Library·Divyāvadāna·230
<२३०>निंना चोन्नमते नतावनमते बुद्धानुभावान्मही स्थाणुः शर्करकण्डकव्यपगतो निर्दोषताम् याति च।
<230>niṃnā connamate natāvanamate buddhānubhāvānmahī sthāṇuḥ śarkarakaṇḍakavyapagato nirdoṣatām yāti ca/
Sanskrit only: no published translation is held for this verse.
अन्धा मूकजडेन्द्रियाश्च पुरुषा व्यक्तेन्द्रियास्तत्क्षणं संवाद्यन्त्यनिघट्टिताश्च नगरे नन्दन्ति तूर्यखनाः॥५७॥
andhā mūkajaḍendriyāśca puruṣā vyaktendriyāstatkṣaṇaṃ saṃvādyantyanighaṭṭitāśca nagare nandanti tūryakhanāḥ//57//
Sanskrit only: no published translation is held for this verse.
सर्वं च तन्नगरं सूर्यसहस्रातिरेकया कनकमरीचिवर्णया बुद्धप्रभया स्फुटं बभूव।
sarvaṃ ca tannagaraṃ sūryasahasrātirekayā kanakamarīcivarṇayā buddhaprabhayā sphuṭaṃ babhūva/
Sanskrit only: no published translation is held for this verse.
आह च--
āha ca--
Sanskrit only: no published translation is held for this verse.
सूर्यप्रभामवभर्त्स्य हि तस्य भाभिर्व्याप्तं जगत्सकलमेव सकाननस्थम्।
sūryaprabhāmavabhartsya hi tasya bhābhirvyāptaṃ jagatsakalameva sakānanastham/
Sanskrit only: no published translation is held for this verse.
संप्राप्य च प्रवरधर्मकथाभिरामो लोकं सुरासुरनरं हि समुक्तभावम्॥५८॥
saṃprāpya ca pravaradharmakathābhirāmo lokaṃ surāsuranaraṃ hi samuktabhāvam//58//
Sanskrit only: no published translation is held for this verse.
यावद्भगवान् राजमार्गं प्रतिपन्नः। तत्र द्वौ बालदारकौ। एको ऽग्रकुलिकपुत्रो द्वितीयः कुलिकपुत्रश्च पांश्वागारैस् त्रीडतः।
yāvadbhagavān rājamārgaṃ pratipannaḥ/ tatra dvau bāladārakau/ eko 'grakulikaputro dvitīyaḥ kulikaputraśca pāṃśvāgārais trīḍataḥ/
Sanskrit only: no published translation is held for this verse.
एकस्य जयो नाम, द्वितीयस्य विजयः। ताभ्यां भगवान् दृष्टो द्वात्रिंशन्महापुरुषलक्षणालंकृतशरीरह् असेचनकदर्शनश्च।
ekasya jayo nāma, dvitīyasya vijayaḥ/ tābhyāṃ bhagavān dṛṣṭo dvātriṃśanmahāpuruṣalakṣaṇālaṃkṛtaśarīrah asecanakadarśanaśca/
Sanskrit only: no published translation is held for this verse.
यावज्जयेन दारकेन सक्तुं दास्यामीति पांश्वञ्जलिर्भगवतः पात्रे प्रक्षिप्तः, विजयेन च कृताञ्जलिनाभ्यनुमोदितम्।
yāvajjayena dārakena saktuṃ dāsyāmīti pāṃśvañjalirbhagavataḥ pātre prakṣiptaḥ, vijayena ca kṛtāñjalinābhyanumoditam/
Sanskrit only: no published translation is held for this verse.
वक्ष्यति च--
vakṣyati ca--
Sanskrit only: no published translation is held for this verse.
दृष्ट्वा महाकारुणिकं स्वयम्भवं व्यामप्रभोद्द्योतितसर्वगात्रम्।
dṛṣṭvā mahākāruṇikaṃ svayambhavaṃ vyāmaprabhoddyotitasarvagātram/
Sanskrit only: no published translation is held for this verse.
