Library·Divyāvadāna·231
तेषां भगवान् प्रसादसंजननार्थं निर्मितं विसर्जयति। तेषामेवं भवति--न वयमितश्च्युताः, नाप्यन्यत्रोपपन्नाः।
teṣāṃ bhagavān prasādasaṃjananārthaṃ nirmitaṃ visarjayati/ teṣāmevaṃ bhavati--na vayamitaścyutāḥ, nāpyanyatropapannāḥ/
Sanskrit only: no published translation is held for this verse.
अपि त्वयमपूर्वदर्शनह् सत्त्वह् । अस्यानुभावेनास्माकं कारणाविशेषाः प्रतिप्रस्रब्धा इति।
api tvayamapūrvadarśanah sattvah / asyānubhāvenāsmākaṃ kāraṇāviśeṣāḥ pratiprasrabdhā iti/
Sanskrit only: no published translation is held for this verse.
ते निर्मिते चित्तानि प्रसादयित्वा नरकवेदनीयानि कर्माणि क्षपयित्वा देवमनुष्येषु प्रतिसंधिं गृह्णन्ति यत्र सत्यानां भाजनभूता भवन्ति।
te nirmite cittāni prasādayitvā narakavedanīyāni karmāṇi kṣapayitvā devamanuṣyeṣu pratisaṃdhiṃ gṛhṇanti yatra satyānāṃ bhājanabhūtā bhavanti/
Sanskrit only: no published translation is held for this verse.
ये ऊर्द्ध्वतो गच्छन्ति, ते चातुर्महाराजिकान् देवांस्त्रायस्त्रिंशान् यामांस्तुषितान्निर्माणरतीन् परनिर्मितवशवर्तिनो ब्रह्मकायिकान् ब्रह्मपुरोहितान् महाब्रह्मान् परीत्ताभानप्रमाणाभानाभास्वरान् परीत्तशुभानप्रमाणशुभाञ् शुभकृत्स्नाननभ्रकान् पुण्यप्रसवान् बृहत्फलानबृहानतपान् सुदृशान् सुदर्शनानकनिष्ठपर्यन्तेषु देवेषु गत्वा अनित्यं दुःखं शून्यमनात्मेत्युद्धोषयन्ति।
ye ūrddhvato gacchanti, te cāturmahārājikān devāṃstrāyastriṃśān yāmāṃstuṣitānnirmāṇaratīn paranirmitavaśavartino brahmakāyikān brahmapurohitān mahābrahmān parīttābhānapramāṇābhānābhāsvarān parīttaśubhānapramāṇaśubhāñ śubhakṛtsnānanabhrakān puṇyaprasavān bṛhatphalānabṛhānatapān sudṛśān sudarśanānakaniṣṭhaparyanteṣu deveṣu gatvā anityaṃ duḥkhaṃ śūnyamanātmetyuddhoṣayanti/
Sanskrit only: no published translation is held for this verse.
गाथाद्वयं च भाषन्ते--
gāthādvayaṃ ca bhāṣante--
Sanskrit only: no published translation is held for this verse.
आरभध्वं निष्क्रामत युज्यध्वं बुद्धशासने।
ārabhadhvaṃ niṣkrāmata yujyadhvaṃ buddhaśāsane/
Sanskrit only: no published translation is held for this verse.
धुनीत मृत्युनः सैन्यं नडागारमिव कुञ्जरः॥६१॥
dhunīta mṛtyunaḥ sainyaṃ naḍāgāramiva kuñjaraḥ//61//
Sanskrit only: no published translation is held for this verse.
यो ह्यस्मिन् धर्मविनये अप्रमत्तश्चरिष्यति।
yo hyasmin dharmavinaye apramattaścariṣyati/
Sanskrit only: no published translation is held for this verse.
प्रहाय जातिसंसारं दुःखस्यान्तं करिष्यति॥६२॥
prahāya jātisaṃsāraṃ duḥkhasyāntaṃ kariṣyati//62//
Sanskrit only: no published translation is held for this verse.
अथ ता अर्चिषस्त्रिसाहस्रमहासाहस्रं लोकधातुमन्वाहिण्ड्य भगवन्तमेवानुगच्छन्ति।
atha tā arciṣastrisāhasramahāsāhasraṃ lokadhātumanvāhiṇḍya bhagavantamevānugacchanti/
Sanskrit only: no published translation is held for this verse.
यदि भगवानतीतं कर्म व्याकर्तुकामो भवति, पृष्ठतो ऽन्तर्धीयन्ते। अनागतं व्याकर्तुकामो भवति, पुरतो ऽन्तर्धीयन्ते।
yadi bhagavānatītaṃ karma vyākartukāmo bhavati, pṛṣṭhato 'ntardhīyante/ anāgataṃ vyākartukāmo bhavati, purato 'ntardhīyante/
Sanskrit only: no published translation is held for this verse.
