
Sanskrit only: no published translation is held for this verse.
मुनिचरणनिपीडिता च भूमी पवनबलाभिहतेव यावपात्रम्॥५६॥
municaraṇanipīḍitā ca bhūmī pavanabalābhihateva yāvapātram//56//
Sanskrit only: no published translation is held for this verse.
अथ बुद्धप्रवेशकालनियतैः प्रातिहार्यैरावर्ह्जिताः स्त्रीमनुष्यास्तन्नगरमनिलबलचलितभिन्नवीचीतरङ्गक्षुभितमिव महासमुद्रं विमुक्तोच्चनादं बभूव।
atha buddhapraveśakālaniyataiḥ prātihāryairāvarhjitāḥ strīmanuṣyāstannagaramanilabalacalitabhinnavīcītaraṅgakṣubhitamiva mahāsamudraṃ vimuktoccanādaṃ babhūva/
Sanskrit only: no published translation is held for this verse.
न हि बुद्धप्रवेशतुल्यं नाम जगत्यद्भुतमुपलभ्यते।
na hi buddhapraveśatulyaṃ nāma jagatyadbhutamupalabhyate/
Sanskrit only: no published translation is held for this verse.
पुरप्रवेशसमये हि भगवतश्चित्राण्यद्भुतानि दृश्यन्ते। वक्ष्यति च--
purapraveśasamaye hi bhagavataścitrāṇyadbhutāni dṛśyante/ vakṣyati ca--
Sanskrit only: no published translation is held for this verse.