धीरेण वक्त्रेण कृतप्रसादः पांशुं ददौ जातिजरान्तकाय॥५९॥
dhīreṇa vaktreṇa kṛtaprasādaḥ pāṃśuṃ dadau jātijarāntakāya//59//
Sanskrit only: no published translation is held for this verse.
स भगवते प्रतिपादयित्वा प्रणिधानं कर्तुमारब्धह्--अनेनाहं कुशलमूलेन एकच्छत्रायां पृथिव्यां राजा स्याम्, अत्रैव च बुद्धे कारां कुर्यामिति।
sa bhagavate pratipādayitvā praṇidhānaṃ kartumārabdhah--anenāhaṃ kuśalamūlena ekacchatrāyāṃ pṛthivyāṃ rājā syām, atraiva ca buddhe kārāṃ kuryāmiti/
Sanskrit only: no published translation is held for this verse.
ततो मुनिस्तस्य निशाभ्य भावं बालस्य सम्यक्प्रणिधिं च बुद्ध्वा।
tato munistasya niśābhya bhāvaṃ bālasya samyakpraṇidhiṃ ca buddhvā/
Sanskrit only: no published translation is held for this verse.
इष्टं फलं क्षृत्रवशेन दृष्ट्वा जग्राह पांशुं करुणायमानः॥६०॥
iṣṭaṃ phalaṃ kṣṛtravaśena dṛṣṭvā jagrāha pāṃśuṃ karuṇāyamānaḥ//60//
Sanskrit only: no published translation is held for this verse.
तेन यावद्राज्यविपाक्यं कुशलमाक्षिप्तम्। ततो भवता स्मितं विदर्शितम्। धर्मता खलु यस्मिन् समये बुद्धा भगवन्तः स्मितं विदर्शयन्ति, तस्मिन् समये नीलपीतलोहितावदातमञ्जिष्ठस्फटिकरजतवर्णा अर्चिषो मुखान्निश्चरन्ति।
tena yāvadrājyavipākyaṃ kuśalamākṣiptam/ tato bhavatā smitaṃ vidarśitam/ dharmatā khalu yasmin samaye buddhā bhagavantaḥ smitaṃ vidarśayanti, tasmin samaye nīlapītalohitāvadātamañjiṣṭhasphaṭikarajatavarṇā arciṣo mukhānniścaranti/
Sanskrit only: no published translation is held for this verse.
केचिदूर्ध्वतो गच्छन्ति, केचिदधस्ताद्गच्छन्ति।
kecidūrdhvato gacchanti, kecidadhastādgacchanti/
Sanskrit only: no published translation is held for this verse.
ये ऽधो गच्छन्ति, ते संजीवं कालसूत्रं संघातं रौरवं महारौरवं तपनं प्रतापनमवीचिपर्यन्तेषु गत्वा ये शीतनरकास्तेषूष्णीभूत्वा निपतन्ति, ये उष्णनरकास्तेषु शीतीभूत्वा निपतन्ति।
ye 'dho gacchanti, te saṃjīvaṃ kālasūtraṃ saṃghātaṃ rauravaṃ mahārauravaṃ tapanaṃ pratāpanamavīciparyanteṣu gatvā ye śītanarakāsteṣūṣṇībhūtvā nipatanti, ye uṣṇanarakāsteṣu śītībhūtvā nipatanti/
Sanskrit only: no published translation is held for this verse.
तेन तेषां सत्त्वानां कारणाविशेषाः प्रतिप्रस्रभ्यन्ते। तेषामेवं भवति--किं नु <२३१>भवन्तो वयमितश्च्युताः, आहोस्विदन्यत्रोपपन्ना इति, येनास्माकं कारणाविशेषाः प्रतिप्रस्रब्धाः।
tena teṣāṃ sattvānāṃ kāraṇāviśeṣāḥ pratiprasrabhyante/ teṣāmevaṃ bhavati--kiṃ nu <231>bhavanto vayamitaścyutāḥ, āhosvidanyatropapannā iti, yenāsmākaṃ kāraṇāviśeṣāḥ pratiprasrabdhāḥ/
Sanskrit only: no published translation is held for this verse.