नरकोपपत्तिं व्याकर्तुकामो भवति, पादतले ऽन्तर्धीयन्ते। तिर्यगुपपत्तिं व्याकर्तुकामो भवति, पार्ष्ण्यामन्तर्धीयन्ते।
narakopapattiṃ vyākartukāmo bhavati, pādatale 'ntardhīyante/ tiryagupapattiṃ vyākartukāmo bhavati, pārṣṇyāmantardhīyante/
Sanskrit only: no published translation is held for this verse.
प्रेतोपपत्तिं व्याकर्तुकामो भवति, पादाङ्गुष्ठे ऽन्तर्धीयन्ते।
pretopapattiṃ vyākartukāmo bhavati, pādāṅguṣṭhe 'ntardhīyante/
Sanskrit only: no published translation is held for this verse.
मनुष्योपपत्तिं व्याकर्तुकामो भवति, जानुनो ऽन्तर्धीयन्ते। बलचक्रवर्तिराज्यं व्याकर्तुकामो भवति, वामे करतले ऽन्तर्धीयन्ते।
manuṣyopapattiṃ vyākartukāmo bhavati, jānuno 'ntardhīyante/ balacakravartirājyaṃ vyākartukāmo bhavati, vāme karatale 'ntardhīyante/
Sanskrit only: no published translation is held for this verse.
चक्रवर्तिराज्यं व्याकर्तुकामो भवति, दक्षिणे करतले ऽन्तर्धीयन्ते।
cakravartirājyaṃ vyākartukāmo bhavati, dakṣiṇe karatale 'ntardhīyante/
Sanskrit only: no published translation is held for this verse.
देवोपपत्तिं व्याकर्तुकामो भवति, नाभ्यामन्तर्धीयन्ते। श्रावकबोधिं व्याकर्तुकामो भवति, आस्ये ऽन्तर्धीयन्ते।
devopapattiṃ vyākartukāmo bhavati, nābhyāmantardhīyante/ śrāvakabodhiṃ vyākartukāmo bhavati, āsye 'ntardhīyante/
Sanskrit only: no published translation is held for this verse.
प्रत्येकां बोधिं व्याकर्तुकामो भवति, ऊर्णायामन्तर्धीयन्ते।
pratyekāṃ bodhiṃ vyākartukāmo bhavati, ūrṇāyāmantardhīyante/
Sanskrit only: no published translation is held for this verse.
अनुत्तरां सम्यक्सम्बोधिं व्याकर्तुकामो भवति, उष्णीषे ऽन्तर्धीयन्ते। अथ ता अर्चिषो भगवन्तं त्रिः प्रदक्षिणीकृत्य भगवतो वामे करतले ऽन्तर्हिताः।
anuttarāṃ samyaksambodhiṃ vyākartukāmo bhavati, uṣṇīṣe 'ntardhīyante/ atha tā arciṣo bhagavantaṃ triḥ pradakṣiṇīkṛtya bhagavato vāme karatale 'ntarhitāḥ/
Sanskrit only: no published translation is held for this verse.
अथायुष्मानानन्दः कृताञ्जलिपुटो गाथां भासते--
athāyuṣmānānandaḥ kṛtāñjalipuṭo gāthāṃ bhāsate--
Sanskrit only: no published translation is held for this verse.
विगतोद्भवा दैन्यमदप्रहीणा बुद्धा जगत्युत्तमहेतुभूताः।
vigatodbhavā dainyamadaprahīṇā buddhā jagatyuttamahetubhūtāḥ/
Sanskrit only: no published translation is held for this verse.
नाकारणं शङ्खमृणालगौरं स्मितं विदर्शयन्ति जिना जितारयः॥३६॥
nākāraṇaṃ śaṅkhamṛṇālagauraṃ smitaṃ vidarśayanti jinā jitārayaḥ//36//
Sanskrit only: no published translation is held for this verse.
तत्कालं स्वयमधिगम्य वीर बुद्ध्या श्रोतृर्णां श्रमण जिनेन्द्र काङ्क्षितानाम्।
tatkālaṃ svayamadhigamya vīra buddhyā śrotṛrṇāṃ śramaṇa jinendra kāṅkṣitānām/
Sanskrit only: no published translation is held for this verse.
धीराभिर्मुनिवृष वाग्भिरुत्तमाभिरुत्पन्नं व्यपनय संशयं शुभाभिः॥६४॥
dhīrābhirmunivṛṣa vāgbhiruttamābhirutpannaṃ vyapanaya saṃśayaṃ śubhābhiḥ//64//
Sanskrit only: no published translation is held for this verse.